Ndarja e shtetit nga feja

[Albo]

Deklarate e Bashkesise Islame te Kosoves

Jemi deshmitare te nje fushate qe po zhvillohet per shume dite me radhe nga disa individe dhe institucione tona ndaj gjithe asaj qe eshte islame, ne te cilen ne menyren me te vrazhde po cenohen te drejtat individuale dhe kolektive te besimtareve tane, te drejta keto te garantuara nga ligje dhe konventa nderkombetare. Nga ana tjeter, disa gazeta tona sikur presin me padurim te paraqitet ndonje rast e t'i mbushin faqet e tyre, pavaresisht se me te tilla shkrime mund te ofendojne ndokend (ne rastin tone besimtaret islame).

Te tjeret e konsiderojne si nje ushqim shpirteror kur ia dalin te nencmojne Islamin dhe muslimanet. Ndonjeri shkon edhe me larg, sa t'u shese lexuesve "ders e nasihat", ani pse mund te jete i pa kompetence per ceshtjen ne diskutim. E tere kjo, per fat te keq, behet ne menyre sistematike, te koordinuar, natyrisht, per ta shprehur mllefin e tyre kunder Islamit dhe myslimaneve.

Bashkesia Islame e Kosoves nuk eshte e interesuar qe spektrin tone politik, edhe ashtu te preokupuar nga probleme nga me te ndryshmet, ta rendoje edhe me shume me te tilla ceshtje, te cilat me nje angazhim dhe mirekuptim, mund te zgjidheshin pa u bere barre e saj. Mirepo, per hir te se vertetes, si dhe per hir te mbrojtjes se dinjitetit te besimtareve tane (antaresise se gjere), ne si institucion jemi te detyruar te shprehim shqetesimin dhe brengosjen tone te thelle rreth disa sulmeve qe jane drejtuar kunder asaj qe eshte islame ne Kosove.

Te gjithe i kemi te fresketa ofendimet e kater zedhenesve te institucioneve tona qeveritare, qe i bene kohe me pare kunder perkthyeses se OSBE-se, dhe nencmimi qe u be ne llogari te saj publikisht, gati ne te gjitha mediet tona publike, pa dhene askush llogari per ate rast. Por, ajo qe e habit njeriun edhe me shume, eshte se ministri per ceshtje publike, ne nje deklarate te tij, arsyetoi veprimin e tyre. Kjo ceshtje, ne nje vend si Kosova, qe synon te shkoje drejt demokratizimit te shoqrise, besojme se nuk i ben nder askujt.

Ceshtja e dyte eshte ndalimi qe i behet nje numri te studenteve te Universitetit te Prishtines qe te falen ne nje kthine te Bibliotekes Kombetare dhe Universitare te Kosoves dhe kthimi i saj ne nje salle per te pire duhan sa kohe qe hapesira e Bibliotekes shfrytezohet nga disa asociacione te tjera, te cilat nuk kane te bejne aspak me librin.

Ditet e fundit eshte aktual debati rreth nje nxeneseje te gjimnazit "Sami Frasheri" te Prishtines, e cila kercnohet nga drejtoresha me perjashtim nga shkolla per shkak te bartjes se shamise ne koke.

Te gjitha keto veprime, nga ana e disa institucioneve te Kosoves, nuk mund t'i vleresojme ndryshe vecse si cenim flagrant i dy lirive themelore te te drejtave te njeriut: lirise personale dhe asaj te besimit, te drejta keto te garantuara edhe me Kornizen Kushtetuese si dhe nga cdo ligj e konvente e te drejtave te njeriut.

Nga ana tjeter, thirrjet per ruajtjen e laicizmit te shoqerise kosovare, ne asnje menyre nuk duhet te kuptojne cenimin e te drejtave fetare te secilit besim. Nje shtet laik, nuk eshte armik i besimit. Laicizem ne shoqerite demokratike do te thote: Qe shteti te mbaje qendrim asnjanes ndaj fese, te mos e pranoje dhe as ta refuzoje ate, te mos e mbeshtese dhe as ta pengoje, dhe shoqerise t'i siguroje lirine e besimit apo te kunderten e saj, ndryshe nga laicizmi marksist, i cili e luftoi fene dhe e konsideroi ate- cilendo fe, "opium per popujt".

