Kryeministri i Kosoves nuk pritet ne Rinas

[Brari]

Gazeta Shqiptare

Nuk e pritën në aeroport kryeministrin e Kosovës

Incidenti në Rinas, Meta pushon 2 zyrtarë


----------------------------------------------

TIRANE

Meta shkarkoi dje nga detyra dy zyrtarë të Ministrisë së Jashtme për incidentin e ndodhur me kryeministrin e Kosovës.
Drejtori për Kosovën, Qirjako Kureta, dhe shefja e cermonialit, Elida Vaso, u nxorën përgjegjës ndërsa vazhdojnë analizat dhe priten shkarkime të tjera.
Kryeministrin e Kosovës, Bajram Rexhepi, nuk e pritën, por as nuk e përcollën. Dje ai u kthye në Prishtinë, pasi mori pjesë në cermonitë për festat.
Barjam Rexhepi nuk ka kaluar nga salla VIP e areoportit të Rinasit, sepse kjo sallë ishte e mbyllur.
Bashkë me të të njëjtin fat ka pësuar edhe ministrja e Kulturës, Rinisë dhe Sporteve, Arta Dade, e cila do të udhëtonte jashtë. Mbase Dades nuk do t'i ketë bërë shumë përshtypje ky fakt, aq sa kryeministrit të Kosovës, Bajram Rexhepi, dhe atyre që e shoqëronin. Delegacioni kosovar është "harruar" në areoport, sepse nuk ishte marrë asnjë masë nga ana e protokollit të shtetit. Ai është detyruar të udhëtojë në drejtim të Durrësit me makinat e miqve apo edhe taksi të marra në sheshin para areoportit.

--------------


C'eshte ki Qiriako Kureta ..Drejtor per Kosoven..???
Di gje ki mo ku bie Kosova?

Le ta bejne ate Kujtim Buzen drejtor per Kosove..se Kosovar eshte dhe mik i vjeter i Sigurimsave skraparo-labusher te Klanit Meta-Braho-sorollop..

Lere Qiriakon drejtor per hotelet e Sarandes e Lapardhase.

Po kjo Elida Vaso...drejtore ceremonish..????

Po kjo Dadja Ku vete jashte shtetit??

Apo tu gjej strofull bijve te saje vrasesa?

Hajde shtet hajde..

[ganoid]

allall brari tani me ke pelqyer qenke me te vertet nje njohes i vertet i gjithe shqipetareve kudo qe jane
ke noten 5 per kete.
a brari! edhe dicka mos harro ti thush albos se notat nga 1-5 jane perdor dhe perdoren ne vendet komuniste

[une jam Z...]

ki-ta jane perfqesuesit me te denje te paaftesise se qeverise Shqiptare. Turpi yne qe e hame me buke cdo dite.

[ganoid]

sic duket kane ik per darke bashke .kane pi shume jane q.. shume dhe jane zgjuar duke thithur akoma aromen e hashashit te lene nje nate me pare ne tavell.

ca imagjinate eeeeeeeeeeeeeeeeeeeee!!!!!!

[Henri]

Ju lutem, qendroni ne vijat e bisedes. Kjo pjese e forumit eshte me te vertete serioze dhe temat te cilat mbulon te nje rendesie krejt te madhe per te gjithe ne. Sarkazma (ose perpjekia per) nuk nxjerrin shume ne drite, pervec shperqendrimit. Ky i fundit nuk besoj se te hyn as ty ne pune, mariglen.

Me respekt!

[Beqari002]

Me shume se nje harrese


Mengjesin e 28 nentorit, me shume se sa festimin e 90 vjetorit te pavaresise dhe ceremonine qe pritej ne Vlore, shtypi i Kosoves komentoi incidentin qe kishte ndodhur ne aeroportin e Rinasit me kryeministrin e saj. I thirrur me ftese te Presidentit dhe me trajtimin e nje delegacioni te rangut te larte, Rexhepi dhe Hashim Thaci, dy nder politikanet me te rendesishem te Kosoves, kishin mbetur te vetem ne piste. Asnje zyrtar, sado i ulet nuk kishte dale t'i shtrengonte doren personaliteteve te larte, miq nderi ne ceremonine me te rendesishme te shtetit shqiptar. Rexhepi dhe Thaci jane larguar vetem 30 minuta me pas, fale nderhyrjes se rastesishme te nje punonjesi qe i ka njohur dhe nje angazhimi te rremujshem te strukturave shteterore. Ngjarja qe kaloi jo pa nje termet ne Tirane, provokoi pushimin nga puna te dy drejtuesve te larte te Ministrise se Jashtme, por si te mos kishin mesuar asgje nga ajo qe ndodhi, perfaqesuesit e shtetit shqiptar i detyruan edhe nje here ne kthim Rexhepin dhe Thacin te kalonin neper sallen e zakonshme te tranzitit, duke pritur nje rradhe te gjate.

