Politikanët shqiptar dhe karriera e tyre

[dodoni]

Tek ne shqiptarët në përgjithësi të kaluarën është bërë karrierë vetëm me punë antikombëtare duke marrë ndonjë përfitim të vogël personal nga vendet e interesuara për të na shfrytëzuar ne dhe në këtë mënyrë shikuar në aspektin afatgjatë jo vetëm se i kemi bërë dëm kombit por edhe fëmijëve e pasardhësve tanë e edhe vet vetes sonë sepse duke punuar për kombin do të kishim përfituar shumë më shumë në aspektin afatgjatë.
Kjo ka ndodhur pothuajse gjatë gjithë historisë sonë më të re, që nga para-pavarësia e deri në kohët e sotme nga shumica e politikanëve shqiptar dhe përveç në disa raste shumë të rralla këta njerëz kështu kanë bërë karrierë politike, pra populli natyrisht nga injoranca për arsye të ndryshme nuk ka reaguar si duhet.
Në çdo vend të zhvilluar të botës së sotme njerëzit votohen vetëm kur këta me të vërtetë e kanë treguar veten e tyre se dijnë të mbrojnë në mënyrën më të mirë të mundshme interesat e tyre, kurse tek ne kjo rrallëherë ka ndodhur dhe kjo është edhe një nga arsyet kryesore se pse i kemi punët ashtu siç i kemi.
Edhe në Kosovë dhe trojet e tjera shqiptare të ish-okupuara nga ish-Jugosllavia, deri në fund vitet e 80-ta kështu ka qenë, patrioti apo ai që ka mbrojtur interesat e popullit në mënyrën më të mirë të mundshme është vrarë apo burgosur,malltretuar e gjithë familja i është terrorizuar kurse ata që punonin për interesat e huaja përfitonin pasuri dhe gëzonin privilegj deri në kohën kur edhe këta vet e pësonin nga vet ata punëdhënësit e tyre. Por në këto troje e veçanërisht në Kosovë gjatë fundviteve 80 u bë një pastrim i popullit e ata që punonin kundër popullit dhe vetes së tyre sot sillen rrugëve të qyteteve të Serbisë, të përbuzur nga të gjithë, kurse ata që me të vërtetë punonin për veten e tyre e kjo dmth. edhe për kombin merrnin votat e rrjedhimisht edhe pushtetin (edhe pse paralel në atë kohë e nuk kishte pothuajse aspak, por tani e kam fjalën më shumë), gëzonin privilegje e edhe përfitonin.
Rugova që të gjithë besoj e dijmë se si ka ardhur në krye të LDK-së, me rezistencën e fuqishme dhe shumë të guximshme të asaj kohë që ky bëri ndaj shovinizmit serb. E njëjta gjë vlen edhe për mbi 99 përqind të stafit të LDK-së por edhe atyre të partive tjera të formuara në atë kohë në Prishtinë.
Gjatë luftës dhe pas luftës, u formuan edhe partitë tjera nga ish-UÇK-ja të gjithë njerëz që për kah vlerat kombëtare ishin edhe më të merituar se këta të parët sepse këta kishin sakrifikuar edhe jetën për çështjen tonë kombëtare.
Politikanët shqiptarë të Kosovës mbi 99 përqind e tyre janë ashtu siç e meriton një popull ti ketë udhëheqësit e tij, dhe për ta e tek ta asnjë nuk ka asnjë dyshim (përveç rasteve të disa individëve shumë të pakët që edhe pse e dijnë fare mirë pastërtinë e kundërshtarit, për të fituar më shumë kredo politike sulmon kundërshtarët politikë me akuza natyrisht të paqena tradhëtie).
Dhe më kryesorja në politikë tek shqiptarët e Kosovës nuk mund të bësh karrierë me punë antivetes që dtth edhe antikombit sepse me këtë mund ta presësh vetëm greminën.
Por kjo nuk qëndron në shumicën e rasteve në Shqipërinë e sotme.