Pretendimi se shamia eshte nje simbol fetar islam, eshte pretendim i papranuar, pasi shamia nuk eshte ne asnje menyre simbol, sepse simboli eshte ai qe s'ka detyre tjeter pervecse shprehjen e perkatesise fetare te bartesit te tij, si fjala vjen, kryqi ne qafen e nje te krishteri ose "jarmulka" hebraike ne koken e cifutit; keto te dyja s'kane detyre tjeter vecse shfaqjen e identitetit.

Nderkaq, shamia eshte dicka krejt tjeter, pasi ajo ka nje detyre tjeter te mirefillte, qe eshte mbulesa dhe serioziteti, nderkohe qe nuk i shkon ndermend asnjeres prej barteseve te shamise qe bartja e saj ka per qellim te tregoje per veten dhe fene e tyre, por ato me kete veshje u binden urdhrave te Zotit te tyre dhe i zbatojne rregullat e fese islame.

Per kete arsye, ndalimi i bartjes se shamise, sic bie ndesh me parimin e lirise, bie ne kundershim edhe me parimin e barazise gjinore dhe me konventat nderkombtare per te drejtat e njeriut, sepse cenimi i kesaj te drejte do te thot persekutim i fetares, ngushtim i lirise se saj, mohim i te drejtave te saj, qofte per arsimin, punesimin ...

Civilizimi i vertete eshte ai qe karakterizohet nga toleranca, ai ku ka vend per diversitetin fetar dhe kulturor, qe lejon diversitetin etnik dhe mendor e nuk mundohet t'i beje te gjithe njerezit kopje te perseritura te nje lloji. Njerezit duhet t'i edukojme per te respektuar njeri-tjeterin, per te pranuar njeri-tjetrin, edhe nese ndahen ne besime e fe, ashtu sic na meson Kurani: "Ju keni fene tuaj e une kam fene time". Ne jemi te indinjuar nga disa deklarata dhe shkrime, ku shamia paraqitet si simbol qe e prish imazhin e Kosoves. Si mund ta prishe imazhin e Kosoves nje vajze e edukuar, intelektuale, qe eshte e lidhur pas mesimeve te fese se saj, ne veshjen dhe sjelljet e saj. Imazhin e Kosoves nuk mund ta prishe nje njeri qe e njeh Zotin dhe i frikesohet Atij, qofte burre apo grua.

Duke u mbeshtetur mbi parimet islame si dhe deshiren tone per te dhene kontributin modest per stabilizimin e gjendjes ne Kosove dhe avancimin e saj te metutjeshem, ne kerkojme nga institucionet tona qe te kene sjellje korrekte dhe konform ligjeve pozitive ndaj kerkesave te besimtareve tane, sepse kete e kemi obligim ndaj qytetareve tane.

Nencmimi dhe perpjekjet per te diskriminuar kete pjese te rinise sone, nuk perben nje gjest intelektual e perparimtar dhe s'ka te beje aspak me traditat tona dhe cililizimin e shekullit tone. Prandaj, le t'i leme njerezit te qete te jetojne jeten e tyre ashtu si duan ata. Fundja, zgjedhja e menyres se jeteses eshte e drejte themelore e secilit.

Nuk duhet te harrojme se aktet e ketilla represive dhe nencmuese, mund te jene shkak i radikalizimit te te rinjve tane, per se shoqeria jone ka me se paku nevoje ne kohen e kthesave te medha.

Prishtine, 20 shkurt 2004

[Albo]

Njohuria nuk eshte kunder Islamit

Pergjigje Bashkesise Islame te Kosoves

Nga Veton Surroi

1.
Reagimi i Bashkesise Islame te Kosoves ndaj debatit qe po zhvillohet ne Kosove, i inicuar me ndalesen e bartjes se shamise ne gjimnazin e Prishtines tregon nje ton maturie, krejtesisht ndryshe prej tonit te reagimeve qe i bene individet ne porosite e tyre gjate ketyre diteve. Ky ton serioz zaten e ka karakterizuar Bashkesine Islame te Kosoves prej kohesh. Megjithate, ky reagim, sipas mendimit tim, lengon nga dy te meta themelore, qe e karakterizojne, ne themel edhe nje pjese bukur te madhe te esences se debatit.

