Qytetari i vogel nen thundren e Bosit te madh te gratacieleve..

[Brari]

Agjensia e Lajmeve "SOT"

Edi Rama, tentativë e re për të grabitur pronën e familjes Lonari

Ditën e djeshme punëtorët dhe policia bashkiake kanë zbarkuar në pronën e familjes Lonari për të zbatuar planin e shefit
Kryetari i Bashkisë së Tiranës, Edi Rama vazhdon sërish luftën me familjen Lonari të cilës ai vazhdimisht ka tentuar tu grabisë tokën për plotësimin e interesave të tij. Ditën e djeshme punëtorët e bashkisë kanë shkuar sërish në pronën e familjes Lonari ku kanë tentuar që të fillojnë punimet për ndërtimin e një trotuari në pronën e tyre. Sapo janë sjell materialet e ndërtimit punëtorët e bashkisë janë hasur me rezistencën e bërë prej motrave Fatime dhe Shega Lonari, të cilat me çdo kusht janë munduar që të mbrojnë tokën e tyre nga grabitja e Kryetarit të Bashkisë. Të kontaktuara nga “Gazeta SOT”, familja Lonari është shprehur se nuk do të lëmë askënd që të na cenoi pronën tonë dhe për më tepër do të kërkojmë dhe pjesën e tokës që na është grabitur pa të drejtë. Fatime Lonari ka pohuar për gazetën se ditën e djeshme aty kanë mbërritur disa mjete të cilat shkarkuan materialet e ndërtimit dhe një numër i madh punëtorësh. Këto makina të cila sollën materialet e ndërtimit ishin të shoqëruara edhe nga një fugon i policisë bashkiake i cili parakalonte pranë vendit ku ishte planifikuar që të ndërtohej trotuari, pohon zonja Lonari. Që në momentin e parë , unë dhe motra ime dolëm që të shikonim çfarë po bëhej pasi herë pas here vinë mjete dhe punëtorë të bashkisë që duan të kryejnë ndërtime në tokën tonë. Dolëm për të parë çfarë po bëhej dhe kush ishin personat që po cenonin sërish pronën tonë, pohon zonja Lonari. I kërkova sqarim se çfarë donin ata në tokën time dhe se nga kush e kishin marrë këtë urdhër. Njëri prej punëtorëve më tha që urdhrin e kemi marrë nga Shefi ynë që fillimisht të vendosim ndriçimin dhe pastaj të fillojmë me ndërtimin e lulishtes dhe trotuarit. U kërkova që të më lidhnin me shefin e tyre se në të kundërt do të lajmëroja policinë, pohon Lonari. Njëri prej punëtorëve foli në telefon me dikë tjetër i cili i dha urdhër që të tërhiqeshin, ndërkohë unë nga ana tjetër lajmërova policinë për ti kërkuar ndihmë. Pasi përfundova telefonatën njëri prej të dërguarve të bashkisë më komunikojë që do të largoheshin dhe do të riktheheshin sërish ditën e hënë për të zbatuar projektin e tyre. Nuk do të lejoj askënd që të më grabisë më pronën time. Edi Rama ka si synim të na shfarosi e të zbatojë planin rregullues ku nuk është përfshirë fare prona jonë duke e shndërruar atë në lulishte dhe rrugë, ka pohuar Fatime Lonari.
Rama e ka studiuar zonën që vite më parë
