Hapja e bisedimeve Prishtinë-Beograd

[mani]

Jo more nashta pasha Kuranin pavaresia pike prej qielli se na nuk kemi kohe te merremi me te se tjeret punojne per ne???




Liderët, pesimistë pas takimit me Holkerin



PRISHTINE (25 Shtator) - Liderët kosovarë, Hashim Thaçi, Ibrahim Rugova, Bajram Rexhepi dhe Ramush Haradinaj nuk dolën optimistë nga takimi i sotëm i përbashkët me shefin e OKB-së në Kosovë, Hari Holkeri, i cili i kishte ftuar për t'i informuar me qëndrimet e Grupit të Kontaktit në lidhje me fillimin e mundshëm të bisedimeve mes Prishtinës dhe Beogradit, por edhe modalitetet për zhvillimin e këtyre bisedimeve. Presidenti Rugova u tha gazetarëve se kjo çështje nuk duhet zmadhuar, pasi sipas tij, nuk është edhe aq e rëndësishme. "Holkeri na njoftoi me qëndrimet e Grupit të Kontaktit. Biseduam për disa çështje praktike për bisedat e mundshme me Beogradin. Por, nuk duhet t'i bëjmë aq të rëndësishme këto çështje pasi nuk janë të tilla", deklaroi Rugova. Ndërkaq, kryeministri Bajram Rexhepi u shpreh edhe një herë, që për fillimin e mundshëm të bisedimeve, duhet të ndërtohet së pari konsensusi i brendshëm institucional, që nënkupton marrjen e vendimit nga Parlamenti i Kosovës. "Ne prapë e konfirmuam se duhet ta ndërtojmë konsensusin e brendshëm institucional. Qeveria kërkon që qëndrimin politik ta kemi nga Parlamenti", tha Rexhepi. Edhe me këtë rast, kryeministri është shprehur skeptik në suksesin e këtyre bisedimeve për shkak të qëndrimeve shumë të largëta, që mund t'i kenë palët në lidhje me energjitikën, transportin dhe telekomunikacionin. Nga ana tjetër, kryetari i AAK-së, Ramush Haradinaj, tha se ka parë një tendencë të improvizimit të çështjeve të modalitetit. "Shoh një improvizim të këtyre modaliteteve. Gjëra të tilla kemi parë kur ishte edhe Shtainer. Pra, bëhet një plan, komunikohet dhe vazhdohet më tutje, po në ato objektiva", tha Haradinaj. Sipas tij, krahas përpjekjve të tjera Hollkeri duhet të ndryshojë axhendën dhe të vendoset ajo që do të quhet dialog mes të UNMIK-ut dhe Kosovës. dxh/dxh (Kosovapress/BalkanWeb)

-------------
mani

[dodoni]

Analisti Patrik Mur mendon se Beogradit nuk i takon një vend në tavolinën e bisedimeve për statusin final të Kosovës


Beograd, 29 shtator - Duke folur për rrezikun që në bisedimet për çështjet teknike Prishtinë-Beograd të preket edhe çështja e statusit, analisti i radios "Evropa e lirë" nuk mendon që tash ka një rrezik, por ky rrezik ekziston në planin më afatgjatë. Megjithatë ai mendon që sapo dikujt i jepet një pozicion fillestar në bisedë, do të përpiqet të ketë më shumë influencë në të ardhmen."Nëse Serbisë do t'i lejohet një vend në tavolinën e bisedimeve për Kosovën, në këto bisedime praktike, atëhere do të jetë më e vështirë në të ardhmen t'i thuhet Beogradit që nuk ke vend në tavolinën e bisedimeve ku do të diskutohet statusi", thotë analisti Patrik Mur."Por, duhet bërë e qartë që ka një rrezik që nëse Beogradi merr pjesë në këto bisedime, atëhere do të kërkojë të drejtën e vetos në bisedimet për statusin final dhe mendoj se kjo nuk do t'i shërbejë askujt, përfshirë dhe serbët e Serbisë", thotë ai.Por, analisti Mur thotë se ekziston një rregull që nga kohët e hershme se ata që humbin luftëra humbin territore. "Beogradi për arsye që dihen fare mirë, e humbi Kosovën dhe bashkësia ndërkombëtare duhet t'ia bëjë të qartë se ky është një fakt dhe t'i japë fund kësaj çështjeje".Mur është i mendimit që Beogradit nuk i takon një vend në tavolinën e bisedimeve për statusin final."Sa më shumë kohë dhe energji që autoritetet serbe shpenzojnë rreth problematikës së Kosovës, që në të vërtetë e kanë humbur, aq më shumë para dhe vëmendje investohet jashtë problemeve reale të Serbisë, e që janë krimi, varfëria dhe korrupsioni", thotë Mur, duke shtuar se "nuk është në interesin e serbëve asgjëkundi të inkurajohen se kanë një të ardhme në një Kosovë të kontrrolluar nga Beogradi".Ai në këtë aspekt e sheh edhe rrezikun që Kosova do të përdoret në politikën serbe si një futboll politik në rivalitetin mes politikanëve serbë.Poashtu Beogradi, duke ngritur problemin e Kosovës përpiqet të hapë "një çështje më të gjerë kufijsh në Ballkan, që përfshin ndarjen e Bosnjes, në të cilën Republika Serbe do t'i jepej Serbisë në këmbim të pranimit të humbjes së Kosovës nga ana e Serbisë, që tashmë ka ndodhur", thotë analisiti i radios "Evropa e lirë"Patrik Mur.

