Realiti shqiptar dhe shqiptaret

[Alen]

I revoltuar duhet te konstatoje se asgje nuk funksionon si duhet ne vendet e banuara me shqiptare, per mos te thene se cdo veprim si ne fushen politike , sociale , ekonomike si dhe ate kultorore ose ndodhet para kollapsit ose eshte i paralizuar fare .
Fatkeqesisht ende jetojme ne enderra te mrekullueshme secili per vete kuptohet dhe nuk mundohemi qe enderrat ti realizojme ne veprime te dobishme sepse iluzionet si duket nuk i perkasin botes shqiptare ,nuk i perkasin te ashtuquajturve lidereve shqiptare. Iluzionet jane vetem per njerezit e guximshem dhe te mencur , qe flijojne veten dhe familjen per te miren e vendlindjes .
Nje popull pa iluzion dhe jo i bashkuar se pari kufizohet sic ishte Shqiperia enveriste e kufizuar 50 vite me radhe, dhe pastaj fillon ai popull i mjere ngadal te zvogelohet dhe asimilohet ne boten e sotme globale .
Dhe askush nuk i´a done te miren Shqiperise dhe Kosoves me shume se shqiptaret, askush nuk lind dhe nuk vdes ne keto dy ane pervec shqiptareve . Me veprimet e gabuara askush nuk do ti demtoj me shume trojet ilire se ne vete shqiptaret.
Dhe si shqiptare i rendomte qe jame , i strehuar ne „thojza“ ne nje shtet perendimor me diplome gjermane nder sjetull fishklloje kengen e Sinan Vllasaliut „ Krejt mbrapsht “, sepse:

· Askush nuk pergjigjet per vrasjet dhe autobombat ne qender te Prishtines

· Askujt nuk i interesojne reduktimet e rrymes elektrike ,

· Kosova dher Shqiperia me 80 % te papunesuar , njerez te mjere edhe me te mjere se Djaloshi i Migjenit .

· Kuvendi i Kosoves behet kinse ..... mirpo Shtaineri vulos

· Rrezojme shkolla per te ndertuar katedrale, ne vend qe ti kemi te dyja

· Shqiperia eshte e varur nga disponimi i Nanos dhe Berishes

· Shqiperia nuk pranohet ne NATO,

· Shqiperia nuk pranohet ne BE

· Shqiperia pret dhe shpreson

· Kosova pret dhe shpreson

· Shqiptaret ende te hutuar pyesin : Eshte pulja me e vjeter apo veza ?!

· Mrekullia ndodhi bashkevendas te mi , monotonia e mallkuar eshte thyer : Adelina dhe Leonora jane cmendure konstatuan me ne fund gazetat

· Dhe mua nuk me mbetet tjeter porpos ti veje duart ne xhepa dhe te fishklloje kengen e „ Minatorit “, se do te jete me mire , do te behet me mire . Ndoshta Adelina dhe Leonora do ta fishkllonin kengen time te adhuruar shume me mire , por me falni , per shkaqe teknike : njera ndodhet ne spital e tjetra , ndodhet gjithashtu e strehuar „ne thojza “, ne perendim .

Mire se vini ne Kosoven dhe Shqiperine e lire .

[Beqari002]

Tek ne shqipetaret momentalisht eshte teza "Dikush thumbit , dikush patkoit"e asgje me shume .Ja disa shembuj konkret.



Sali Berisha: Për Kosovën nuk ka pavarësi pa i plotësuar kushtet


Tiranë, 28 dhjetor (Kosovapress) Time: 17:00

Kryetari i Partisë Demokratike të Shqipërisë, subjektit më të fortë opozitar në Shqipëri, dr. Sali Berisha, ka thënë të shtunën se për Kosovën pavarësie duhet ët vijë pasi që vendorët t’i plotësojnë standardet. “Nuk ka pavarësi pa kushte”, ka thënë Berisha. Lideri i PD-së gjithashtu ka thënë se Kosova duhet t’i ketë simbolet e saj shtetërore - flamurin dhe himnin.
-------------------
-----------------------

Berisha: Kosova do pavarësinë; asnjë qëllim tjetër veç këtij nuk pajtohet me vullnetin e popullit


