Cilat jane bankart e interesuara per Banken e Kursimeve

[ganoid]

OTP është duke plotësuar dokumentet për të marrë pjesë në tender, pritet t’i dorëzojë ato brenda 3 ditëve

Privatizimi i Bankës së Kursimeve, “Raiffeisen Bank” interesohet zyrtarisht

Banka austriake është banka e parë që shpreh zyrtarisht interes, duke hyrë në garë për blerjen e Bankës së Kursimeve

Bledjana Beqiri

“Raiffeisen Bank” shpreh zyrtarisht kërkesën e saj për blerjen e Bankës së Kursimeve. Banka austriake është banka e parë që ka tërhequr dokumentacionin për të marrë pjesë në tenderin ndërkombëtar për blerjen e bankës më të madhe të nivelit të dytë në vendin tonë. Dje “Raiffeisen Bank” ka paraqitur kërkesën zyrtare për të marrë pjesë në fazën parakualifikuese, duke qenë kështu edhe banka e parë që interesohet zyrtarisht për Bankën e Kursimeve. Këtë e ka pohuar ekskluzivisht për gazetën “Shekulli” drejtori i Bankës së Kursimeve, Ardian Kamberi, i cili sqaron se është në pritje të kërkesave të tjera. Edhe pse kanë mbetur vetëm 3 ditë kohë nga skadimi i afatit për shprehjen e interesit dhe për tërheqjen e dokumenteve për të marrë pjesë në tenderin ndërkombëtar për blerjen e Bankës së Kursimeve, “Raiffeisen Bank” nuk është banka e vetme që “lakmon” bankën më të madhe tregtare në Shqipëri. Sipas Kamberit, Banka e Kursimeve e Hungarisë (OTP) gjatë ditëve të fundit ka shprehur publikisht interesin e saj dhe aktualisht është në fazën e përgatitjes së dokumenteve për të marrë pjesë në tender, me qëllim që t’i dorëzojë ato brenda datës 20 tetor. “Edhe gjatë komunikimit me këshilltarin e privatizimit të Bankës së Kursimeve, Banka e Kursimeve të Hungarisë ka shprehur interes, por deri tani ajo nuk ka dorëzuar dokumentet për të marrë pjesë në tender”, -pohon Ardian Kamberi. Kështu, pas “thyerjes së akullit” nga banka austriake, e cila ka një shtrirje pothuajse në të gjithë rajonin, drejtori i Bankës së Kursimeve pohon se është në pritje të kërkesave të tjera nga investitorë të mundshëm strategjikë. “Raiffeisen Bank” ka shprehur interesin e saj që prej disa muajsh, por kjo bankë kishte vënë një kusht për blerjen e Bankës së Kursimeve, gjë që tregonte se nuk kishte shumë besim në tenderin e hapur ndërkombëtar. Kjo bankë disa muaj më parë kërkoi blerjen e e 100 për qind të aksioneve të Bankës së Kursimeve, por me një kusht, që të përjashtohej nga tenderi i hapur ndërkombëtar, duke kërkuar kështu mosrespektimin e ligjit “Për privatizimin e Bankës së Kursimeve”. Ndërkohë që sipas Kamberit, shprehja zyrtare e interesit për të marrë pjesë në tender, tregon se banka e mirënjohur austriake ka kuptuar tashmë transparencën e shitjes së Bankës së Kursimeve dhe kërkon që të marrë pjesë në këtë tenderin. Ky është një hap tepër i rëndësishëm për privatizimin e Bankës së Kursimeve, duke treguar se investitorët e huaj strategjikë janë të interesuar për të blerë Bankën e Kursimeve dhe se kjo bankë është “atraktive” në treg.
Pak kohë më parë përveç interesit të shprehur nga “Raiffeisen Bank” dhe më pas edhe nga Banka e Kursimeve e Hungarisë (OTP), të interesuara gjithashtu ishin “Citigroup” dhe “UBS”. “Citi Group” premtoi që me partnerët e saj do të ekspozonte Bankën e Kursimeve, ndërkohë që në të njëjtin pozicion gjendet edhe UBS (Union Bank), e cila ka shprehur interes për të pasqyruar privatizimin e Bankës së Kursimeve. Por për momentin asnjë nga këto dy banka nuk ka dhënë ndonjë sinjal në lidhje me ndonjë interesim të mundshëm për Bankën e Kursimeve.