Fatime Lonari ka treguar për gazetën momentet e para kur Edi Rama ka shfaqur interesat e para për përvetësimin e pronës së tyre. Rama erdhi në lagjen tonë për të përuruar fillimet e punimeve për rrugën “Vaso Pasha”. Unë fillimisht nuk e dija se kush ishte, por pashë që kishte një grumbull njerëzish dhe u afrova. Në këtë kohë kur unë isha duke shkuar tek turma e njerëzve, Rama hipi në ca shkallë dhe po shikonte nga toka jonë që ishte e gjitha shesh dhe tha “kush e paska gjithë këtë vend të mirë këtu”. U afrova dhe i thashë që ajo është toka ime dhe ma ka lënë trashëgim babai. Nuk e dija që qëllimi i tij ishte të ndërhynte në pronën time dhe të familjes sime, -shprehet Fatimja. Rama kishte sjellë fadromat që të prishnin murin rrethues të shtëpisë dhe tokës sime, dhe në momentin që unë i thashë: kjo është toka ime, ai u kundërpërgjigj duke thënë “ik moj ti ca toka jote është kjo, prandaj e paske rrethuar me mure ti". Në këtë moment, vazhdon rrëfimin Fatimja, ai i bëri me shenjë fadromave që të vinin dhe të prishnin murin. E kundërshtova, i thashë që ti nuk mund të ma prishësh murin rrethues pasi atë e kam me leje ndërtimi të firmosur nga vetë ish Kryetari i Bashkisë, Albert Brojka, por Rama urdhërojë që ta prishnin murin vetëm me synimin që prona të ishte e hapur për çdo lloj punimi. Që nga kjo ditë e në vazhdim Rama ka pasur gjithmonë synimin për të na marrë tokën, pohon Lonari. Edhe pse u hapë një proces gjyqësor për murin e prishur, gjyq të cilin ne e fituam, Rama sërish ndërhyri duke më marrë tokën ku është ndërtuar pallati dhe vazhdon të prodhojë plane rregullues duke shfrytëzuar sërish pronën tonë, ka pohuar për gazetën Fatime Lonari. Ajo shprehet se këtë problem do vazhdojë ta ndjek deri sa drejtësia të shkojë në vend dhe asaj ti kthehet prona. Nuk do të lejoj, thotë znj. Lonari, që Rama të më nxjerrë fare në mes të rrugës. Pasi këtu kam që në kohën e Italianëve dhe kjo pronë është e blerë dy herë nga ana jonë dhe unë do ta mbrojë dhe me jetën time, vazhdon Fatimja. Unë po kërkojë që të më kthehet toka që më është marrë ndërsa Edi Rama nga ana tjetër do që të ma marrë edhe pjesën tjetër që më ka mbetur për ta shfrytëzuar për interesat e tija, pohon znj. Lonari. Ndërtesa ime një katëshe, ku unë banojë edhe sot, nuk është llogaritur edhe në lejen e ndërtimit që është dhënë për ndërtimin e pallatit të Alban Xhillarit, pasi pallati është ndërtuar ngjitur me shtëpinë time. Kur u hapën gropat dhe u hodhën themelet e para të pallatit për shkak të distancës së vogël shtëpia ime ka pësuar çarje në të gjitha anët. Mbase shtëpia jonë është e vogël dhe nuk ka shumë rëndësi për Ramën e Xhillarin por jo të gjithë i kanë mundësitë për të jetuar në vila luksoze, pohon Lonari, unë këto mundësi kam dhe në këtë shtëpi jetoj, e mirë apo e keqe kjo është shtëpia ime dhe askush nuk ka të drejtë që të ma prishë, ka përfunduar rrëfimin e saj Fatime Lonari.



