Me mbyllen ne psikiatri se nuk votova

[Brari]

Drejt ke Lum Lumi..per Q dhe Ç-ne

Veprova si Ai qe tha ...beni si them une e jo si bej une..

Lexo ktu se eshte e bukur kjo histori..

Eshte realiteti asaj kohe..pik per pike..


Gazeta Shqiptare

.......

RREFIMI I MARANGOZIT MERSIN SHARRA

"Në psikiatri se nuk votova"
"Tani kam 20 vjet që shkoj i pari në qendrën e votimit"


------------------------------------

Ilir Bushi

Në vitin 1980 më shtruan në "Pavionin 17" sepse nuk pranova të votoj, prandaj qysh atëherë kam 23 vjet që shkoj i pari për të hedhur votën". Kështu u shpreh dje, 56 vjeçari Mersin Sharra, i cili është me origjinë nga Burreli, por qysh prej vitit 70 jeton në Tiranë, me profesionin e marangozit. "Unë u fsheha 6 orë në ditën e votimit, por për këtë më shtruan në spital me të çmendurit dhe më bënë 48 gjilpëra në kokë, duke më thënë se kështu do të më vinin mendtë", shton ai.

Përse po nxitoni?
Duhet të biem shpejt për të fjetur e të lajmëroj gruan e vajzat që të nisemi herët për të votuar. Kutitë e votimit hapen në orën 7.00, por të paktën ne të shkojmë në orën 7.30 minuta. Pasi ta heqim qafe votimin, atëherë mund të shkojmë të qetë te vllau për të ngrënë ndonjë drekë.

Përse doni të shkoni kaq herët për të votuar?
Na ka mbetë zakon qysh në vitin 1980. Kanë kaluar 23 vjet por s'e harroj. Qysh atëherë unë jam i pari që shkoj për të votuar dhe asnjëherë nuk kam lënë njeri përpara. Ajo që më ka ndodhë mua mos i ndodhtë kërrkujt.

Çfarë ju ka ndodhur konkretisht?
Më kanë ngulë 48 gjilpëra në kokë dhe kam pi ilaçe për 23 ditë rresht. Kam nejtë në nji dhomë me tre të çmendur dhe në vitin 1980 më kanë shtruar në "Pavionin 17", ku ishin ata që lujnë menç. Por ato ditë kam qenë t'uj lujt menç prej vërteti.

Përse ju kanë shtruar në Pavionin 17?
Se nuk votova. Unë vija nga Burreli dhe punoja në Kombinatin e Drurit, Misto Mame, si marangoz me kategorinë e pestë. Por nuk kisha shtëpi dhe për këtë kisha bërë 18 lutje me shkrim në Komitetin Ekzekutiv. Kur e pashë se ata s'po e vinin ujin në zjarr thashë të bëja një presion për ditën e votimit.

Si e bëtë presionin tuaj?
Po ja, ditën e votimit, ishte e diel dhe data mbante 22 tetor. Atëherë gjithë populli shkonte me vrap që në orën 6.00 te kutia e votimit. Por unë atë ditë nuk shkova dhe u fsheha. Atëherë policia dhe këshilltarët e lagjes më kanë kërku me dy xhipsa.

Ku u fshehe?
Ne banonim në një dhomë tek pallatet e ndërtuara prej rusëve. Unë dhe gruaja kishim një dhomë, kurse një familje tjetër kishte kuzhinën, ndërkohë që banjon e përdornim të dyja familjet. Atje tavanet ishin me kallama dhe unë u fsheha sipër kallamave, nën çati. Atje ndenja 6 orë, derisa më në fund gruaja nuk kishte rrugë tjetër dhe u detyrua të tregojë.

Çfarë ndodhi më tej?
Në fillim më shembën me grushta e me shkelma turinjve. Pastaj më mbyllën në një dhomë dhe sollën kutinë e votimit ku hodha votën me detyrim. Mbaj mend se atë vit kishim deputet Mehmet Shehun. Këtu kujtova se shpëtova, por e keqja kishte qenë prapa.

Si u sollën më tej me ty?
Mbaj mend se një oficer-operativ më tha: "ke vetëm dy rrugë, ose burg ose psiqiatri". Gjatë gjithë darkës u mblodhën edhe në Komitetin Ekzekutiv dhe meqënëse kisha biografi të mirë nga gruaja, (familje dëshmori), vendosën të mos më çonin në burg. Për këtë më thanë: Partia do të bëjë një nder të madh dhe ne do të çojmë një muaj në spitalin psiqiatrik ku do të bëjmë gjilpëra në kokë, që të vijë truri në vend". Kështu më çuan në pavionin 17.

