Lirohet polici pengmarres i Klajdi Shehut

[Asteroid]

Vendimi

Akuzat e rënda që iu ngarkuan pas rrëmbimit të nipit të biznesmentit të famshëm në dosjen e Kodhelit kanë përfunduar me formulimin e thjeshtë të akuzës së “shpërdorimit të detyrës” dhe “thyerjes së uniformës ushtarake”

Gjykata Ushtarake e Vlorës dënon Perlat Kodhelin vetëm me 8 muaj burg për “shpërdorim detyre”

Prokuroria kundërshton Policinë: U implikua gabimisht


VLORË

Lirohet polici i akuzuar për pengmarrjen e Klajdi Shehut. Perlat Kodheli, 43-vjeçari i arrestuar në fund të muajit prill si një ndër ndihmësit e rrëmbyesve, do të dalë nga qelitë e paraburgimit pas plot 10 ditësh.

Vendimi është marrë dje në Gjykatën Ushtarake të Vlorës, ku procesi ndaj ish-policit ka nisur dhe përfunduar në një seancë të vetme gjyqësore. Akuzat e rënda që iu ngarkuan pas rrëmbimit të nipit të biznesmentit të famshëm në dosjen e Perlat Kodhelit (i njohur zyrtarisht me emrin Alfred) kanë përfunduar me formulimin e thjeshtë të akuzës së “shpërdorimit të detyrës” dhe “thyerjes së uniformës ushtarake”. Ai është dënuar me 1 vit burg dhe falë pranimit të veprës pritet lirimi i tij brenda më pak se dy javë.

Lirimi
Gjithçka ka mbetur e fshehtë për ndryshimin e akuzës ndaj njërit prej emrave më të përfolur muajt e fundit për implikimin e figurave të policisë. Derisa dje është zyrtarizuar në sallën e gjyqit pozicioni përfundimtar i Kodhelit në këtë çështje. Prokurori ushtarak, Myrvet Shehu, i ka kërkuar trupit gjykues, të kryesuar nga Lek Mëhilli, dënimin e 43-vjeçarit me 1 vit burg. “Duke pasur parasysh pranimin dhe pendimin e thellë për gabimin, hyrjen e tij rastësore në rrugën e krimit, duke marrë parasysh rrethanat shoqërore, faktin që është i martuar, me dy fëmijë dhe gjendjen e rënduar shëndetësore, kërkojmë dënimin e tij me 1 vit burg”. Ky ka qenë formulimi i pretencës së prokurorit të çështjes, e cila i ka kushtuar lirinë Kodhelit. Në bazë të ligjit, dënimi me 1 vit i reduktohet në 8 muaj dhe pranimi i fajit ka bërë që ish-polici të lihet i lirë brenda 10 ditësh. Ai u arrestua në 25 prill të këtij viti, bashkë me 5 persona të tjerë, menjëherë pas lirimit nga ana e pengmarrësve të Klajdi Shehut.

Proçesi
Dosja “Kodheli” është veçuar menjëherë nga 5 anëtarët e tjerë të bandës, pasi ai do të hetohej nga Prokuroria Ushtarake. Dy javë më parë dosja ka mbërritur në Gjykatë, ku është mësuar se ndarja e dosjes do të bënte dhe ndarjen në akuza. Sipas prokurorit Shehu, dosja e tij u shkëput, pasi në bazë të të dhënave, dëshmisë së vetë ish-policit dhe të pandehurve të tjerë, ka rezultuar se Kodheli nuk ishte i implikuar në pengmarrjen e Klajdi Shehut. “Kodheli akuzohet vetëm për shpërdorim të detyrës gjatë shërbimit ushtarak, pasi gjatë aksionit të policisë për lirimin e pengut dhe kapjen e rrëmbyesve të tij, ai ka marrë në telefon dy nga personat e dyshuar për këtë çështje”, ka pohuar dje prokurori. Ai ka shtuar se, Kodheli, polic zone, ka marrë në telefon Armir Dervishin që të lajmëronte Bujar Dervishin të largohej nga shtëpia, pasi akuzohej për plagosje me armë të një shtetasi. “Pra, ka qenë një rastësi, pasi Kodheli nuk e dinte se personat që po lajmëronte kishin lidhje me pengmarrjen e Shehut”, ka argumentuar përfaqësuesi i akuzës. Menjëherë pas kërkesës së prokurorit për dënimin me 1 vit burg, ka ndërhyrë avokati i Perlat Kodhelit, Sulo Ymeri, i cili ka kërkuar gjykimin e shkurtuar për klientin e tij. Ai ka përmendur gjendjen e rënduar shëndetësore të tij, e cila është marrë parasysh nga trupi gjykues, duke e dënuar përfundimisht me 8 muaj heqje lirie.