Fatmiresisht shtypi i Kosoves e trajtoi kete si nje fyerje pa shkak, si nje konfuzion te strukturave shteterore shqiptare dhe si deshmi te faktit se edhe 90 - vjet pas shpalljes se pavaresise, qeveria shqiptare nuk e ka marre ende formen e saj. Fatkeqesisht, ne Shqiperi, problemi duhet pare shume me gjere se sa kaq. Dicka me teper se sa thjeshte nje harrese apo nje konfuzion nga ata qe ndodhin sa here ka ndonje organizim te madh. Kesaj here Tirana ka fyer jo thjeshte Kryeministrin e Kosoves dhe Hashim Thacin, politikanin kosovar me popullor ne Shqiperi, por ate segment te politikes kosovare qe synon marredhenie intensive me ne. Ate segment qe e sheh te ardhmen e krahines shqiptare te lidhur ngushte me zhvillimet ne anen tjeter te kufirit perendimor te saj. Qe synon fuqizimin e identitetit shqiptar ne Kosove dhe qe deri me sot ka perballuar e para idete e mbrapshta te krijimit te nje identiteti artificial kosovar. Qe ka kontestuar idene e Rugoves per krijimin e nje flamuri te Kosoves te ndryshem nga ai i Shqiperise, qe ka kundershtuar idene e nje himni te ndryshem nga ai kombetar dhe qe ka kontestuar idete e rishikimit te gjuhes letrare shqipe. Qe ka ditur te perballoje presionet e administrates se UNMIK per nje politike me te distancuar dhe me te ftohte me Shqiperine. Dhe qe mbi te gjitha, eshte sponsorizuesja dhe frymezuesja kryesore e turizmit disa qindra mijerash te kosovareve drejt Shqiperise. Qe perkthehet ndryshe ne disa qindra miliona dollare per Shqiperine. Me keq se sa kaq, veshtire se mund te behet nje marredhenie.
-------------------------
----------------------------
Oj sharki e lehte si era , a ka ardhur ne Shqiperi pranvera?

[Brari]

Meqe Rexhepi e pergenjeshtron se ka ngelur pa u pritur nga protokolli shqiptar do te thote se ilir Meta gabimisht ka shkarkuar dy punonjesit e vete.
Pra ose genjen META ose Rexhepi.

Ne fakt Meta nuk genjen por Rexhep ziu eshte gati te haj dhe mu-t e te thote..sa e mire kjo cop hallv socialiste..lol..e i mjeri rexh..
lol
E prisja kte reagim te partise se Hashim Halitit.
Ata rrojne jo per KOSOVEN por per nji ideal te ngordhur qe eshte..restaurimi i enverizmit ne Kosove..

Edhe "luften" prandaj e bene sic e bene..edhe cdo gje tjeter qe bejne eshte vetem ecje ne rrugen e Bac Enverit..

E po Kosova prandaj dhe nuk ja jep voten ktyre servilve pa asnji vlere.

Te pakten do tu lutesha PDK dhe AAK-se qe te restaurojne nji ENVERIZEM pa viktima sepse nuk munden ma Nenat e Kosoves te durojne femijet e tyre burra ti shohin te vdekur nga plumbat e Sali Veselve te Rexhep Hashim Halitit.


Tung !

[Beqari002]

koment

Ardhje dhe mosardhje inatçore?

Nga Qemal SAKAJEVA

Krye pesë viteve, 28 Nëntor 1997 dhe 28 Nëntor 2002, mes Shqipërisë dhe Kosovës, ka pasur dy kërcitje politike, të komentuara ndryshe nga krahë të kundërt të saj.

