Gjyqtarë të korruptuar, anëtarë të Gjykatës së Krimeve të Rënda

[ALBA]

KLD-ja do të zgjedhë sot anëtarët e Gjykatës së Krimeve të Rënda. Kandidatët që marrin pjesë në këtë garë vijnë nga pesë gjykatat e Apelit. Shumica e tyre janë emra të përfolur për lirime kriminelësh e afera korruptive. Numri më i madh i kandidatëve vijnë nga Gjykata e Apelit të Vlorës, më e përfolura në drejtim të vendimeve të padrejta.

Gjyqtarë të korruptuar, anëtarë të Gjykatës së Krimeve të Rënda

Sot pritet që Këshilli i Lartë i Drejtësisë të përzgjedhë kandidaturat për anëtarë të Gjykatës së Krimeve të Rënda. Gjykata aq shumë e përfolur është parë si një institucion që do t'i jepte një goditje më të madhe krimit të organizuar, se institucionet aktuale të sistemit gjyqësor. Por premisat e zhvillimit tregojnë se që në fillimet e veta kjo Gjykatë, po e fillon punën e komprometuar. Kandidatët për anëtarë të Gjykatës së Krimeve të Rënda janë shumica nga gjykatat e Apelit të Vlorës, Shkodrës dhe Korçës. Gjykata këto, nga më të përfolurat për lirime kriminelësh me anë të mitëmarrjes, vendime të padrejta e antiligjore.

Pjesa dërrmuese e tyre janë nga Gjykata e Shkallës së dytë të Vlorës. Një ndër emrat më të përfolur për anëtarë të Gjykatës së krimeve të rënda është edhe Sazan Aliko, kryetar i Gjykatës së Apelit në Vlorë. Gjyqtari Aliko është përfolur shpesh për vendime jo në përputhje me ligjin dhe për afera korruptive, duke përdorur detyrën e tij si Kryetar i Gjykatës së Apelit Vlorë. Madje gjatë një kontrolli të bërë nga Ministria e Drejtësisë, në vendimet e tij janë gjetur shkelje. Ai është përfolur për t'u larguar nga detyra e tij si kryetar i Gjykatës së Apelit në Vlorë. Por mesa duket ky ka qenë kompromisi i heshtur. Ai do të largohej nga Vlora, e do të sillej si anëtar i Gjykatës së krimeve të Rënda, për të cilën është bërë gjithë kjo zhurmë. Një tjetër kandidat potent për anëtar të Gjykatës së Krimeve të Rënda, është edhe Sashenko Jonuzi. Edhe ky, gjyqtar i shkallës së dytë në Vlorë. Kandidat për anëtar të Gjykatës së Krimeve të Rënda, janë të gjithë gjyqtarët e Apelit në Shkodër. Gjithashtu kandidat janë edhe një pjesë e mirë e Gjyqtarëve të Apelit në Korçë dhe në Durrës.

Këshilli i Lartë i Drejtësisë sot do të përzgjedhë mes këtyre kandidaturave, anëtarët e Shkallës së Parë të Gjykatës së Krimeve të Rënda dhe Shkallës së Dytë të po kësaj Gjykate. Pothuajse të gjithë emrat që kandidojnë për anëtarë të kësaj gjykate janë të përfolur për afera korruptive, të cilat kanë ndikuar në shumicën e vendimeve të tyre. Mbi ta rëndojnë akuza nga më të ndryshmet si për lirime kriminelësh, mitëmarrje etj.. Pjesëmarrja e emrave të parashikuar në këtë Gjykatë, zhvlerëson totalisht pritshmërinë për vendime të drejta e të pakomprometuara të kësaj Gjykate. Qëllimi i kësaj Gjykate ishte një fytyrë e re e sistemit gjyqësor, ku nuk do të depërtonte korrupsioni e që do t'i jepte një fytyrë tjetër këtij sistemi aq shumë të përfolur. Por prania e të njëjtëve persona që janë akuzuar për vendime jo të drejta, e zhvlerëson ngritjen e kësaj Gjykate. Krijimi i një kuadri funksionues, buxheti të veçantë, apo edhe një ndërtese të veçantë, nuk do të thotë se do të jetë një goditje efektive ndaj krimit të organizuar. Goditjen ndaj krimeve të rënda e japin njerëzit. E nëse këta njerëz kanë qenë të inkriminuar në punën e tyre si gjyqtar në Gjykatat e Apelit, ku kanë punuar më parë, a mund të bëjnë punë të pastër si anëtar të Gjykatës së Krimeve të Rënda?