E para eshte vleresimi se cfaredo akti qe perpiqet te gjeje nje kufi mes shtetit dhe fese, apo cfaredo fjale qe ve ne pyetje interpretimin e Kuranit konsiderohet si anti-islamike. Keshtu, cilesohet si anti-islamizem fakti qe Biblioteka e Kosoves nuk ka vend per faltore, fakti se Ministri i sherbimeve publike nuk pajtohet qe perkthyesja zyrtare, brenda delegacionit zyrtar dhe orarit te punes, te mbaje shami, apo qe te njejten shami drejtoresha e gjimnazit te Prishtines ta konsideroje si te panevojshme, dhe te kundert me rregulloren per uniformat e shkolles. Dhe, si antislamike, pastaj, do te konsiderohen edhe shkrimet e mia, ku ve ne pyetje intepretimin, sipas mendimit tim, ortodoks se shamia eshte obligim fetar.

Nuk besoj qe ne cilindo veprim te kete anti-islamizem. Perkundrazi, ka te beje me njohjen e te drejtes se besimit, e ne vecanti te Islamit si pjese kulturore a religjioze te shumices se popullesise se Kosoves, pra edhe te drejtes te ekzistoje diferenca mes fese dhe institucioneve te shtetit laik. Keshtu, ndonese eshte e drejte e besimtareve qe te falen, nuk eshte e drejte e tyre qe si faltore te shpallin nje pjese te nderteses se Institucionit laik, sic eshte biblioteka, apo gjimnazi, apo fakulteti. Per kete ekzistojne objektet publike, te ndertuara nergut per te shprehur besimin, xhamite. Apo, nese kerkohet privatiteti, shtepite.

2.

Ne rastin e argumenteve qe i kam paraqitur, te shtrimit te intepretimit te Kuranit si nje e drejte qytetare, pra edhe religjioze, pergjigja e Bashkesise Islame ka nje mete te dyte, sipas mendimit tim.

Fillimisht, ngase ne pergjigje ekziston nje kunderthenie e brendshme. BI cek se shamia nuk eshte simbol, i identitetit mysliman, por nje obligim dhe bindje ndaj rregullave te Zotit. Por, ketu dalin dy probleme te menjehershme. Nje, shamia, si cope pelhure dosido vazhdon te jete simbol, jo me i identitetit mysliman por keso here i obligimit te kryer ndaj rregullave te Zotit. Keshtu bie argumenti i BI-se ("nuk eshte simbol, eshte obligim") ndaj ndalimit te bartjes se shamive ne institucion publik sic eshte gjimnazi.

Dhe dy, cka behet me myslimanen qe nuk e mban shamine? A eshte duke iu kundervene rregullave te Zotit? Me keso qasje, shumica e femrave kosovare (sepse shumica derrmuese nuk e mban shamine) do te ishte me pak besimtare, apo jobesimtare? A po e humb, keshtu me automatizem Bashkesia Islame xhematin e vet potencial, bile se paku te gjinia femerore?

Qendrimi qe kam mbajtur ne shkrimet e mehershme rreth kesaj teme eshte se pikerisht intepretimi reduktiv, i kufizimit, te Kuranit, ben qe percepcioni rreth Islamit te kufizohet ne shami apo ne gjatesine e mjekrres , apo ndonje detaj tjeter krejtesisht te parendesishem, e jo ne thelbin e Imanit apo ne pasurine historike, letrare, filozofike e tjeter te Islamit.

Intepretimi i ketille, reduktiv, i disa ajeteve te K[uranit si ligje, eshte ne fakt pjese e varferimit te Islamit,qofte nga aderuesit e tij apo sulmuesit e tij.

Per me teper, ne kete debat do inkuadruar edhe nje argument, esencialisht shqiptar: intepretimit tradicional te Islamit, qe i aderon edhe Bashkesia Islame e Kosoves duhet gjithnje shtuar edhe intepretimin sufist te tij, te perfaqesuar ne mase te madhe nga bektashinjte kosovare.