Procedurat e privatizimit
Data 20 tetor është afati i fundit për shprehjen zyrtare të interesit për Bankën e Kursimeve, duke tërhequr dokumentacionet e nevojshme për të marrë pjesë në tenderin e hapur ndërkombëtar. Kamberi sqaron se pas kësaj date, do të shpallen bankat që janë kualifikuar për të marrë pjesë në tender, pra ato banka që kanë plotësuar të gjithë dokumentacionin e kërkuar nga qeveria shqiptare, dokumente këto që përcaktohen qartë edhe në ligjin “Për privatizimin e Bankës së Kursimeve”.
Kështu, sipas vendimit të Këshillit të Ministrave pasi investitorët strategjikë paraqesin dokumentet, si dhe kualifikohen për të marrë pjesë në tender, ato duhet që të dërgojnë stafin e tyre për vlerësuar Bankën e Kursimeve. Kamberi sqaron për “Shekullin” se rreth datës 15 dhjetor bankat pjesëmarrëse në tender duhet të paraqesin dokumentet financiare, të cilat përmbajnë edhe shumën që ato do të ofrojnë për blerjen e Bankës së Kursimeve. Sipas ligjit, forma e privatizimit të Bankës së Kursimeve do të jetë ajo e transferimit të së drejtës 100% të aksioneve tek një palë e tretë, i cili mund të jetë investitor strategjik, institucion financiar, ose kompani vendase. Autoritetet e mendojnë se do të ketë mjaft interes në privatizimin e Bankës së Kursimeve dhe kryesisht interesi të jetë nga një numër i madh bankash të vendeve fqinjë.


Pse interesohet “Raiffeisen Bank”
“Qëllimi i kësaj banke është të zhvillojë një aktivitet të mirëfilltë bankar, të rrisë konkurrencën bankare, të kreditojë ekonominë shqiptare, biznesin privat dhe ekonominë familjare për nevojat që ka, si dhe të integrojë Bankën e Kursimeve në rajon, atje ku ajo është e shtrirë”, -shprehet Ardian Kamberi. Kërkesa e “Raiffeisen Bank” është për ta kthyer Bankën e Kursimeve në një qendër rajonale për shumë shërbime të tjera, që kanë të bëjnë me pagesat. Kjo bankë është shtrirë me degët e saj në Kosovë, Kroaci dhe në Bosnjë-Hercegovinë, pra është një rajon që ata e kanë në strategjinë e tyre të zgjerimit.


Investitorët

Cilat janë bankat e interesuara

-“Raiffeisen Zentralbank Österreich AG” është institucioni qendror drejtues i grupit bankar austriak “Raiffeisen”. Duke qenë një grup bankar universal, ai ofron një gamë shumë të gjerë shërbimesh financiare. Ky grup është ndër më të njohurit institucione komerciale dhe investuese jo vetëm në Austri por edhe në të gjithë Evropën Qendrore dhe Lindore.

-Banka e Kursimeve e Hungarisë (OTP) e krijuar që në vitin 1949 është bërë një bankë publike në vitin 1990, për të kaluar më pas në procesin e privatizimit. Aktualisht, rreth 81 për qind e kapitalit të kësaj banke ose rreth 5 miliardë dollarë zotërohet nga investitorë të huaj (jo hungarezë). Kjo ka bërë që OTP të rezultojë një bankë fitimprurëse, duke qenë njëkohësisht edhe banka më e madhe në Hungari.

[ganoid]

“Shënjestrat potenciale për t’u blerë nga OTP, janë bankat në rajonin e Europës Qendrore dhe Juglindore”

OTP: “Banka e Kursimeve, pjesë e strategjisë sonë në rajon”


Bledjana Beqiri

TIRANË - Banka hungareze OTP, e cila është një nga bankat e interesuara për blerjen e Bankës së Kursimeve, ka deklaruar dje strategjinë e saj për shtrirje jashtë vendit, duke nënvizuar “shënjestrat e saj potenciale”. Esmeralda Selita, përfaqësuesja në Shqipëri e kompanisë mediatike monitoruese MMD, e cila e ka OTP-në një nga klientët e saj, tha dje në një deklaratë për shtyp se “shënjestrat potenciale bankare për blerje nga banka OTP janë bankat që veprojnë në rajonet e Europës Qendrore dhe Juglindore”. Në këtë kuadër, OTP ka përgatitur dhe parashtruar në fund të tetorit të këtij viti, pranë Ministrisë së Financave një letër synimi, si dhe ofertën e parakualifikimit për blerjen e një pjese strategjike të Bankës së Kursimeve. Përfaqësuesja Selita, tha se OTP është themeluar në vitin 1949 dhe është kthyer në një bankë private në vitin 1992, ajo pohon më tej se “OTP është aktualisht banka më e madhe në tregun bankar të Hungarisë me gati 40 anëtarë”. Pjesa e tregut që zë banka OTP në sistemin bankar hungarez është 20.1 për qind, ndërsa vlerësimi i bankës, sipas tregut sot kap shifrën 3.7 miliardë dollarë amerikanë. Gjatë dhjetë viteve të fundit kjo bankë hungareze para se të shprehte interesim për Bankën shqiptare të Kursimeve ka realizuar operacione të ngjashme në Sllovaki e Bullgari. Në maj të vitit 2003 si një fazë e mëvonshme në shtrirjen rajonale të bankës OTP, përfaqësuesit e institucionit të kredisë lidhën një kontratë për blerjen e aksioneve të bankës më të madhe bullgare me pakicë DSK, e cila ka qenë 100 për qind pronë shtetërore. “Në 2003, revista “Euromoney” e shpalli OTP-në si “Banka më e mirë në Hungari” ndërsa revista “The Banker” i fali titullin “Banka më e mirë e tregjeve në zhvillim”, - shtoi Selita.



