Avioni special sjell 70 prostituta nga Italia

[Beqari002]

Janë riatdhesuar dje në Rinas 70 vajza të trafikuara për prostitucion në trotuaret e qyteteve italiane

Avioni special sjell 70 prostituta nga Italia

TIRANË – Një avion special ka riatdhesuar dje në aeroportin e Rinasit 70 vajza të trafikuara si prostituta në shtetin fqinjë, Itali. Lajmi është konfirmuar dje nga burime të komisariatit të Rinasit, të cilët kanë bërë të ditur se ky ka qenë numri më i madh i vajzave të trafikuara që janë riatdhesuar brenda një dite të vetme nga Italia. Policia italiane ka kryer gjatë javëve të fundit disa operacione kundër grupeve kriminale të trafikut të prostitutave në trotuaret e Milanos, Romës, Firences, Padovas etj. Gjatë këtyre operacioneve, janë ndaluar një numër i konsiderueshëm vajzash të reja që shfrytëzoheshin ilegalisht si prostituta. Të gjitha vajzat e ndaluara nga policia, janë marrë në pyetje dhe kanë dhënë deklarimet e tyre në lidhje me tutorët që i kishin nën mbikëqyrje. Pasi ka siguruar informacionin e nevojshëm, policia italiane ka vendosur riatdhesimin e vajzave të ndaluara, për shkak se këtyre të fundit u kanë munguar dokumentet e lejeqëndrimit në shtetin fqinj. Numri i madh prej 70 vajzash, e ka detyruar policinë fqinje që të nisë një avion special posaçërisht për transportimin e tyre drejt aeroportit të Rinasit. Zakonisht, riatdhesimi i vajzave të trafikuara për prostitucion bëhej në rrugë detare, me traget. Avioni special i “Alitalias” që transportonte 70 vajzat e trafikuara, është ulur në pistën e Rinasit rreth mesditës së djeshme. Ndërkohë, policia e kryeqytetit ka mbikëqyrur me imtësi dokumentacionin shoqërues të vajzave të riatdhesuara dhe është interesuar për shpërndarjen e tyre sipas rretheve dhe qyteteve përkatëse. Objektivi i policisë së shtetit në kontrollin e djeshëm ka qenë që të parandalohet mundësia e rikthimit të këtyre vajzave të trafikuara në duart e tutorëve të tyre, të cilët kanë çuar “përfaqësuesit” në Rinas për t’u hequr si familjarë apo të afërm të viktimave të prostitucionit.
Ardita Bala
----------------------
----------------------------
Oj sharki e lehte si era , a ka ardhur ne Shqiperi pranvera?

[hiedi]

kane kapur vetem 0.01% te tyre
te tjerat jane akoma ne rruge

[Enkela B.]

abaaba
sa gjynaf ato vajzat, ku kthehen tani ato?? ne shqiperi opinioni ehste gjeja qe i mban shqipetaret gjalle, (edhe thashethemet).

jeta e ketyre vajzave ka mbaru, sepse nuk mund te jetojne ne paqe kurre.

[Nika]

Enkela B.
Vërtetë opinionin e kemi anakronik, patriarkal dhe të prapambetur por, nuk besoj se ai e thashethemet i mbajn të gjall bashkëkombasit tanë. Kur mendoj për fatin e motrave të mia që janë bërë prostituta me ose pa dëshirë më vjen të qajë. Ato nuk bëjn mëkate. Ato shlyejn mëkate! Ndoshta në jetën e mëparme kanë qenë mashkuj dhe kanë keqtrajtuar femra???!!!
Më e mirë (për mua) ka qenë prostituta Maria Magdalena që me lotët e saj ia ka la këmbët, dhe ia ka fshi me flokët e saj Krishtit, dhe së bashku me nënën e Krishtit Marijen ka ndenjur deri në vdekjen e trupit të tij në kryq, sesa nxënësit e tij që e kanë tradhëtuar dhe janë fshehur e larguar...
Nëse e ndihmojn veten, duke e kurajuar, duke i dhënë vullnet për jetë etj. jeta e tyre mund të vijë në normalitet, të mos mbarojn, si thoni.

[malli]

dhe une me te njejtin mendim jam (mistiku)
me pelqeu pergjigjja jote , pershendtje malli