Kodheli me celularin e rrëmbyesit

Një nga provat më të fortat të policisë së Vlorës për implikimin e inspektorit të zonës Perlat Kodheli ka qënë prania e aparatit celular në shtëpinë e tij i cili i përkiste rrëmbyesit kryesor të Klajdi Shehut, Besnik Gjata. Sipas policisë së qytetit bregdetar, aparati celular nënkuptonte implikimin e tij dirtekt në këtë ngjarje. Madje, në atë kohë policia reklamoi si provë të dytë edhe përgjimet që kishte bërë gjatë 75 orëve të mbajtjes peng të nipit të biznesmenit. Një prej tyre ishte njoftimi që ai u kishte bërë rrëmbyesëve në momentin kur forcat e policisë kryen operacionin e parë për lirimin e tij. Në atë kohë krerët e Drejtorisë së Policisë thanë se ishin shumë afër banesës ku strehohej Klajdi Shehu, porse lajmërimi që bëri Kodheli u demaskoi planin plotësisht. Ata ndërruan bazë dhe e transferuan Klajdin në një shtëpi tjetër. Në realitet Kodheli vetë, në ndalimin që i bënë kolegët, kishte pranuar gjithçka në këtë implikim. Ai pranoi edhe faktin se kishte lajmëruar praninë e policisë dhe ndihmën që ai u kishte dhënë atyre. Por, më shumë se kaq ka qenë edhe prania e një aparati celular në banesën e tij gjatë kontrollit. Kjo në atë kohë u reklamua si prova më e pakontestueshme për akuzat e hedhura ndaj tij në implikim në këtë ngjarje. Edhe në dëshminë e dhënë prej tij përpara oficerëve të policisë gjyqësore, ai kishte pranuar gjithçka nga ai implikim në këtë ngjarje të rëndë. Dhe për ata që kanë marrë pjesë në aksion dhe në sigurimin e provave materiale për këtë implikim ndjehen të habitur për lirimin e tij në një kohë kaq të shkurtër.


Procesi Klajdi Shehu në kronologji

Data 21 prill.Ora 21.30
Tre persona rrëmbejnë Klajdi Shehun, 21 vjeç, nga Vlora, i cili sapo doli nga sallë stërvitje dhe e fusin me forcë në një makinë fuoristradë. Personat e paidentifikuar largohen me shpejtësi pa i dhënë askujt mundësinë për të ndërhyrë.

Ora 22.00
I ati i Klajdit lajmëron policinë për ngjarjen e cila hidhet në aksion. Ndërkohë lajmëron edhe të vëllanë e tij Sulo Shehun, një nga biznesmenët më të njohur në Vlorë.

Ora 23.00
Nga Ministria e Rendit dërgohen në Vlorë specialistë të krimit të organizuar për të drejtuar operacionin.

Ora 23.26
Pengmarrësit marrin në telefon biznesmenin Sulo Shehu. Telefonuesi e kërcënon se do ta vrasë atë dhe familjen por nuk i kërkon asgjë në këmbim të nipit.

Ora 24.00
Klajdi Shehu i telefonin vetë xhaxhait të tij Sulo Shehut. Sipas Sulos ai I ka thënë që të mos bënin bujë ngjarjen se do të ketë pasoja.

Data 22 prill. Ora 07.00
Policia e Vlorës ndërmerr kontrollin e dytë nëpër banesa ku dyshohet se strehohet pengu. Megjithatë uniformat blu nuk mundin të zbulojnë gjë.

Ora 12.30
Biznesmeni Sulo Shehu deklaron se jep 10 milionë dollarë për policinë nëse liron nipin

Data 25 Prill. Ora 23.00
Policia bën të mundur lirimin e pengut. Në pranga bien pesë vetë. Mes tyre edhe polici Petrit Kojdheli, inspektori i zonës i cili spiunonte pengmarrësit. Atij i është kapur edhe celulari i rrëmbyesit kryesor Besnik Gjata.

