127 Zyrtare Depozita Ne Qipro

[Shijaksi-London]

127 zyrtarë depozita në Qipro


Depuzituesit shqiptarë në dy bankat kryesore të Qipros në Turqi kanë kryer veprimet financiare me pasaportë diplomatike dhe shërbimi. Lajmi u referohet të dhënave të rezervuara dalë nga buletini vjetor i dy bankave në Qipro. Flitet për 127 zyrtarë shqiptarë me llogari bankare në këtë shtet. Shqiptarët janë cilësuar nga autoritetet bankare të qipros “klientë elitar”. Informacione në kofidencë tregojnë depozitimin e shumave marramendëse nga “elitarët”.
Tre vjet më parë opozita shqiptare akuzoi publikisht zyrtarë të shtetit për depozita në bankat jashtë kufijve të Shqipërisë. Para një viti kryetari i Partisë Demokratike Sali Berisha akuzoi ish- kryemnistrin Pandeli Majko dhe deputetin Bashkim Finon për llogari bankare në Qipro të Turiqisë dhe në Selanik. Ai shtoi faktin e blerjes së vilave nga pushtetarët në Greqi.
Para gjashtë muajve në revistën greke “Nenpfis” publikoi pasuritë e zyrtarëve të lartë grekë. Në një fjali të vetme të fundit thuhej se, “qeveritarët e sotëm të Greqisë janë “nunët” bankarë ose “kumbarët” e financave të disa ministrave shqiptarë të ndërruar”.
Së fundi, sipas burimeve të besueshme nga shërbime të posaçme, buletini vjetor i dy bankave kryesore të Qipros në Turqi, ndër klinetët më korrekt dhe të besueshëm depozitues përmend emrat e rreth 170 zyrtarëve të lartë të Ballkanit.
Sipas statusit sekret të bankës, vlera e derdhur nga ata i përcaktonte “klientë elitar” të bankës. Ndërkohë që shtypi grek shrkuan se në jo pak raste ka patur ndërhyrje të kompanive dhe firmave pranë këtyre bankave, të cilat kërkojnë ndërmjetësimin mes tyre dhe pasanikëve anonim të shumave marramendëse.
Në buletinin vjetor nga dy institucionet monetare të Qipros rezulton: 20 nënpunës të lartë shqiptaro maqedonas që kanë depozituar, kurse 127 zyrtar shtetas shqiptar kanë kryer veprimet bankare me pasaporta diplomatike dhe të shërbimit.
Revista greke “Nenpfis” citonte se për periudhën 1995 deri në 1999, në suitat turistike të Qipros së Turqisë figurojnë emrat e mbi 100 familjeve shqiptare me status diplomatik dhe me pasaportë shërbimi.
a.prifti

[Brari]

Emraaa emraaa...do populli emra.. ose me mir me than nuk do populli as emra as miliardat e vjedhura qe kane derdhur politikanet tone..

njerzit i duan keta krokodila meqense babi tyre ka qen polic lokaliteti dhe i biri "euroatllantikas" nga Londra ose Nyci i do ata kelysh krokodilash meqense dhe babi tyre ish polic terbaciot ish besnik i baballarve te hajdutve te sotem dikur ish shefa te babave te zgjedhesve te sotshem..

Kjo eshte pse ata japin vote Hajdutve dhe i ambalazhojne shijet e tyre me gjoja anti-shpellarizem..

harrojne se u shkeli kemba ne Londer e Paris prej sakrifices se atyre Shpellarve nga Tropoja e jo nga deshira e mullaqe-medhejve bllokmenas Korcaro-Tepelenas.

pis milet.

[Brari]

Sec bejne lideret tane e di GREKU e TURKU.

Ata kuptohet nuk i nxjerrin emrat e tyre sepse nuk duan qe Shqiperia te njohe hajdutet dhe populli te reflektoje.
Hajdutet tane dine bukur te shfrytezojne Epersite e bankave kapitaliste qe mbajne sekret depozituesit..

Ndoshta vjen nji Parti ne Pushtet qe do i vari per ko-qesh keta hajdute e do i bjeri me kopan si gjysagjelit te pralles derisa ti nxjerrin parate dhe qumshtin e nenes nga hundet..

Per nje Parti te tille jam une..


Ja votuesit lalore-katundarore si jetojne dhe per ke votojne..

Shekulli shkruan:

------------



Viktima, djalë i vetëm, jetonte me babanë dhe me njerkën. I ati kishte kaluar në depresion për shkak të varfërisë

Traktori shtyp fëmijën që mblidhte kanaçe

Nxirrte bukën e përditshme në vendin e grumbullimit të plehrave, por shtypet aksidentalisht

FIER- Si çdo ditë kishte dalë për të mbledhur kanaçe, me qëllim që të ndihmonte familjen e tij të varfër, por një aksident i ka prerë jetën në mes. 14- vjeçari Gledison Sula u vra aksidentalisht nga traktori, në vendin ku grumbullohen plehrat e qytetit dhe ku adoleshenti i varfër shkonte çdo ditë për të siguruar bukën e gojës. Aty mblidhte kanaçe dhe këto i shiste dhe me ato pak të ardhura kontribuonte për familjen e tij të varfër. Ky ishte profesioni i fatkeqit prej vitesh. E kishte zgjedhur atë pasi nuk kishte parë ndonjë mënyrë më të mirë për të siguruar të ardhura. Por dje jeta e djalit të vetëm të familjes Sula u shua, duke lënë të pikëlluar prindërit e tij të varfër.

