Puthja e gabuar

[SkenderRusi]

P U T H J A E G A B U A R

Gjithnjë i druhesha,
ia kam pasur frikën,
Këtij çasti kur mes nesh
do të vinte puthja!
Kolombi rrezikoi,
por gjeti Amerikën,
Ndërsa mua anija
më mbeta nëpër ujra!

Më ndodhi ajo
që i trembesha prej kohësh,
Ti zgjodhe faqet
për të më puthur,
Po unë s’u lidha me ty
për të të pasur motër,
As jam yt vëlla,
që të kishte humbur!

Për të ardhur tek ti
braktisa Jupiterin,
Ku kisha rreth vetes
një mijë e një vajza,
Por asnjëra prej tyre
nuk më desh si ti,
Asnjëra,buzët,
nuk m’i vuri te faqja!

A s’shkojmë edhe një herë
brenda puthjes sonë,
Nën bliret që i quanim
mediokër!
Se ndoshta mund të mos jetë
edhe aq vonë,
Për ta kuptuar që s’je ime motër!

2 nëntor 2003



NË KASAPANË

Ky njeri do të të vrasë
ty shqerkëz e vogël,
Mos e shih në sy
me dashuri aq të madhe!
Ajo thika e tij
që ty të duket lodër,
Do bëjë që mos blegërish më
nëpër livadhe!

Kështu do më kish ndodhur
edhe mua dikur,
Me një njeri që e vështroja
siç bën ti me të.
Shqerkëz e vogël
që do të piqesh në furrë,
Unë asnjë syri të bukur
nuk i besoj më!

28 shtator 2003


PARABOLË

Më mbetën sytë
Andej
Nga vjen brenga!


Se prej andej
Më vjen gjithnjë
Edhe ti
E dashur!


Jo derën,

Dritaren,

E kam lënë hapur!



28 shtator 2003

[Pentesilea]

te mrekullueshme...

[Zana Vizitorit]

"te mrekullueshme..."(??)
Me siguri une sduhet te jem ne rregull>