Korrieri

Jo vetem ne lagjet periferike te kryeqytetit, ne rrethe, por edhe tek ish-blloku marrja e ushqimeve me liste eshte bere dukuri e zakonshme. Nga 100 deri 200 mije leke te vjetra jane borxhet mujore te familjeve "te pasura" te shitesja. Nuk mungojne as familjet qe blejne vetem ne minimarkete, por shiteset tregojne se jane te pakta

Denisa Xhoga

Edhe familjet e Bllokut jetojne me liste. Te marresh ushqime duke te mbajtur leket shenim shitsja, nuk eshte vetem fenomen i banoreve te periferive te kryeqytetit, apo rretheve, por po behet fenomen i gjithe vendit. "Kam shume familje qe jetojne me liste. Sapo kalon java e pare e rroges nis dhe mbushet fletorja. Kur marrin rrogen m'a kthejne te gjithe shumen 100 mije leke, ose 200 mije leke njeheresh dhe une u ja fshij emrin", tregon Lirika Pano, shitese e dyqanit, prane lokal "Mjelmes". I njejti problem eshte dhe tek ushqimoret prane shkolles 8-vjecare 11 janari. "Me teper se gjysma e familjeve qe jetojne ne kete pallat dhe tek ai perball marrin ushqime me liste. Nuk eshte e thene qe te jetosh ne pallatin te ri, ta kesh blere shtrenjt apartamentin dhe te kesh leke. Ka cifte qe harxhojne gjithe kursimet e tyre per te blere ate shtepi, humbasin dhe ca leke ne ndonje tregeti dhe ne fund te dites plasen tek une", tregon Anka Sulejmani, shitese ushqimore. Ajo tregon se ka dhe familje qe blejne shume pak ushqime tek ajo, ndersa me te shumtaty i blejne te minimarketi i rrugices tjeter. Ndersa nje shtese tjeter prane "Librit Univesitar", tregon se familjet qe blejne tek ajo me liste, i marrin "pa leke" gjithe ushqimet e dites, duke nisur nga buka dhe deri te frutat. "Jo vetem familjet e hershme qe gjithnje e kane patur shtepine aty, blejne me liste, por edhe ata qe kane harxhuar "qimet e kokes" per te blere keto shtepi. Dhe me habisin, se ketu ne katin e trete jeton nje cift i ri, ajo punon ne nje shoqate jo qeveritare, ndersa ai manaxher ne nje firme", tregon Jeta. Ajo tregon se cdo darke ata rrine ne lokale te shtrenjta, kane edhe makine, por ushimet i marrin me liste. "Edhe ketu zgjedhin gjerat me te shtrenjta. Une u perpoqa te keshilloja njehere ate vajzen, po eshte e re dhe kushedi si ju duk. Sigurisht qe jane te rregullt. Sapo marrin rrogat m'i kthejne leket", thote Jeta. Pjesa me e madhe e shiteseve ne kete zone tregojne se borxhet arrijne 100 mije leke deri 200 mije leke ne muaj. Nderkohe ne periferi lista e borxheve eshte me gjate. Ne zonen e Kombinatit, Bathore, nga Oxhaku, apo Kinostudioja lista e borxheve shkon dhe mbi 500 mije leke te vjetra. Per te mos folur me pas per komunat dhe fshatrat, ku gjithe popullsia jeton me liste. Asistenca sociale dhe leket e emigracionit, jane te ardhurat qe shlyejne borxhet disa mujore te familjeve. "Po te m'i kthejne leket ne fund te muajit, nuk eshte keq, por nuk kam cfare t'ju bej atyre qe m'i kthejne pas disa muajeve. As nga lista s'i heq dot se me vjen keq, por dhe mua me pengojne. Ushqimorja eshte nje dyqan qe duhet furnizuar cdo dite dhe leket e xhiros duhet te jene gati per dite", tregon Blerimja, shitese prane "Stadiumit Dinamo". Ajo tregon se ne jo pak raste i ka ndodhur qe te mos ia kthejne fare leket dhe ne kete rast sigurisht vendimi ka qene i prere: "Ketij klienti s'i duhet sherbyer me".