Kryetari i Kuvendit Nexhat Daci shpreson se Kuvendi do t'i jep dritën jeshile Qeverisë për fillimin e bisedimeve me Beogradin


Prishtinë, 29 shtator - Vendimi për fillimin e dialogut për çështje teknike me Beogradin do të merret bashkërisht nga qeveria dhe kuvendi, por në fazën e parë të këtij dialogu bartëse kryesore do të jetë qeveria, deklaroi në një takim me gazetarë kryetari i Kuvendit Nexhat Daci. Por Daci paralajmëroi se Kuvendi do ta verifikojë punën e Qeverisë gjatë tërë kohës së zhvillimit të dialogut.Daci deklaroi se është interes politik që qeveria të fillojë bisedimet praktike me Beogradin. Ai tha se e ardhmja politike e Kosovës do të vendoset në bisedimet midis institucioneve vendase Këshillit të Sigurimit në Nju -Jork.Kryeparlamantri Daci tha se shqiptarët e Kosovës kanë kapacitet të mjaftueshëm për ta sfiduar Serbinë në këto bisedime.Kryetari i Kuvendit ka shtuar se brenda mandatit elektoral që kanë institucionet do ta përmbyllin çështjen e vizionit politik për Kosovën me ç'rast parlamenti do ta shpallë pavarësinë e Kosovës.Daci thotë se egziston një pajtueshmëri e heshtur për këtë edhe nga zyrtarët ndërkombëtarë.Kryeparlamentari Nexhat Daci ka përsëritur kërkesën që përveç zyrtarëve të Bashkimit Evropan në bisedimet praktike mes Prishtinës dhe Beogradit rolin kryesor ta kenë zyrtarët nga Shtetet e Bashkuara të Amerikës.Daci po ashtu kërkoi nga UNMIK-u dorëzimin e fuqive vendimarrëse për institucionet vendëse me qëllim që të arrihet stabiliteti në rajon.



Siç vëren edhe analisti Patrik Mur se sa më shumë kohë serbët humbin për çështjen e Kosovës që në të vërtete e kanë humbur aq më shumë para dhe vëmendje investohet jashtë problemeve reale të Serbisë që janë krimi, varfëria e korrupsioni. Pra nuk është aspak në interes të serbëve të krijojnë probleme me Dardaninë, edhe pse ata mundohen me që kinse duke lëshuar pe në rastin e Dardanisë të kompensohen me Republika Serpska të Bosnies, për të cilin ne nuk na intereson.
Pra, serbët nuk kanë më asnjë interes real në Dardani përveç të stabilizimit të saj sepse me atë stabilizohet edhe rajoni që është një ndër kushtet kryesore për të pasur realisht investime në rajon.
E kjo zgjidhje është bashkimi i Dardanisë me Albaninë dhe rilindja e Ilirisë.
Daci thotë se për statusin e Dardanisë nuk do të diskutohet me serbët përveç çështjeve teknike, mirë shumë!!!!
Nuk më pëlqen shprehja kemi potencial për të sfiduar Serbinë sepse ne nuk kemi se përçka ti sfidojmë ata.
Pavarësia nuk ka nevojë të shpallet sepse kemi mundësinë ta bëjmë bashkimin me Albaninë tani gjë për të cilën kanë derdhur gjak me mijëra e mijëra bashkëkombas tanë dhe që në të njëjtën kohë është edhe në interes serb (fqinji i fortë më i mirë se fqinji i dobët dhe poashtu stabilitet më i madh rajonal gjë që sjell më shumë investime të huaja aq të nevojshme edhe për ta dhe poashtu shpejton proceset integruese të të gjithë rajonit) dhe edhe në interes ndërkombëtar për shkak të faktit që ka më shumë stabilitet dhe më pak para, e mund për ta dhe poashtu edhe më shumë unitet brenda vet BE me më shumë shtete të mëdha e të fuqishme se shtete të vogla e më pak të fuqishme.
Pra, bashkimi i Dardanisë me Albaninë është ajo çfarë duhet dhe do ta bëjnë dardansit, dhe rilindjen e shtetit të Ilirisë, pra kjo është një çështje ditësh.