07/11/2003
KATEGORIA: Ekonomi

[ganoid]

BERZH: “Banka e Kursimeve mban peng funksionimin normal të sektorit bankar në Shqipëri”

Banka e Kursimeve, çelësi i rritjes së kreditimit


Bledjana Beqiri

Mosprivatizimi i Bankës së Kursimeve ka penguar zhvillimin e sistemit bankar në Shqipëri. Ky është një vlerësim që ka bërë Banka Europiane për Rindërtim dhe Zhvillim (BERZH) gjatë studimit të fenomenit të tranzicionit në vendin tonë. “Privatizimi i Bankës së Kursimeve, si bankë dominuese në sektorin bankar, është thelbësore për nxitjen e konkurrencës në sektorin bankar dhe rritjen e mundësive për financim nga sektori privat”, -shprehet Willem Buiter, shef-ekonomist në Bankën Europiane për Rindërtim dhe Zhvillim. Sipas tij, nëse Banka e Kursimeve do të privatizohej, do të rriste konkurrencën dhe ndërmjetësimin në sistemin bankar, si dhe do të garantonte padyshim një funksionim më të mirë të sektorit bankar në Shqipëri. Të njëjtën gjë pak kohë më parë e ka deklaruar edhe drejtori i përgjithshëm i Bankës së Kursimeve, Ardian Kamberi, sipas të cilit Banka e Kursimeve duhet të fillojë sa më shpejt kreditimin. Sipas studimit të BERZH-it, privatizimi i Bankës së Kursimeve mund të luajë një rol pozitiv në rritjen e huadhënies për sipërmarrjen private dhe për investimet e reja të tyre, duke rritur gjithashtu edhe konkurrencën ndërmjet bankave private në vend. Buiter pohon se banka më e madhe e nivelit të dytë në vend, Banka e Kursimeve, mund të ndihmojë në rritjen e kreditimit afatgjatë të ekonomisë. Aktualisht në vendin tonë bankat e nivelit të dytë janë të prirura për të dhënë kredi afatshkurtra dhe afatmesme dhe më pak kredi afatgjata. Por, nëse Banka e Kursimeve do të riniste kreditimin, pas mëse 5 vjetësh bllokim, ajo do të ndikonte në rritjen e kreditimit dhe në zhvillimin ekonomik të vendit. Kamberi ka pohuar për gazetën “Shekulli” pas kohë më parë se edhe nëse Banka e Kursimeve nuk do të arrinte të privatizohej brenda këtij viti, në fillim të vitit të ardhshëm kjo bankë do të rriste kreditimin e ekonomisë. Kështu ka ardhur koha që banka më e madhe e nivelit të dytë në vendin tonë të fillojë të operojë si një bankë private, për të zhvilluar më tej sektorin financiar shqiptar. Buiter është shprehur se “sektori financiar në Shqipëri ka bërë progres të dukshëm vitet që shkuan me Bankën e Shqipërisë e cila luan një rol udhëheqës në sektorin financiar”. Sipas tij, pas krizës së skemave piramidale të vitit 1997, besimi për sektorin bankar po rritet gradualisht, gjë që tregohet nga rritja e depozitave në monedhë të brendshme dhe në valutë, nga forcimi i konsiderueshëm i mbikëqyrjes bankare, si dhe nga fillimi i funksionimit të skemës së sigurimit të depozitave në muajin tetor 2002".

[ganoid]

Privatizimi i Bankës së Kursimeve është në rrugë të mbarë. Procesi i ristrukturimit ka përfunduar në afatin e parashikuar dhe aktualisht dy banka të huaja janë të interesuara për të blerë Bankën e Kursimeve. “Banka e Kursimeve është një avantazh për çdo investitor, kjo bankë zotëron rreth 53 për qind të depozitave”, -është shprehur drejtori i përgjithshëm i Bankës së Kursimeve, Ardian Kamberi. Ndërkohë që Silvia Wisniwski, drejtore e Akademisë Ndërkombëtare të Bankave ka deklaruar se Shqipëria është një vend që ndodhet shumë prapa me procesin e privatizimit të Bankës së Kursimeve. Sipas saj, Banka e Kursimeve, e cila zotëron 55 për qind të tregut, prej vitesh vazhdon përpjekjet për t’u ristrukturuar, me qëllim që ajo të jetë e shitshme në tregun ndërkombëtar. “Niveli i ristrukturimit të Bankës së Kursimeve ka përfunduar në shtator të këtij viti”, -ka cituar për gazetën “Shekulli” Ardian Kamberi. “Kjo bankë është shumë e madhe dhe është shumë e vështirë për të gjetur një investitor, i cili është në gjendje të mobilizojë kaq shumë resurse”, -është shprehur Wisniwski, duke deklaruar se: “kjo bankë nuk është ristrukturuar deri në atë pikë sa do të dëshironte një investitor perëndimor dhe megjithë prezencën e madhe të bankave ndërkombëtare në Shqipëri, qytetari i thjeshtë në Shqipëri vazhdon të jetë i varur nga Banka e Kursimeve”. Por, drejtori Kamberi sqaron se ato që ka deklaruar Wisniwski për Bankën e Kursimeve nuk i korrespondojnë aspak me realitetin e sotëm. “Banka e Kursimeve është në gjendje të mobilizojë të gjitha resurset edhe pa u privatizuar, ndërkohë që madhësia e saj përbën një avantazh më shumë për investitorët”, -pohon Kamberi. Sipas tij, Banka e Kursimeve ka gjetur tashmë investitorët e kërkuar, madje dy prej tyre janë në konkurrencë të drejtpërdrejtë, “Raiffesein Bank” nga Austria dhe Banka OTP nga Hungaria.