Data 11 Shtator
Në Gjykatën e Vlorës nis procesi për pesë të arrestuarit

Kodheli
“Kërkoj mëshirë nga Gjykata”

Vetë i pandehuri, Perlat Kodheli, ka pranuar akuzën e ngritur nga Prokuroria Ushtarake. Ai ka pohuar në sallën e gjyqit se është penduar për fajin dhe për këtë ai kërkon mëshirë nga trupi gjykues. “Premtoj se në të ardhmen do të rikuperoj gabimin dhe se do të jem i rreptë dhe korrekt me ligjet dhe urdhërat e shtetit”, ka thënë 43-vjeçari. Dhe avokati i Kodhelit ka kërkuar një masë dënimi të lehtë për klientin e tij, duke marrë parasysh që në atë rrugë ka hyrë aksidentalisht. “Nuk kam ditur asgjë që personi me të cilët bisedova në telefon të kishte lidhje me pengmarrjen. Unë e ndihmova se e njihja meqë policia po ushtronte kontroll në zonën ku ai banonte dhe ai kërkohej për plagosje”, është shprehur Kodheli në lidhje me akuzat për lidhjet e tij me Bujar Dervishin, duke justifikuar anën shoqërore me të kërkuarin e policisë. Avokati mbrojtës, në emër të klientit, ka thënë se ai është në gjendje të rëndë shëndetësore dhe kjo duhet të merret parasysh nga Gjykata. Në realitet, trupi gjykues ka pranuar të gjitha kërkesat, duke sjellë dhe lirimin përfundimtar të Kodhelit. Ndërkohë që çështja në ngarkim të 5 personave të tjerë ende nuk ka startuar zyrtarisht në Gjykatën e Vlorës.

© 2003 Gazeta Panorama

[Asteroid]

Me marrjen e ketij vendimi nga Prokuroria e Vlores vertetohet katerciperisht bashkepunimi i policise dhe i Qeverise me krimin. Ky vendim tregon edhe nje here tjeter fytyren e vertete te Shtetit Shqiptar dhe te le te kuptosh qe pengmarrja e nipit te biznesmenit Sulo Shehu eshte organizuar nga Kryeministri Fatos Nano dhe Ministri i Rendit Luan Rama.

[Asteroid]

Me marrjen e ketij vendimi nga Prokuroria e Vlores vertetohet katerciperisht bashkepunimi i policise dhe i Qeverise me krimin. Ky vendim tregon edhe nje here tjeter fytyren e vertete te Shtetit Shqiptar dhe te le te kuptosh qe pengmarrja e nipit te biznesmenit Sulo Shehu eshte organizuar nga Kryeministri Fatos Nano dhe Ministri i Rendit Luan Rama.

Ky gjyq u shnderua ne nje komedi kur prokurori Myrvet Shehu e justifikoi keshtu implikimin e policit ne pengmarrje: “Duke pasur parasysh pranimin dhe pendimin e thellë për gabimin, hyrjen e tij rastësore në rrugën e krimit, duke marrë parasysh rrethanat shoqërore, kërkojmë dënimin e tij me 1 vit burg”. Komedia behet me e bukur kur vete i pandehuri Perlat Kodheli deklaron: " E kam pranuar akuzën e ngritur nga Prokuroria Ushtarake dhe se jam penduar për fajin dhe kërkoj mëshirë nga trupi gjykues. “Premtoj se në të ardhmen do të rikuperoj gabimin (nenkupto nuk do te zbulohemi) dhe se do të jem i rreptë (d.m.th. heren tjeter pengun do ta vrasim) dhe korrekt me ligjet dhe urdhërat e shtetit”.

Keto jane çudite e Shqiperise se sotme ku policet nga hyjne "gabimisht ne rrugen e krimit" sikur te ishin femije 5 vjecare dhe na u pendokan mbasi zbulohen. Vetem ne shtetin tone socialist me ne krye pijanecin Fatos Nano pengmarrja denohet si "hyrje gabimisht ne rrugen e krimit ", ndersa ne Itali dhe ne shtetet te tjera perendimore ky krim denohet me 15-20 vjet burg.

[Asteroid]

Reagimi

Gjatë kontrolleve të para që u bënë në atë zonë, ishte pikërisht Perlati, ai që njoftoi pengmarrësit dhe ata u larguan...

"Dua 40 mijë dollarët që i kam falur policisë. Ata më kanë gënjyer mua"

Vlorë, rebelohet Sulo Shehu
Biznesmeni:“Kodheli është vëlla i sekretarit të PS”


VLORE

Vetëm një ditë pasi ka mësuar për lirimin e Perlat Kodhelit, rebelimi dhe indinjata ka shpëthyer në shpirtin e biznesmenit Sulo Shehu, të cilit i kishin marrë peng nipin.

