7 motive për t’u dashuruar me një mashkull me mjekër
11 Prill 2014 | : Ndryshe | Autor: Gazeta Shqip
2
Mjekra është një element i rëndësishëm te mashkulli. Por a janë të sigurta femrat se dinë gjithçka mbi këtë gjë? Zbulojeni më poshtë…
Simbolika
7. Burrë me mjekër, burrë me… “substanca”!
Le ta fillojmë me këtë kuriozitet të pabesueshëm: mjekra, përveçse është simbol i burrërisë, është edhe simbol i potencës seksuale!
6. Mjekra është sinonim i një lëkure të butë
Mjekra nënkupton edhe një lëkurë të butë. Lëkura e meshkujve me mjekër është zakonisht shumë e bukur, pa puçrra dhe pa irritime. Vetëm ata që vuajnë nga këto probleme, e rruajnë mjekrën. Ndërkohë ata që nuk e bëjnë një gjë të tillë kanë një lëkurë të shëndetshme, të mbrojtur nga dehidratimi si dhe nga faktorët atmosferikë!
5. Mashkulli me mjekër nuk do të ketë kurrë rrudha të parakohshme
A mund të jetë mjekra burim i rinisë? Kështu raportohet nga një studim i kryer nga Universiteti i Southern Queensland, sipas të cilit, mjekra e meshkujve bllokon deri në 95% të rrezeve ultraviolet, duke parandaluar rrezikun e melanomës, e pranishme në fytyrën e burrave, e vërejtur 4 nga 5 raste. Një mbrojtje më shumë për të mos u nënvlerësuar!
4. Mjekra është shenjë e pjekurisë dhe e bukurisë
Ashtu siç thuhet, një mashkull do të dukej deri në 8 vjet më i madh nëse mjekra rruhet njëtrajtësisht. Në fakt, një grup grash, pasi kanë parë një foto të princit William (31 vjeç), e përcaktuan atë si 36 vjeç! Pra mjekra është shenjë pjekurie, por edhe bukurie!
3. Është provuar shkencërisht se mashkulli me mjekër është më burrëror
Sipas një studimi të publikuar në “Evolution and Human Behaviour”, sa më shumë qime të ketë në fytyrë një mashkull, aq më burrëror duket ai, jo vetëm në sytë e femrave, por edhe të meshkujve të tjerë! Është shumë e vërtetë që mjekra është simbol i burrërisë.
2. Mashkulli me mjekër është më i “frikshëm” për burrat e tjerë
A keni frikë nga meshkujt me mjekër? Në fakt, janë luftëtarë! Sipas një studimi të publikuar nga “Behavorial Ecology”, meshkujt me mjekër duken më të frikshëm dhe më të fortë nga meshkujt e tjerë! Studiuesit janë të bindur për faktin se mjekra i bën nofullat e një burri që të duken më të mëdha, ndërsa pamjen e jashtme të tyre më agresive!
1. Mashkulli me mjekër është më modern
Motivi i parë është ndoshta nga më të rëndësishmit. Mashkulli me mjekër është më modern, bën përshtypje, sidomos në këto kohë. A e dinit se një numër i madh meshkujsh tashmë kanë filluar t’i drejtohen mjekut për të pasur një mjekër më të dendur dhe të fortë?! Kjo lloj “vizite” po kthehet në një tendencë! “Amazon” ka regjistruar një përqindje të madhe shitjesh të makinave të rrojës (që nuk i pret qimet e fytyrës deri në rrëzë), me 47%.
Si funksionon transplanti i mjekrës?
Qimet për transplantin e mjekrës zakonisht merren nga koka e pacientit (me gjithë rrënjë) dhe më pas mbillen me anë të një mikro-prerje në lëkurën e fytyrës. Operacioni kryhet brenda tetë orëve nën anestezi lokale dhe është i ngjashëm me atë të transplantit të flokëve. Pasi qimet transplantohen, ato fillojnë të rriten në mënyrë graduale. Pas pak kohësh qimet bien vetë duke lënë rrënjën të rrisë një qime të re të shëndetshme. Pasi të jetë shëruar totalisht, mjekra e re mund të rruhet rregullisht njëlloj si një mjekër natyrale. I tërë procesi kushton nga 3 mijë dollarë (për plotësime të vendeve bosh) deri në 7 mijë (për një mjekër të plotë)! “Para të shpenzuara më mirë se kurdoherë, sepse një burrë pa mjekër, është një grua”, ky duket se është edhe slogani i trendit më të fundit të bukurisë dhe të pjekurisë së meshkujve.
Përgjigju Duke Cituar
Postuar më parë nga mia@
Krijoni Kontakt