Kush është Banka e Kursimeve:

-Banka e Kursimeve zotëron rreth 53 % të depozitave të sistemit bankar shqiptar
-Banka e Kursimeve është në gjendje të mobilizojë të gjitha resurset edhe pa u privatizuar
-Banka e Kursimeve ka gjetur tashmë investitorët e kërkuar, RZB- Austri dhe OTP-Hungari
-Banka e Kursimeve ka përfunduar gjatë këtij viti nivelin e ristrukturimit

[ganoid]

HUNGAREZET DUAM TE BLEJME 100% BANKEN E KURSIMEVE

Teuta Shamku

Ne garen per privatizimin e Bankes se Kursimeve mes dy bankave te huaja, austriakes "Raiffeisen Zentralbank" dhe hungarezes "OTP Bank", nese kjo e fundit fiton, do te bleje 100 per qind aksionet e BK-se. Kete fakt e ka bere te ditur perfaqesuesi i OTP Bank, z.Wolf qe eshte dhe kryetar i Bordit drejtues te bankes. "Ne jemi njohur me Banken e Kursimeve dhe kemi pare edhe deget e saj ne rrethe, te cilat kane nevoje te ristrukurohen. Por e rendesishme eshte se ne mendojme se Banka e Kursimeve eshte me kualitet", eshte shprehur z.Wolf. Ai gjithashtu ka vleresuar me tone pozitive vendin tone, duke u shprehur se ne nje te ardhme edhe Shqiperia do t’i bashkohet familjes se madhe evropiane. Sipas perfaqesuesve te OTP Bank, rritja e favorshme dhe perspektivat e favorshme te zhvillimit te ekonomise shqiptare dhe sistemit bankar shqiptar jane faktoret pas shfaqjes se interesimit te Bankes OTP per blerjen e institucionit me te madh financiar shqiptar, i cili eshte edhe institucioni i fundit i tille qe eshte ende prone shteterore. Ne tenderin e privatizimit te Bankes se Kursimeve OTP Bank, mbeshtet ne tre pika kryesore qe mund t’a kualifikojne ate. Se pari eshte cmimi qe do te afrohet per blerjen e BK-se, i cili per t’a eshte primare, se dyti si pike te forte hungarezet paraqesin stabilitetin e tyre jo vetem ne Hungari por edhe ne disa vende te Evropes, dhe se treti eshte paraqitja e nje planbiznesi ambicioz qe do t’i paraqitet autoriteteve shqiptare.

Persa i perket vleres se shitjes se BK-se, z.Wolf tha se ne jemi ne gjendje te ofrojme nje cmim te mire. Por mbi te gjitha ai ofron sigurine e nje sistemi bankar perfekt. "Ne kemi nje profil shume te mire si banke. Kush fut parate ne banken tone nuk ka me probleme me sigurine", eshte shprehur z.Wolf.

[ganoid]

OTP BANK BANKING ME INTERNET

Nese Banka e Kursimeve do te blihet nga banka hungareze OTP Bank, qytetaret shqiptare do te kene mundesi te kryejne sherbimet qe iu duhen me banken edhe nepermjet internetit. Por me pare hungarezet do te perfeksionojne sistemin elektronik ne te gjithe deget e Bankes se Kursimeve. Jo vetem kaq, sherbimet bankare ndaj klientit mund te kryhen edhe nepermjet telefonise mobile "te levizshme). "Ne patjeter mendojme te fusim shume sherbime te reja bankare ne Banken e Kursimeve nese do t’a blejme ate. Kjo duke futur kudo sistemin elektronik, do te fusim cartat bankare, bankingun me internet dhe me telefon celular, do te ofrojme mundesi te reja per tregtaret e vegjel, si dhe nje sistem te mirfillte menaxhimi bankar", tha nder te tjera z.Wolf.



Kush eshte OTP Bank

"OTP Bank" eshte me e madhja ne Hungari. Kohet e fundit kjo banke ka blere banken me te madhe ne Bullgari. "OTP Bank" eshte 22 here me e madhe se Banka e Kursimeve. Banka OTP, eshte themeluar ne vitin 1949. Ne vitin 1992 eshte privatizuar. Eshte banka me e madhe ne tregun bankar te Hungarise qe ka gati 40 anetare, dhe eshte nje banke qe ka dale e afte per te rritur rentabilitetin e saj ne kuadrin e konkurrimit te forte. Banka OTP, ka 15 mije punonjes. Ne Hungari ka 35 banka te nivelit te mesem dhe te ulet qe zoterojne 65 per qind te tregut. Pjesen tjeter te tregut e zoteron OTP Bank. Ka 700 mije kliente si dhe 300 mije konsumatore qe operojne nepermjet internetit apo ne kumunikim me telefon mobil.