"Këto janë manipulime të drejtësisë. Unë dua paratë që i kam falur policisë. Nuk janë pak, por 40 mijë dollarë dhe unë ia dhurova megjithë shpirt. Por ata më paskan gënjyer mua". I nxehur sa më s'ka, biznemeni i njohur vlonjat, i është drejtuar me tone të ashpra drejtuesve të forcave të rendit, si dhe prokurorisë e gjykatës. Ai i ka cilësuar ato si manipulues të së drejtës dhe se janë të zhytur në krim.

Si keni reaguar pasi keni marrë vesh lajmin për lirimin e policit, që u implikua në pengmarrjen e nipit tuaj, Klajdi Shehu?
"Jam tepër i revoltuar nga veprimet e drejtësisë. Nuk ka mundësi që të lirohet në këtë mënyrë Perlat Kodheli, pasi deri në momentet e fundit, ky cilësohej si një bashkëpunëtor i atyre që më morën nipin peng mua. Gjatë kontrolleve të para që u bënë në atë zonë, ishte pikërisht Perlati, ai që njoftoi pengmarrësit dhe ata u larguan. Tani na del versioni tjetër, që Perlati akuzohet për "shpërdorim detyre" dhe jo si më parë për "bashkëpunim në pengmarrje". Si u bëkan këto punë kështu: policia del kundër prokurorisë dhe anasjelltas?

Eshtë i dyti rast, që policë të implikuar në vendosje gjobash, janë liruar nga drejtësia shqiptare. Si i gjykoni ju raste të tilla: arrestime të nxituara nga ana e policisë apo manipulime të proceseve hetimore dhe gjyqësore?
Pa dyshim që janë bërë manipulime të procesit. Këto janë persona që janë akuzuar dhe denoncuar, ndërsa tani lirohen sikur të jetë bërë ndonjë gabim. Në rastin konkret, ka qenë vetë polici Kodheli që ka treguar të gjithë emrat e bandës, duke i mësuar dhe policia nga vetë ai, ndërkohë që tani ai lirohet, pasi thjesht paska shpërdoruar detyrën. Këto janë manipulime të pastra të procesit.

Ju fillimisht jeni shprehur shumë besues në forcat e policisë. Po tani?
Që në fillim kisha dyshime për një manipulim të tillë të procesit. Një miku im më pati thënë se: "Sulo, kujdes se procesi do të degjenerohet!" Dhe kështu ndodhi. Perlati është vëllai i sekretarit të Partisë Socialiste të Vlorës. Madje ky i fundit vetë më ka thënë se: Unë vëllain do ta nxjerr, se nuk mund ta lë brenda. E shikoni pra se si funksionon drejtësia!

Do ta çoni çështjen në Gjykatën e Apelit?
Unë nuk kam të drejtë që ta çoj çështjen në Apel. Ne nuk kemi akuzuar asnjeri, pasi nuk njohim asnjë prej tyre. Eshtë policia ajo që i ka njohur, i ka kapur, i ka arrestuar dhe i ka akuzuar. Tani loja zhvillohet ndryshe.

Pra ju gjithë fajin, ja vini strukturave të rendit dhe të drejtësisë?
Po, po nuk kam asnjë dyshim. Ishin pikërisht ata policë e prokurorë që hëngrën e pinë me mua, ku u fala dhe 40 mijë dollarët për punën që kishin bërë. Lëvdoheshin e krekoseshin, se kishin arritur një fitore të madhe. Por tani unë i dua sërish ato para. Ato më kanë gënjyer më mua.


Mbyll telefonin
Hesht kryeprokurori

TIRANE - Për të pasur një imazh sa më të qartë në lidhje me procesin gjyqësor, ku është liruar polici Perlat Kodheli, gazeta ka tentuar t'i marrë dhe një prononcim prokurorit të çështjes, Myrvet Shehu, i cili është njëkohësisht dhe krye-prokurori ushtarak. Por përgjigja, ka qenë tepër e shkurtër. "Me ato që keni shkruar në gazetë, ia keni futur kot. Hetimi është bërë nga Prokuroria e Përgjithshme dhe për këtë e kemi veçuar Kodhelin nga grupi. Ai nuk ka qenë i akuzuar për "bashkëpunim në pengmarrje" por për "shpërdorim detyre". Natën e mirë". Me këto fjalë, kryeprokurori ushtarak, na ka mbyllur telefonin, duke lënë akoma më shumë hije dhe mistere, rreth manipulimeve të procesit që pretendon biznesmeni Sulo Shehu.

