Londra: Shqipëria në "listën e zezë"

[Shpirt Njeriu]

Shqipëria është future në listën e zezë angleze e cila krahas disa kompanive ajro-re të cilësuara si të pasigurta ka përfshirë edhe kompaninë e vetme shqiptare të fluturimeve Albanian Airlines. Në listë me të janë edhe disa kompani të ven-deve si Siera Leone dhe Kongo, Guinea Ekuadoriale.



Lista e këtyre kompanive e cila nga dita e sotme nuk do të kenë mundësi të prekin tokën e shtetit ishull britanik është bërë publike dje nga Qeveria Angleze, pas incidentit të ndodhur në Egjipt javën e shkuar ku humbën jetën shumë qytetarë anglezë që ktheheshin nga pushimet në Sharm El Sheik. Emrat e shoqerivë ajrore të listës së zezë ju bënë publike Parlamentit Anglez nga ministri i transporteve Tony McNulty. Sipas shpjegimeve të ministrit në parlament mësohet se këto masa radikale merren nga Anglia pasi vëndet e përfshira në listë nuk përmbushin standartet e kërkuara të sigurisë në areoportet e tyre.
"Viktimat" e ashpërsisë angleze të cilat duhet ti thonë lamtumirë fluturimeve drejt Anglisë janë, Equatorial Guinea, Gambia, Liberia dhe Tajikistan, të gjitha për probleme sigurie.
Pëveç shteteve të pasigurta, në listë përfshihen edhe avionë të kompanive si Star Air Ltd, Air Universal nga Sierra Leone, Cameroon Airlines, Albanian Airlines, si dhe Central Air Express nga Democratic Republic of Congo të cilët nuk përmbushin kriteret e duhura. Gjatë fjalës së tij në Parlament në lidhje më këto masa ministri McNulty tha se "Britania e Madhe ka një ndër rregjimet më rigoroze në botë përsa i përket sigurisë të kompanive ajrore. Nëse ne kemi prova dhe të dhëna të cilat na tregojnë se standartet ndërkombëtare nuk janë realizuar atëherë ne nuk na mbetet gjë tjetër përveç se pezullimi dhe rrefuzimi i fluturimeve. Ai shtoi se "lejet e fluturimit mund të refuzohen edhe për arsye të mospagimit të gjobave që këto kompani duhet të paguajnë nga trasportimi i emigrantëve ilegalë. Sipas të dhënave nga ministria e Transporteve angleze mësohet se që nga 1 Janari 2000 një numër kompanish airore kanë aplikuar për të marrë leje fluturimi, por ato janë rrefuzuar për mos përmbushje të kushteve të ICAO (International Civil Aviation Organisation) dhe standarteve që kërkohen nga kjo organizatë.
Të njëjtin fat pati edhe kërkesa e agjencisë së vetme shqiptare në Britaninë e Madhe Alban Travel në Londër të cilës kërkesa për vendosjen e një linje direkte Londër-Tiranë me avionat e Albanian Airlines u rrefuzua sepse sipas palës angleze Aeroporti "Nënë Tereza" nuk ishte i sigurtë dhe se si pasojë mund të shërbente për kalimin e emigrantëve ilegalë. Kjo ka qenë arsyeja e refuzimit të dhënies së lejes për këtë linjë direkte. Autoritetet shqiptare paraqitën si argument kontrolloet e imta policore që realizohen në areoport për të ndaluar transportin e klandestinëve por britanikët nuk u bindën aspak nga ky veprim. Leja nuk ju dha Albanian Airlines. Ministri britanik nuk sqaron se cila është arsyeja që është penguar edhe kjo kompani. Ai rendit vetëm disa arsye që përfshijnë të gjitha vendet në listën e zezë.

Xhafaj: S'kemi njoftime për lista të zeza


Merita Xhafaj drejtoreshë e aviacionit civil e pyetur nga Gazeta Shqiptare thotë se "nuk ka mbëritur gjë në zyrat tona në lidhje me ndonjë listë të zezë. S'besoj se është e vërtetë që Shqipëria të jetë future në ndonjë listë të tillë sepse organizata ndërkombëtare për aviacionin civil ka bërë një kontroll në tetor. Raporti i dalë nga ky raport ka qenë shumë pozitiv". Zyrtarë të areoportit "Nënë Tereza" në Rinas dje kanë garantuar sigurinë në këtë areoport pas masave të mara së fundi nga ana e policisë shqiptare në angazhimin kundër terrorizmit.