Ne kuadrin e konkurrences ne rritje, banka me e madhe e Hungari arriti ta ruante poziten e saj kryesuese ne fushen e sherbimeve per klientet me pakice si dhe per bashkite e pushtetit lokal, nderkohe qe ajo rriti mjaft pjesen e saj te sektorit te biznesit dhe te firmave, ku ajo ze sot gjithashtu nje nga pozitat me te larta. Qe kur Banka OTP i ofroi veten tregut nderkombetar ne vitin 1995, bursa ka vleresuar arritjet gjithnje e ne permiresim te kesaj banke me nje cmim aksionesh qe eshte rritur ne menyre dinamike; vleresimi i bankes sipas tregut sot kap shifren USD 3.7 miliarde.

Ne 2003, si ne vitet e meparshme, revista "Euromoney" i fali Bankes OTP titullin "Banka me e Mire ne Hungari". Nje nga arsyet pas perzgjedhjes se Bankes OTP per kete cmim kane qene blerjet e suksesshme te Bankes ne Sllovaki dhe Bullgari. Ekspertet tek revista "The Banker", e cila ka midis lexuesve te saj biznesmene dhe bankiere me influence, i fali Bankes OTP titujt "Banka me e Mire e Tregjeve ne Zhvillim e siper" dhe "Banka me e Mire ne Hungari".

Strategjia e OTP-se ne tregjet jashte vendit

Rezultatet qe ka arritur Banka OTP perputhen me nje strategji qe synon te ruaje dhe te perforcoje pozitat e saj, kerkon te permiresoje perqindjet e perfitimit ne tregun vendas, dhe qellon te perdore, duke u mbeshtetur ne eksperiencen dhe rezultatet ne vend, njohurite e fituara ne kuadrin e blerjeve jashte shtetit. Rezultati i strategjise se blerjeve, e cila eshte menduar dhe themeluar mire, eshte qe Banka OTP shihet si nje institucion financiar i konsiderueshem i mesem ne tregjet valutore evropiane, me nje rol vendimtar ne rajon. Shenjeshtrat potenciale bankare per blerje nga Banka OTP jane bankat qe veprojne ne rajonet e Evropes qendrore dhe juglindore. Niveli i larte i perqindjeve te perfitimit ne vend siguron nje baze te qendrueshme per shtrirjen nderkombetare te Bankes. Banka doli e suksesshme ne 2002 si ne zbatimin e strategjise se saj afatmesme duke perfshire rritjen nepermjet shtimit te firmave qe ajo blen, qe do te perputhet me rritjen e saj organike, ashtu dhe ne shtrirjen rajonale dhe nderkombetare qe pervijohet brenda kesaj strategjie: blerja e IRB-se se Sllovakise ne pranvere te vitit 2002 perberi hapin e pare drejt transformimit te Bankes OTP ne nje pjesemarrese mbizoteruese ne rajonin e Evropes qendrore-lindore. Institucioni me i madh i kredise ne Hungari priste qe veprimtarite tek IRB do te fillonin te beheshin rentable ne vitin 2004.

Shtrirja ne rajon

Ne maj 2003, si nje faze e mevonshme ne shtrirjen rajonale te Bankes OTP, perfaqesuesit e institucionit te kredise lidhen nje kontrate per blerjen e aksioneve te bankes me te madhe bullgare me pakice, DSK, e cila ka qene 100 % prone shteterore. Pas blerjes se bankes bullgare, Banka OTP shpalli nje partneritet strategjik prej te cilit do te rrjedhin te mra jo vetem per institucionin me te madh financiar bullgar ne sektorin e bankave me pakice dhe per klientet e saj, por edhe per te gjithe ekonomine bullgare. Vegla per arritjen e kesaj eshte nje strategji pesevitore e cila eshte hartuar per banken bullgare, e cila perqendrohet ne krijimin dhe shtimin e vleres. Gjate 5 viteve te ardhshme, nje projekt zhvillimi i shpallur qe perpara, me vlere prej 600 million levash bullgare, do te mbeshtese instalimin e nje sistemi tekno-informatik bashkekohor, do te siguroje mundesine e bankimit ne Internet dhe me celular, do te rinovoje zyrat e filialeve, dhe do te perforcoje rolin jetik dhe te qendrueshem te Bankes DSK ne tregun bullgar te bankave.

[ganoid]

Kerkova edhe per Raiffeisen Bank por nuk gjeta nje rezyme te punes se saj dhe statistika per ti sjelle. Mgjth pashe qe kjo banke eshte e shtrire ne te gjithe evropen lindore dhe qendrore, duke filluar nga Austria hungaria bullgaria cekia gjermania sllovenia polonia serbia bosnj-herzegovina rumania........

