Sa e rendesishme eshte politika ne jeten e shqiptareve

[Di68]

Pasi te lexoni kete artikull te botuar sot me 19 shtator nga Gazeta Shqiptare, mund te thoni mendimet e juaja per kete ceshtje: Pra sa e rendesishme eshte politika ne jeten e shqiptareve!

***************

FAMILJA ZAVALANI NE SHERR PER POSTIN

Çifti i ndarë mes Ramës e Ngjelës
Perikliu e Irena mund të divorcohen pas zgjedhjeve

Ilir Bushi

Çifti Zavalani pas zgjedhjeve për kryebashkiakun e Tiranës rrezikon të divorcohet. Arsyeja është se burri po merr pjesë aktivisht në fushatën elektorale pro Spartak Ngjelës, ndërsa gruaja kërkon që Edi Rama të rizgjidhet përsëri në këtë post. Kështu, 34-vjeçari Perikli Zavalani i ka kërkuar dje bashkëëshortes së vet ta ndalë veprimtarinë e saj pro Edi Ramës, duke e kërcënuar se takimi i tyre i fundit mund të bëhet pas zgjedhjeve elektorale, në dyert e gjykatës. "Ose shko dhe hiq emrin nga lista e vullnetarëve të fushatës, ose do të të heq të drejtën që të mbash mbiemrin tim", e ka paralajmëruar ai. Por, nga ana tjetër, edhe Irena ka bërë të njëjtin kërcënim në adresë të bashkëshortit të saj. "Mos të të shoh me fotografitë e Spartak Ngjelës në dorë, se do t'i gris të gjitha fotografitë e dasmës sonë dhe pastaj mbushi albumet familjare me mitingjet e opozitës", është shprehur ajo. Të mërkurën pasdite grindja e tyre ka arritur në një kulminacion dhe për t'i pajtuar është dashur ndërhyrja e fqinjëve. Pas pajtimit të dy pranuan të flasin për Gazetën, me kusht që historia e tyre të mos keqinterpretohet.

Martesa
Perikliu është 34 vjeç, ndërsa Irena 29; të dy banojnë pranë Shkollës së Baletit në Rrugën e Elbasanit, ku në katin e tretë kanë një hyrje një dhomë e një kuzhinë. Kanë 4 vjet martesë të suksesshme dhe, megjithëse pa fëmijë, marrëdhëniet e tyre kanë qenë tepër normale. Të dy punojnë si shitës në një dyqan pranë Tiranës së Re (te një kushëriri i tyre), ku gruaja qëndron kryesisht turni i parë, ndërsa burri, i dyti. Megjithëse janë martuar me ndërmjetësinë e të afërmve, përsëri karakteret e tyre kishin shumë pika afrimi, me përjashtim të bindjeve politike. Por këto divergjenca janë shfaqur në mënyrë agresive gjatë kësaj fushate elektorale, kur Perikliu kërkon me çdo kusht që në krye të bashkisë të vijë Ngjela, ndërsa Irena kërkon ripërtëritjen e mandatit të Ramës. "Ajo është shkruar vullnetare pasdite, pa më pyetur mua", shprehet Perikliu, ndërkohë që Irena ankohet se i shoqi paradite troket derë më derë për të propoganduar Ngjelën. Ndërkaq, duke u grindur për platformat e dy kandidatëve, burri shprehet se Ngjela ka premtuar 24 orë ujë të pijshëm. Kështu, sa herë që shtëpia nuk ka ujë dhe gruaja kërkon ndonjë shishe për të bërë gjellën, ai e dërgon me kova për të mbushur në katin e parë, duke i thënë: "Nëse do që të mos vuash më, atëherë voto për Ngjelën". Por një natë njëri prej fqinjëve e ka ndihmuar Irenën për të mbajtur kovat deri në katin e katërt dhe ky incident shërbeu si shkak i ri për grindje.

Grindja
Kulmi i grindjes së tyre ka mbrritur para dy netësh kur Perikliu ka gjetur të shoqen në zyrën e shtabit elektoral socialist. Sipas tregimit të të dy bashkëshortëve, ai e ka tërhequr atë jashtë duke i thënë: "Nëse do të shkosh prapë në dhomën e shtabit elektoral të socialistëve, atëherë thuaji 'Lamtumirë' dhomës sate të gjumit". Këtu Irena i ishte përgjigjur se ajo këtej e tutje nuk do të pranonte as të hynte në kuzhinë, nëse i shoqi nuk hiqte nga bufeja fotografinë e Ngjelës. Por, duke folur për dhomën dhe kuzhinën Irena kërkon të nxjerrë në shesh të gjithë të vërtetën dhe, në inat e sipër, thotë: "Ti je interesaxhi dhe pasi zihesh gjithë ditën me mua në kuzhinë për politikën, kërkon të pajtohesh dhe më merr me të mirë vetëm kur vjen ora për të shkuar në dhomën e gjumit". Duket se pas 12 tetorit marrëdhëniet e tyre mund të plasariten rëndë.


Prindërit: Votojmë për kë të doni, vetëm aman mos u ndani për hallet e bashkisë

Prindërit e Irenës kanë qenë arsimtarë dhe nuk janë marrë asnjëherë me politikë, por gjatë grindjeve të vajzës së tyre me të shoqin ata mbajnë anën e Perikliut. "Ne nuk jemi marrë asnjëherë më politikë dhe nëpër zgjedhjet vendore kemi 9 vjet që nuk shkojmë në votime, por duam që vajza jonë të mos rrezikohet të bëjë divorc për hallet e bashkisë, prandaj e mbështesim Perikliun në ato që thotë", shprehet babai i Irenës, Faik Noti. Nga ana tjetër, Perikliu ka vetëm nënën dhe dy motrat, sepse babai i ka vdekur para tre vjetësh. Sipas fqinjëve, nëna e Perikliut fillon të qajë sa herë që merr vesh se djali dhe nusja e tij janë grindur për politikë. Ajo, nga ana e saj, mbështet mendimin e Irenës dhe pranon të votojë për Ramën, vetëm e vetëm që kjo martesë të zgjasë pafundësisht. Edhe dy motrat e Perikliut nuk janë bërë asnjëherë shkak për debate në gjirin e çiftit, prandaj vazhdimisht ato janë në krahun e Irenës. "Amani, mos u zini për punët e bashkisë, pa e hedhim votën për kë të doni", shprehet plaka 71-vjeçare.

[Fringo]

Ca tocash!
Po dhe s'kane faj, ne Shqiperi, politika dhe vullnetaria mund te thote ndonje burse, post, nai pune, pra eshte menyre mbijetese.
Kush ja di hallet dynjos.
Eshte per te ardhur keq ama, kur degjon te tilla gjera.
Martesa leshi!

[safinator]

Duke marre si kampion kete forum une do thosha shume.