3.

Por, ceshtja thelbesore qe e konsideroj te mete eshte paprekshmeria e te menduarit te dhene, doga.

Gjate gjithe debatit te kesaj jave rreth shamive jane ravijezuar dy pergjigje (ndonese ato u shtruan me vrazhde nga polemizuesit) e qe gjenden te formuluara edhe ne pergjigjen e Bashkesise islame. Vene ne forme te thjeshtesuar keto jane: "dihet se shamia eshte obligim" dhe "kush je ti te thuash te kunderten?".

Insistimi im ka qene se nuk ekziston nje qender intepretuese e Islamit, dhe deri tani nuk ka paraqitur kush nje informate se ekziston. Nese nuk ekziston nje qender, atehere ekzistojne disa, e kjo do te thote se ekzistojne disa intepretime te Islamit. Nese ekzistojne disa interpretime, atehere ekziston edhe kunderthenie, apo dallimi mes tyre. Nese ekziston kunderthenia apo dallimi, atehere ekziston e drejta per te menduar ndryshe. E, nese ekziston kjo e drejte, atehere ekziston e drejta edhe per te shtruar pyetjen, e cila deri tani nuk mori pergjigje: Ne baze te kujt qenka obligim universal i femres myslimane per t[u mbuluar me shami? Pse te mos jete i drejte intepretimi se se nuk ekziston obligimi universal i mbulimit me shami?

Kujdes me pergjigje ne kete pyetje, sepse edhe ne vendet tradicionale te mendimit islamik, si Egjipti ka pasur kunderthenie. Ne kete vend, ne fund te vitit te kaluar Myftiu Ali Goma dha i pari ediktin (fatua) te cilin e ka perfillur edhe Bashkesia Islame e Kosoves, se hixhabi (shamia, ferexheja) eshte obligim i femres myslimane, e jo simbol fetar. Por, nga po i njejti vend, nga Egjipti, Imami i Madh Al-Azhar Sheiku Mohamed Sayed Tantav , deklaroi publikisht se kjo vlente vetem per vendet islamike. Pra, sipas tij, nese Franca, per shembull, e ndalonte hixhabin, femrat myslimane s'kishin me obligim ta mbanin.

Kaq, per pathyeshmerine e obligimit.

4.

Vleresimi i BI-se se aktet e institucioneve kosovare, apo vleresimet ne media, jane anti-islamike e shtojne edhe nje dimension ne kete debat. E ai eshte, nese keto jane anti-islamike, cfare eshte percaktimi i Islamit qe jep BI-ja?

Nese Biblioteka dhe sallat e Fakultetit shnderrohen ne faltore, a nuk eshte ky islamizim i institucioneve publike, pra edhe thyerje e kufirit mes religjionit dhe shtetit?

Sipas percaktimit ne reagimin e BI-se, kjo do te ishte ne kundershtim me konceptin e shtetit laik.

[dardan3976]

Keto ditet e fundit jo vetem qe u be zhurme e paskrupulllt por edhe ne nje fare menyre apo tjeter pa pase kurfar nevoje , disa qarqe anti islame vazhdojne te vjellin pa ndal ne luften e tyre inderekte apo dirkete kunder Islamit . Arsyea se kinse ne shkolla apo vende publike nuk duhet lejuar shamine, se ajo qenka shenje fetare une mendoj se eshte e drejte e cdokujte te mbulohet apo te mos mbulohet , prandaj zhurma e tille eshte jo e drejte dhe jo normale. Pse deri me tash qeveria apo instuticionet tjera te kosoves nuk bene zhurme apo te pakten as qe e pane te udhes te dalin e te folin per shume gjera tjera qe jane 100 here me me rendesi se sa shamia e nje vajze, por kjo nuk eshte gje tjeter veq se nje urrejtje e paskrupullt ndaj Islamit . Por me kete nuk behet asgje duhet ta kene te kjarte te gjithe se me kete veq sa forcohet besimi i sinqerte te besimtaret islam kete le te dine te gjithe ata qe vjellin pa ndal

[StterollA]

Keto presjone te disa insitucjonareve ndaj muslimaneve ne Kosove do shprethejne ndonje dite ne lufte civile dhe vaj halli per ne pastaj. Do behen shqiptaret qe mos durohen me me njeri-tjetrin, do ndahet Kosova ne cifliqe fetare, do vriten njerezit se kane fe te ndryshme, do humbitet rasti per panvarsi dhe do i hapim porten Serbsie me duart tona. Nese keto jane qellimet e Rugoves dhe asaj drejtoreshes, atehere OK.. mirupafshim ne dite te errta.