sot

[Syte_e_Tigrit]

Epo ne fund te fundit,edhe E Rama,nip dhe sternip i Ali Pashes eshte.
Pastaj eshte nje program qe po zbatohet mes duket akoma,qe te gjithe ish pronaret te degedisen sa me larg te jete e mundur,e te fshihen cepave te europes,amerikes,canadase.....ect.
TUNG.

[Dajti]

“Taçi Oil” blen 100 milionë euro “Sheraton”
» Vendosur: 18/01/2009 - 14:13
•

Për herë të parë një kompani shqiptare do të ketë në administrimin e saj një prej hoteleve më të njohur. Kompania “Taçi Oil” ka përfunduar blerjen e 100 për qind të aksioneve të hotel “Sheraton” në Tiranë. Në një prononcim për gazetën “Panorama”, presidenti i kësaj kompanie, Rezart Taçi, ka zbardhur detajet e kësaj marrëveshjeje.
Marrëveshja
Kompania “Taçi Oil” ka ofruar plot 100 milionë euro për blerjen e hotelit “Sheraton” në Tiranë. Sipas presidentit të kompanisë “Taçi Oil”, brenda një afati të shkurtër kohor kompania që ai drejton do të investojë gati 20 milionë euro, në mënyrë që “Sheraton” të jetë një hotel me shtatë yje. “Për herë të parë ne po investojmë në fushën e hotelerisë. Ne kemi nënshkruar marrëveshjen prej 100 milionë eurosh për blerjen e 100 për qind të aksioneve të hotel ‘Sheraton’. Ne kemi në plan të investojmë plot 20 milionë euro në këtë hotel, në mënyrë që hotel ‘Sheraton’ të ofrojë një shërbim akoma dhe më cilësor se tani. Ne synojmë të arrijmë një standard edhe më të mirë menaxhimi për ta kthyer hotel ‘Sheraton’ në një prej hoteleve më të mirë në Ballkan”, tha ai. Falë investimeve që kompania “Taçi Oil” ka planifikuar të kryejë, ky hotel nuk do të ketë më pesë yje, por shtatë. Kjo do të thotë se hotel “Sheraton” në Tiranë do të jetë i vetmi hotel në Ballkan që do të mbajë shtatë yje. “Ne synojmë që të kemi të vetmin hotel në Ballkan me shtatë yje”, tha Taçi. Por edhe pse hotel “Sheraton” nuk do të jetë më pronë e grupit “Al Kharaf”, ky hotel do të vazhdojë të jetë pjesë e rrjetit “Sheraton”. E thënë ndryshe, “Taçi Oil” do të jetë e vetmja kompani shqiptare që do të përfaqësojë një emër të njohur në fushën e hotelerisë.
Projektet
Kompania “Taç Oil” së shpejti do të jetë prezent edhe në tregun bankar në vend. “Sapo kemi përfunduar blerjen e një banke. Aktualisht janë në përfundim e sipër edhe procedurat ligjore për mbylljen e kësaj blerje”, u shpreh ai. Madje, sipas tij, duke qenë se ata vetë vijnë nga fusha e biznesit, me blerjen e kësaj banke ata do të ofrojnë kushte më të mira për sipërmarrësit që do të jenë klientë të kësaj banke.


ARMO, 80 milionë USD investime

“Taçi Oil” si pjesë e konsorciumit “Anika Enterprises Rafinery of Texas&Mercuria Energy group” ka fituar tenderin ndërkombëtar për blerjen e rafinerisë së naftës ARMO. Sipas presidentit të kompanisë “Taçi Oil”, vitin e parë ata kanë planifikuar të investojnë 80 milionë dollarë, nga ku 40 milionë dollarë do të investohen për ambientin dhe pjesa tjetër për përmirësimin dhe arritjen e standardeve evropiane në nënproduktet e naftës. Me përfundimin e këtij procesi, konsumatorët shqiptarë do të kenë mundësi që të blejnë karburant cilësor, por mbi të gjitha me çmim më të ulët. Në tenderin e zhvilluar në maj të 2008-ës, ky konsorcium ofroi 125 milionë euro për blerjen e ARMO-s. Përveç kësaj, konsorciumi fitues do të investojë dhe 240.5 milionë euro brenda katër viteve.



100 milione
euro është shuma që kompania “Taçi Oil” ka ofruar për blerjen e hotel “Sheraton” në Tiranë. Brenda një kohe të shkurtër kjo kompani do të investojë edhe 20 milionë euro

80 milione
USD do të investohen vitin e parë në rafinerinë e naftës ARMO. Rreth 40 milionë USD do investohen për përmirësimin dhe arritjen e standardeve evropiane në nënproduktet e naftës


Hoteli
Hotel “Sheraton” është i pari dhe i vetmi hotel që njihet ndërkombëtarisht me 5 yje. Hoteli gjendet në zemër të Tiranës, brenda një kompleksi biznesi, tregtimi dhe zbavitjeje, fare pranë shumë bizneseve dhe ambasadave. Hoteli ka një total prej 151 dhomash, duke përfshirë edhe 56 suita dhe katet e dy kullave.

..do te mundohem te gjej se ku e kam lexuar kete analize qe nxjer klanin Berisha pas Taci-Oil

[Dajti]