Anglia refuzoi fluturimet e Albanian Airlines në Londër


Anglia përjashtoi Shqipërinë nga vendet të cilat kishin të drejtë të vendosnin linja ajrore. Një agjensi udhëtimesh private në Londër morri inisativën për të vendosur një linjë të Albanian Airlines mes Tiranës dhe Londrës. Zyrtarët britanikë të Transportit nuk e dhanë lejen për këtë linjë direkte. Ata bënë një kontroll në Rinas dhe më pas përgjigjia e tyre ishte negative me gjithë garancitë që dhanë zyrtarët shqiptarë në lidhje me sigurinë në të vetmin areoport shqiptar. Gazeta Shqiptare botoi disa muaj më parë vendimin e marrë nga ana e autoriteteve britanike për të mos lejuar vendosjen e linjës direkte mes Shqipërisë dhe Britanisë së Madhe.

[Shpirt Njeriu]

Qeveria britanike ka publikuar listën e kompanive ajrore nga tetë vende të cilave u ndalohet që të hyjnë në hapësirën ajrore të Britanisë për shkak të shqetësimeve rreth standardeve të tyre të sigurisë.

Kompanitë e ndaluara, ato të cilave u janë refuzuar ose anuluar licencat, gjatë tre viteve të kaluara, janë kryesisht operatorë nga Afrika dhe Evropa Lindore.

Në listë përfshihen të gjitha kompanitë nga Guineja Ekuadoriale, Gambia, Liberia dhe Taxhikistani, për të cilat autoritetet britanike dyshojnë se nuk kanë siguri të mjaftueshme.

Gjithashtu, u ndalohet fluturimi edhe dy kompanive nga Siera Leone të cilat kanë dështuar në kryerjen e inspektimeve, pastaj kompanisë Albanian Airlines nga Shqipëria për shkak të shqetësimeve rreth sigurisë dhe Cameroon Airlines, që nuk ka paguar gjobat për transportimin e udhëtarëve pa dokumente udhëtimi.

Feliks Baçi, drejtor komercial i kompanisë shqiptare i tha BBC-së se ata ishin të befasuar nga një vendim i këtillë i autoriteteve britanike.

"Intepretimet mund të jenë të ndryshme. Konsideroj që Albanian Airlines është një viktimë. Do të duhet të jetë një keqinterpretim i ndonjë zyre diku, të cilët nuk janë të mirëinformuar për operimin dhe preformancën tonë", tha zoti Baçi.

Ai, po ashtu, bëri të ditur se ndërmjet Shqipërisë dhe Britanisë së Madhe ka një marrëveshje të shkëmbimit ajror midis dy vendeve, ku një e drejtë e tillë i është dhënë, nga qeveria britanike, edhe operatorit Albanian Airlines për të fluturuar në hapsirën ajrore britanike.

"Ka në fakt një problem të vogël: në qershor të vitit 2003, Albanian Airlines ishte gati të niste fluturimin për në Londër, por dy ditë para fluturimit, në një mënyrë të njëanshme, nga autoritet britanike të sigurisë, ne na u pezullua, nuk na u hoq, kjo e drejtë fluturimi, për arsye të disa problemeve që kishin të bënin me sigurinë e Aeroportit të Rinasit e aspak me sigurinë e fluturimeve të transportuesit ajror që në këtë rast është kompania jonë", tha përfqaqësuesi i Albanian Airlines.

Njoftimi për ndalesat pason trysninë ndaj qeverisë britanike që të shpallë emrat e kompanive të ndaluara pas rrëzimit të një aeroplani egjiptian javën e kaluar.

Është bërë e ditur se Zvicra më herët kishte ndaluar fluturimin në hapsirën ajrore të saj të kompanisë Flash Airlines të Egjiptit, po për shkaqe të sigurisë.

[Shpirt Njeriu]

Vendimi i marrë nga Britania e Madhe për të ndaluar fluturimet në këtë shtet të linjës "Albanian Airlines" nuk është i lidhur me sigurinë, por me problemin e emigracionit klandestin. Drejtues të kompanisë kanë deklaruar se për vitin 2004 do të kërkojnë lidhje direkte me Londrën