Përshëndetje

[bani]

une mendoj se serbet dhe greket nuk do ta pranojne kurre bashkimin e kosoves me shqiperine dhe do te kemgulin shume ne kete derisa tia arrijne qellimit.por ajo qe duhet ne te arrijme dhe qe eshte e mundur eshte pavarsia e kosoves dhe te njihet kjo pavarsi nga OKB,pastaj duhet te kaloje nje perjudhe kohe ne menyre qe te kerkojme bashkimin e ketyre dy shteteve ne nje shtet te vetem ,perseri kjo duhet te miratohet nga shtete te fuqishme si USA,gjermani,angli etj,sepse po te nxitohemi,kam mendimin se kjo do ti vleje serbeve si argument ,se shqipetaret e duan shqiperine e madhe e jo serbet sebine e madhe. Nqs e bejme cdo levizje politike te matur dhe te paramenduar do t'ia arrijme qellimit ,perndryshe do na sfidojne ashtu si ka ndodhur ne shekullin e kaluar,kur e ndane token shqiptare sipas qefit pa i pyetur fare shqiptaret, shnet

[Albo]

Holkeri: Dialogu nis më 14 tetor në Vjenë


Faton Osmani, Prishtinë

PRISHTINË – Kryeadministratori i Kosovës, Harri Holkeri ka konfirmuar se bisedimet ndërmjet Prishtinës dhe Beogradit do të fillojnë më 14 tetor, në Vjenë të Austrisë. Ai tha se nga Beogradi ka marrë gatishmërinë për bisedime, dhe kërkoi të njëjtën gjë edhe nga liderët kosovarë. “Beogradi është gati për bisedime”, - u shpreh Holkeri, për gazetarët në Prishtinë, pas kthimit nga Beogradi, ku ka zhvilluar takime me kryeministrin Zoran Zhivkoviq dhe zëvendësin e tij, Nebojsha Çoviq. Shefi i UNMIK-ut shpalli ditën e përurimit të bisedimeve të shumëpërfolura pas diskutimeve shumë të gjata që ka pasur me liderët në Prishtinë dhe Beograd, si dhe me përfaqësues të shteteve të tjera, në Evropë dhe SHBA. Megjithëse e pranoi se kjo nuk është ndonjë befasi e madhe për askënd, Holkeri theksoi se nuk ishte aspak e lehtë të konfirmojë datën e takimit të parë, për shkak të shumë detajeve që duhej të rregulloheshin. “Me sa ma merr mendja mua, kjo do të jetë një ngjarje e shkurtër me përfaqësim të nivelit të lartë të ndërkombëtarëve dhe të delegacioneve të Prishtinës dhe Beogradit”, - tha Holkeri, për të shtuar se gjatë përgatitjeve është munduar të dëgjojë aktivisht këshillat e bashkësisë ndërkombëtare, posaçërisht të BE-së dhe Grupit të Kontaktit. Në takimin e parë do të marrin pjesë edhe disa personalitete të profilit të lartë, si Havier Solana dhe Xhorxh Robertson. Holkeri shprehu besimin se edhe liderët kosovarë do ta dëgjojnë thirrjen e tij dhe të hyjnë në dialog, sepse ky është edhe njëri nga standardet e parashtruara nga bashkësia ndërkombëtare për t’u përmbushur para zgjidhjes së çështjes së statusit. “Dialogu është pjesë esenciale e standardeve. Sa më herët që ne do të mund të ndjekim këtë rrugë dhe të arrijmë disa rezultate, aq më herët ne do të përmbushim standardet të cilat na tregojnë rrugën përpara. Urdhri është: së pari standardet, pastaj çështja e statusit”.



01/10/2003

[Brari]

Meqe Kosova rrethohet nga serbi-Mali zi e Maqedonia ne tre anet patjeter do bisedohet ne cdo kohe me ta.

Kur Kosova te jete shtet (ashtu enderrojme dhe shpresojme) athere bisedimet me fqinjet do jene nje pune krejt normale dhe pa ankth.
Sot ceshtjet dihet qe jane tmerresisht delikate.
Patrik Muri me te drejte ben thirrje per vigjilence e pjekuri.
Daci ja le ne dore qeverise kto bisedime e ktu une nuk e kuptoj nentekstin.
A nuk do ish valle me mire qe kto bisedime me Beogradin te kryesoheshin nga Presidenti Rugova dhe nji ekip ekspertesh pluralist Qeveritar-Parlamentar ??