StterollA

[Albo]

Probleme te tilla nuk lindin ekskluzivisht nga feja, lindin nga mungesa e kultures demokratike ne popuj, lindin nga mungesa e njohjes se vlerave te botes se qyteteruar, lind nga shkalla e ulet e arsimimit ne vend. Si ne Kosove edhe ne Shqiperi has gati te njejtat probleme.

Problemi ne fjale nuk eshte nje problem fetar, por eshte nje problem kombetar. Behet fjale per formen qe do te marri shteti ne Shqiperi dhe ne Kosove dhe a do te mundin te jene plotesisht shtete laike. Komunitetet e krishtera si ne Shqiperi edhe ne Kosove nuk kane problem me ndarjen me thike te shtetit nga feja. Problemi qendron me komunitetin musliman i cili e ka te veshtire te konceptoje ndarjen e shtetit nga feja. Kjo veshtiresi lind nga fakti se gati asnje popull musliman (me perjashtim te Turqise) nuk ka mundur qe te krijoje me sukses nje shtet laik e demokratik. Ndryshe nga komunitetet e krishtera qe u referohen shteteve perendimore qe besojne ne mase ne Krishterim, komuniteti islamik ne Kosove ndihet i vetem dhe i rrethuar nga popuj te krishtere. Vete ky fakt krijon ne vetevete nje frike te pajustifikuar qe manifestohet edhe ne deklaraten e mesiperme.

Frika me e madhe: Liria e te zgjedhurit te fese nga shqiptaret
Ashtu sic e nisa shkrimin tim, arsyeja kryesore qe lindin keqkuptime te tilla te rezikshme eshte emancipimi i ulet kulturor demokratik qe mbreteron ne Shqiperi e Kosove. Ende keto shoqeri jetojne ne mentalitete mbytese, ku steriotipi i turmes i imponon individit menyren e te menduarit, te sjellurit, te jetuarit.

Pavaresisht nga ky fakt, shoqeria shqiptare ne te dy anet e kufirit eshte ne nje tranzicion natyral te kalimit nga ligji i turmes, ligjin e shtetit demokratik qe mbron dhe garanton pikerisht lirite dhe te drejtat e cdo individi. Shteti laik asnjehere nuk merr persiper te perfaqesoje apo te garantoje supremacine e nje feje mbi tjetren. Shteti demokratik vetem garanton te drejten e praktikimit te fese dhe lirite e shtetasit. Kjo duket edhe ne diskutimet ne kete forum ku shume shqiptare u pelqen te flasin per "fene muslimane", "fene e krishtere", por flasin shume pak per besimin e tyre, ate besim qe ata njohin personalisht. Identifikimi me turmen eshte nje mentalitet i prapambetur ne shoqerite shqiptare.

Ajo qe shume persona mundohen ta shesin si "lufte fetare", ne vetvete eshte nje perplasje e forte e dy mentaliteteve: mentaliteti i turmes me mentalitetin e individit te lire. Mentaliteti i turmes manifestohet nga ata shqiptare qe u pelqen te identifikojne dhe pergjithesojne gjithe shoqerine shqiptare, ashtu sic u vjen atyre per mbare. Shembull: "shqiptaret jane shumice muslimane dhe keshtu do te jene", "Shqiptaret duhet te jene te gjithe te krishtere pasi keshtu eshte me mire". Te dy keto shembuj i gjeni te shprehur direkt apo indirekt ne forum nga pjesa derrmuese e anetareve.