Vendimi i autoriteteve britanike për kompaninë "Albanian Airlines" është i lidhur me emigracionin klandestin dhe nuk është çështje sigurie. "Vendimi është në fuqi prej qershorit të vitit 2003. Britanikët janë të preokupuar mbi të gjitha për sigurinë e kontrolleve për kalimin e emigrantëve ilegalë në aeroportin e Tiranës", ka theksuar Feliks Baçi, drejtor i përgjithshëm i kompanisë "Albanian Airlines". Kjo kompani duket se ka qenë e para që po "paguan koston" e emigracionit klandestin, i cili në të shumtën e rasteve kalon nga aeroporti i Rinasit. "Avionët tanë janë anglezë, përgjegjësit e mirëmbajtjes janë anglezë. Përse qeveria britanike duhet të ndalonte fluturimet e avionëve të saj për motive teknike? Vendimi ka dalë vetëm sepse qeveria britanike nuk i konsideron të mjaftueshme kontrollet në aeroportin e Tiranës", thekson përfaqësuesja e kompanisë "Albanian Airilines" në Itali, Silavana Pedika. Sipas saj, në grupin e avionëve të kësaj linje bën pjesë dhe një Tupolev 154 M, prodhim rus, por ai ka vetëm 4 vjet që është ndërtuar. Në një intervistë për ANSA-n, drejtori i përgjithshëm i kompanisë "Albanian Airlines", Feliks Baçi ka theksuar se kompania do të kërkojë autorizimin për të vënë në funksionim lidhjen direkte me Londrën për vitin 2004. Verën e kaluar komandanti i policisë së Rinasit u arrestua për favorizim të klandestinëve, të cilët nëpërjmet linjave ajrore arrinin në vendet e Europës. Ky fenomen shqetëson dhe autoritetet policore, të cilat kanë pranuar që kontrollet në kufij janë të pamjaftueshëm për të parandaluar kalimin e klandestinëve. Vetëm në vitin 2003 policia ka bllokuar 683 persona të cilët donin të largoheshin nga Shqipëria me dokumente të falsifikuara. Një nga pikat e kalimit është pikërisht aeroporti ndërkombëtar i Tiranës. Një ish-trafikant i penduar, Bledar Mane, ka treguar se si ka kaluar me dhjetëra herë nga aeroporti duke shoqëruar klandestinë. Mane ka theksuar se operacioni fenalizohej duke u paguar rryshfete policëve dhe punonjësve të kontrollit. Emrat e shoqërive ajrore të listës së zezë ju bënë publike paralamentit anglez nga ministri i Transporteve Tony McNulty. Sipas shpjegimeve të ministrit kato masa radikale merren nga Anglia pasi vendet e përfshira në listë nuk përmbushin standartet e kërkuara të sigurisë nga aeroportet e tyre. Gjayë fjalës në Pralament ministri McNulty tha se Britania e Madhe ka një ndër rregjimetmë rigorozë në borë përsa i përket sigurisë.



Kontroll "Albanian Airlines" në Romë

Enti kombëtar i aviacionit civil ka ushtruar dje një kontroll në avionin e "Albanian Airlines", i nisur nga Tirana për në Fiumicino me 94 pasagjerë. Dy inspektorë të Entit kombëtar të aviacionit civil janë ngjitur në avionin "Bae 146" dhe kanë ushtruar kontrolle për rreth gjysmë ore. Ky kontroll është ushtruar menjëherë pas publikimit të lajmit për "listën e zezë të avionëve" dhe, në veçanti, pas sinjalizimit të autoriteteve londineze që mes kompanive që u është ndaluar hyrja në qytetet britanike është dhe "Albanian Airlines". Në njoftimin zyrtar thuhet se kontrolli është ushtruar për shkak të mungesës së sigurisë në kufijtë shqiptarë për të parandaluar emigracionin ilegal. Pikërisht për këtë janë kontrolluar pasagjerët që udhëtonin me këtë linjë dhe bagazhet e tyre. Nga Roma për në Tiranë janë 4 fluturime në javë të linjës "Albanian Airlines" si dhe një linjë të përditshme nga Bolonja, ndërkohë që kjo linjë është vënë në funksionim prej 8 vjetësh.

Kompania: Avionët tanë janë anglezë

Albanian Airlines" nëpërmjet përfaqësueses së saj në Itali, Silvana Pedika, hedh poshtë akuzën e Britanisë së Madhe, sipas së cilës, nuk është një kompani e sigurtë. "Avionët tanë kontrollohen çdo 6 muaj në Angli dhe nuk është e vërtetë që fluturojnë 24 orë. Maksimumi bëjnë katër fluturime në ditë dhe linja më e gjatë është Tiranë- Frankfurt", deklaroi Pedika. Përsa i përket mirëmbajtjes kemi në Tiranë dy inxhinerë anglezë. Përfaqësuesja e "Albanian Airlines" kujton se prej kohës nuk ka më në shërbim avionët Tupolev 134, të cilë prej zhurëms që prodhojnë motorët nuk mund të fluturojnë më në Europë. "Për llogari të Ministrisë së Brendshme të Italisë, organizojmë dhe fluturime për të përjashtuarit. Fluturimet tona nuk ndalojnë asnjëherë, as në raste grevash, sepse në bord ndodhet gjithmonë ndonjë qytetar shqiptar me urdhrin për t'u përjashtuar nga shteti italian", ka theksuar Silvana Pedika.