Ketu ne ceki eshte nje banke e cila perdoret me shume nga biznesmenet pasi ka sherbime te shumta por me cmim pak me te larte se te tjerat.

[ganoid]

Koment
A i duhet dorëzuar Banka e Kurisimeve një dore të vetme?

Pavarësisht se sot ndoshta nuk ekzistojnë kushtet ideale për të pasur edhe një investitor shqiptar, përsëri qeveria nuk duhet të heqë dorë përfundimisht nga pronësia mbi këtë bankë





Nga Adriatik Kotorri / Data (25-11-2003)


Pas kalvarit të deritanishëm të privatizimit të Bankës së Kursimeve sot jemi në një situatë ku për privatizimin e saj janë ofruar dy investitorë të huaj. Konkretisht, në fillim Raiffeisen Bank, e cila për këtë raund të ri të privatizimit ka qenë banka e parë e interesuar për të marrë pjesë në blerjen e Bankës së Kursimeve. Më vonë, në javët e fundit, është shfaqur banka hungareze OTP. Pavarësisht përvojave dhe projekteve të ndryshme që ofron secila prej këtyre dy bankave, një gjë është e përbashkët: secila prej tyre pretendon blerjen e 100% të aksioneve të Bankës së Kursimeve. Për mendimin tim, është e vështirë që ky fakt të kategorizohet në mënyrë të prerë si pozitiv apo negativ. Ashtu siç mund të sjellim argumente pro këtij fakti po ashtu mund të nxjerrim problemet që mund të shfaqen nga një pronar i vetëm i huaj i bankës më të madhe në vend.
Personalisht argumentin do ta nisja me pyetjen: A i duhet dorëzuar një biznesi të huaj pronësia absolute e kësaj banke?
Për mendimin tim, jo! Pavarësisht se kush do të jetë pronari i ri i Bankës së Kursimeve, nuk duhen përjashtuar investitorët shqiptarë nga mundësia që të zotërojë një pjesë të kësaj saj, qoftë edhe simbolike. Pavarësisht se sot ndoshta nuk ekzistojnë kushtet ideale për të pasur edhe një investitor shqiptar, përsëri qeveria nuk duhet të heqë dorë përfundimisht nga pronësia mbi këtë bankë. Për mendimin tim, qeveria duhet të konservojë një pjesë të aksioneve të BK, të themi 15 deri në 25 %, në mënyrë që në një të ardhme të afërt t’ua dorëzojë investorëve vendas, kur këta të jenë në gjendje që t’i blejnë. Kështu, dhënia e pjesës më të madhe të aksioneve të kësaj banke (dhe jo 100%) një investori të huaj jo vetëm që kënaq në mënyrë të konsiderueshme nevojën e qeverisë për të mbushur arkën e shtetit, por është më se e justifikueshme edhe për investitorin e huaj që të ndërmarrë investime serioze për ta ristrukturuar bankën dhe për të sjellë në këtë mënyrë përvojën e tij në fushën e menaxhimit të bankave.
Ndërsa në të kundërt privatizimi i plotë i saj dorëzon kontrollin e plotë të sistemit bankar të huajve (kujtojmë që në Shqipëri pjesa dërrmuese e bankave janë të huaja) duke prekur indirekt sovranitetin e ekonomisë shqiptare. Nga ana tjetër, kjo privon bizneset shqiptare, të cilat në njëfarë mënyre kanë filluar që të investojnë në këtë drejtim, që të kenë mundësi që të përfitojnë nga avantazhet që sjell pronësia mbi këtë bankë. Për më tepër privatizimi i plotë i ndërmarrjeve shtetërore është një praktikë e papërdorur nga vendet e tjera në tanzicion, aq më tepër që në këtë rast bëhet fjalë për një ndërmarrje që ka një pozicion të rëndësishëm në treg.
Sidoqoftë, gjithçka mbetet për t’u parë në javët në vazhdim, kur edhe do të marrim vesh për fatin e kësaj banke. Dhe nëse do të ndodhë ajo që është paralajmëruar, pra dorëzimi i 100% të aksioneve një investitori të vetëm, atëherë na mbetet të shpresojmë që të paktën ky investitor të realizojë projektin që ka prezantuar. Pasi ka ndodhur që shumë investitorë të huaj kanë premtuar shumë para procesit të privatizimit, madje edhe në këtë sektor (rasti i KENT Bank që privatizoi BKT-në), por pas tij nuk kanë ofruar thuajse asgjë.