Ngjarja
14- vjeçari Gledison Sula ishte djalë i vetëm i familjes Sula. Ai jetonte me babanë dhe me njerkën, jo më shumë se 200 m larg vendit të grumbullimit të plehrave (3 km larg qendrës së qytetit). Babai i tij ishte i sëmurë dhe merrte vetëm 20 mijë lekë asistencë. Fqinjët tregojnë se njerka, Naileja, e donte shumë Gledisonin. Për shkak të kushteve të vështira në të cilat jetonin, 14- vjeçari nuk e kishte parë asnjë ditë derën e shkollës. Ai ishte futur parakohe në hallet e shtëpisë. Për të ndihmuar familjen e tij ai kishte zgjedhur si punë mbledhjen e kanaçeve në vendgrumbullimin e plehrave, rreth 3 km në dalje të Fierit, drejt rrugës për Lushnjë, në krahun e djathtë të rrugës nacionale. Edhe dje ai kishte dalë herët për të nxjerrë bukën e gojës. Por dita ka qenë fatale për adoleshentin. Traktoristi i cili sistemonte plehrat, Halil Lipe, për një moment nuk e ka vënë re vogëlushin që po mblidhte kanaçet pas traktorit. Përplasja ka qenë tragjike. Adoleshenti ka vdekur në vend. Kur shkuam në vendngjarje, fill pas aksidentit fatal, pamë një burrë të ulur për tokë që qante me të madhe. Ishte i ati i viktimës, Mylazimi. Babai nuk mund të thoshte asgjë. Ai vetëm qante, pa mundur të nxirrte asnjë fjalë nga goja. Gledisoni i shtirë në grumbullin e plehrave, ndonëse pa jetë, dukej sikur flinte. Nga mesi e poshtë ishte dërmuar komplet, ndërsa gjysma e kokës i ishte gjakosur. Duart i kishin ngelur mbi bark të fryra dhe të mavijosura. Pamja ishte rrëqethëse. Traktoristi 55- vjeçar, na thonë shumë banorë aty përreth, e kishte shumë për zemër Gledisonin. Ai e kishte njohur djalin aty në vendin e grumbullimit të plehrave, ku ai vinte çdo ditë për të siguruar bukën e përditshme për familjen e tij që jetonte në varfëri të plotë. Pas aksidentit, uniformat blu të Fierit kanë ndaluar traktoristin 55-vjeçar, Halil Lipe. Për Lipen, familjarët e viktimës dhe banorët rreth zonës thonë se “ai është goditur në zemër më keq nga ne. Halili e donte atë si sytë e ballit”. 30 m larg banesës së Sulajve, në një lokal aty, banakierja na tha se “Gledisoni ishte si ëngjëll. Ishte shumë i zgjuar”. Ajo tregon se me shpirtin e një nënë shpesh herë e qeraste. “Por ai nuk pranonte. Ishte me sedër”,-shprehet banakierja.

Në familjen Sula
Pas ngjarjes 14-vjeçarin e aksidentuar për vdekje e kanë çuar në morgun e qytetit të Fierit. Aty e kanë larë dhe rregulluar për ta çuar më pas në shtëpinë e tij në periferi të Fierit. Trupi i pajetë i fëmijës ka mbërritur në shtëpinë në periferi të Fierit, rreth orës 16:30 të ditës së djeshme. Me mbërritjen e viktimës atmosfera është rënduar edhe më shumë. Të gjithë fillojnë të qajnë me zë. I vetmi që flet në ato çaste është xhaxhai i 14-vjeçarit të pajetë, Besimi. Ai tregon se vëllai i tij Mylazimi jeton shumë keq. “Siç e shihni jetonte veti i tretë, se Gledisoni na iku, në një dhomë dhe banjë”, thotë Besimi. Ai vazhdon të rrëfejë se nga fukarallëku vëllai i tij disa herë kishte kaluar në depresion dhe për këtë arsye është i paaftë për punë. “Është i sëmurë dhe nuk punon dot. Merr vetëm 20 mijë lek të vjetra asistencë. Më mirë të kisha vdekur unë”,- thotë Besimi. Më pas xhaxhai ndalet tek jeta e nipit të tij, që tashmë nuk jeton më. “I pavelur dhe i pangopur asnjëherë. Qeveritarët hanë e pinë, ndërsa fëmijët vdesin plehrave. Ky është shtet kot”,- thotë ai. Besimi vazhdon të rrëfejë se një orë para se të ndodhte ngjarja, ora 08:00, Gledisoni më tha se nuk kishte mbledhur shumë kanaçe. “Mëngjesi s’doli gjë”, citon Besimi fjalët e nipit të tij të vdekur. Nuk kemi lek, shton më tej ai. “E kemi veshur Gledisonin me një kostum të thjeshtë sportiv. Të vijë shteti të na ndihmojë”,- shprehet Besimi. Por deri dje në mbrëmje asnjë pushtetar nuk u pa në derën e shtëpisë së varfër të familjes Sula. Adoleshenti që vdiq nga varfëria do të përcillet sot për në banesën e fundit. Për vdekjen e tij është lajmëruar edhe e ëma që prej vitesh nuk jetonte me të birin.


Vladimir Muçaj

-------------------------