Në emër të djalit, të vajzës, Lulit, dhe Fatmirit…
Nga Mero Baze

Doganat shqiptare kanë hequr nga programi i tyre kompjuterik naftën D2 duke shkelur ligjin, me qëllim që të pengojnë çdo importues tjetër nafte ta sjellë atë në Shqipëri, duke lënë prodhues dhe shitës të vetëm Rezart Taçin, pronarin e ri të ARMO-s. Ky fakt, i cili është ende larg veshëve dhe syve të qytetarëve shqiptarë, do të ndjehet pak nga pak me kalimin e ditëve, kur makinat shqiptare, në vend të naftës normale, do të kenë vetëm naftë Ballshi, të tregtuar dhe përzier me naftën tjetër nga Rezart Taçi, me një përqindje të tillë squfuri, që është e patolerueshme për çdo qenie të gjallë. Për t’ua bërë më të qartë qytetarëve shqiptarë këtë problem duhet të shpjegojmë si ka ndodhur kjo histori. Rezart Taçi vendosi të privatizojë ARMO-n me ndihmën e familjes Berisha, pa pasur asnjë qindarkë në xhep. Atëherë, nën këshillat e studios ligjore të vajzës së Sali Berishës u formua një konsorcium fals, ku pjesëtarë të saj ishin: një agjente e Rezart Taçit në Zvicër, një kompani fantazmë nga SHBA me pesë punëtorë, dhe zemra reale e konsorciumit, kompania “Mercuria Investment” me bazë në Limasol të Qipros. Kjo e fundit është një përfaqësi e prodhuar nga familja Berisha përmes disa transaksioneve të Damir Fazlliçit në Qipro. Duke qenë kompani anonime, dhe duke ardhur me bazë nga Qipro, ruhet deri në fund anonimati i pronarëve të vërtetë të kësaj kompanie, që realisht të çojnë te familja Berisha. Kjo kompani, e cila hyri me dhjetë për qind, i ngriti kuotat menjëherë në 25 për qind, pasi u sigurua se tenderi u fitua. Pas kësaj konsorciumi i Berishës u transformua dhe në krye të tij u shfaq partneri i vërtetë i familjes Berisha, Rezart Taçi. Ky i fundit, edhe pse ishte akuzuar dikur nga Berisha si trafikant i madh nafte, arriti të depërtonte në familje, duke çuar gruan e tij si bamirëse te fondacioni i Liri Berishës dhe vetë duke shkuar te studioja e Argita Berishës. Pasi siguroi blerjen e ARMO-s, Taçi dhe familja Berisha ndryshuan kushtet e tenderit. Në muajin korrik qeveria vendosi që i vetmi subjekt që kishte të drejtë të tregtonte naftë D2 në Shqipëri ishte ARMO, duke ndryshuar kështu rregullat për të cilat ishte konkurruar në tender pas përfundimit të tenderit. Mjafton kaq që ministri Ruli të shkojë për ndjekje penale në prokurori për shkelje të barazisë dhe shanseve të barabarta në tender. Vendimi i qeverisë, i cili i jep Rezart Taçit ekskluzivitetin e një produkti në treg, përveçse shkel konventat ndërkombëtare të Shqipërisë me OBT dhe angazhimet e Shqipërisë me MSA, dhunon tregun shqiptar dhe iu dikton qytetarëve shqiptarë të djegin në makinat e tyre ilegalisht naftë Ballshi nga Rezart Taçi me një përqindje vdekjeprurëse squfuri, e cila nuk duhet të tregtohet kurrë pa u rafinuar në rafineri jashtë Shqipërisë që kanë standarde të pranueshme të nivelit të squfurit.

Ky privilegj që iu dha Rezart Taçit, u pasua me një manovër në akcizën e naftës që shet ARMO, duke e ulur atë me 100 lekë të vjetra për litër, dhe tashmë tregu i naftës thuajse ka vdekur. I vetmi që është në treg me privilegje të ligjëruara nga kryeministri dhe ministri i Ekonomisë është Rezart Taçi. Nën sigurinë e këtyre privilegjeve, banka familjare e Sali Berishës, “Credins”, i ka xhiruar 87 milionë euro për të blerë ARMO-n, pa pasur ende një kontratë kredie publike me të, çka do të thotë që është bërë një transaksion i dyshimtë, i cili po ashtu mund të hetohet për pastrim parash. Gjithë ky mekanizëm mafioz, kryeministri Sali Berisha dhe familjarët e tij, ka marrë vulën dhe firmën e ministrit të Ekonomisë, Genc Ruli, që me sa duket nuk është më i lirë të jetë një ministër i hapur, transparent dhe të respektojë rregullat e tregut, por është kthyer në një noter të bizneseve dhe licencave të familjes Berisha. Ishte mekanizmi kriminal dhe jo-transparent i rrëmbimit të ARMO-s nga familjarët e Berishës, që çoi në deformimin e rregullave të tregut, në gënjeshtrën e madhe të pagimit të parave nga njerëz që s’kishin lekë për të paguar as mësues të një shkolle private, që çoi në krijimin e një mekanizmi të ri mafioz që shtrembëron tregun e naftës dhe falimenton aktorët e tjerë konkurrentë të Rezart Taçit. Te mungesa e parave për të paguar ARMO-n dhe te nevoja për ta blerë atë vetë me firma fantazmë, të regjistruara në Qipro, qëndron praktikisht detyrimi i Sali Berishës për të shkatërruar lirinë ekonomike në vend dhe për t’iu mbyllur derën bizneseve që i bien tashmë në qafë ortakut të familjes së tij, Rezart Taçi. Në mos për asgjë, Sali Berisha do të mbahet mend si kryeministri i parë dhe urojmë i fundit që futi në Shqipëri modelin e firmave anonime, të regjistruara në Qipro, për të mos u marrë vesh kurrë, nëse është djali, vajza apo Fazlliçi pronari real.

