"Do vrisja gruan se iku në Itali"

[Shpirt Njeriu]

Jorgo Potka tentoi të vrasë të shoqen për tu hakmarrë sepse ajo kishte shkuar në Itali me fqinjin e tij. Ai i kërkoi paratë që kishte shpenzuar gruaja menjëherë sapo doli nga burgu.

LAJMI

KORÇE

Jorgo Potka, i cili vetëm 2 ditë më parë tentoi të vriste të shoqen, ka vendosur të tregojë arsyet e urrejtes së tij ndaj të shoqes. Kryefamiljari 30-vjeçar, i cili emrin e vërtetë e ka Xhelo Oxhallari (por e ka ndërruar), ka treguar para hetuesve se donte të hakmerrej pasi e shoqja u largua pa e lajmëruar për një kohë të gjatë.
Gruaja e tij, Irena, u largua së bashku me Eriola Sheshin, pasi Roland Kosova u kishte premtuar një jetë më të mirë në Itali. Eriolën e vrau Roland Kosova më 17 korrik të vitit 2002 në një pallat te "Rruga e Durrësit" në Tiranë. Kosova e mori për grua Eriolën, pasi atë ia dha ish-bashkëshorti i saj Besnik Hoxhalli, i cili i kishte një shumë të madhe borxhi në lekë Kosovës. Por ish-bashkëshorti i Eriolës, Besniku, mundi që t'i mbushte mendjen që të largohej në Itali edhe fqinjës së tij Irenës, e cila e pranoi ofertën e tij, megjithëse kishte edhe dy fëmijë. Kështu i arrestuari Kosova, përveç Eriola Sheshit, mundi të çojë bë Itali edhe fqinjën e saj Irena Potkën (Hoxhallin). I ndodhur përpra këtij fakti, bashkëshorti i Irenës, Jorgo( Xhelo), pasi u kthye nga shtëpia e prindërve të tij, i vuri zjarrin shtëpisë ku jetone me Irenën, në fshatin Libonik të Korçës. Madje ai i vuri flakën edhe shtëpisë së Besnikut, që i trafikoi të shoqen. Për dëmtim të pasurisë së tjetrit, Jorgo u arrestua nga policia. Pasi kreu një vit burg, ai shkoi në shtëpinë e motrës së ish-bashkëshortes së tij në Velitërnë për të sqaruar me gruan gjitha problemet. Madje ai pretendon se ish-bashkëshortja Irena i ka prishur edhe një sasi lekësh që ajo kishte përfituar nga shitja e shtëpisë, që vetë ai i kishte vënë zjarrin. Pas daljes nga burgu Jorgo jetonte me prindërit e tij në qytetin e Korçës, kurse Irena jetonte me motrën e saj Valentinën në fshatin Velitërnë. Një ditë më parë Jorgo ishte dehur dhe shkoi te gruaja për t'i kërkuar llogari. Irena ishte me kushëririn e saj të parë Astrit Qelasin. Ishte ai që i kërkoi Jorgos të largohej, por Jorgo nxori një pistoletë dhe i kërcënon ata se do t'i vriste nëse nuk i kthenin lekët. Por pas kësaj ai pistoletën ia drejtoi vetes. Në këtë moment Irena e tmerruar ka lajmëruar policinë dhe ish-bashkëshorti i saj u arrestua për herë të dytë, kësaj radhe me akuzën e kanosjes me armë zjarri.