Mentaliteti i individit te lire eshte ai mentaliteti i ri ne shoqerine shqiptare qe shume pak njihet dhe disa fish me pak pranohet. Te perqafosh kete mentalitet do te thote qe ti largohesh njehere e mire pergjithesimeve dhe ti qendrosh besnik respektimit te se drejtes se cdo shqiptari per te jetuar jeten qe ai/ajo zgjedh per te jetuar. Do te thote qe rolin e fese ne shoqerine shqiptare te mos ta shohesh ne aspektin e pergjithshem, por ne aspektin individual. Kjo lejon qe te ndihesh mire per fene qe mban dhe ne te njejten kohe te pranosh dhe respektosh te drejten e atij shqiptarit tjeter qe nuk deshiron te besoje ose beson ne nje fe tjeter, ndryshe nga e juaja. Shembull: Shqiperia eshte nje shtet laik qe garanton dhe mbron lirine e cdo shtetasi te praktikoje fene e tij. Une nuk di te deshmoj per fene e gjithe popullit shqiptar, une di te deshmoj per fene time.

Ajo qe e mban te bashkuar shoqerine shqiptare eshte SHTETI dhe jo FEJA

Shqiptaret i perkasin feve te ndryshme dhe ndryshe nga popujt e tjere qe jane mbeshtetur tek feja e perbashket sa here qe jane perballur me kriza kombetare, shqiptaret nuk e kane kete mundesi. Kjo duhet te na shtyje ne, qe ndryshe nga ai francezi apo amerikani, ti kushtojme 2fish me shume rendesi dhe vemendje institucioneve te shtetit pasi eshte barka jone e vetme e perbashket. Pa nje shtet te forte qe garanton lirite e shtetasve te tij, shqiptaret nuk kane te ardhme ne kete bote. Feja vjen ne plan te dyte ne kete aspekt.

[lum lumi]

Po të kishte pasur kunderthënie të tilla në jetën reale të shqiptarëve sikurse po shtrohën këtu në virtualitet, mos e dhashtë Zoti se moti ishim bërë copë e grimë mesveti.

O misionarë të nderuar, mos harroni se shqiptarët janë populli më harmoni fetare të shkëlqyer. Populli shqiptar i Kosovës, edhe pse në shumicë i takon fesë islame, është krenuar dhe do krenohet me figura të ndritshme të historisë dhe kultures shqiptare pa dallim përkatësie fetare. Ne krenohemi me Themistokli Germenjin, Papa Kristo Negovanin, Petro Nini Luarasin,
Asdrenin, Lasgushin, Petro Markon, At Shtjefën Gjeqovin, Pasko Vashen, At Gjergj Fishten, Naim Frashërin, Kadarenë, Nënë Terezen, Rexhep Brojën, At Dom Lush Gjergjin, Marie Shllakun, Ndue Perleshin etj. Sa shkolla e institucione drite mbajnë emrin e tyre. Cili mësues kosovar nuk u ka folur me pietet nxënësve të vet për ata? Mos harroni, se ata që nuk i shohin këto gjëra, ata që nxisin ngatrresa fetare, kanë shkelë mbi principet e atyre të ndjerve që i ceka më lartë, të cilet edhe veprimtarinë fetare të tyre e kanë shkrirë në interesa më të larta - atdhedashurinë.

Pra, për shkak të gjakut vëllazëror, adeteve, kultures dhe gjuhës shqiptare, gjene drejtpeshimin mes feve ashtu se si e kanë gjetë dhe respektuar baballarët dhe gjyshërit tanë.

Mos harroni, miq të nderuar, se misionarët e vertetë të fesë kanë kulturë dhe gojtari që të bëjnë ti duash kurr i dëgjon. Misionaret e vertetë nuk proklamojnë para mases se kjo fe është mbi tjetrën, por e duan dhe e cmojnë besimin e vet pa e nencmuar të tjetrit.

Rroftë populli shqiptar! Rrofshin gjitha ata misionarë që vazhdojnë rrugën e misionarëve të mëparshem që kurrë nuk kanë bërë ngatrresa konfeksionale mes shqiptarëve.

Poshtë ata që duan të na përqajnë!