© 2003 Gazeta Panorama

[Brari]

Mafia e Vlores jo Vloren por gjithe Shqiperine e ka ne dore.

Vlora vuri deputete Luizen Hoxha qe eshte vampire e njohur e sot Luiza eshte Prefekte e Beratit.
Sa te kete Sazan Alikon krye gjykates e Gjiken prefekt e Neki Dredhen kryebashkiak Vlora do jete Gulag.
Ai nipi Sulos te bej mire te mos takoj asnje Vlonjat atje ne Itali e askujt te mos i tregoj adres e telefon.
Vlora dhe Italine e sundon qe prej 10 vjetesh jo me Vloren vet.
Ne stanet e Terbacit shkonte Gjinushi piqte mish me ambasadorin amerikan Limprehtin.
Gjinushi eshte kryemafiozi i Tiranes bashke me Vlonjatin Edi Rama.
Gjysmmat e Hoteleve ne plazhet e Shqiperise nga Velipoja ne Durres e Sarande jane prone e lobit Vlonjat mafioz.
Edhe po votuan Vlonjatet per PD-ne ata te PS-se do i marrin votat e ne det do i hedhin e nuk leshojne pushtetin.
Vlora le te duroje ate qe mbolli vete me 1997.

[Asteroid]

VLORE/ Çano dhe Shehu: Akuzohej për një ceshtje tjeter

“Akuzën e pengmarrjes ndaj policit Perlat Kodheli, nuk e ka pushuar Prokuroria Ushtarake, por ajo e Rrethit”.

Ky ka qenë deklarimi i prokurorit Myrvet Shehu, i cili pak ditë më parë përfaqësoi çështjen “Kodheli” në Gjykatën Ushtarake nën akuzën e shpërdorimit të detyrës. Sipas tij, dosja është hetuar fillimisht nga Prokuroria e Vlorës, e cila në përfundim të hetimeve ka konkluduar se ish-polici nuk ka qenë i implikuar me personat e tjerë në pengmarrjen e nipit të biznesmenit, Sulo Shehu. Si pasojë, organi i akuzës ka veçuar Kodhelin nga kjo çështje, duke pushuar dhe çështjen e tij si bashkëpunëtor në këtë rrëmbim. Por, sipas prokurorit, polici është implikuar në një çështje tjetër, e ndodhur në të njëjtën zonë, pikërisht kur ai ka njoftuar në telefon një person, i cili ishte shpallur në kërkim për plagosje dhe armëmbajtje pa leje. Nga ana e organit të akuzës këmbëngulet se Perlat Kodheli ka lajmëruar personat që të largoheshin nga banesa (se policia po ushtronte aty kontrolle për gjetjen e Klajdi Shehut) për hir të miqësisë që kishte, pa e ditur se ata kishin lidhje me pengmarrjen e tij. Pikërisht ky fakt ka bërë që ndaj Perlat Kodhelit të ngrihet akuza tjetër, ajo e “shpërdorimit të detyrës së ushtarakut”, duke ia kaluar dosjen Prokurorisë Ushtarake për hetim. Dhe sipas kryeprokurorit të Vlorës, Petrit Çano, çështja në ngarkim të ish-policit Kodheli si i dyshuar për bashkëpunimin e tij me persona të tjerë në pengmarrjen e nipit të biznesmenit, është pushuar. “Kjo, sepse Kodheli nuk është arrestuar për bashkëpunim me persona të tjerë në rrëmbimin e Shehut, por ai ka qenë i dyshuar në lidhje me këtë ngjarje”, pohon Çano. Sipas tij, Kodheli nuk ka qenë asnjëherë i akuzuar për pengmarrje të Klajdit. Në këtë mënyrë, organit të akuzës i është dashur që të kërkojë për ish-policin dënimin e tij në Gjykatë vetëm për akuzën e shpërdorimit të detyrës, për faktin që ai lajmëroi në telefon një person të shpallur në kërkim.


