Itali, 20 kile kokainë në valixhen nga Tirana.

[Shpirt Njeriu]

Një tjetër operacion kundër trafikut ndërkombëtar të lëndëve narotike, i cili u organizua nga policët italianë të Guardia di Financa ka përfunduar me një sekuestrim të suksesshëm. Dje janë sekuestruar në Malpensa të Italisë 20 kilogramë kokainë, e cila është droga e fundit që po pushton tregun.

Valixhja misterioze
Sipas mediave italiane, funksionarët e doganës kanë qenë duke kryer kontrollet rutinë në një maune të madhe e cila ishte nisur nga Brazili me destinacion Tiranën. Në këtë makinë kanë gjetur një valixhe të humbur mbi të cilën çuditërisht nuk ishte shkruar asnjë etiketë. Maunja kishte ndaluar në depozitën ku zbarkojnë bagazhet, ndërkohë që valixhja po endej mes bagazheve të humbura. Doganierët kanë vendosur ta kontrollojnë, por fillimisht e kanë lënë "në dorë" të nuhatjes së qenëve antidrogë të Guardia di Financa pasi menjëherë kanë dyshuar që në valixhe mund të gjenin ndonjë lloj droge. Në fakt, pasi qentë kanë dhënë sinjalin e pare, valixhja është hapur. Policët kanë zbuluar se bashkë me maunen po udhëtonin nga Brazili drejt Tiranës edhe 9,655 kilogramë kokainë, të fshehur në valixhen anonime dhe pa etiketë, me destinacion të panjohur dhe e fshehur mes bagazheve të humbura. Natyrisht që policët antidrogë kanë nisur edhe një kontroll të detajuar në maune ku më pas janë gjetur 10,400 kilogramë heroinë. Kështu sasia e drogës së sekuestruar ka arritur gjithsej në 20 kilogramë. Ky aksion është konsideruar si një goditje e rëndësishme kundër trafikut ndërkombëtar të drogës që fatkeqësisht ka nisur të përdorë rrugë shumë strategjike duke synuar gjithnjë e më shumë tregun europian, veçanërisht shtete si Holanda, Zvicra dhe Gjermania. Ky fakt vërtetohet nga sasirat e vogla të drogës që kapen çdo ditë e natyrisht edhe nga kolpo të mëdha si ai i djeshmi. Vetëm gjatë 6 muajve të fundit të këtij viti në Malpensa janë sekuestuar më shumë se 150 kilogramë kokainë e pastër

[Shpirt Njeriu]

Porti me komisariat të veçantë kundër drogës

Porti i Durrësit do të ketë komisariat të veçantë me qëllim luftën kundër të gjitha veprimtarive të jashtëligjshme. Në komisariat do veprojnë 100 forca policore të impenjuara kryesisht në luftën kundër drogës.

DURRES

Më në fund qeveria ka vendosur që rajoni i policisë së portit të transformohet në një komisariat policie. Puna ka nisur sipas një plani, në bazë të të cilit, sektorët do të organizohen pjesë-pjesë. Sipas oganiikës, do të njetë një personel policie i përbërë prej 100 uniformash ai që do të godasë veprimtarinë antiligjore. Komisariati i portit do të ketë policinë kriminale, zyrën e luftës kundër drogës, zyrën kundër krimit ekonomik financiar dhe policinë kufitare. Drejtori i policisë së qarkut të Durrësit, Tonin Vocaj thotë se "ende nk është emëruar shefi i këtij komisariati, por ne po procedojmë me krijimin e strukturave". Ministria ka aprouar një fond për rikonstruksionin e godinës së policisë në mënyrë që ajo të përshtatet për strukturën e re policore. Së bashku me organikën ka mbërritur edhe projekti për ngritjen e një pike antidroge në sheshin e trageteve. Në këtë pikë do të kontrollohen automjetet e dyshuara se transportojnë lëndë narkotike. Nga jashtë do të vijnë aparatura për kontrollin e makinave dhe gomave të tyre në vendet ku fshihet droga. Vocaj sqaron: "Kjo do të funksionojë si task-forcë e përbërë nga policia dhe antikontrabanda doganore. Cam Albania do të trajnojë këtë forcë. Ky trajnim do të jetë specifik pasi do të trajtohen vetëm çështjet që kanë të bëjnë me vendet e fshehjes së drogës në automjete. Ndërsa makinat dhe pajisjet teknike do të mbërrijnë pranë komisariatit të portit vitin e ardhshëm".