Atëhere, për 85 vjetorin e Shpalljes së Pavarësisë, pat mbërritur me ngut në Vlorë Akademiku Rexhep Qosja. Më shumë se sa një përgjigje patriotike ndaj ftesës së veçantë të socialistëve për të, ajo qe një ardhje inatçore e tij e, më keq se aq, kundër pushtetit të rrëzuar me armë të Berishës. Ai e pati përcaktuar rebelimin e armatosur komunist, nga foltorja festive ( vetëm festë ajo s'ka qenë) "Revolucioni Demokratik i vonuar". Karakterizimi politik që ai bëri, qysh atë ditë dhe pandërprerë, ka mbetur objekt kritikash i politikës dhe shtypit të djathtë. Kurse politika zyrtare dhe shtypi i majtë, thënien e tij, e klasifikuan si ndihmesën më të vyer të akademikut, që në të vërtetë ishte kostum politiko-filozofik i terrorizmit, që u përdor për të rrëzuar pushtetin e ligjshëm, për të ngritur paligjshëm pushtet tjetër.

Këtë herë, për 90 vjetorin e Shpalljes së Pavarësisë, ftesës zyrtare për të ardhur në Vlorë, nuk iu përgjigj Presidenti i Kosovës, Ibrahim Rugova. Mediat elektronike dhe të shkruara të majta, të varura dhe të pavarura, e cilësuan mosardhjen e tij një "refuzim". Komentet, të ngarkuara me nëntekste apo thënie të hapura, mëtonin ta quanin sjellje inatçore të Ibrahim Rugovës.

A është inatçore mosardhja e tij në Shqipëri, qysh prej një kohe të gjatë dhe deri te rasti më i fundit?

Figurat në pushtet, përjashto Presidentin që është zgjidhje kompromisi e vonët, dihet që patën mbajtur , si para dhe gjatë luftës në Kosovë, qëndrime politikisht vrasëse kundër Ibrahim Rugovës. Nëse ai mbijetoi në rrethana dramatike deri tragjike, ka pasur tre faktorë madhorë që kanë ndikuar:

Përmbajtja e tij vizionare politike. Qysh në fillim dhe deri tani, ai i ka mbetur besnik tri përcaktimeve bazë: Kosova nën protektorat ndërkombëtar ( kjo ndodhi). Kosova e hapur( dhe kjo ndodhi). Kosova e pavarur ( dhe kjo pritet të ndodhë).

Ibrahim Rugova si president i Kosovës, edhe atëhere kur njihej si i tillë në Kosovë, por i papranuar ndërkombëtarisht, edhe tani që ai i gëzon të dy njohjet, ka mbështetjen e shumicës së popullit, çka e bëri të mbijetojë gjatë qëndresës paqësore, luftës serbe dhe pasluftës në liri, edhe nga agresioni zyrtar i politikës e mediatik të Shqipërisë të pas 97-ës.

Ibrahim Rugova si institucion presidencial dhe si politikan, ka vërtetuar se ka pasur mbështetjen e politikës amerikane dhe europerëndimore. Kush dëshiron, i mban mend fjalët mbështetëse të Presidentit Klinton nga Gjermania për të, pikërisht në ato çaste tragjike kur figurat e politikës zyrtare të Shqipërisë e shtynin dhe e fyenin, për ta asgjesuar në lojën politike kundërshqiptare ndërthurur mes Beogradit-Athinës-Tiranës.

Kryetari Rugova, duke pasur të tre faktorët për mbështetje, nuk humbi, por u bë në mënyrë të merituar Presidenti i parë i Kosovës së Lirë dhe Demokratike. Mosardhja e tij në Shqipëri nuk ishte sjellje inatçore(ndonëse ka motive), kurse nga Tirana zyrtare nuk dimë as publikisht, as nga afër, të jetë kërkuar ndjesë. Megjithatë politikani Rugova, mosardhjen e shpjegon me vlerën institucionale që duhet të ketë vizita e parë e një Presidenti të një vendi që ndjehet shtet i ri dhe kërkon të njihet shtet i pavarur.

Mosardhja e Presidentit të Kosovës është thellësisht e menduar dhe arsyetuar. Përvjetori i plotë i Shpalljes së Pavarësisë nuk është e drejtë festive vetëm e Shqipërisë, por edhe e Kosovës. Në histori, dihet që, nëse akti i ngritjes së flamurit u përfundua në Vlorë, ai qe nisur për t'u kryer në Prizren. Dhe, në Kosovën e pasluftës, ky ishte përvjetori më i shënuar i Ditës së FLamurit dhe Presidenti i saj, më shumë se sa në Shqipëri, duhet të gjendej në Kosovë, për t'i shërbyer edhe me këtë mjet hapave që hidhen ditë pas dite për kah pavarësia.