Çfarë tha policia më 25 prill

Për policinë, i gjithë grupi i personave, që dyshoheshin për marrjen peng të Klajdit ishte shtatë vetë. Më kryesorët kanë qenë dy persona që qëndronin në shtëpinë, ku do të sistemohej pengu, në fshatin Qishbardhë, të Vlorës. Dy të tjerë ishin ata që e morën Klajdin te makina. Por, personazhi më interesant ishte polici Perlat Kodheli, me detyrë i plotfuqishmi i zonës. Pasi kishte rënë dakord me pazaret, ai informonte grupin për të gjitha lëvizjet e policisë. Kjo e kishte vështirësuar mjaft operacionin e uniformave blu, të cilat i kishin kërkuar ndihmë atij në fillim. Por, gjithçka u zbulua falë hetimeve profesioniste, të cilat nxorën policin, si bashkëpunëtor në krim. Por, qelinë e ka provuar edhe e zonja e shtëpisë, ku u mbajt Klajdi për 75 orë. Sipas burimeve nga Prokuroria e rrethit, ndaj saj ekzistojnë prova, sipas të cilave, ajo akuzohet si bashkëpunëtore në krim dhe për moskallëzim krimi.

Ja cfare shkruante Korrieri ne lidhje me kete ceshtje:

Kryeprokurori Theodhori Sollaku, shperblen, dy prokurore te Prokurorise se Tiranes, dhe tre prokuroret qe ndihmuan policine ne zbulimin e rrembyesve e Klajdi Shehut, ne Prokurorine e Vlores. Ndersa Petrit Cano, kryeprokurori vlonjat qe drejtoi hetimet per rrembimin e Klajdi Shehut do te marre shperblim tre rroga mujore. Por Sollaku ka shperblyer edhe dy prokurore te tjere ne Prokurorine e Vlores, Eugen Beci dhe Dorian Tafili, bashkehetues me prokurorin Petrit Cano ne rrembimin e Klajdi Shehut. Ata u shperblyen me nga dy rroga mujore secili.
Sollaku, shperbleu dje tre prokuroret e ceshjtes se Klajdi Shehut, ne Prokurorine e Vlores per ndihmesen e tyre ne zbulimin e rrembyesve qe mbajten peng per gati nje jave nipin e Sulo Shehut. Prokuroret e akuzes se Vlores, Petrit Cano, Eugen Beci dhe Dorian Tafili, shperblehen me motivacionin "pune te kualifikuar dhe perkushtim ne drejtimin e hetimeve paraprake te ceshtjes penale" pohuan burime te Prokurorise. "Sollaku ne kete rast, ka cmuar perkushtimin e njerezve te akuzes se Vlores, lidhur me hetimin e rrembimit te Klajdi Shehut, nipi te biznesmenit vlonjat Sulo Shehu" shtuan me tej burime te Prokurorise.

Ja dhe deklarimi i Neritan Nallbatit, drejtori i Policisë së Vlorës, ne nje interviste ne date 30 prill 2003
A mund të na tregoni se si policia ra në gjurmët e pengmarrësve, si u zbuluan ata?

Natyrisht, unë nuk dua të nxjerr sekretet e punës sonë, por mund të them se pikënisja e zbulimit ka qenë përgjimi i një telefonate mes rreth 50 të tilla që ne i kemi mbajtur nën vëzhgim. Ne na rezultoi se operativi i një zone, me emrin Perlat Kojdheli, kishte biseduar me telefon me Besnik Gjatën ditën e dytë të pengmarrjes. Shumë shpejt u mësua se Gjata ishte emigrant dhe kishte pak ditë që kishte ardhur në Vlorë. E thirra vetë në zyrë policin Kojdheli dhe e pyeta lidhur me këtë telefonatë. Që aty ai tradhtoi veten. Më tha se kishte folur me një të njohur për ta njoftuar për lejen e çiftes, pasi ajo nuk bëhej atë ditë, pasi ishte i zënë me “këtë punën”. Por, pyetjet e tjera atë gati e çarmatosën dhe pas disa minutash unë urdhërova dorëzimin e pistoletës dhe shoqërimin e tij në qeli. Në fakt, ai kishte lajmëruar pengmarrësit një ditë më parë gjatë operacionit se kishte ardhur policia dhe ata kishin ndërruar bazën. Nga stani në fshatin Kote në Mazhar. Veprimi i dytë, ishte shoqërimi i Besnik Gjatës dhe i Dafinës, nuses së vëllait që ishte emigrant dhe pronar i shtëpisë. Të gjitha këto përfunduan ditën e mërkurë. Ditën e enjte, ne lamë të lirë Dafinën dhe mendohet se ajo u ka thënë pengmarërsve se policia di gjithçka, kështu që duhej ta lironin pengun se do ta kishin pisk. Menjëherë pas kësaj, të ndodhur në darën e policisë, ata e lanë të lirë Klajdin.

