Shteti humb 80 mil. $ në vit nga kontrabanda e cigares

[dodoni]

Biznesi shqiptar i duhan-cigareve deklaron se rreth 75 % e cigareve të importit hyjnë kontrabandë

Cigaret kontrabandë, shteti humb çdo vit 80 milionë $


B.Beqiri

Kontrabanda

Administrata tatimore humb çdo vit mbi 80 milionë dollarë nga kontrabanda e cigareve. Edhe pse Shqipëria zë vendin e dytë të konsumit të cigareve në të gjithë Evropën, pas Turqisë që është e para, ajo importon çdo vit rreth 9-10 mijë ton cigare. Ndërsa Maqedonia dhe Greqia që nga konsumi i cigareve renditen shumë larg vendit tonë, prodhojnë mesatarisht rreth 27 mijë ton cigare në vit. Sipas prodhuesve të cigareve në Shqipëri, këto statistika tregojnë qartë se kontrabanda në vendin tonë është në nivele shumë të larta. Sipas statistikave zyrtare në vendin ton zhdoganohen mesatarisht 2500 ton cigare, shifër kjo që tregon mjaft qartë se jo më pak se 7 mijë ton cigare kanë hyrë kontrabandë. Prodhuesit e cigareve tregojnë se kontrabanda shkakton një dëm ekonomik prej 54.3 milionë dollarë, para këto që nuk arkëtohen nga administrata doganore për llogari të buxhetit të shtetit. Prodhuesit vendas akuzojnë qeverinë se ajo ka ndërmarrë politika diskriminuese ndaj industrisë së duhan -cigareve, e cila që prej datës një 1 korrik ka ndërprerë prodhimin e duhan-cigareve. Sipas të dhënave të bëra publike nga Bashkimi i Investitorëve dhe Industrialistëve të Shqipërisë, rreth 75 për qind e cigareve të importit hyjnë kontrabandë. Fare mirë këto cigare mund të dallohen edhe në treg, ku ato tregtohen pa pullë fiskale dhe fshihen poshtë banakëve të dyqaneve. Por shqiptarët tashmë e kanë mësuar që në treg qarkullojnë cigare kontrabandë, duke kërkuar në treg pikërisht ato që janë pa pullë, të cilat konsiderohen edhe origjinale.




10/01/2004


marrë nga www.shekulli.com

Kjo duhet luftuar nga të gjithë shqiptarët sepse përveç 80 milionë dollarëve humbjeve në buxhetin shqiptar në vit, kemi edhe humbjet tjera që i shkaktohen biznesit shqiptar, gjë që do të thotë më pak vende pune e pastaj edhe ata që punojnë në këtë industri rroga më të ulta etj. etj.
Ministria e Financës mund ta luftoj këtë gjë pa asnjë problem jo vetëm në dogana por edhe direkt në treg sepse cigaret kontrabandë nuk kanë pullat e kësaj ministrie, prandaj duhet ta bëj këtë urgjentisht, dhe jo vetëm me cigare por edhe me mallrat tjerë.
Kjo është në interes të të gjithë shqiptarëve.

Përshëndetje