Daci kohet e fundit eshte bere i dyshimte ne Pamvaresine e fjaleve qe thot.
Une dyshoj se Daci ka pushuar se qeni nje politikan i pamvarur ose te pakten i varur nga mendimi dhe pikpamjet qe prezanton LDK e dyshoj se ka disa muaj qe eshte "dorzuar" tek Haliti, shefi i vertete i Kosoves e njekohesisht agjent i Vjeter i Sigurimit te Enver-Ramizit e kuptohet dhe i Gjinush-Nano-Mejdanve qe trashegojne Kasafortat e Sigurimit.

Frika se Daci ( Bajram Rexhepi po e po) eshte tashme vegel e Halitit (LPK-PDK-se) nuk perben ne vetvete ndonji "Qamet" por e keqja ose rreziku ( sipas meje) qendron tek nji dyshim qe kan njerzit se mos ndoshta mbi Tiranen ka Presion nga " LART "qe te diktoje mbi veglat e saj ne Prishtine qe te " ulin Pazarin" ne Bisedimet KOSOVE-BOTE-BEOGRAD.

Nuk jane te rastit daljet e Thaqit her si "Moratorium-ist" e here si politikan i gatshem per qendrime te moderuara etj.

Bisedimet ne se behen do ish mire te behen me kto kushte:

1- Kosova duhet te mbetet dhe 20 vjet nen kujdesin e mbrotjen e Natos.
2- Kosova nuk pranon asnji klauzole e asnji forme lidhjeje qe e fut qofte dhe pak nen suaza te ndonji fantazme serbo Malazeze ose Jugo-Balkanike sllave.
3- Kosova eshte e gatshme te integrohet ne EU si nje njesi e pamvarur nga krijesat Ballkanike pra vetem si nje Komb qe ka identitetin e tije teritorial e kulturor e ekonomik.
4- Kosova eshte e gatshme te bisedoje me shtete fqinje per cdo problem sikurse bisedojne shtetet e tjera.
5- Cdo presion nga kushdo te jete i papranueshem jasht ketyre pikave.

Psh .. qeveria Rexhepi mund te bisedoje per pun te kabllove telefonik ose elektrike ..per pune te urave nderkufitare, Lumenjve te perbashket , te shkembimeve tregetare e postare, turistike etj etj dhe te Pakicave etnike.
Psh ... Serbi-Mali zi kane te drejte te pyesin per bashk kombasit e tyre ne Mitrovic e Fush Kosove ashtu si dhe qeveria e Kosoves per bashkombasit tone ne medvegj e Bujanovc etj..

Puna eshte pra te mos behen kto bisedime "gozhde Nastradini".

Qashtu..

[Fringo]

Braro, ka nje problem te vogel teknik, te cilin nuk duan ta publikojne shume palet e interesuara, po qe eshte shkruar e zeza ne te bardhe.
Nje nga kushtet e armepushimit ne 1999 ishte garancia e NATO per mospavarsimin e Kosoves.
Nje tjter problem me potencial per katastrofe, eshte se pavarsimi i Kosoves, nen efektin domino, do beje serbet e Bosnjes dhe ata te Krajines ne Kroaci, te kerkojne pavarsine e tyre, duke filluar dhe nje here luften nga e para.
Prandaj bie dakort me ty, per ate 20 vjecarin nen protektorat.
Po ku i dihet, ndohta na ka ardhur dhe neve dita.

[dodoni]

Manciste, nuk ka pasur asnjë garanci për ato që thoni juve, e vetmja garanci edhe publikisht ka qenë e zonjës Ollbrajt për mbajtjen e një referendumi pas tre vjetësh në lidhje me të ardhmen (statusin) e Dardanisë.

Çfarëdo marrëveshje që nuk miratohet në Kuvend do të jetë e pavlefshme për Kosovën, thotë këshilltari i Dacit

Prishtinë, 1 tetor - Hari Holkeri do ta kryesojë delegecionin e Kosovës në takimin e Vjenës vetëm sa i përket pjesës së UNMIK--ut, për të gjitha çështjet e tjera, si dhe marrëveshjet do t'i nënshkruajë Kuvendi. Çfarëdo marrëveshje e cila nuk do të miratohet në Kuvend do të jetë e pavlefshme për Kosovën - tha në emër të kryeparlamentarit Nexhat Daci, këshilltari i tij, Ramush Tahiri.
Ndërkaq për seancën e nesërme të Kuvendit të Kosovës, Tahiri tha se parlamenti do t'i japë pëkrahje qeverisë pë bisedimet me Beogradin në Vjenë. Pas arritjes së ndonjë marrëveshjeje eventuale, Kuvendi do ta ratifikojë atë, tha Tahiri.


