Libri i ri "Perceptimi i gjinise ne Shqiperi"

[Larsus]

Lajmërim për Publikimin e një Libri


PERCEPTIMI I GJINISË NË SHQIPËRI


CIVIC EDUCATION PROJECT kërkon kontributin tuaj për realizimin e një publikimi punësh studimore dhe akademike në lidhje me gjininë në Shqipëri, si një nga numrat e pavarur të serisë rajonalë Perceptimi/Mësimdhënia e Gjinisë: Studimet e Grave në Evropën Jug-Lindore. Libri do të jetë një përmbledhje e perspektivave kritike dhe ndërdisiplinore mbi gjininë në aspektin historik dhe atë bashkëkohor në Shqipëri. Libri do të publikohet nga Qendra për Studime mbi Gratë në Beograd dhe do të shpërndahet nëpër Evropë si një burim studimi dhe si mjet mësimdhënie. Mirëpresim shkrime nga të gjitha disiplinat, si edhe nga aktorë socialë që nuk janë në botën akademike, si për shembull punonj ësit e fushave që merren me reformat shoqërore dhe institucionale.

Mirëpresim veçanërisht shkrimet që mund të përfshihen në një nga temat e mëposhtme:



- Punime teorike kritike mbi sjelljet gjinore – studimet kulturore, filozofi.

- Studime kritike mbi maskilizmin

- Punime që merren me identitetet e ndryshme gjinore në Shqipëri – dhe ndërlidhjet e gjinisë me seksualitetin. Për shembull, si sillen komunitetet homoseksuale në një shoqëri përgjithësisht armiqësore?

- Studime origjinale rreth të shkuarës së afërt socialistë do të mirëpriten: Çfarë lloj kulture materialiste u adoptua për të indentifikuar maskilizmin dhe feminilitetin në periudhën socialiste?

- Marrëdhëniet midis reformave institucionale dhe identifikimeve gjinore dhe sjellja e tyre në periudhën post-socialiste, duke përfshirë këtu ndryshimet politike, ekonomike dhe institucionale në përbërjen gjinore dhe perceptimin e tyre. Si i kanë kuptuar shqiptarët e zakonshëm ndryshimet e nisura nga tregu dhe shoqëria civile nën influencën e reformave për integrimin evropian?

- Studime kritike mbi historikun, qëllimet dhe rezultatet e punës së organizatave jo-qeveritare ndërkombëtare në fushën e gjinisë.

- Raporte kritike që kanë të bëjnë me mësimdhënien e studimeve gjinore në arsimin shqiptare parë kjo nga perspektiva e institucioneve, mësuesve dhe e studentëve.

- Në ç’mënyrë ndërlidhet gjinia me etnicitetin? A është stereotipi i grave rome ndryshe nga ai i grave shqiptare? Si identifikohen qytetarët shqiptarë me kombësi joshqiptare në lidhje me gjininë në shoqërinë shqiptare post-socialiste? Si reagojnë gratë me kombësi joshqiptare ndaj sjelljeve dominuese të maskilizmit dhe feminilitetit në Shqipëri? Po meshkujt me kombësi joshqiptare?



Ju lutem dorëzoni abstraktet para: 10 Dhjetor 2003
Data e dorëzimit të shkrimit: 1 Shkurt 2004
Gjatësia e punimit: 2,000 – 5,000 fjalë
Gjuha e punimit: preferohet Anglisht, ose shqip.


Ju lutem dërgojini punimet tuaja, komentet, si edhe pyetjet tek editorët e këtij libri:

Sonila Danaj (CEP në Universitetin e Tiranës, Universiteti “A. Xhuvani”)

Danjela Shkalla (CEP, Universiteti “A. Xhuvani”)

Shannon Woodcock (CEP në Universitetin e Tiranës, Universiteti “A. Xhuvani”)



Në adresën e mëposhtme:

genderalbania@yahoo.com.au



Pjesëmarrësit do të ftohen në takime në grup si edhe në takime shoqërore për të sqaruar qëllimet e projektit. Ne do të ofrojmë ndihmën tonë në lidhje me editimin.

Mirëpresim bashkëpunimin tuaj!