Policia Bllokon Daljet Nga Vendi.

[Shpirt Njeriu]

TIRANE

Prej tre ditësh familja Gjura në Laprakë të Tiranës është përfshirë nga ankthi i zhdukjes së vajzës së tyre. Vajza ka dalë nga shtëpia paraditen e hënë dhe është larguar pa lënë asnjë adresë. Më kot janë përpjekur familjarët për ta gjetur nëpër të afërmit apo shoqet e saja. Ndërkohë, edhe pas denocimit të zhdukjes së vajzës së tyre në polici, nuk ka patur ndonjë zhvillim për lokalizimin dhe kthimin e saj. E.Gjura vazhdon të mbajë të shkëputura lidhjet me familjen dhe tre ditë pas zhdukjes nuk dihet ende në është larguar me dëshirë, apo është rrëmbyer.

Kërkimet
Me të marrë sinjalizimin përkatës agjentë të Komisariatit numër 3 të policisë së Tiranës filluan punën për lokalizimin dhe kthimin e vajzës në shtëpi. Burime policore thanë për Gazetën se nga pyetja e familjarëve dhe të afërmve nuk rezulton se 15-vjeçarja të ketë ikur për shkak të mosmarrëveshjeve nga shtëpia. Kjo e ka bërë edhe më enigmatike zhdukjen e saj, pasi nuk dihet të ketë pasur ndonjë lidhje dashurore, e cila mund të sillte një arratisje nga shtëpia. Aktualisht fotogafia e adoleshentes është shpërdarë nëpër postblloqe dhe pika të kalimit të kufirit. Kjo e fundit është bërë, sipas policies, si masë paraprake për prandalimin e daljes së vajzës jashtë shtetit.

Kthimi
Ndërkohë dje janë kthyer dy adoleshëntë të tjerë, të cilët ishin larguar nga shtëpia të njëjtën ditë me 15-vjeçaren. B.Fasllia dhe A.Qehajaja janë kthyer pasditen e djeshme, ndërkohë që kishin dy ditë të larguar nga shtëpia. Familjet e këtyre të tmerruar nga largimi pa adresë i fëmijëve kishin denoncuar në polici. Dy adoleshentët e kthyer dje banonin në të njëtën lagje të kryeqytetit me E.Gjurën dhe kjo ka bërë që fillimisht policia të dyshonte se ata ishin larguar në grup. Ndërkohë që B.Fasllia dhe A.Qehajaja u kthyen dhe deklaruan se kishin tentuar të iknin për në Angli, rezultoi se ata nuk kishin qenë me 15-vjeçaren, madje nuk e njihnin atë.