Parlamenti merr përgjegjësitë e veta.

Përshëndetje

[Llapi]

Albin Kurti: Bashkësia ndërkombëtare angazhohet për integrimin e Kosovës në Serbi



Prishtinë, 30 shtator (Kosovapress)

„Në mes rreshtave, në të gjitha deklaratat e Bashkimit Evropian vërehet se qëndrimi i tyre është që Kosova të integrohet në Serbi, përmes një autonomie substanciale. Pra, statusi është ky, dhe tani vetëm duhen bisedimet për çështjet teknike, që të integrohemi në tërësi. Dhe këtë unë sigurisht se nuk e shoh si proces drejt pavarsisë, por proces i implementimit dhe finalizimit të autonomisë substanciale. Fjala autonomi është shumë e madhe, por “autonomia substanciale”, pikërisht është e kundërta e autonomisë, është varshmëri”,- thotë veprimtari Albin Kurti, në një intervistë eksluzive për Kosovapress-in.

Albin Kurti është njëri nga liderët e Lëvizjes studentore të vitit 1997, dhe duket se emri i tij do të mbetet në kujtesën e të gjithëve, si njeri i guximshëm, që para gjykatës serbe të Nishit deklaroi: “Unë këtë gjyq nuk e njoh e as nuk e pranoj ashtu siç nuk e njoh e nuk e pranoj as Serbinë e as Jugosllavinë... Unë përgjigjem vetëm para gjyqit të popullit tim.”

Ai së bashku me kolegët dhe profesorët e tij organizuan protestat studentore me 1 tetor 1997, që kthyen vëmendjen e humbur të bashkësisë ndërkombëtare ndaj Kosovës, ndërsa lëkundën edhe lëvizjen pacifiste të përgjumur, që e udhëhiqte LDK-ja. Albin Kurti më vonë përfaqësoi Zyrën politike të ish-UÇK-së në Prishtinë. Gjatë periudhës së bombardimeve të NATO-s z.Kurti burgoset nga forcat serbe.

Nga një gjykatë e Nishit ai dënohet me 15 vjet burg nën akuzën e montuar për “çenim të integritetit territorial dhe sovranitetit të Jugosllavisë” dhe për “terrorizëm”, ndërsa lirohet në prag të Ditës Ndërkombëtare të të Drejtave të Njeriut, më 7 dhjetor 2001, nga presioni ndërkombëtar ndaj Beogradit, e në veçanti ndaj ish-presidentit jugosllav Vojislav Koshtunica.

Ai sot është aktivist i shquar dhe pjesë e Bordit Këshillues të rrjetit të aktivistëve Kosova Action Network (KAN) që ka për mision ndryshimet shoqërore dhe krijimin e një qytetarie aktive në Kosovë.

Z.Kurti është dukut të jetë i tërhequr nga politika ditore kosovare, por ai thotë se është në përcjellje të vazhdueshme të saj, e sidomos kohëve të fundit, kur dialogu mes Prishtinës dhe Beogradit besohet të fillojë kah mesi i këtij muaj.

Për të parë pikëpamjet e tij përkitazi me dialogun dhe zhvillimet aktuale në Kosovë e rreth Kosovës, i morëm një intervistë ekskluzive.

Kosovapress:Zoti Kurti, dialogu mes Prishtinës dhe Beogradit do të fillojë shumë shpejt. Çka mendoni se mund të arrihët nga rrjedha e këtij dialogu?

Kurti: Unë jam skeptik ndaj kësaj çështjeje. Dialogu, bisedimet etj., janë vetëm eufemizma për negociatat. Mendoj se ky fillim i negociatave e që është një lloj kontinuiteti dhe trashëgimie e negociatave të herëpashershme që ngjanin mes këtyre dy palëve duke filluar që nga vitet e 90-ta. Vazhdimisht negocime në të cilat negocionin sunduesi dhe robi për lirinë e këtij të fundit! Në vitet e ‘90-ta, për Kosovën ka vendosur Serbia, kurse sot, në këto negociata, na ofrohet që për Kosovën tani të vendosin Serbia dhe UNMIK-u. Sepse UNMIK-u ka pushtetin në Kosovë. Kjo është ajo që ka ndryshuar. Mirëpo, ajo që nuk ka ndryshuar është shumë më e rëndësishme. Edhe njëherë, me këto negociata po legjitimohet e drejta që Serbia sërish të vendosë për Kosovën, që sërish të vendosë për neve.

Kosovapress:Sipas kësaj që thoni pozicioni i lidershipit kosovar duket të jetë një rol i vëzhguesit?!