Kjo pyetje e ka përgjigjen të dhënë. E vetmja gjë që mund të bëhet në këto momente, është ndërhyrja e menjëhershme e KLD-së dhe Presidentit si Kryetar i këtij institucioni, për të mos lejuar depërtimin e emrave të përfolur në këtë Gjykatë. Zhvillimet tregojnë se tashmë pak mund të bëhet.

Gjykata e Krimeve të Rënda është një ndër kushtet e Bashkimit Europian për vendin tonë. Krijimi i kësaj Gjykate është pjesë e bisedimeve teknike në kuadrin e negociatave për marrëveshjen e stabilizim asocimit. BE-ja e ka konsideruar krijimin e një Gjykate të tillë si një angazhim në luftën kundër krimit të organizuar. Por zhvillimet e fundit tregojnë se nga Bashkimi Europian do të marrim sërish kritika. Gjykata duhet të ishte ngritur që në pranverë të këtij viti. Ligji për funksionimin e kësaj Gjykate është miratuar që në pranverë nga Parlamenti, por ngritja e Gjykatës është zvarritur.


Tema

[ALBA]

Raporti/Spiro Peçi shprehet i vendosur për të pastruar gjyqësorin shqiptar nga të implikuarit

“Ndëshkim gjyqtarëve të ‘krimit”
Flet Ministri i Drejtësisë: Gati pesë emrat për në KLD

Artur Qorraj

Ndëshkime për gjyqtarët që shkelin ligjet dhe favorizojnë kriminelët. Ngritje në detyrë për gjyqtarët që zbatojnë kodin ligjor dhe i shërbejnë drejtësisë.

Këto dy fjali janë postulatet e këtij viti për ministrin e Drejtësisë, Spiro Peçi. Që prej ardhjes së tij në detyrë, për herë të parë ka patur gjyqtarë të ndëshkuar rreptësisht për gabimet që kanë bërë dhe një vlerësim real. Megjithëse e di se ka pjesë edhe Këshilli i Lartë i Drejtësisë, Peçi shprehet i vendosur se vetëm kështu mund të kthehet realiteti dhe të vihet drejtësia në vend. Ai thotë se shumë shpejt raportet e inspektimeve të bëra në gjykatat e mëdha në rrethe e kryeqytet do të konkludojnë me largime gjyqtarësh, të paktën pesë të tillë dhe paralajmërime të shumta. Këto dy ditë mësohen edhe emrat e 27 gjyqtarëve të Krimeve të Rënda, që do kenë privilegjin të marrin pjesë.

Zoti ministër, së fundi duket se ka marrë udhë edhe ngritja e Gjykatës së Krimeve të Rënda. A është e vërtetë që gjyqtarët e Tiranës nuk kanë pranuar të marrin pjesë dhe përse?
Ngritja e Gjykatës së Krimeve të Rënda është një iniciativë e herëshme, por që kërkon ende kohë për të marrë formën e plotë, deri në ndërtimin e godinës me fondin prej 5 milionë eurosh të dhëna nga Bashkimi Evropian. Është e vërtetë që gjyqtarët e Tiranës nuk kanë preferuar të shkruajnë emrat në listën e kandidaturave për Krimet e Rënda. Ka patur vetëm 4 kandidatura nga Tirana, ndërkohë që nga rrethet janë seleksionuar 80 kandidatura.

Cila është situata e përzgjedhjes dhe kur mësohen emrat?
Për secilën shkallë, të Faktit dhe Apelit, janë nga 40 kandidatura të përzgjedhura për momentin. Numri kufi i përcaktuar është 27 gjyqtarë, 16 për Faktin dhe 11 Apeli. Janë në fazën përfundimtare dhe finalja është vetëm çështje ditësh. Ndoshta edhe nesër. Duhet thënë se po këta gjyqtarë kanë gjykuar edhe krimet e rënda deri më sot dhe në po ato godina aktuale. Vetëm se kërkohet përshtatja me standardet evropiane dhe reforma legjislative, me të cilat ne jemi shumë të avancuar, siç e kanë shprehur edhe organizmat e huaja.