Dhe njësoj si për ARMO-n është vepruar dhe për INSIG. Fatmir Mediu, ish-ministri i Mbrojtjes, i dorëhequr pas tragjedisë së Gërdecit, qëndron praktikisht pas privatizimit brenda natës të INSIG. Kompania amerikane me bazë në Dallas është thjesht Jimi. Për të gjithë ata që e njohin sado pak Fatmir Mediun, nuk është asgjë tjetër veçse miku, kumbari, biznesmeni dhe njeriu që Fatmir Mediu ka 15 vjet që ta lakon emrin e tij, në çdo tavolinë sa herë që të duhet të bisedosh me të. Privatizimi jotransparent, prapa të cilit qëndron Fatmir Mediu, njësoj si në rastin e ARMO-s, është një mekanizëm për të kompensuar njeriun që po sakrifikon për të zënë në gojë emrin e djalit të Sali Berishës në Gërdec. Llokma që i mbyll gojën në këtë rast Fatmir Mediut është INSIG. Ilirian Celibashi, kunati i tij, drejtoi deri në fund procedurën e privatizimit dhe tashmë që gjithçka mbaroi, po bëjnë sikur s’ka ndodhur gjë. Në fakt, ka ndodhur e njëjta gjë si me ARMO-n. INSIG është shitur për 25 milionë euro, ndërkohë që ka shumë herë më tepër kapitale në inventarin e vet dhe blerësi është dikush tërësisht jo-prestigjioz, por mbi të gjitha blerësi real është njeriu i Gërdecit. Shpërndarja e pasurive të Shqipërisë për të mbyllur gojë dhe plagë që i kullojnë Familjes Berisha është një përfundim logjik i degradimit të pushtetit dhe futjes së Familjes Berisha në spiralen e pakthyeshme të korrupsionit. Tanimë, ne do të vuajmë mungesën e lirisë ekonomike, mungesën e konkurrencës, mungesën e shtetit ligjor, mungesën e lirisë së medies dhe mungesën e tregut të lirë, pasi mekanizmat shtetërorë do ta shtrembërojnë atë, për hir të djalit, të vajzës, të Lulit, të Fatmirit dhe gjithë atyre që sillen si hiena rreth kraterit vdekjeprurës të Gërdecit, hiri i të cilit duket se do të na shoqërojë gjatë duke pluhurosur çdo liri dhe të drejtë të qytetarëve të tjerë në këtë vend.

[Darius]

Nuk e di sesa seriozisht merren nga organet perkatese keto denoncimet publike per Edi Ramen por sapo mesova per nje rast nga nje miku im qe merret me ndertime. Eshte relativisht i ri ne moshe dhe ka disa vite qe nderton me mundim ndonje pallat ose godine sa per te zhvilluar nje aktivitet. Para 1 muaji donte te merrte nje leje ndertimi per nje pallat te vogel dhe arriti te gjente 'sekserin' e Edi Rames. Shuma qe dha ishte 40 mije euro por qe ju refuzua nga krokodili i bashkise. Dmth 40 mije euro per nje ndertim ne nje zone fare periferike te Tiranes dhe duken pak (Pa llogaritur maskarallekun qe sduhen kerkuar e marre fare keto para). Ja cderi ne fare pike kane shkuar gjerat me gjatovillen e Tiranes.