Kurti: Në këto negociata kosovarët , UNMIK-un e mendonin si njëfarë ndërmjetësuesi apo vëzhguesi. Por, është e kundërta, duke qenë se UNMIK-u dhe kryeadministratori, e kanë komplet pushtetin. Pikërisht kosovarët do të jenë vëzhgues në këto negociata. UNMIK-u ka bërë marrëveshje edhe më herët me Serbinë. Pa kosovarët, natyrisht. Por, tash pse po thirren kosovarët! Thirren sepse u nevojiten, duke qenë se ne qytetarët jemi problemi. Ne qytetarët mund të mos e kapërdijmë lehtë ndonjë marrëveshje të ardhshme, dhe UNMIK- ut, i duhen liderë politikë vendorë, të cilët do ta aprovojnë atë vendim, dhe në këtë mënyrë ta zmbrapsin popullin dhe paknaqësinë e tij.

Kosovapress: Si çka e shihni atëherë delegacionin kosovar?

Kurti: Problem themelor për ta është se përfaqësojnë qytetarët, por nuk arrijnë dot që t’ua mbrojnë interesat atyre. Kjo e krijon situatën e paqëndrushme. Kjo situatë nuk mund të ketë jetë. Mund të shtyhet, mund të improvizohet, duke e shitur transformimin e problemit si zgjidhje të tij, mirëpo edhe për shumë pak kohë.

Pra, liderët na përfaqësojnë pa patur mundësi në mbrojtjen e interesave tona, pa arritur që ta përfaqësojnë vullnetin e qytetarëve. Nga pikëvështrimi i përfaqësuesve, qytetarët janë saktësisht e njëjta gjë sikurse vullneti i tyre. Këta përfaqësues nuk kanë forcë që t’a implemetojnë vullnetin e qytetarëve të Kosovës dhe t’ua mbrojnë interesat atyre. Prandaj, në këto negociata ata nuk do të munden të bëjnë asgjë në të mirë të qytetarëve të Kosovës. Shumë më tepër do të mund të bëjnë për UNMIK-un, dëshira e të cilit është që vendimet të miratohen edhe nga kosovarët, dhe kësisoj të mund të thuhet se këto janë vendime edhe të kosovarëve.

Kosovapress: A mendoni se është koha për fillimin e këtij dialogu duke pasur parasysh mungesën e kompetencave të faktorit vendorë kosovarë?

Kurti: Pse po ngutet UNMIK-u që të fillojë një dialog i tillë? UNMIK-ut i ngutet me këto negociata, sepse e di mirë që rejtingu dhe kredibiliteti i politikanëve kosovarë është në rënie marramendëse dhe se ata duhet të shfrytëzohen sa ka ende kohë, sa s’u bë ende vonë. Pra, të shfrytëzohen ata sa janë ende të përdorshëm; edhe ndonjë ditë sa akoma nuk u ka dalur afati. Me vetë faktin që politikanët kosovarë s’po munden që t’i mbrojnë interesat e qytetarëve, këta po delegjitimohen. Paaftësia ose pamundësia që t’i mbroshë interesat e atyre që i përfaqëson, të delegjitimon.

Njëkohësisht, unë nuk mund të arsyetoj mekanizmat ndërkombëtarë, të cilët janë mbi popullin, mbi vullnetin e tij. I gjithë faktori ndërkombëtar këtu (si UNMIK, KFOR etj.) nuk e ka legjitimitetin e popullit të Kosovës, legjitimitetin e atyre që i qeveris. Demokracia e vërtetë është kur nga qytetari rrjedh sovraniteti, dhe kur asgjë nuk është mbi vullnetin e popullit. Nga rrjedhat e deritashme përkitazi me negociatat duket se qytetarët e Kosovës do të kenë problem deri te arritja e njohjes të së drejtës së tyre për vetëvendosje. Së pari këtu nuk ka qytetar…

Kosovapress:Çka ka atëherë?

Kurti: Ne jemi banorë të Kosovës, secili nga ne është banor. Dhe statusi i banorit është shumë i ngjajshëm me statusin e refugjatit. Ne jemi banorë këtu, e jo qyetetarë. Besnik Pula në referimin e tij “Demokracia pa qytetarë” në kuadër të konferencës “Drejtime të reja” e ka elaboruar shumë mirë këtë punë. Ndërkombëtarët këtu qëllimisht nuk kanë dashur të na cilësojnë si qyetatarë sepse qytetari si kategori është burim i sovranitetit. Ndërkombëtarët nuk duan që sovraniteti të vie nga poshtë, sepse kjo çon në të drejtën për vetëvendosje. Jemi ne ata që duhet të jemi burim i sovranitetit të këtij vendi, ne duhet të vendosim për të ardhmen tonë. E kështu siç është tani, sovraniteti dhe vendimmarrja u takon ndërkombëtarëve. Legaliteti që vie nga lartë, i është sipërvendosur legjitimitetit që vie nga poshtë, i cili si i tillë tani është zhveshur nga fuqia. Në këtë mënyrë që ne të mos jemi ata që vendosim për veten, por të tjerët ta bëjnë këtë.