Ja cfare deklaron prokuroria e Vlores ne muajin qershor:

Prokuroria e rrethit Vlorë mbyll hetimet dhe dërgon për gjykim çështjen penale ndaj pengmarrësve të Klajdi Shehut, ngjarje e ndodhur dy muaj më parë. Organi i akuzës së Vlorës ka përfunduar hetimet në lidhje me Elton Ismailin, Luan Saraçin, Besnik Saraçin, Besnik Gjatën, Perlat Koidhelin dhe Julian Metushin. Të gjithë këta akuzohen nga prokuroria për pengmarrje të kryer në bashkëpunim dhe rrezikojnë nga 10 deri në 20 vjet burg. Momentalisht vetëm Julian Metushi ka mundur që t’i shpëtojë prangave të policisë pasi është larguar në drejtim të Italisë. Ai është shpallur person në kërkim ndërkombëtar dhe sapo të arrestohet do të ekstradohet në Shqipëri. Lajmi është pohuar dje nga burime zyrtare të Prokurorisë së rrethit Vlorë. Sipas tyre, hetimet janë përfundur dhe të hënën pritet që të dorëzohet kërkesa për gjykim. Në akt-akuzën e prokurorisë thuhet se gjashtë personat janë pengmarrësit e Klajdi Shehut, nipit të biznesmenit të çimentos Sulo Shehu. Dy organizatorët e pengmarrjes kanë qënë shtetasit Luan Saraçi dhe Besnik Gjata. Ndërkohë katër të tjerët i kanë ndihmuar në marrjen peng, transportimin dhe fshehjen e pengut Klajdi Shehu. Ata kishin si qëllim përfitimin e një shume të konsiderueshme parash në këmbim të lirisë së nipit të biznesmenit. Në duart e organit të akuzës ka një sërë provash që vërtetojnë fajësinë e gjashtë të akuzuarve. Vetë pengu i liruar ka mundur që të japë shumë të dhëna të rëndësishme. Ai ka identifikuar shtëpitë ku ka qëndruar, prona të të arrestuarve, si dhe ka treguar për pengmarrjen. Gjithashtu policia ka gjetur një nga armët e krimit, maskat e përdorura nga grabitësit si dhe makinën me të cilën është trasportuar Klajdi. Në të gjitha këto ndodhen gjurmët e pengmarrësve.






Tani natyrshem lind pyetja, kush eshte e verteta ajo e muajit prill apo ajo e muajit shtator? Kush genjen, Neritani apo Petriti, Sazani apo Sollaku?

p.s. Brari, ke shume te drejte per ato qe ke thene me larte dhe jam ne nje mendje me ty

[Asteroid]

PROKURORIA: SHEHU, NEN HETIM PER SHPIFJE

Vlore - Grupi i prokuroreve qe hetoi pengmarresit e Klajdi Shehut, kerkon qe Sulo Shehu te hetohet per akuzen e shpifjes. Akuzave publike te Sulo Shehut ne adrese te gjykates dhe prokurorise se Vlores lidhur me denimin e ish-policit, Perlat Kojdheli, organi i akuzes ka vendosur ta zgjidhe gjyqesisht. Keshtu ka konkluduar grupi i prokuroreve qe hetoi dhe arrestoi pengmarresit e Klajdi Shehut, paraditen e se henes. Sulo Shehu akuzon publikisht Prokurorine dhe Gjykaten e Vlores se denimi 1 vit burg per policin Perlat Kojdhelin, per shperdorim detyre, eshte bere duke ndryshuar provat, pasi eshte derguar me helikopter per ta perpunuar ne Tirane pse Kojdheli eshte vellai i nje drejtuesi te PS-se. Sulo Shehu ka kerkuar kthimin e 40 mije dollareve qe i dha policise pas clirimit te pengut, sepse ndjehet i mashtruar me denimin e policit, qe sipas tij, ishte njeriu kryesor i marrjes peng te nipit. Keto akuza te Shehut qe jane transmetuar ne TV-te lokale dhe ndonje organ shtypi, jane cilesuar si shpifje ndaj organeve ligjore. Kryeprokurori Petrit Cano deklaron per "KJ" se akuzat e Shehut nuk jane te drejta dhe ndaj tij prokuroria do te nise nje hetim per shpifje. "Sikurse eshte njohur opinioni, dua te sqaroj pas akuzave qe ka bere Sulo Shehu, pas denimit te ish-policit Kojdheli, se organi i prokurorise dhe policise kane qene korrekte dhe e kane vleresuar maksimalisht. Hetimet intensive, puna e panderprere dite dhe nate, beri te mundur lirimin e pengut dhe arrestimin e pengmarresve, qe jane duke u gjykuar. Gjithcka eshte mbeshtetur tek nje pune profesionalisht e argumentuar me provat e grumbulluara", ka sqaruar Cano.