A të vizituan kur shkove në spital?
Jo. Doktori pyeti operativin "përse e keni sjellë, sepse ky nuk duket i sëmurë". Por operativi i tha shkurt: Nuk ka pranuar të votojë dhe është fshehur majë çatisë". Atëherë doktori tundi kokën dhe iu përgjigj: Ky jo vetëm që qenka i çmendur, por është edhe nga ata më të rrezikshmit". Kështu më çuan në një dhomë me tre të sëmurë që bërtisnin : Rroftë Enver Hoxha, infermieri më i dalluar i turnit të tretë". Mbaj mend se njeri prej tyre ngrihej natën, më fuste një fletë fletoreje midis gishtave të këmbës dhe pastaj i vinte zjarrin duke më përcëlluar. Flija me frikë.

A nuk kërkove ndihmë prej mjekëve?
Po. I thashë të më nxjerrin se isha krejt në rregull. Por ata mu përgjigjën: Ti je i çmendur, se po të ishte në rregull nga trutë do të shkoje të votoje që në orën 6 të mëngjesit si gjithë shqiptarët e tjerë. Faktikisht, nga gjithë ato gjilpëra filloi me të vërtetë të më dhimbte koka. Atëherë i bëra një letër Mehmet Shehut dhe iu betova: Sa herë që të ketë votime do të presë tek dera e Qendrës së Votimit qysh në orën 4.00 të mëngjesit. I përmenda edhe Tefik Kamon (vjehrrin) që kish rënë dëshmor i Brigadës së Katërt. Kështu pranuan të më lirojnë. Por më parë erdhi operativi dhe bashkë me doktorin e biseduan, a isha në rregull apo jo. Për këtë më pyetën: Çfarë bëjmë ditën e dielë kur kemi ndonjë festë familjare". Unë s'dija si t'i përgjigjesha dhe i thashë: "në fillim shkojmë në punë vullnetare dhe pastaj kthehemi e gatuajmë byrekë dhe hallvë". Ata panë njeri tjetrin në sy dhe thanë: "ky qenka përmirësuar". Kështu më liruan, por me kusht: sa herë që të kishte votime, unë duhej të paraqitesha 1 orë përpara dhe i veshur me kostumin e dhëndërrisë.


Dikur më fyenin se nuk votova, tani se shkoj i pari në qendër

"Pasi dola nga pavioni 17 unë përjetova një dramë tjetër sepse njerëzit më tregonin me gisht". Kështu rrëfen Mersin Sharra ditët e tij, pasi doli nga spitali psiqiatrik. Me këtë rast ai thotë se kudo që shkonte përgojohej nga të pranishmit dhe prapa krahëve historia e tij tregohej krejtësisht e transformuar. Për këtë arsye dhe për të ndrequr gabimin e tij, Mersini filloi të shkojë gjithmonë i pari në votime. Por paradoksi i fyerjeve vazhdoi edhe pas viteve 90. "Dikur njerëzit më shanin dhe thoshin: ky është ai psikopati që nuk dontë të shkonte në votime". Ndërsa tani, sipas tij, njerëzit thonë: Ky është ai i lajthituri që shkon për të votuar qysh në orën 7.00 të mëngjesit".


Si rrinin njerëzit në rradhë për të votuar 100 për qind

"Vishuni me rrobat më të bukura dhe qysh në orën 6.00 të mëngjesit prisni në rradhjë për të votuar kandidatët tuaj". Kjo ishte motoja dhe porosia kryesore e Partisë së Punës gjatë viteve të sundimit të saj në pushtet. Kësisoj për 45 vjet rresht koha krijoi traditën e votimit në masën 100 për qind, brenda orës 9.00 të mëngjesit. Atëherë në të gjitha qendrat e votimit të kryeqytetit njerëzit kishin votuar që pa gdhirë. Në të gjithë Shqipërinë i fundit që shkonte në kutinë e votimit ishte vetë Enver Hoxha. Ai votonte kryesisht rreth orës 9.30-10.00, së bashku me bashkëshorten. Pas votës së tij dilte lajmi tradicional: Shqipëria votoi 100 për qind".

Nga gazeta Shqiptare..

--------------


hahahaaaaa.. mir na e kan ba...
ashtu i do mushka drute..

[lum lumi]

Je i mirë Brar

Ne të dy edhe pse jemi në pikëpamje të ndryshme politike, dimë ta respektojmë dhe cmojmë njëri-tjetrin. Natyra të ka dhuru ciltërsi - kjo është e adhurushme . Bindjet janë bindje e respekti respekt.