A ka ushtruar kontroll Inspektoriati i Ministrisë së Drejtësisë nëpër gjykata gjatë kësaj kohe?
Po, është bërë një kontroll në rrethet si Vlorë, Elbasan, Fier, Korçë, Tiranë etj. Kanë ardhur materialet dhe janë duke u parë me kujdes të gjitha shënimet dhe dosjet e paraqitura. Them se ka mjaft të meta, madje dhe në emërues të përbashkët, shkelje që vihen re nga disa gjyqtarë në rrethe të ndryshme. Duhet ndryshuar koncepti dhe mëshuar në zbatimin deri më një të ligjit.

Nga raporti i deritanishëm, a ka gjyqtarë që kanë shkelur rëndë ligjet, ose procedurat e gjykimit?
Mund të them se ka mjaft shkelje. Por nuk mund të përcaktohet saktë sa do të jetë, ose mund të jetë numri i masave. Ndoshta mund të jenë 15 masa, më tepër, ose më pak. Kjo do vendoset më vonë.

Sa vlerësohen më të rënda dhe sa gjyqtarë rrezikojnë largimin?
Deri tani janë shtatë gjyqtarë që përfshihen në shkelje të rënda, ndërsa mund të thuhet se të paktën 5 prej tyre janë për t´u larguar për shkeljet e bëra.

Cili është gabimi dhe nga cilat rrethe janë gjyqtarët?
Gabimi më i rëndë është favorizimi i të akuzuarit, shkelje e procedurave etj. Ndërsa ka nga disa rrethe, si Tiranë, Vlorë, por nuk mund të publikohen tani të gjitha, sepse ende nuk është përfunduar raporti. Numri i saktë do të mësohet pas pak kohësh kur të jepet edhe vendimi përfundimtar.

Mund të na thoni se si do të hartohet projektligji për kontrollin e sekuestrimin e aseteve financiare që nuk u dihet burimi, apo janë të pista?
Pas takimit me ambasadorin amerikan, Xhejms Xhefri, ka nisur puna për të parë mundësitë dhe hapësirat për të bërë një ligj sa më të saktë në këtë drejtim, që të mos përfundojmë në një “autogol” më vonë. Mendohet që brenda muajit maj të jetë gati, po kështu edhe disa ndryshime në Kodin Penal. Janë duke u parë edhe ligjet e shteteve fqinje, variantet e të cilëve do merren parasysh, për t´iu përshtatur edhe partnerëve evropianë. Këtë ligj e ka kërkuar edhe Kryeministri Fatos Nano me urgjencë në një nga takimet e zhvilluara. Mbështetemi edhe te rezoluta e këshillit të sigurimit për terrorizmin e asetet e tij, sekuestrimin e parave të pista, neutralizimi i fenomenit në fjalë dhe një skic-projekt, që të mos biem në kundërshtim me konventat ndërkombëtare. Pas ligjit do të ketë të tjera praktika për zbatim dhe gjatë kësaj kohe do vendoset, nëse do ketë agjenci për kontrollin e aseteve, apo një institucion tjetër.



Krimet e rënda, pranë Burgut 313 e RENEA-s

Më së fundi është vendosur edhe fati i Gjykatës së Krimeve të Rënda. Godina e saj për momentin nuk është gjetur, por është caktuar vendi ku do të ndërtohet me 5 milionë euro të dhëna nga Bashkimi Evropian. Sipas ministrit Spiro Peçi, aktualisht do të funksionojnë pranë gjykatave në Tiranë për një farë kohe. Më pas do të kalojnë pranë Burgut 313 të Tiranës, ku është një ambient i përshtatshëm, edhe ky jo për një kohë të gjatë, sepse do të nisin punimet e godinës së madhe. Gjykata e Krimeve të Rënda do të ndërtohet pranë burgut dhe njëkohësisht Repartit të Forcave Speciale të RENEA-s. Ndërtimi i saj kërkon një kohë të gjatë dhe deri atëherë gjyqet do zhvillohen në gjykatat ekzistuese të Faktit e Apelit si dhe në godinën që do të merret përkohësisht pranë repartit special. Me funksionimin e kësaj gjykate do të angazhohen edhe një numër policësh të përzgjedhur. Nuk përjashtohet mundësia që këta policë të jenë nga reparti special. Burgu dhe gjykata, sipas rregullit, duhet të jenë shumë afër për lehtësi transportimi dhe duke marr parasysh rëndësinë e proceseve që do të zhvillohen. Numri i policëve që do të mbrojnë objektin, gjyqtarët e prokurorët, nuk është përcaktuar ende. Për Gjykatën e Krimeve të Rënda është përzgjedhur modeli italian i gjykatave bunker, ku burgjet dhe gjykatat janë afër njëra-tjetrës, për efekt sigurie.