[land]

atje esht mizerabel,dhe nja 300 vjet kshu ka per te shkuar,semos vetem rama eshte krokodil,ok eshte kryekrokodil,por ka krokodila te tjere sa te duash,...........nejse ku gopin e semes do i coj leket,2 metra varr i takon dhe atij si te gjith mortaleve,te pakten kjo

[Brari]

nuk e kuptoj pse ka akoma njerez qe duan te blejne apartamente ne tirane..
ne se nuk do kishim te interesuar me ble apartament ne tiran.. nuk do kishim as luft per te gjetur troje per ndertim..as luft me marr leje ndertimi.. pra as trokitje ne zyra te edvinit per tju lutur per nje firme gjatovinos qe sic po del nga llafet e popllit i peshon kjo firma 40 mij euro apo 100 mij euro a me shume..
shkoni o milet ( ju qe kini me ble apartamente ne tiran me nga 120 mij euro copa) e bleni nje kasolle katundari ne fiershegan a ne koplik a ne maliq a ne risili a ne mifol a ne levan a ne mamurrs.. me 10 a 20 mij euro e me ato 100 mij euro qe mbeten nga mosblerja e apartamentit ne tiran beni me gjysmen e tyre nje shtepi per qef tuaj andej nga ajri eshte akoma ajer e jo squfur e plumb e cëo dysh e bloz e zallamahi burijash e altoparlanto bordelo-diskotekash etj..e ku komshiu do jet komshi e jo zuzar.. e mbillni ne bahce borzilok e trendafila e rrush e kumblla.. e pula e cjep e derra..

te shkretet.. katundaro berato lushnje puko burrelas.. yxhym tiranes.. se ju duket tirana si jashto shtetit..

ka pj.erdh tirana me kohe..

qe thua ti dajt.. nuk kam ndonje simpati per kalamaqerit e berishes.. e para se nuk i njoh e dyta se.. shum te begatshem po dalin per zp-ne e lukunine e hajdutve.. te media mafies.. duke u dhene cdo dit "mall" me tepric per propagand anti pd..

ki merua o dajt.. aty ne zyra te argites i bente keto marifetet shkresore ( ashtu ka then vet ne keto fushatat anti-argit) qe i nevojiteshin biznesit.. te tij.. dikur.. e tani qe u prish me ta e u ujdis me gjolek ruco edvino brace-rine.. nxjerr nga sirtaret "zbulime" per korrupsion ne oborrin e berishes..

pra i bie keshtu .. puna e meros.. po ta themi labce.. pra sipas stilit te grupit polifonik te bënces..

po te me kishit dhene tenderat oj elvanë..
un per ju e kisha fryre zurnanë..
e nga qe mua te tera smi dhatë..
do ta mbush cdo dit me inatë..
e do i frynj dit e natë..
der sa të ta rrezoj berish-dajën..
e ne pushtet te bie ruc-gjolek malën..

lol..


..



po nga dualll ki rexarto tacua mor aman..
ja di kush historine?

..

[DYDRINAS]

Metropoli mes plehrash


Male plehrash të hedhura përtokë gjen kudo në rrugët e kryeqytetit.