Godinë të re për policinë e Shijakut

DURRES - Më në fund rajoni i policisë së Shijakut është bërë me godinë të re. Pas shumë vitesh pritjeje dhe kërkesash të vazhdueshme, Ministria e Rendit Publik është marrë vesh me Ministrinë e Mbrojtjes. Kjo e fundit i ka dorëzuar asaj godinën ku dikur ka qenë i vendosur shtabi i Brigadës së Këmbësorisë, por që nuk ekziston më prej 6 vitesh, i suprimuar nga reforma në ushtri. Policia e Shijakut do të ketë në dispozicion veç zyrave edhe garazhe për automjetet si dhe një territor jo të vogël. Ndërkohë, godina ekzistuese e policisë është duke u shembur për shkak të amortizimit. Kishte vite që kërkohej ky sistemim i policisë së qytetit të Shijakut, por vetëm tani u firmos vendimi që i mbante peng.

[Shpirt Njeriu]

Kapet shperndaresi i heroines me 5 gr
Policia e Tiranes arrestoi ne oret e vona te dites se hene, Ilirian Facin i akuzuar per kryerjen e "shperndarje te lendeve narkotike". Sipas njoftimit te policise se kryeqytetit rreth ores 22.00 te se henes ne mbremje, Ilirian Faci, 23 vjec, banues ne Elbasan, u ndalua, pasi u kap nga agjentet e sektorit te Luftes Kunder Dorges, me disa grame heroine, gati per ta shperndare. Sipas te njejtave burime, Faci, u kap prane NPVU-se bashke me 4 doza heroine, me peshe 5.7 grame. Burimet saktesojne me tej se, pas arrestimit te 23-vjecarit Faci, i pa denuar me pare, grupi hetimor sekuestroi ne cilesine e proves materiale lenden narkotike ndersa I dergoi prokurorise, materialet perkatese

[Shpirt Njeriu]

Policia italiane sekuestroi dje ne oret e para te mengjesit ne qytetin e Padoves 12 kilograme heroine te paster duke vene ne arrestuar kater persona si pergjegjes te sassise me lende narkotike qe mednohet se kushtote mbi 400 mije Euro. Agjencia italiane e Lajmeve ANSA, e cila iu referohet burimeve te policise, thote se dy prej kater te arrestuarve jane shtetas me kombesi shqiptare. Nga i njejti burime mesohet se dy emrat e shqiptareve te arrestuar jane: Alket Rushiti dhe Taulant Zeqiri 23 dhe 22 vjec. Dy bashkepunetoret es tejer te arrestuar prej saj, jane me kombesi sllovene. Arrestimi i te katerve eshte bere ne flagrance, ne nje apartament ne momentin kur po behej dorezimi i sasise se heroines ndermjet dy paleve. Sipas agjensive italiane mesohet se hetimet mbi kete ceshtje kane nisur disa kohe me pare. Te ndaluarit jane vezhguar per nje kohe te gjate nga policia e Padoves dhe ne baze te informacioneve te marra eshte bere i mundur ndalimi i tyre ne flagrance teksa po shkembenin mallin mes tyre. Policia dyshon qe droga e sekuestraur ta kete prejardhjen nga Shqiperia. Si destinacion i shitjes se saj mendohet te kene qene tregjet e zonave verilindore te Italise.