Mjetet penguan kalimin e Togës

Ministri Spiro Peçi pohoi se Toga e Shoqërimit do të qëndrojë në varësi të Ministrisë së Rendit, derisa të gjenden mjetet e duhura. Sipas tij, është lëvruar fondi, por përsëri akoma nuk ka kaluar i gjithë dokumentacioni i duhur. Në momentin që do të blihen mjetet do të bëhet edhe kalimi. Ndërkohë, Toga e Shoqërimit ka mëse një javë që vazhdon të pezullojë të gjitha gjyqet penale, për shkak se nuk mund të marrë të paraburgosurit npër burgjet ku ndodhen aktualisht. Kalimi i varësisë së Togës, lindi që në ditët e fundit të muajit gusht të këtij viti, ku Ministria e Drejtësisë pranoi të merrte në varësinë e saj atë. Ndërkohë, afati kaloi dhe nuk u bë i mundur dot kalimi i të gjitha dokumentacioneve, dhe jo pak, por tre herë Toga pezulloi punën e saj po për këtë shkak. Ndërsa dje ministri Peçi shpjegoi se një ndër shkaqet për moskalimin e Togës eshtë edhe mungesa e mjeteve, që do të përdoren për shoqërimin e të paraburgosurve. Pritet që deri në fund të këtij muaji, Toga do të vazhdojë të mbetet nën varësinë e Ministrisë së Rendit. Dhe dje përsëri nuk janë zhvilluar gjyqet penale.



Skualifikohen 6 gjyqtarë të Krimeve të Rënda

Jo të gjithë gjyqtarët kandidatë të Krimeve të Rënda kanë mundur të kalojnë në fazën finale. Sipas paralajmërimit të bërë muaj më parë, se do të zbatoheshin kriteret, si vjetërsia, mospërfshirja e të penalizuarëve apo atyre që kanë masë ndëshkimore etj., ministri Spiro Peçi i ka shkuar deri në fund. Janë të paktën gjashtë gjyqtarë të hequr nga lista për këto motivacione. “Janë vendosur kritere për gjyqtarët e krimeve të rënda. Nga 80 kandidaturat, që po shqyrtohen në fazën finale, janë hequr nga lista 4-6 kandidatura, pikërisht për masat ndëshkimore, vërejtjet që kanë patur, abuzimet etj. Ndërsa tani fillon faza finale e kritereve të vjetërsisë e specializimeve”, u shpreh kreu i dikasterit të Drejtësisë. Kryesisht gjyqtarët janë nga rrethet dhe lista nga 40 emra për secilën nga shkallët, apel e fakt, do të shkurtohet deri në 27 emra fitues. Gjyqtarët e Tiranës nuk kanë preferuar të përfshihen në këtë gjykatë, për arsye nga më të ndryshmet. Sipas Peçit, secili prej togave ka qenë i lirë të hedhë kandidaturën e tij, pavarësisht nga vendi i banimit.

Gazeta Panorama

[ALBA]

KLD-ja perzgjedh 16 emrat e pare per Krimet e Renda
Per rreth gjashte ore Keshilli i Larte i Drejtesise ka mundur te votoje vetem 16 kandidatura nga 27 te parashikuara, 10 kanditadatura per gjyqtare ne Gjykaten e Krimeve te Renda ne Fakt dhe gjashte kandidatura gjyqtaresh per Gjykaten e Apelit kanditaturat e tjera do te percaktohen ne fillim te vitit tjeter

