Pasha Kuranin e ceka edhe ne nje post tjeter se ne jemi ne rrezike prej partioteve taan.liderve dhe heronjeve tan bashkohore qe nderrojne sikur kur fryen era.Para pak ditesh ky far patrioti i mbrojtjes e i shume shqipetareve mbronte ne ne Kosove e sot do dergopje trupa shqipetare per te shtypur vellezerit tan ne Maqeddoni.Edhe kesaj i thon heroizem,patriotizem.Edhe kesaj i thone politike paqesore,edhe kesaj i thone patriotizem.
Majko ofron trupa për stabilizimin e Maqedonisë
TIRANË - Ministri shqiptar i Mbrojtjes Pandeli Majko i ka shprehur dje homologut të tij maqedonas gatishmërinë e Shqipërisë dhe të forcave të saj të armatosura për të marrë pjesë në misionin paqeruajtës, që zhvillohet aktualisht në Maqedoni, nën komandën e BE-së. Këtë ofertë ministri shqiptar i Mbrojtjes ia ka bërë homologut të tij Vlado Buckovski, gjatë një takimi të zhvilluar dy ditë më parë në Sofje. Sipas njoftimit për shtyp të Ministrisë së Mbrojtjes, Majko e bëri këtë propozim si “një kontribut shqiptar për sigurinë dhe stabilitetin e Maqedonisë, duke theksuar se një hap i tillë do të kishte një impas pozitiv në të gjithë rajonin dhe se përvoja tashmë e konsoliduar e trupave shqiptarë në misione të këtij lloji në Irak, Afganistan dhe gjetkë, ishtë një garanci paraprake për suksesin e pritshëm të tij”. Oferta e ministrit Majko bëhet në një periudhë të trazirash e tensionesh në Maqedoni, kur trupat qeveritare maqedonase kanë nisur një operacion ushtarak në fshatrat shqiptarë të rajonit të Likovës, me synimin për kapjen e “Çakallës”- një prej krerëve të AKSH-së (Armatës Kombëtare Shqiptare). Ky operacion ka trembur popullatën civile të këtyre zonave, të cilët nuk janë informuar më parë për qëllimin e dyndjes së policisë dhe rrethimin e fshatrave. Kjo ka çuar në zhvendosjen e banorëve nga shtëpitë e tyre, nga frika e një konflikti tjetër të mundshëm si ai i vitit 2001. E megjithëse situata në Maqedoni mbetet jo shumë e qartë, (në kuptimin se cilët janë armiqtë e shtetit maqedonas, AKSH, ish-UÇK apo banorët e fshatrave), operacioni policor maqedonas për kapjen e kriminelëve është mbështetur tashmë nga gjithë përfaqësuesit e huaj që ndodhen në Maqedoni, përfshi BE-në OSBE-në dhe përfaqësuesit e SHBA-së atje. Megjithatë përfaqësuesit ndërkombëtare në Maqedoni nuk e konsiderojnë si krizë situatën e krijuar në vend, por thjesht si operacione që policia e një shteti duhet t’i marrë për kapjen e kriminelëve. Propozimi i ministrit Majko në një moment të tillë tensioni në Maqedoni, krijon dyshime sikur forcat shqiptare do të marrin pjesë në qetësimin dhe stabilizimin e situatës aktuale, gjë që mund të irritojë banorët shqiptarë të fshatrave të Likovës, që ndodhen në konflikt me qeverinë. Ndërkohë sipas njoftimit për shtyp të Ministrisë së Mbrojtjes, ministri maqedonas Vlado Buçkovski e konsideroi të vlefshëm propozimin e homologut Majko, dhe u shpreh se një përgjigje zyrtare do të jepet shumë shpejt, gjatë kontakteve të ngushta që janë instaluar ndërmjet dy dikastereve të Mbrojtjes së Shqipërisë dhe Maqedonisë. Nuk është hera e parë që ministri shqiptar i Mbrojtjes, Majko krijon situata të ndërlikuara diplomatike. Në fillim të muajit gusht ministri Majko refuzoi një ftesë të Beogradit për të marrë pjesë në konferencën për sigurinë rajonale në Mal të Zi, me arsyen se Beogradi po përgatit një Kushtetutë, e cila e llogarit Kosovën, pjesë të territorit të Serbisë". Një qëndrim i tillë krijoi shumë reagime si nga Beogradi, por edhe brenda vendit. Deklarata e fundit e Majkos u bë gjatë një takimi trepalësh në Sofje, mes ministrave të Mbrojtjes së Shqipërisë, Kroacisë, dhe Maqedonisë respektivisht Pandeli Majko, Zeljka Antunoviç dhe Vlado Buçkovski, të cilët ndodheshin në Bullgari për të marrë pjesë në një konferencë ndërkombëtare. Ky ishte një takim trepalësh paraprak dhe konsultativ në kuadër të aksionit të përbashkët për anëtarësimin në NATO të Shqipërisë, Kroacisë dhe Maqedonisë. Tre ministrat e Mbrojtjes konfirmuan edhe një herë nivelin mjaft të mirë të marrëdhënieve bilaterale dhe trilaterale mes këtyre vendeve në fushën e mbrojtjes dhe shprehën bindjen se e nesërmja e këtyre marrëdhënieve do të jetë në progres të vazhdueshëm. Bashkëpunimi reciprok mes tre vendeve u cilësua kështu, një pjesë e rëndësishme e përpjekjeve të përbashkëta që do të bëjnë të mundur anëtarësimin në NATO. Ministrat Majko, Antunoviç dhe Buçkovski vendosën që një raund tjetër bisedimesh të zhvillohet në Tiranë në datën 12 shtator të këtij viti në të cilën pritet të nënshkruhet dhe një deklaratë e përbashkët e tre ministrave të Mbrojtjes.
E.K
---------------------------------
mani
Krijoni Kontakt