[iliria e para]

Ka kohe qe them se feja eshte armiku me i madh i kombit. E di qe e kundershtoni, por dalngadale do e shifni. Ne nuk kemi ate edukate te duhur qe duhet ta kemi e te dim te ndajme fene nga shteti, ne nuk dim te kuptojme se jemi te rrethuare nga armiqet dhe se keta ne cdo moment do te fusin percares ne mesin ton, ne nuk dim ta kuptojme se jemi te nje gjaku dhe se kemi interese te perbashketa, kombin.
Feja ka dhe ka per te shkaktuar trazira ne mesin tone. Me perzierjen e misionareve mun te vine edhe deri te ajo qe se kemi par gjer me sot tek kombi shqiptar. Kini kujdes e mos bini ne kurtha te fundamentalisteve te cfardo ngjyre qe jane.
Ato duan qe "pataten enxete" te na japin ne ne dore. Mos pranoni.

[Shiu]

Si zakonisht, postimet e mia prape jane viktime e "fsheses" se administratorit te ndritur, i cili nuk duron asnje fjale qe eshte ne kundershtim me idete e tij.

Lum Lumi,

polemikat qe hapen ketu kane nje qellim te vetem: PERCARJEN. Ti vete je deshmitar, si anetar i vjeter i forumit, se ka njerez te caktuar me ne krye me nje administrator qe detyre te vetme te veten kane shkaterrimin e tolerances nderfetare mes shqiptareve.

Ne vend se te flitet per tejkalimin e barrierave ndermjet shqiptareve te Kosoves dhe shqiptareve te Shqiperise, si te shqiptareve te trojeve etnike shqiptare, ketu servohet percarja duke lansuar ide se konvertimi ne krishterizem eshte shpetim per popullin shqiptar.

Pra, ende pa u sheruar plaget e Kosoves nga nje lufte e tmerrshme qe mori dhjetera mijera viktima dhe kushedi sa pasuri te shkaterruar, pikerisht nga kryqi ortodoks serb, ende pa u zgjidhur asnje problem vital i Kosoves, dikush ne rend te dites e ka vendosur religjionin, gjoja si celes te zgjidhjes se te gjitha problemeve tona.

Realiteti tregon se shumica derrmuese e shqiptareve te Kosoves dhe te Maqedonise jane muslimane, shumica e shqiptareve te Shqiperise poashtu jane muslimane qofte edhe deklarativisht, duke ditur se me decenie kane jetuar ne shtetin e vetem ateist ne bote. Por, te qenit musliman, nuk na ben me pak shqiptare se katoliket apo ortodokset, te gjithe jemi te njejte. Muslimanet, se paku ne kete forum, ende nuk i thane asnje te krishteri se nuk jane shqiptare, ndersa ketu nuk pushojne etiketimet se ne shqiptaret muslimane jemi gjoja arab apo turq. Pra, shihet qarte prej nga vie sulmi dhe cfare qellimesh ka.

Ne vend se te ndalohet ky mentalitet mesjetar e te krijohet nje fryme tolerance edhe gjate debateve ne forum, merr perkrahje edhe prej "se larti", prej administratorit qe ka marre rolin e kryemisionarit ketu. Duke mos u kenaqur me fshirje te postimeve (sic do te fshihet edhe ky postim pak me vone), ai heq edhe "grada" nga anetarit e stafit, duke dashur ne kete menyre te "ndeshkoje" me mentalitetin e tij inkuicionist.

Por, ne muslimanet as nuk brengosemi per dezinformatat qe lansohen ne kete forum (nje prej 'margaritareve' eshte shifra njemilionshe e shqiptareve protestante ne Kosove!!!), sepse ne e njohim realitetin ne te cilin jetojme. "Misionaret" e tille mund te mashtrojne ndonje adoloshent te papjekur e qe eshte rritur larg vendlindjes, qe nuk ka pasur rast ta vizitoje vendlindjen e prinderve te tyre e ta shohe realitetin. Por, neve qe jetojme ne kete toke, qe dijme si merr fryme kjo toke, nuk mund te na mashtrojne e te na servojne genjeshtra nga kuzhinat e propagandes antiislamike e antishqiptare.