TIRANE, 28 dhjetor - "Mund të them se në deklaratat e fundit si qeveri janë përcaktuar që çështja të zgjidhet duke respektuar me shprehjen e vullnetit të popullit të Kosovës dhe unë e mirëpres këtë përcaktim të qeverisë, sepse është shumë e rëndësishme që pavarësisht nga kundërshtimet, që mund të kemi, në disa probleme madhore, nuk duhet të ketë kundërshtime". Kështu tha Sali Berisha, kryetar i Partisë Demokratike, në një intervistë dhënë një gazete të Prishtinës. Berisha thotë se në një votim ka bindjen e thellë se shqiptarët e Kosovës do të votojnë për pavarësinë e tyre. "Nuk di të ketë ndonjë qëndrim të ndryshëm zyrtar, të paktën këto kohëve të fundit... por me sa di unë qëndrimi i fundit i shprehur prej autoriteteve të Tiranës zyrtare është që çështja duhet zgjidhur duke respektuar vullnetin e shqiptarëve në Kosovë", tha Berisha. Më tutje ai tha se preferon që për problemet e brendshme të Kosovës të mos merret shumë, sepse Kosova tani ka institucionet shtetërore me njohje të plotë ndërkombëtare. Ndërkaq lidhur me debatet nëse Kosova duhet t'i ketë simbolet e veta shtetërore, Sali Berisha thotë se "përderisa përcaktimi kryesor në votime dhe në luftë i shqiptarëve të Kosovës ka qenë pavarësia, atëherë është shumë e natyrshme që një shtet i pavarur nuk mund t'i adaptojë simbolet dhe himnin e një shteti tjetër". "Kosova do ketë flamurin e vet që nuk mund të jetë si flamuri i Shqipërisë, se nuk pranon kush dy shtete me një flamur dhe nuk mund të këndohet i njëjti himn, sepse nuk pranon kush dy shtete me një himn. Dhe ato janë simbole sa kombëtare, aq edhe ndërkombëtare.... Populli i Kosovës është përcaktuar për pavarësi. Unë gjykoj se çdo qëllim tjetër nuk pajtohet me vullnetin e këtij populli". I pyetur nëse partia që ia drejton mbështet pavarësinë e Kosovës, Sali Berisha, u përgjigj: "E mbështes, por unë mbështes edhe Shtajnerin. Ideja e Shtajnerit që standardet në fillim dhe statusi mbrapa. Sot s'ka pavarësi pa kushte, të gjitha këto vendet tona të pavarura janë me kushte. Edhe më mirë që janë me këto kushte, se këto kushte synojnë veçse realizimin e standardeve demokratike, synojnë prosperitetin, d.m.th. nuk është se me këto kushte, një vend tjetër, apo një grup vendesh, përfitojnë më shumë në kurriz të një vendi tjetër". Në vazhdim të kësaj interviste Berisha flet edhe për për pozitën e shqiptarëve në Maqedoni, Preshevë, Bujanovc e Medvegjë dhe në Mal të Zi. Berisha pozitën e shqiptarëve në Maqedoni pas marrëveshjes së Ohrit e sheh "në një pozitë dinjitoze, një pozitë e cila me zbatimin e marrëveshjes gjithmonë i bën ata që të dalin të barabartë para ligjit". Ai shpreh besimin që marrëveshja e Ohrit përbën një bazë reale për një paqe të qëndrueshme në Maqedoni. Ndërkaq për shqiptarët në Mal të Zi, z. Berisha thotë se po pinojnë mençurisht për zgjerimin dhe konsolidimin e të drejtave të tyre. Ata kanë bërë progres në standardet e lirive dhe të drejtave të minoriteteve në Mal të Zi, tha ai. Sa u përket shqiptarëve në Preshevë dhe Bujanovc, marrëveshja e nënshkruar ka mjaft elemente të konkretizuara, tha mes tjerash në në këtë intervistë kryetari i PD-së Sali Berisha
-----------------
----------------------

Ceka: PAD s’do të bashkohet me Berishën


TIRANE, 28 dhjetor - Kryetari i Partisë Aleanca Demokratike, Neritan Ceka ka hedhur poshtë zërat se anëtarë të kësaj partie në qytetin e Elbasanit do të bashkohen me Partinë Demokratike për të votuar kandidatin demokrat Fahri Balliu. Sipas Cekës, anëtarët dhe simpatizantët e PAD-së nuk do të votojnë për partinë e drejtuar nga Sali Berisha, por do t’i bashkohen votës së socialistëve në favor të kandidates socialiste Valentina Leskaj. Ceka u shpreh një ditë më parë se “Aleanca Demokratike do ta ruajë pavarësinë e vet si një parti liberal-demokrate, duke qenë se përfaqëson një spektër të veçantë në politikën shqiptare
-----------------------
------------------------
Kryetari i PSD-së kërkoi dje sërish negociatat me PS-në për një marrëveshje të re bashkëpunimi