Atje kryeministri i votuar nga shumica shqiptare posa erdhi në pushtet e lëshoi atë deklaratën antivetes së tij dhe antikombit të tuaj së bashku me takimin poashtu antivetes dhe antikombit, të tij me njeriun që sot gjendet në Hagë për krime kundër njerëzimit dhe me të cilin në atë kohë as politikanët përëndimor e amerikan nuk takoheshin.
Sot, kryeministri shqiptar që bën më shumë pushime se cilido pushtetar tjetër në botë (duke përfshirë edhe pushtetarët miliarderë të Amerikës),edhe pse nuk jam kundër pushimeve të pushtetarëve por edhe kjo duhet të bëhet me njëfarë mase dhe siç thotë populli duke shtrirë këmbët sa ke jorganin.
Sot, kryeministri shqiptar vjen për vizita në SHBA dhe në vend që të takohet me miliarderat e milionerat e shumtë shqiptaro-amerikanë prej të cilëve vendi ynë do të kishte pasur mundësi të thithte miliarda dollarë investime duke punësuar me mijëra e mijëra shqiptar dhe duke i ecur zhvillimet ekonomike shumë më shpejt se ç'kanë ecur e janë duke ecur, ai takohet me një shkrues filmash shovinist grek i cili ka shkruar qindra shkrime shoviniste antishqiptare në pothuaj gjithë gazetat amerikane.
Po ky shkrues filmash ka shumë më shumë respekt jo vetëm nga kryeministri por edhe nga shumë politikanë tjerë e media shqiptare se ta zëmë krerët e komunitetit shqiptaro-amerikan edhe pse të gjithë e dijmë për përfitimet që mund të dalin për të gjithë shqiptarët nga bashkëpunimi sa më i mirë dhe sa më i madh me shqiptaro-amerikanët dhe dëmet që mund të kemi dhe edhe i kemi pasur nga bashkëpunimet e takimet me shkrues filmash shovinist antishqiptar.
Dhe ky kryeministër, kur vije puna te deklarimi i pasurisë pa turp fare deklaron që nuk ka shtëpi e nuk ka pasuri kur e gjithë populli e di fare mirë se çfarë ka e çfarë nuk ka ai. Kush mund ta besoj në botë që një kryeministër nuk ka shtëpi sot në botë, dhe sidomos kur ky kryeministër vjen nga një nga vendet me korrupsion ndër më të lartët deri para pak kohësh. Por nejse se kjo edhe nuk aq e rëndësishme krahasuar me faktet tjera këtu.
Kryeministri shqiptar ka disa muaj që emrin Kosovë nuk e ka nxjerrë asnjëherë nga goja (kur dihet se Kosova është një nga problemet kryesore jo vetëm kombëtare por edhe europiane), se për shqiptaro-maqedonsat, ata të malit të zi, luginës së preshevës e të çamërisë as nuk mund të merret me mend.
Kryetari i opozitës edhe ai bën një deklaratë antikombëtare në kohën kur ishte në pushtet për punën e Kosovës, pastaj gabimin me fajdet në të cilin edhe PS mban pjesën e vet të fajit, dhe tani së fundi marrëveshjen antikombëtare me PBDNJ në jug për zgjidhjet lokale.
Këta politikanë pothuajse asnjëherë nuk vizitojnë shqiptarët dhe trojet tona (që në të njëjtën kohë janë edhe të tyret sepse janë shqiptar) jashtë.
Këta politikan populli gjithmonë i voton dhe kanë bërë e janë duke bërë karrierë.
A duhet edhe në Shqipëri një pastrim i politikës si në Kosovë?
Mendoj që çdo shqiptar normal do të përgjigjej me po dhe shpresojmë që kjo të bëhet sa më shpejt që është e mundur sepse sa më shpejt që bëhet më pak dëm vendit dhe më shpejt në zhvillimin ekonomik e në çfarëdo aspekti tjetër do të ec vendi.

Përshëndetje