[ganoid]

Sistemi bankar
Privatizimi i BK-së, përjashtohen nga pjesëmarrja bizneset shqiptare

Kamberi: “Politika e qeverisë shqiptare për sektorët shtetërorë me rëndësi strategjike ka qenë që të privatizohen nga investitorë strategjikë, prandaj edhe biznesmenët shqiptarë janë përjashtuar nga privatizimi i Bankës së Kursimeve”






Orieta Zhupa / Data (25-11-2003)


Banka e Kursimeve, banka më e madhe në vend, pritet të privatizohet më 16 dhjetor të këtij viti. Pas shumë vitesh diskutimi për privatizimin e kësaj banke duket se më në fund ky proces do të finalizohet. Pretendentët për blerjen e kësaj banke janë dy të ashtuquajturit investitorë strategjikë: Banka hungareze OTP Bank dhe banka austriake Raiffaisen Bank. Të dyja këto banka janë shprehur të gatshme të blejnë deri 100 për qind të vlerës së kësaj banke, ndërkohë që edhe shteti shqiptar është i gatshëm ta shesë të gjithë këtë vlerë. Qeveria e ka marrë vendimin për ta shitur këtë bankë tek njëra prej bankave të huaja, ndëkohë që nuk ka marrë parasysh kërkesën e vazhdueshme të biznesit për të marrë një pjesë të aksioneve të kësaj banke gjigante. Sipas Ardian Kamberit, drejtor i Bankës së Kursimeve, kjo është bërë pasi biznesmenët shqiptarë nuk do të mund ta menaxhonin me sukses këtë bankë me rëndësi të madhe për ekonominë shqiptare. Por Luan Bregasi, kryetar i Dhomës së Tregtisë dhe Industrisë të Shqipërisë, tha: “Biznesmenët shqiptarë i kanë mundësitë dhe potencialet për ta privatizuar dhe për ta menaxhuar me sukses këtë bankë”. Biznesmenët shqiptarë e kanë treguar veten se dinë të menaxhojnë edhe sektorë të rëndësishëm dhe me kapital të madh. Kështu, një prej sektorëve që po menaxhohet me sukses nga biznesmenët shqiptarë është tregu i sigurimeve. Privatizimi i Bankës së Kursimeve nga investitorë shqiptarë do të bënte që fitimet e realizuara të ngeleshin brenda kufijve të Shqipërisë. Kamberi shprehet se biznesmenët shqiptarë dalin të fituar edhe nëse nuk marrin pjesë në privatizimin e kësaj banke, pasi ata do të jenë pjesë e kredive që do të aplikohen nga kjo bankë me privatizimin e saj. “Politika e qeverisë shqiptare për sektorët shtetërorë me rëndësi strategjike ka qenë që të privatizohen nga investitorë strategjikë, prandaj edhe biznesmenët shqiptarë janë përjashtuar nga privatizimi i Bankës së Kursimeve. Banka e huaj që do të vijë do të sjellë me vete ide dhe praktika të reja menaxhimi, tha Kamberi.

Kreditimi
Pivatizimi i Bankës së Kursimeve pritet të rrisë konkurrencën në sistemin bankar, pasi do të nxisë të gjitha bankat e tjera për të qenë më aktive në treg, duke ndikuar kështu edhe në zhvillimin e ekonomisë shqiptare. “Përveç kësaj qeveria nuk ka pse të marrë më borxhe nga jashtë në qoftë se Banka e Kursimeve do të bëhet aktive në tregun e kredive”, tha ekonomisti Mitro Çela. Sipas tij, që nga viti 2002 Shqipëria ka filluar të marrë kredi tregtare me interesa më të larta sesa para këtij viti. Kjo pasi borxhet me kushte të buta për një shtet jepen kur të ardhurat për frymë janë nën 1200 dollarë në vit. Kështu, aktivizimi i parave të shqiptarëve (53% janë te Banka e Kursimeve) do të bëjë që qeveria të mos marrë borxhe nga jashtë të cilat kanë një faturë financiare që rëndon për vite me radhë.
Banka e Kursimeve ka 6 vjet që nuk krediton ekonominë shqiptare. Vendimi për ndërprerjen e kreditimit u mor nga organizmat ndërkombëtarë gjatë vitit 1997 duke parë se në atë kohë u grumbulluan shumë kredi të këqija në Bankën e Kursimeve (rreth 10.6 miliardë lekë). Frika e krijimit të portofoleve të këqija nga presionet politike ka bërë që të merren masa për bllokimin e kredidhënies. “Por afati i bllokimit është shumë i gjatë”, shprehet Kamberi. Sipas tij, duhet të ishin gjetur rrugë më të mira për ta bërë këtë bankë prezente në treg, pasi Banka e Kursimeve ka bllokuar faktikisht kreditimin e ekonomisë shqiptare nga sistemi bankar. Janë mbi 1 miliard dollarë kursime të shqiptarëve të cilat duhet të gjejnë mundësinë të futen në treg dhe të ndihmojnë biznesin privat”, përfundon Kamberi.


Kamberi: “Paratë e Bankës së Kursimeve nuk shkojnë për financimin e buxhetit”

Flet Ardian Kamberi, drejtor i përgjithshëm i Bankës së Kursimeve

A ekziston mundësia që me privatizimin e BK-së të ngelet pa financuar deficiti buxhetor?
Për sa i përket finacimit të deficitit të buxhetit, i cili është borxh publik, duhet të theksoj se tregu shqiptar ka më shumë se gjysmën e parave jashtë sistemit bankar. Pra, i bie që ky treg ka aq para sa borxhi qeveritar të mos ngelet pa financuar. Shteti ynë ka ku i shet bonot e thesarit pasi normat e interesit janë shumë të ulëta. Unë mund të sjell shembuj të vendeve të tjera të cilat kanë pasur probleme me financimin e borxhit të brendshëm për shkak të mungesës së likuiditetit në treg dhe këta kanë ngritur interesat e bonove dhe kjo ka sjellë me vete që disa banka duke dashur të financojnë buxhetin të ngrenë interesat e depozitave. Por në Shqipëri nuk është kjo gjendje. Normat e interesit aktualisht janë në rënie, duke shkuar drejt parametrave normalë të ekonomisë. Në qoftë se do të ishin ngritur interesat, atëherë ky do të ishte me të vërtetë një problem shqetësues.