Gjinushi: Edhe e majta të bashkohet

“T’i kundërpërgjigjemi idesë së Berishës për unifikimin e së djathtës”


TIRANË – Kryetari i PSD-së Skënder Gjinushi i kërkoi dje të majtës shqiptare, por veçanërisht PS-së që t’i kundërpërgjigjet idesë së Berishës për bashkimin e së djathtës. Gjinushi në fjalën e tij, të mbajtur gjatë punimeve të konferencës së 9-të zgjedhore të degës së PSD-së së qytetit të Tiranës tha se ka ardhur koha për një rishikim të marrëdhënieve PS-PSD. “Së fundi kemi dëgjuar se e djathta kërkon të unifikohet. Ka vetëm disa ditë që lideri i PD-së hedh idenë deri ekstreme të unifikimit të së djathtës. Pavarësisht nga qëllimi që ai niset, pavarësisht se sa i sinqertë është ai me aleatët e vet, kryesorja është ajo që e djathta shkon jo vetëm drejt bashkimit, por madje guxon dhe hedh edhe idenë e unifikimit që është një ide e avancuar dhe që nuk mund të realizohet në konjukturën e sotme, por megjithatë është duke hedhur një ide kaq të avancuar, Berisha kërkon të sigurojë të paktën një rigrupim sa më solid të së djathtës”, -nisi komentin e tij, kryetari socialdemokrat. Ai vërejti se e majta ka patur probleme gjatë kësaj kohe, jo vetëm brenda partisë më të madhe, PS-së, por edhe marrëdhëniet PS-PSD e më gjerë në koalicionin “Aleanca për Shtetin” ka patur një situatë të nderë. “Ne vlerësojmë që është koha që edhe e majta të bëjë bilancin e vet, është koha që edhe e majta të bëjë reflektimin e vet për të reaguar ndaj kësaj situate. Ne vlerësojmë që e majta i ka mundësitë më të mëdha për unifikimin dhe për bashkim, sepse e majta realisht ka bashkëpunuar në këto vite”, -deklaroi kreu i PSD-së. Ai tha se e majta ka mundur ta ringrejë vendin nga shkatërrimi. Ai shpjegoi se PSD-ja nuk është bashkuar kohët e fundit me përpjekjet për të ndryshuar Kushtetutën e vendit, ashtu siç nuk është pajtuar edhe me ndryshimin e sistemit elektoral në mënyrë të njëanshme. Të gjitha këto ai i quajti përpjekje për të monopolizuar politikën. Sipas tij, do të jetë shumë e gabuar që të bipolarizohet politika, të monopolizohet. “Me të gjitha këto lëvizje, Berisha përpiqet të organizojë atë që ai i quan zgjedhje të lira dhe të ndershme, pra përgatitet që të fitojë zgjedhjet”, -nënvizoi Gjinushi. Sipas tij, edhe ideja e unifikimit të së djathtës nga Berisha mund të ishte deklaruar më parë, por sipas tij ai është shkaktari i shkatërrimit të opozitës.
Kryetari socialdemokrat Gjinushi tha dje se Berisha ka shkelur edhe marrëveshjen e nënshkruar mes pozitës dhe opozitës. Ai renditi dy nga pikat kryesore ku kjo marrëveshje është shkelur. Sipas tij, përderisa Berisha ka nënshkruar këtë marrëveshje, ku thuhet se për çështjen e integrimit të vendit në strukturat evroatlantike, pozita dhe opozita do të dalin me një mendim, ai nuk duhet të deklarojë se Shqipëria nuk mund të integrohet me këtë qeveri. “Marrëveshja e nënshkruar thotë se pozitë-opozitë për çështjen e integrimit e Shqipërisë duhet të mbështesin njëra-tjetrën , por ne shohim që kreu i PD-së del e thotë se nuk mund të integrohemi me këtë qeveri ç’ka do të thotë “BE ndërprit negociatat”. Ky është apeli direkt. Mendoj se kjo mund të jetë emocionale. Ky është një devijim dhe kjo sepse ai po fillon fushatën elektorale”, -komentoi Gjinushi. Po kështu edhe për çështjen e pronave, Berisha ka shkelur marrëveshjen sipas Gjinushit. “Në rast se themi të mbajmë një qëndrim të përbashkët për të gjitha detyrimet që ka Shqipëria për integrim, një nga detyrimet është edhe zgjidhja përfundimtare e pronave”, -u shpreh ai.
Darina Tanushi
---------------------------
------------------------------