Mbeturina të hedhura kudo në rrugë, në trotuare, bordura rrugësh. Diku hedhin nga kati i pestë i pallatit për t'i rënë shkurt. Njerëz të papërgjegjshëm të cilët nuk mendojnë gjatë nuk i hedhin mbeturinat në vendin e tyre. Deri kur do jetë kështu. Pastrimi i kazaneve të mbeturinave nuk bëhet rregullisht. Kështu këto kazane mbeturinash bëhen male mbetjesh toksike që ndotin mjedisin. Plehrat po e mbysin gjithnjë e më shumë Tiranën. Kjo është e vërteta e hidhur metropolit, një vend që fare mirë do të mund ta krahasonim me vendet me të humbura të Afrikës. Edhe pse i dhimbshëm ky është realiteti që shqiptarët hasin çdo ditë e më shumë, pa u bërë i mundur një përmirësim sado i vogël situatës së plehrave. Po të vazhdojë kjo situatë në kryeqytet me kazanë plehrash të tejmbushura që të krijojnë përshtypjen se nuk boshatisen asnjëherë. Gjërat nuk janë fare mirë dhe problemi bëhet më emergjent. Nuk do të ishte fare çudi sikur në Tiranë të shpërthente ndonjë epidemi. Po sot çfarë masash po merren për të parandaluar epidemitë ndryshme. Asnjë masë. Bashkia që ka në dorë këtë fenomen dhe që është organi i vetën kompetent për këtë problem që duket se është mjaft shqetësues për të gjithë kryeqytetasit, nuk ka marrë asnjë masë për këtë gjë. Nuk mund të specifikojmë një lagje konkrete që nuk pastrohen dhe nuk zbrazen koshat, sepse e gjithë Tirana ka po të njëjtin problem. Kështu qytetarët u duhet të durojnë për kush e di sa kohë kazanë të tejmbushur dhe erë kundërmuese që vjen si pasojë e këtyre të fundit. Realisht situata e plehrave në rrugët e metropolit është shumë shqetësuese për dy arsye ajo që është e para dhe më themelorja është se plehrat po vënë në rrezik shëndetin e njerëzve, dhe pika e dytë është se nuk është aspak dinjitoze që kryeqyteti të ballafaqohet me këtë situatë aspak të këndshme. Shqipëria pretendon që të hyjë në bashkimin evropian po si ka mundësi që mendohet një gjë e tillë? Kur në kryeqytet njerëzve po u zihet fryma nga papastërtia e rrugëve. Bashkia nuk mund të zgjidh dot kështu një problem fare të vogël siç është zhdukja e papastërtive në rrugë. Nuk është çudi që Shqipëria ka pak turist të cilët edhe pse aq të paktë në numër ikin me sa më shpejt që të munden. Normalisht që për këtë fakt ekziston dhe arsyeja rrugë gjithë plehra, ku përveç kontenierëve që janë plot. Anash tyre gjenden dhe male plehrash të hedhura përtokë kjo për arsyen e thjeshtë se njerëzit nuk kanë ku ti hedhin se ata i gjejnë ata më shumë plot sesa të boshatisur. Kështu ky është imazhi jonë, që për fat të keq që përcjellim në botë. Një pastrim më i shpeshtë i rrugëve dhe kazanë plehrash të boshatisur dhe pa erë të keqe do të ishte zgjidhja që të gjithë njerëzit kërkojnë nga bashkia.



Plehrat hiqen 1 herë në 2 ditë

Kazanët boshatisen vetëm një herë në ditë , kjo gjë është shumë pak për popullsinë që ka Tirana, dhe duke ditur që të paktën një qytetar flak në ditë të rreth 5 kilogram plehra në ditë e shumëzuar kjo me numrin e banorëve ka kryeqyteti, del se pastrimi nuk bëhet i mjaftueshëm. Pastrimi i rrugëve, nëse vërtet mund të quhet i tillë zëre se nuk kryhet fare në rrugët kryeqytetit. Pastrueset e bashkisë duket se këtë profesion e kanë sa për të thënë se për të pastruar as që bëhet fjalë. Realisht i sheh me fshesë në dorë, por kjo e fundit më shumë sesa mjet punë u shërben atyre si mjet "dekorativ ". Pastrimi i tyre është aq i mirë sa për 10 minuta e gjithë puna e tyre quhet e mbaruar. Më shumë sesa një pastrim mund ta quanim një shpërndarje të plehrave. Era e tmerrshme, gati e padurueshme që plehrat çlirojnë nëpër çdo cep rruge ku hasen dendur kazanët. Pasi kazanët boshatisen nga plehrat nuk spërkaten me asnjë lloj solucioni dezinfektuesi.



Intervista

Qytetarët flasin

Gerti

Pastrimi i qytetit nuk bëhet rregullisht sepse rrugës shoh shumë mbeturina të hedhura vend e pa vend.

Elona

Me sa kam parë unë nuk bëhet rregullisht pastrami i qytetit. Ka shumë mbeturina që rrinë me ditë të tera pa u pastruar. Bie erë e keqe në rrugë.



Elja

Unë mendoj që popullit shqiptar i duhet një kohë e gjatë që të sensibilizohet për të vetëpastruar ambientin ku jeton. Dhe kjo kërkon një kohë mjaft të konsiderueshme për tu arritur.

Triti

Ambienti nuk është fare i pastër.Bashkia nuk punon aq sa duhet për të pasur një qytet të pastër. Njerëzit nuk kanë kulturë të mjaftueshme.

Blerimi

Duhet të punohet akoma për pastrimin e qytetit. S’bëhet asgjë për këtë punë. Duhet punuar shumë.



Pergatiti Bashkim Rakaj

E Shtune, 10 Janar 2009

ndryshe