Keti BANUSHI

Ka zgjatur mbi gjashte ore mbledhja e djeshme e Keshillit te Larte te Drejtesise, i cili ka perzgjedhur vetem 16 kandidatura nga 27 gjyqtare qe do te gjykojne ceshtjet ne dy Shkallet e Gjykates se Krimeve te Renda. Sipas burimeve nga KLD-ja votimi i kanditaturave qe ishin perzgjedhur fillimisht ne baze te kritereve eshte zhvilluar normalisht dhe emrat e miratuar do ti paraqiten Kryetarit te Keshillit te Larte te Drejtesise per te bere miratimin. Ne mbledhjen e djeshme kane qene te pranishem te 15 anetaret e KLD-se dhe nuk kane marre pjese ne votim vetem kater prej anetareve, Presidenti i cili do te beje miratimin e kandidaturave si dhe tre anetaret e KLD-se qe kishin paraqitur kerkesa. Nga kandidaturat e paraqitura kane mundur te votohen dhe kane fituar 10 gjyqtare te per Gjykaten e Shkalles se Pare dhe 6 gjyqtare per Gjykaten e Apelit. Ndersa gjyqtaret e tjere do te perzgjidhen ne fillim te vitt tjeter pasi perzgjedhja e tyre do te studiohet per te gjetur kandidaturat me te pershtashme Sipas burimeve gjyqtaret e Gjykatave te Tiranes kane qene ndoshta te vetmit, qe i jane terhequr joshjes se pare per te qene gjyqtare ne Gjykaten e Krimeve te Renda, e cila pritet te filloje funksionimin ne muajin janar te vitit qe vjen.

Mungesa e infrastruktures dhe mosdiferencimi i math i rroges, e cila rritet vetem 5% per shkallen e pare dhe 10% per Gjykaten e Apelit, mungesa e nje ambjenti te pershtatshem per te punuar kane qene ndoshta arsyet qe i kane bere gjyqtaret e gjykatave te kryeqytetit te terhiqen nga deshira per te punuar ne te.

Mungesa e kushteve dhe infrastruktures u evidentua edhe nga vete Presidenti i Republikes Alfred Moisiu, qe eshte edhe Kryetari i Keshillit te Larte te Drejtesise, i cili ne konferencen gjyqesore qe u zhvillua disa dite me pare u shpreh se: "Gjykata e Krimeve te Renda do te kete nje rol te rendesishem ne luften kunder krimit te organizuar, korrupsionit, trafikut dhe fenomeneve te tjera identifikuese me te keqen ne shoqeri. Krijimi i kesaj gjykate do te sjelle nje fryme te re dhe shenon nje hap pozitiv per drejtesine. Por, qe ajo te realizoje qellimin, per te cilin krijohet, eshte e domosdoshme te merren te gjitha masat e metejshme per mbarevajtjen e punes se saj. Kryeministri disa dite me pare deklaroi se qeveria ka marre te gjitha masat per pajisje teknike, me godina, infrastrukture etj. Jam i prirur te besoj se ekzekutivi po kryen si duhet detyren e tij. Megjithate ne baze te informacioneve qe kam, shpreh shqetesimin se jo gjithcka eshte ashtu si thuhet, se ende ka probleme te pazgjidhura qofte me godinat, qofte edhe me mjetet e tjera te domosdoshme te punes. Nga ana tjeter, dua te terheq vemendjen per procesin e perzgjedhjes se kandidaturave, pasi ne konceptin tim ato duhet te jene gjyqtare me integritet te larte moral e professional, besnike te ligjit dhe kurajoze. Ky proces duhet shoqeruar me trajnimin intensiv te tyre dhe marrjen e masave te tjera qe gjithcka te behet ne afatet e percaktuara nga ligji".

Sipas burimeve nga Gjykata e Tiranes shume gjyqtare te kesaj gjykate megjithse i plotesonin kriteret per tu fituar vendin si gjyqtare ne Gjykaten e Krimeve te Renda kane mbetur te zhgenjyer nga puna per krjimin e saj gje qe ka bere te terhiqen nga konkurimi.

Lista e gjyqtareve

Per Gjykaten e Faktit per Krimet e renda

Artan Gjermeni kryetar

Bardhyl Dhame

Pellumb Zaimi

Sander Sinani

Dritan Hullumaj

Artan Laze

Ardiana Bera

Per Gjykaten e Apelit

Vangjel Kallco kryetar

Arjan Salati

Gjovalin Pervoci


korrieri