Kosovapress:Z. Kurti, si e paramendoni ju zgjidhjen e statusit përfundimtar të Kosovës?

Kurti: Mendoj se zgjidhjen duhet kërkuar duke filluar me ndërrimin komplet të qasjes. Kjo do të thotë që të bëhet diçka e atillë, që nënkupton shumë angazhim në edhe më shumë gjëra, që statusi politik i Kosovës të mos trajtohet si çështje politike, por si çështje e drejtësisë, si çështje e së drejtës për vetvendosje. Pra, asnjëherë nuk duhet të themi se është çështje politike statusi. Asisoj nuk e pranojmë atë si çështje të negocueshme. Statusi i Kosovës kërkon shumë angazhim (edhe politik) dhe është çështje e së drejtës për vetevendosje.

Kosovapress:Çka duhet të bëjnë institucionet e Kosovës që çështja e statusit të trajtohet si çështje që duhet t’u takojë qytetarëve të saj për të vendosur, e jo si çështje që duhet negociuar?

Kurti: Unë mendoj se Serbia po e rritë atë pjesën e panegociueshme të negociatave. Pjesa më e rëndësishme e negociatave është pjesa e panegociueshme e tyre. Pra, kur të ulen në tavolinën e negociatave, pjesa e panegocueshme definon se kush janë palët që negocojnë. Pjesa e panegocueshme bën përkufizimin kush është çfarë. Në bazë të rrethanave ekzistuese, kjo është shumë e pavolitshme për neve.

Në njëjtin rrafsh, edhe me të hyrë në negociata, pas pesë minutash të bisedimeve, do të ngritet problemi i statusit, dhe në mënyrë të natyrshme nuk ka shansa të jetë ndryshe. Bashkësia ndërkombëtare heshti kur u miratua Memorandumi i kishës serbe dhe kur u bë miratimi i deklaratës në Kuvendin e Serbisë. Bashkësia ndërkombëtare, tha se futja e Kosovës në kushtetutën e Serbisë nuk ndikon në statusin politik të Kosovës. Nëse na qenka kështu, atëherë le ta fusim atë edhe në kushtetutën e Shqipërisë! Nuk është vështirë që në atë rast ta imagjinoni reagimin ndërkombëtar.

Kosovapressisa nga çështjet që do të negociohen janë proklamuar. Pra, atyre u thuhen çështje teknike. Cili është shqetësimi i juaj në lidhje me to?

Kurti: Emërtimi çështje teknike është bërë vetëm për hirë të joshjes dhe kamuflimit. Unë jam pjesë e një Lëvizjeje shoqërore të një rrjeti aktivistësh, që angazhohet përveç tjerash edhe për fatin e personave të rrëmbyer e të pagjetur. Ne së bashku me asociacionet e familjarëve kërkojmë që fati i tyre të zbardhet menjëherë, e poashtu menjëherë që të kthehen mbi 800 kufoma që janë në Serbi. Në vend se kjo të trajtohet si një çështje unilaterale dhe e panegociueshme, pra ashtu siç edhe është, tani u ofrua që për këtë të bisedohet!!! Pra, jo të jetë parakusht prioritar për gjithçka, por që të ketë pazar me këtë punë. Këtë e kanë definuar si çështje teknike. Të negociohët për të zhdukurit, për kufomat, dhe të ngjajshme është e patolerueshme, e padurueshme.

Kosovapress: Si e vlersoni ju qëndrimin e bashkësisë ndërkombëtare në prag të fillimit të këtij dialogu?

Kurti: Në mes rreshtave, në të gjitha deklaratat e Bashkimit Evropian vërehet se qëndrimi i tyre është që Kosova të integrohet në Serbi, përmes një autonomie substanciale. Pra, statusi është ky, dhe tani vetëm duhen bisedimet për çështjet teknike që të integrohemi në tërësi. Dhe këtë unë sigurisht se nuk e shoh si proces drejt pavarsisë, por proces i implementimit dhe finalizimit të autonomisë substanciale. Fjala autonomi është shumë e madhe, por “autonomia substanciale” pikërisht është e kundërta e autonomies, është varshmëri.

Kosovapress:Çka mund të ndodhë nëse bashkësa ndërkombëtare imponon një zgjidhje të tillë?