FLET PETRIT CANO, KRYEPROKURORI I VLORES

Cili eshte shkaku qe u vecua dhe u denua me vete ish-polici Kojdheli, per te cilin rendojne mbi organin qe drejtoni shume akuza nga xhaxhai i pengut, Sulo Shehu, z. kryeprokuror?

-Ne momentet e para, per shkak te disa lidhjeve familjare qe kishte polici i arrestuar, me njerin prej rrembyesve dhe disa dyshimeve te tjera, u be vleresimi dhe arrestimi i menjehershem i policit Perlat Kojdheli. Gjate hetimit te metejshem nuk u ngrit ndonje akuze si bashkepunetor, por rezultoi se nuk kishte dijeni per pengun. Atij iu provua akuza shperdorim detyre, pasi ne ate dite kur vepronte policia ne kerkim te pengut, Kojdheli ka telefonuar te kerkuarin nga policia per plagosje, shtetasin Bujar Dervishi. Ky eshte nje shperdorim detyre i paster, por as Kojdheli dhe as Dervishi nuk kishin asnje lidhje me pengun e pengamarresit. Qe te provohet nje akuze, duhen prova dhe rasti i Kojdhelit, per te cilin behet zhurme pa njohur ceshtjen, provat, eshte shoshitur gjithcka. Kush ka dyshime te ankohet ne organet qe na kontrollojne, por kurrsesi autoriteti i prokuroreve dhe i vete organit, nuk lejon qe te abuzohet, aq me teper te shpifet. Vleresimi i provave eshte detyre e organit te akuzes dhe jo e qytetareve, apo ndonje organ shtypi qe degjon cfare thote Sulo Shehu. Prokuroria esht` kategorike, sikurse ishte edhe ne momentet kur Shehu zgjati dollaret dhe u injoruan prej nesh, pasi kryem vetem detyren qe na takonte per te cilen na paguan shteti. Prokuroret e ceshtjes se pengut Eugen Beci dhe Dorian Tafili kane vecuar akuzen qe lidhet me dergimin e Kojdhelit me helikopter per ta perpunuar ne Tirane dhe deklarojne. Per asnje cast nuk eshte nxjerre nga qelia. Kjo eshte nje shpifje e paster, per te cilen do te mbahet pergjegjesi ligjore.

Sazan Aliko, kryetar i Gjykates se Faktit

Si eshte e verteta per rastin Kojdheli?

-Perlat Kojdheli ka ardhur ne gjykate dhe eshte denuar per akuzen shperdorim detyre. Trupi gjykues nuk ka dhene as edhe nje dite me pak apo me shume se sa kerkoi prokurori i ceshtjes. Gjykata ka krijuar bindjen ne baze te provave te paraqitura e mbi kete baze ka dhene denimin 1 vit burg, ndersa dispozita ligjore parashikon edhe gjobe. Sulo Shehu qe akuzon nuk e ka nivelin e duhur, nuk njeh ligjin dhe me zhurmen qe ben hedh dyshime ne opinion. Por ky eshte nje proces gjyqesor, nje dosje e mbeshtetur ne prova, qe mund te kontrollohet nga shkallet e tjera te gjyqesorit.


Ky eshte shteti dhe prokuroria shqiptare, te vrasin naten, te grabisin, te marrin peng dhe te qajne diten. !

[Pogradecari]

Postuar më parë nga Asteroid
Me marrjen e ketij vendimi nga Prokuroria e Vlores vertetohet katerciperisht bashkepunimi i policise dhe i Qeverise me krimin. Ky vendim tregon edhe nje here tjeter fytyren e vertete te Shtetit Shqiptar dhe te le te kuptosh qe pengmarrja e nipit te biznesmenit Sulo Shehu eshte organizuar nga Kryeministri Fatos Nano dhe Ministri i Rendit Luan Rama.

vertetohet katerciperisht ? kete nuk e kuptova mos deshe te thoje: vertetohet plotesisht
jam kurios ku e shikon lidhjene ketyre figurave politike
me krimin e kryer ne vlore