Sa ka ndikuar moskreditimi në ekonomi?
Unë gjithmonë kam theksuar se më e rëndësishme është futja e bankës në procesin e kreditimit sesa vetë privatizimi. Kështu, privatizimi kërkohet me qëllim që të krijohen hapësirat e nevojshme që banka të operojë në treg. Pra, ne kërkojmë investitorin strategjik, i cili të ketë të drejtën të menaxhojë këtë kredi dhe të jetë prezent në treg. Sipas Kamberit, megjithëse Banka e Kursimeve ka normat më të ulëta të interesit në treg, ajo vazhdon të ketë peshën më të madhe të depozitave për shkak të besueshmërisë që ka krijuar te shqiptarët. Privatizimi i kësaj banke shihet si një oportunitet për zhvillimin e ekonominë shqiptare, e cila do të mund të vërë në përdorim depozitat e klientëve.

[ganoid]

Raiffeisen Bank: Në Shqipëri jo vetëm për shërbimet bankare

Kryetari i Bordit të Raiffeisen Bank u shpreh dje gjatë prezantimit të kësaj banke se do të synohej dhe dhënia e ndihmës për zhvillimin ekonomik të Shqipërisë






Data (04-12-2003)


Raiffeisen Bank, një nga pretendentet kryesore për blerjen e Bankës së Kursimeve, bëri dje një prezantim të aktiviteteve të saj në ambientet e hotel “Sheraton” në Tiranë. Pas kontrollit që u është bërë degëve të Bankës së Kursimeve në të gjithë vendin, përfaqësuesit e grupit RZB, pjesë e të cilit është dhe Raiffeisen Bank, kanë prezantuar bankën austriake si një nga bankat më të rëndësishme në Europën Juglindore. “Raiffeisen Bank” ka qenë banka e parë që ka shprehur interesin e saj në mënyrë zyrtare, duke tërhequr dokumentet për të marrë pjesë në tenderin ndërkombëtar për blerjen e bankës më të madhe të nivelit të dytë në vendin tonë. Kryetari i Bordit të Raiffeisen International Bank Holding AG, Herbert Stepic, e cilësoi atë si “një avokat të rëndësishëm për procesin e zgjerimit të Bashkimit Europian, sidomos në Europën Juglindore”, duke qenë se në kohë grupi austriak RZB është parë si “një urë lidhëse midis Europës Lindore dhe asaj Perëndimore”. “Jam i bindur se prezantimi i Raiffeisen Bank do t’u vijë në ndihmë për të kuptuar nëse kjo bankë është, ose do të bëhet, një partner i rëndësishëm për Bankën e Kursimeve”, u shpreh Stepic.

Treguesit financiarë
Sipas burimeve zyrtare të Ministrisë së Financave, Raiffeisen Bank ka një total të aseteve 48 miliardë dollarë amerikanë dhe është rreth 60 herë më e madhe në dimensione sesa Banka e Kursimeve. Sipas të dhënave të publikuara nga kjo bankë, deri në dhjetor të vitit 2002 depozitat totale të saj arrinin në 25.5 për qind, depozitat kursimore në 28.2 për qind dhe kreditë në 22.1 për qind.
“Raiffeisen Zentralbank Österreich AG ka treguar një fuqi rritëse të vazhdueshme, duke arritur një zhvillim më të mirë sesa tendencat e fundit të treguara nga tregu bankar austriak”, shprehet Walter Rothensteiner, presidenti i bordit drejtues të këtij grupi. Sipas raportit të publikuar nga Banka Kombëtare Austriake, viti 2002 ka treguar një ulje në sektorin bankar me 2.5 për qind dhe një rënie të fitimeve mbi veprimtaritë e zakonshme bankare prej 34 për qind. Në të njëjtën kohë, RZB ka vazhduar programin e tij të investimeve, sidomos në drejtim të investimeve në rrjetin bankar të Europës Qendrore dhe Lindore. Për këtë arsye shpenzimet e përgjithshme administrative janë rritur me 28.8 për qind, në 904.5 milionë euro. Në kuadër të zgjerimit të saj në këtë zonë, si dhe të investimeve të reja, Raiffeisen Zentralbank Österreich AG ka përvetësuar banka në Bosnjë, Hercegovinë dhe Kosovë.

Grupi bankar austriak Raiffeisen
Depozita totale 25.5 %
Depozita kursimore 28.2 %
Kreditimi 22.1 %
Fondet e menaxhuara 28.9 %