Robert Shvarc

[Brari]

nga gaz.shqiptare
----------------------

Përkthyesi i njohur feston 70-vjetorin mes miqsh

Një trokitje gotash në përvjetorin e Robert Shvarc


-----------------------------------------------------------

mi.ho.

TIRANE

Njeriu i letrave, përkthyesi i njohur Robert Shvarc ka festuar dje në mbrëmje përvjetorin e 70-të të ditëlindjes së tij. Me iniciativën e miqve më të ngushtë, kjo ditë e shënuar për Shvarcin është kaluar mes tingujve të muzikës dhe trokitjes së gotave të shampanjës në një nga lokalet e Tiranës "Për miqtë".

Me plot emocione ai i priti të gjitha urimet që i erdhën nga miqtë e ftuar. Urimi më i zakonshëm ishte: "Pastë jetë të gjatë dhe realizoftë plot gjëra që ai nuk mundi të bënte në rininë e vet". Në një moment, si duke qeshur, edhe vetë Shvarci ia uroi vetes këtë të fundit. Një urim të veçantë i ka dërguar Shvarcit edhe kryeministri i Shqipërisë, Fatos Nano. Në këtë urim thuhet:

"Në këtë përvjetor të ditëlindjes Suaj, dëshiroj t'ju shpreh sinqerisht ndenjat më të ngrohta miqësore. Dhe pse vitet kalojnë, mendja dhe zemra juaj ka mbetur gjithonë e freskët dhe rinore. Duke kujtuar librat e shumtë që kam lexuar, do të përsërisja një ndjenjë të hershme falënderimi dhe respekti për punën tuaj të mrekullueshme. Ju uroj me gjithë shpirt që të vazhdoni punën tuaj si shkrimtar dhe si përkthyes i veprave të letërsisë dhe kulturës botërore".

Robert Shvarc njihet si përkthyesi i një pjese të mirë të autorëve të huaj nga gjuha gjermane, duke filluar që nga: kolana e gjatë e veprave të Remarkut, Stefan Cvajkut, Bretolt Brehtit, Henrih Hajnes, Gëtes, Shilerit, Kurt Tukolskit, Uinertit apo Enzensbergut. Janë të shumtë titujt e përkthyer prej tij; "Harku i triumfit", "Asgjë e re nga fronti i Perëndimit", "Shkëndija e jetës", "Obelisku i zi", "Çifutka e Toledos", "Nëna Kurajë dhe fëmijët e saj", "Arturo Ui", "Opera për tre grosh", "Gjermania, përrallë dimri", vëllime me poezi etj. Veç kësaj, Shvarci ka përkthyer dhe autorë shqiptarë nga gjuha shqipe në atë gjermane, si: Dritëro Agolli, Ismail Kadare, Rexhep Qosja, Gaqo Bushaka etj.

[Dita]

Nga autore jogjermane i shtoj kesaj liste emrash autoresh e tituj librash, Gabriel Garsia Markez me Njeqind vjet vetmi






Nga http://www.parajsa.com



Nje ure mes kulturave shqiptaro-gjermane: emri i perkthyesit Robert Zhvarc, perkujtohet sot me 10 dhjetor, ne 70 vjetorin e lindjes, vetem me nje urim te ambasades gjermane. Zhgenjimi i perkthyesit rebel, ne arenen e debateve te sotme te akademikeve shqiptare per gjuhen standarte.
Robert Zhvarc



Nje ure mes kulturave shqiptaro-gjermane: emri i perkthyesit Robert Zhvarc, perkujtohet sot me 10 dhjetor, ne 70 vjetorin e lindjes, vetem me nje urim te ambasades gjermane. Zhgenjimi i perkthyesit rebel, ne arenen e debateve te sotme te akademikeve shqiptare per gjuhen standarte.