Feja nuk eshte armik i popullit, armiq jane ata qe fusin percarje. Respektojeni popullin tuaj, mos u beni vegla te Janullatosave e ashtu sic jane duke u treguar disa, tash edhe haptazi.

[angeldust]

Me pak shteti dhe me shume kombi i mban shqiptaret bashke. (Shteti eshte i dobet si ne Shqiperi, po ashtu dhe ne Kosove.)

Nga ana tjeter eshte e vertete qe kombi i mban shqiptaret bashke, por feja nuk eshte fare e parendesishme per shume njerez, prandaj edhe mund te sjelle percarjen e kombit.

Si mund te paraprihet e te ndalohet kjo?

Sigurisht qe nje hap i mire ne kete drejtim do te ishte respektimi dhe pranimi i ndryshimeve te njeri-tjetrit ne ide dhe fe. Kur flasim per fene qe s'na perket neve personalisht, sigurisht qe duhet te jemi me te ndjeshem ndaj reagimeve qe do pasojne deklaratat tona nga besimtart e fese tjeter qe po kritikojme. Nqs. nuk do te jemi paraprakisht te ndjeshem ndaj ketij reaksioni, aq me teper kur kritikojme nje fe te cilen nuk e kemi personalisht tradite (ne rastin e temes sic eshte ketu Islami dhe hapesi i temes Alboja i krishtere) atehere duhet te jemi te pergatitur se do kemi fyer kete bashkesi fetare.

Duhet te jemi te pergatitur kur shohim se shume njerez fyen, dhe kur them duhet te jemi te pergatitur, nuk kam parasysh qe hapesi i temes/administratori te mare fshesen dhe te fshije cdo post qe kundershton mendimet e tij, apo qe i merr pak erzin. Them qe te jete i pergatitur te mbaje pergjegjesi ndaj te tjereve (edhe ndaj kundershtareve ideore) per "tezen" qe parashtron dhe te tregoje ne shesh qellimin e tij te vertete te hapjes se nje teme te tille.

Dhe ky qellim mua (qe e kam ndjekur kete teme nga fillimi ne fund, edhe me postet e hequra) me duket se eshte: "Islami s'eshte i mire" ose "Mos e praktikoni fene tuaj".

Sa per ndalimin e shamise ne vende publike, ajo ben pjese ne lirite e individit qe duhet te jene te garantuara me ligj, dhe nuk mund te alienojme nga shoqeria ato qe zgjedhin ta mbajne. Po te ishte ashtu, duhet te vendoset me ligj edhe nje kufi ne gjatesine minimale te lejuar te fundit te femrave, ose ne masen e dekoltese qe ekspozon gjinjte ... sic masnin gjeresine e pantallonave me vizore ne kohen e partise, se kushedi ndonjeri vinte me pantallona stil kaubojs ne shkolle.

[Albo]

angeldust, Albo hapi temen ne forum por jo debatin mbi kete ceshtje. Debati mbi kete ceshtje eshte hapur ne Kosove dhe po debatohet rendshem ne mediat atje. Artikulli i pare eshte qendrimi i komunitetit musliman ne Kosove qe eshte artikulluar qarte. Artikulli i dyte eshte argumenti ndryshe i atyre qe del ne krah te ndarjes se plote te influences se fese nga shteti. Ua solla te dy artikullt qe te njiheni me qendrimet e paleve perpara se te jepni mendimin tuaj, por mesa duket ju jepni mendim pa lexuar fare artikujt.

Nuk ka asnje keqkuptim apo sulm mbi islamin ne kete teme, ajo ekziston vetem ne mendjet tuaja

Ky debat nuk eshte aspak fetar, eshte debat kombetar dhe nuk duhet te shqetesoje vetem komunitetin musliman por gjithe komunitetet e tjera. Po diskutohet se si do te realizohet ndarja e shtetit nga feja, pra krijimi i shtetit laik dhe cfare maredhenie duhet te krijoje shteti me komunitetet fetare ne shoqerine shqiptare.

Mos e kapni problemin perciptash pasi e perseris, ky nuk eshte debat fetar aspak, eshte debat kombetar mbi rolin e shtetit dhe fese ne shoqerine shqiptare.

Albo