Mosardhja e Presidentit të Kosovës në Vlorë, ose qëndrimi i tij në Prishtinë, si atëhere gjatë luftës kur u spastrua vendi dhe në këtë përvjetor të plotë ku gjithë populli i Kosovës festoi me vetëdije të thellë, ishte përdorja e rastit për të bërë politikë të zgjuar. Festën e madhe të përbashkët të Shqipërisë dhe të Kosovës ai e ktheu në foltore ku mendoi t'i shërbente identitetit të Kosovës së pavarur, duke propozuar dy simbolet themelore të shtetit të ri: Flamurin e Dardanëve dhe himnin "Ka ra kushtrimi në Kosovë".Edhe Radiotelevizioni i Kosovës, mosardhjen e Presidentit e komentoi duke thënë se ai ka vendosur të festojë mes popullit.

Mosardhja e Presidentit të Kosovës institucionalisht ishte zgjidhje me një baraspeshë protokollare të përpiktë. Nëse në Prishtinë mbeti Presidenti dhe Kryetari i Parlamentit, në Shqipëri u dërgua Kreministri Bajram Rexhepi dhe politikani Hashim Thaçi. Ajo që gaboi mes dy qeverive në një festë, nuk ishte Kosova, por Shqipëria. Prishtina s'qe inatçore, Tirana u tregua, në mos nënvleftësuese me dashje, në mos fyese e qëllimshme, të paktën e pakujdesshme deri për të mos u harruar. Kryeministri i Kosovës Bajram Rexhep,politikanët e njohur Hashim Thaçi e Prof. Mark Krasniqi, dihet tanimë se as nuk u pritën dhe as nuk u përcollën në aeroportin e Rinasit. Ndërkohë për tri ditë papushim, në mediat elektronike dhe të shkruara, u buçit për vizitën e delegacionit të Shqipërisë në Beograd dhe largimin e indinjuar të ambasadorit jugosllav nga festimet e Vlorës. Ndërsa, mediat elektronike të Kosovës jepnin tjetërçkaarret masive dhe kërkesën e pandërprerë për gjetjen e njerëzve të zhdukur pa gjurmë nga serbët.
------------------------
-------------------------
Oj sharkie lehete si era , a ka ardhur ne Shqiperi pranvera?

[dodoni]

Kjo ka qene rastesi dhe pa qellim.
Zoti Kureta jo ne Sarande e Lapardha por edhe ne Prishtine,Janine,Ulqin,Tetove e kudo tjeter jetojne njerezit e gjakut te tij duhet te punoj, mirepo duhet terhequr vemendjen se herave tjera te jete me i kujdesshem ne raste te tilla. Respekti se pari per njerezit e tu e pastaj per te huajt, sepse njeriu i juaj eshte i juaji kurse i huaji eshte i huaj dhe shume me larg se i juaji, pra ne i respektojme te huajte kurse nganjehere jemi te pakujdesshem dhe harrojme ti respektojme tanet, kjo gje nuk duhet te ndodh me.
Pshd.
Dodoni

[Iceberg]

Icidenti me Kryeministrin e Kosoves ne Rinas, vetem rastesi nuk eshte!! Pa mendoni..Meta ne Beograd me Koshtunicen, vartesit etij "harrojne" dhe "neglizhojne" autoritetet e Kosoves ne Rinas. Ajo eshte veper e Beogradit kuptohet nepermjet marionetes bullafiqe Metes, si per t'ju thene..e shihni kush e komandon shtetin e Shqiperise..Per ju pra drejtues te Kosoves nuk ka protokoll Zyrtar as ne Shqiperine Londoneze pa le me gjere!!!???

Ngjarjet pra te nderuar vellezer jane shume te lexueshme!! Nga produktet e "Revolucionit Demokratik te Vonuar" pritet edhe me keq...Rugova pra e din se ne Shqiperi ska kush ta presi, eshte turp te jesh ne nje tribune me sherbetoret e Asfalise dhe UDb-se