Ambasada Gjermane uron per 70 vjetorin e lindjes se perkthyesit Robert Zhvarc, nepermjet pershendetjeve miqesore te Jonatan Eeinberg, atashe i shtypit prane ambasades gjermane. Ka kujtime zyrtare, te hidheta, qe nderrojne jete vetem nje here ne 100 vjet. Ne Shqiperine e tranzicionit politik dhe moralit te ndyre, te vertetat luajne "ku kam fshehti". Ashtu si Zhvarc-it, perkthyes nga gjermanishtja ne shqip dhe anasjelltas, per dy breza te gjalle i qellon te kujtohet ne 70 vjetor nga ambasada dhe asnje subjekt, apo institucion i kultures shqiptare: "Ambasada Gjermane uron zotin Robert Shvarc me rastin e shtatedhjetevjetorit te ditelindjes se tij. Ambasada e Republikes Federale te Gjermanise nderon personalitetin e shquar te kultures shqiptare, njekohesisht ate, qe per disa dhjetevjecare e deri me sot, me perkthimet e tij mjeshterore ka qene, eshte dhe do te jete Ambasador Nderi i kultures dhe letersise gjermane ne Shqiperi. Me perkthimet sa te zgjedhura aq dhe mjeshterore, sic jane: nga Erich Maria Remarque "Tre shoket", "Harku i Triumfit", "Asgje e re nga fronti i Perendimit", "Shkendija e jetes", apo "Obelisku i zi"; nga Lion Feuchteagner "Cifutka e Toledos", "Francisko Goja"; nga Stefan Zeeig "Zhozef Fushe" dhe novela te Bertolt Brecht "Nena Kuraje dhe femijet e saj", "Kenga e nje nene gjermane", "Ditet e Komunes", "Arturo Ui", "Pushket e nenes Karrar", "Opera per tre grosh", "Baali"; nga Heinrich Heine "Gjermania perralle dimri"; nga Goethe dhe Schiller "Poezi dhe Balada" si dhe nga Kurt Tucholski, Einert, Brecht "Poezi te zgjedhura" dhe se fundi me vellimin e poezive te poetit te shquar bashkekohor H. M. Enzensberg.

Robert Shvarc mundi te ndertonte nje ure komunikimi ndermjet kultures e letersise gjermane dhe kultures e letersise shqiptare. Pervec perkthimeve te lartpermendura, zoti Robert Shvarc ka bere dhe shume perkthime te shkrimtareve te shquar shqiptare te 50 viteve te fundit nga gjuha shqipe ne gjermanisht, si Ismail Kadare, Dritero Agolli, Gaqo Bushaka, Rexhep Qosja, Hydajet Beqiri etj.

Per keto kontribute, ne vitin 1995 ai mori cmimin "Kryqi i meritave gjermane". I pari nder emrat e kultures shqiptare qe e merrte kete titull, ne kete fushe. I pari per vendet e Lindjes, i vleresuar per kesi kontributesh ne kulture nga vet presidenti gjerman i asaj kohe.

Qysh atehere, asnje shenje, nga kreu i shtetit a qeverise shqiptare, per figuren e Robert Zhvarcit. Sot eshte 70 vjetori i tij. Dy nete me pare sapo ka kaluar nje krize te forte zemre, pas disa nderhyrjeve te njepasnjeshme, operacioneve, brenda dhe jashte vendit. E shoqja thote se perkeqesimin e ka vec prej te ftohtit. Ai vet, Zhvarci i pabindur nga veshtiresite e llojit te sotem, mbetet i zhgenjyer, nga atmosfera e deritanishme e rrethit te linguisteve dhe perkthyesve.

Zhvarc ka shfaqur pershtypjet e tij, mbi gjuhen e medias se shkruar e elektronike. Ka qene nje artikull i gjate, ku flitej per "gazetarucet dhe gazetareshat". Dhe vetem nje muaj me pare, ne seminarin mbareshqiptare per gjuhen standarte ai ka shprehur opinionin se gjuha e njehsuar, megjithe gegnishten e toskerishten, duhet te jepet si lende e pare ne gjimnaze. Robert Zhvarc asnjehere nuk i ka tejkaluar kopetencat e tij te perkthyesit. Kjo eshte arsyeja qe gjithmone eshte degjuar me deshire dhe vemendje se cfare me teper do te "huazoje" dhe do "rrembeje" prej linguisteve, vetem e vetem per te sjelle gjuhen e huaj sa me ngroht ne shqip.



(Publikuar me 10 Dhjetor, 2002 17:51)

[Sokoli]

Robert Zhvarc (Schwarz) eshte perkthyesi me i mire qe ka Shqiperia (ne te gjalle) i kryeveprave boterore ne Ship.

Ndersa me i miri qe ka prape Shqiperia por qe perkthen nga Shqipja ne gjuhe te huaja eshte Robert Elsie.

Cuditerisht, tingellima e shkronjave shqipe qenka lidhur ngushte me fatet e 2 Roberteve.

Qe te dy te huaj... Qe te dy me shqiptare se vete shqiptaret...

[Pentesilea]

Postuar më parë nga Dita





Pervec perkthimeve te lartpermendura, zoti Robert Shvarc ka bere dhe shume perkthime te shkrimtareve te shquar shqiptare te 50 viteve te fundit nga gjuha shqipe ne gjermanisht, si Ismail Kadare, Dritero Agolli, Gaqo Bushaka, Rexhep Qosja, Hydajet Beqiri etj.