Do na falin moderatorët se kemi dalur nga tema, por duhet ta dinë se sot është ditë feste - Ditë Zgjedhjesh, dhe se na lejohet edhe pakëz liri.

Tash një poezi nga Kristaq Cipa ( botuar në vitet e '30-ta).
M'u duk aktuale për ditën e sotit:

KANDIDAT PËR DEPUTET

Dikur ju kam thanë, popull e milet.
se edhe un' vendosa të dal deputet,
se edhe un' vendosa dhe i dhash' karar,
vec rrogës së shtetit, tjetër gjë mos marr...
kur ta sjellë rasti, të ketë lezet,
të mos ju prish qejfin, pranoj dhe ryshfet...
andralla në paci, punëra në kini,
do caktoj orar në shtëpi të vini;
në sjellshi me vete dhe ndonjë bakshish,
frikë të mos kini, se kjo nuk na prish.
Po të mos gaboni, fjalë mos më thoni,
po s'dhat' nën dorë, punë nuk mbaroni:
jo se dua unë, po kshtu ësht' zakoni,
cdo mendim paguhet, ktë mos e harroni.
Vetëm më jep votën, pastaj mendjen flije,
se un' jam pajisur me kultur' e dije
dhe kam rresht dy muaj që po praktikoj,
qe gishtërinjt' e dorës, shpejt e shpejt t'i coj,
c'gjë të paraqitet të di ta votoj;
zoti mos e dhëntë që ta kundërshtoj!...
Një ish- deputet, po më jep "privat"
si duhet të sillem, fjalët si t'i mat
dhe c'ilac do marr të më zërë gjumi,
kur do bisedohet MORATORIUMI... (ha-ha: jo i Thacit!)
Kam dhe një program, s'jam sidokudo,
pastaj, kam dhe shokët ashtu sic i do...
Kur të vijë koha, ja ku lë një shteg
ta paraqit listën cilin kam koleg.
Zanatin që zgjodha e kam për sevda,
kush nuk ma jep votën do jet'maskara
Dhe, t'ju them të drejtën, t'ju kandis më mirë,
kini koh' akoma të mblidhni fiqirë.
Jo me fjalë boshe, jo llafe të kota,
por cdo gjë me rregull, të cuditet bota;
të cuditet bota, t'habitet mileti,
të gjith' të thërrasin: " Rroftë deputeti!" (1936)


Merre me mend Brar, po të ishim unë e ti deputet! Ti pozitë, unë opozitë, ose anasjelltaz. Do ishim gri e prerë në parlament (me fjalë - debat hesapi), dhe pastaj do na shihnin të dyve ulur bashkë duke pirë në një kafe në Tiranë apo Prishtinë. Merre me mend, në mbrëmje në TVSH, RTK apo KLAN TV lajmin që merr dhenë: deputet Lum Lumi i opozitës merr pjesë dhe mbanë fjalim në ditëlindjen e deputet Brarit të pozitës.

Ëndërr hesapi.... kështu do ta duaja demokracinë shumë!

tung-tung se e teprova....

[Fringo]

Te keqen Braro, a ma men si kerciste daullja ne pike te mjesit ne dite zgjedhjesh?
S"te leshin as me flejt gjum dreqnit, a thu se po ju ikshin votimet.

O Lumo, a te vij dhe une ta pi i kafe me ju te dy, kot jo si deputet, sa per te degju i dore muhabet, ose ne fun te funit kur te bohemi tape ti fusim ka i konge per qef ton.

[MI CORAZON]

Postuar më parë nga Manciste
Te keqen Braro, a ma men si kerciste daullja ne pike te mjesit ne dite zgjedhjesh?
S"te leshin as me flejt gjum dreqnit, a thu se po ju ikshin votimet.

O Lumo, a te vij dhe une ta pi i kafe me ju te dy, kot jo si deputet, sa per te degju i dore muhabet, ose ne fun te funit kur te bohemi tape ti fusim ka i konge per qef ton.

Patjeter qe do te te marrin edhe ty Manciste,se nje femer si ty kaq bukuroshe, do t'ia shtonte lezetin muhabetit...

[Larsus]

Postuar më parë nga MI CORAZON
Patjeter qe do te te marrin edhe ty Manciste,se nje femer si ty kaq bukuroshe, do t'ia shtonte lezetin muhabetit...

Shoqja Lenka i dha udhezimet

kush do fitoje sot?

[krokodili_73]

nuk ka rendesi se kush do fitoje, e rendesishme eshte se ky tipi qenka flori dhje ma ngriti shume humorin kur e lexova, hallall plako pavionin 17 se na dhive tu qesh.
kroksi