Kurti: Bashkimi Evropian është duke e mbivlerësuar situatën. E vërteta është se populli i Kosovës nuk do të pajtohet kurrë me diçka që është kundër vullnetit të tij. Si rezultat i kësaj nuk mund të përjashtohet as konflikti në të ardhmen. Dhe këtë, në masë të madhe është duke e krijuar vetë Serbia dhe tolerimi që po i bëhet asaj. Mos të habitemi, ata janë shumë unik sa i përket Kosovës. Në Serbi ka mendim kolektiv, pra nuk ka pluralizëm të mendimeve për Kosovën. Derisa ne nuk e kemi mendimin kolektiv për Serbinë. Ata janë shumë më homogjen në sulmin ndaj nesh sesa ne në mbrojtjen ndaj tyre.

Kosovapress:Pse mendoni se Kosova nuk ka mendim unik ndaj Sërbisë?

Kurti: Nuk ka sepse politikanët kosovarë udhëhiqen nga interesi vetiak. Ekziston një kalkulim tek ata se “ku po mbes unë”. Ata janë fleksibilë deri në absurditet. Nuk ka parime, nuk ka ide, nuk ka koncepte politike. Jemi dëshmitarë të deklaratave të tyre që brenda javës dëshmohen të jenë shumë kontradiktore. Ata të udhëhequr nga qëndrimet dhe sjelljet meskine, do të kenë edhe me njëri-tjetrin konflikt interesash.

Kosovapressesohet se kryeadministratori Hollker do të jetë ndërmjetës i negociatave. Cili është mendimi i juaj për këtë?

Kurti: Kryeadministratori thërret liderët në darka, dhe e shfrytëzon situatën që nëpër institucionet dhe partitë tona nuk ka demokraci të brendshme. Institucionet dhe partitë janë lideriste dhe autoritare. Je marrur vesh me të parin dhe gjithçka ka mbaruar. Pra, duke e ditur se nuk ka demokraci të brendshme, kryeadministratori ndihet i relaksuar me aprovimin që atij ia bëjnë pesë kosovarë. Intervistoi: Fadil MIFTARI

[DRIN FIERI]

...kuptohet Mr Holkeri punon ne sherbim te agjentures Ruse dhe ai nuk punon per te miren e popullit shqipetar ai eshte paguar qe te dobesoje dhe te pengoje statusin e Kosoves dhe Ribashkimin e Shqipetareve. Pra nuk eshte nevoja te pyesesh lideret shqipetar qe pse jane pesimiste, ti shqipetar duhet ta kuptosh se " gomarin nga balta e nxjer i zoti" duhet te kuptosh qe pse ata kane dala nga dhoma e takimit me Holkerin pesimiste, sepse kuptohet ai nuk i ka perkrahur lideret shqipetar dhe ai eshte kundra pavaresise.....

[Fringo]

Postuar më parë nga dodoni
Manciste, nuk ka pasur asnjë garanci për ato që thoni juve, e vetmja garanci edhe publikisht ka qenë e zonjës Ollbrajt për mbajtjen e një referendumi pas tre vjetësh në lidhje me të ardhmen (statusin) e Dardanisë.



Përshëndetje

Dodon!
Mbremem po shihja nje emision ne Discovery times, kanali 285 ne Direct TV.
Emisioni quhej Yugoslavia, the fall of Milosevic.
Kishin intervista, hap pas hapi, me James Rubin, Bill Clinton, Ivanov, Chernomyrdin, Yeltsin, Shirak, SHreder, ate Finlandezin, Clark, Thaci, Slobon, Albright etj,e tj.
Kur u mblodh trojka, madje tregonin hap pas hapi bisedimet me ruset, dhe se si ata kerkonin ruajtjen e sovranitetit dhe kufijve te Jugosllavise, ndersa NATO, insistonte ne fjalen ALL serb troops te largohen nga Kosova.
me ne fund , varianti qe u nenshkrua, garantonte integritetin e kufijve te Jugosllavise, nuk lejonte sektor Rus, si dhe largimin e TE GJITHA trupave jugosllave nga Kosova.
3 vjetet e Albrightit kane kaluar miku im, dhe prape s'eshte bere gje.
Megjithate, te rekomandoj ta shohesh ket emisionin, seishte vertet tejet informativ, sidomos kur fliste Bleri e Clintoni se si kishin folur me Yeltsin ne tel etj,e tj.
Thaci tregonte se si e kish marre haradinaj ne tel, dhe i ksihin thene, per Rambujene, po e firmoset, ato rrakteat nuk do i perdorim per serbet, po per avionin tuaj (lol)
Ishte i nolte afre, ishte ma 4 pjese, nga 1 ore sejcila.