Kete artikull e kam lexuar dhe tek "Albania". Por te nesermen gazetari kish bere nje sqarim, ku i kerkonte ndjese zotit Hydajet Bajri qe ne vend te emerit te tij padashur kish vene mbiemrin Beqiri.
Mua c'eshte e verteta me erdhi mire qe emri i Deti Bajrit ishte perkrah emrave te tjere (shok klase mo, forumi pra)

Keshtu ti Dita

Gjithe te mirat nga Pente dhe Gezuar Vitiriun

[Pentesilea]

Postuar më parë nga Dita





Pervec perkthimeve te lartpermendura, zoti Robert Shvarc ka bere dhe shume perkthime te shkrimtareve te shquar shqiptare te 50 viteve te fundit nga gjuha shqipe ne gjermanisht, si Ismail Kadare, Dritero Agolli, Gaqo Bushaka, Rexhep Qosja, Hydajet Beqiri etj.

Kete artikull e kam lexuar dhe tek "Albania". Por te nesermen gazetari kish bere nje sqarim, ku i kerkonte ndjese zotit Hydajet Bajri qe ne vend te mbiemerit te tij padashur kish vene mbiemrin Beqiri.
Mua c'eshte e verteta me erdhi mire qe emri i Deti Bajrit ishte perkrah emrave te tjere (shok klase mo, forumi pra)

Keshtu ti Dita

Gjithe te mirat nga Pente dhe Gezuar Vitiriun

[palidhje]

Dikush pak ma nalt tha që Robert Shvarci asht i huej. Deshta veç me plotësue që kjo s'asht e vërtetë - Shvarci asht qytetar shqiptar! Kjo asht njisoj si me pasë thanë dikush që Bill Clinton asht irlandez veç pse t'parët e tij kanë ardhë pej Irlande.

Kurse për Robertin tjetër - Elsie-n, puna qëndron ndryshe. Elsie ashtë përnjimend kanadez, punon e jeton në Gjermani e shqipja asht vetëm njana pej gjuhëve me t'cilat shërbehet e vepron.

T'fala e t'mira,
Labeati

[Brari]

O palidhja..shume me lidhje fole..pergezimet e mija..
Ndroje at emer...e vere..Litari ose Konopi....lol.


Vitiriun dhe une ju a uroj juve..Dites..Pentes etj..

[Dita]

Postuar me pare nga Pentesilea

Kete artikull e kam lexuar dhe tek "Albania". Por te nesermen gazetari kish bere nje sqarim, ku i kerkonte ndjese zotit Hydajet Bajri qe ne vend te emerit te tij padashur kish vene mbiemrin Beqiri.
Mua c'eshte e verteta me erdhi mire qe emri i Deti Bajrit ishte perkrah emrave te tjere (shok klase mo, forumi pra)

Keshtu ti Dita

Gjithe te mirat nga Pente dhe Gezuar Vitiriun

Korrigjimi shume me vend Pente. Falemnderit qe e bere!!!

GJithe te mirat edhe nga une dhe perzemersisht Gezuar Vitin e Ri


Edhe ty Brar........Gezuar Vitin e Ri!


Dita!

[peshkatari]

Robert Shvarcin e kam njohur personalisht dhe kam jetuar vetmine e tij te madhe te lene ne harrese nga Qeveria Shqipetare keto 12 vjete qe nuk ka dashur te dije per asnje nga figurat e medha qe kane nderuar kombin Shqipetar.
I uroj me gjithe zemer dhe une jete te gjate Presorit, por me nje lutje qe te rikthehet tek perkthimet e veprave te medha sepse vetem ato e lartesuan ate ne piedestalin e gjuhetareve me te mire Shqipetare.
Ndersa Qeveritaret dhe njerezit pa dinjitet do te vine e do te ikin me shumice ndersa ai do te mbese perjete me vepren e tij qe nuk po arrin ta botoj dote sepse shtepite botuese nuk e botojne pa para dhe ai nuk don ti lutet askujt qofte edhe qeveritareve tane qe gjoja e nderojne vetem me nje urim te thate ne pervjetorin e tij.

[Andrra e Jetes]

Robert Shvarc eshte rritur ne Shqiperi e jeta e tij aktiviteti letrar e gjithshka eshte shqiptare ndaj ate e kemi e do e mbajme shqiptar!I njoh qe te dy Atin dhe te Birin, Edvinin e iu uroj jete te gjate e suksese tjera ne krijimtari sepse sa me shume te jape Robert Shvarc aq me shume fiton kultura jone kombetare!Ky kolos i ka bere te flasin shqip kryeveprat e kultures boterore te cilat kane qene ushqim i rralle per shqisat shqiptare ne vitet e realizmit socialist kur qeme te detyruar te gelltitnim gjithfare letyrash,vetem nje ndalese te letersia gjermane apo tjera nga perlat boterore qe na i shqiperoi mjeshtri yne munden te na mbajne shpirtin gjalle!Vetem karakteri i tij i rralle e natyra e thelle studiuese e mbajti gjalle e larg intrigave makbethiane te Lidhjes se Shkrimtareve ku mediokerit qe e drejtonin kete Lidhje donin ta hanin te gjalle sepse ishin zilepsur nga suksesi i tij!Mjeshter jete te gjate!Edvin pershendetje!