Kush mban përgjegjësi për tragjedinë e Gërdecit?

[ANDI_]

Ju ftojmë të merrni pjesë në këtë sondazh për të mësuar se kë fajësoni ju për tragjedinë e Gërdecit.

[CuLi-GoaL]

Kush mendoni qe mban pergjegjsi per këtë tragjedi ?

[Nice_Boy]

Ne ende spo e kuptojm se si erdhi deri te explodimi.. kishte qen mire te presim edhe disa dite qe ta dim sakt kush ishte fajtori..se tani vetem lodhemi kot..

[Doc_ERI]

Un them se pergjegjesia bie mbi qeverine pasi ne ate lloj pune duhet te futen `Ushtarake` jo persona civil qe nuk e din se ca po bejn kjo esht absurde te fusesh adoleshent ne dicka te till esht krim.
Vetem ushtaraket duhet te cmontojn bombat dhe municionet jo civil qe nuk din tju paraprijn rreziqeve qe mund tju shkaktohen nga municionet dhe armatimet qe ndodheshin ne ato tunele.Kjo duhet te marre fund njeher e mir dhe qeveria te marri pergjegjesite e veta dhe te ndaloje qe ne te ardhmen te ndodhin tragjedi te tilla,kto kan ndodhur nga pakujdesia por pakujdesi nuk do kishin persona ushtarake te stervitur per situata te tilla,kurse civilet po.

[BvizioN]

Mendoj se eshte teper heret per te dhene nje mendim te plote mbi pergjigjesine ne tragjedine e Gredecit! Hetimet qe do zhvillohen, mbase do nxjerrin ne drite shkaqet qe rezultuan ne kete tragjedi. Eshte natyre e jona njerzore qe per gjithcka qe ndodh te kerkojme e te fajesojme dike, por per momentin thjesht do uroja kurim sa me te shpejte te lenduarve dhe sa me pak viktima.

__________________________________________________ ______________

Nga ana tjeter....

Aktivitete te tilla si cmontimi i armeve dhe i lendeve shperthyese qe kane potenical kaq te larte rrezikshmerie nuk duhet te zhvillohen kurresesi prane zonave te banuara. Ka Shqiperia zona plot ku as dhite e egra nuk shkelin.

[frida]

Jam E Sigurte Se Per Kete Tragjedi Eshte Fajtore Qeveria Shqiptare Qe Kurre Nuk Eshte Perpjekur Ne Ndihme Te Shtetasve . Por Gjithmone Ka Pare Interesat Personale . Ka Me Krim Dhe Turp Per Ne Si Shqipater Te Vuajme Akoma Nga Kjo Situate Jemi 2008.

[RaPSouL]

Ende sdihet shkaku i kesaj tragjedie, por mund te japim secili mendimet tona se si mund te kete ndodhur.

Une personalisht mendoj se ka qene nje gabim njerezor, ska te bej as qeveria me kete pune e as firma amerikane, sipas mendimit tim ishte nje gabim njerezor qe u kushtoi jeten disa personave dhe lendim disa tjereve.

[KastroZiso99]

cfirm amerikane more
aty punonte mihal delijorgji nje ish i burgosur per pislliqe i cili kohet e fundit shihej shpesh ne sheraton me fatmir mediun e shkelzen berishen

kujt do ja kerkoni gabimin njerezor atyre puntorve te patrajnuar qe kompania i merte nga rruga e i paguante me 10,000 lek te vjetra diten???

kesaj historie do i dalin shpejt lakrat

[KastroZiso99]

shekulli

IRANË- Tragjedia e djeshme në Gërdec të Vorës, ka deri tani një fajtor: kushtet e këqija të punës dhe mungesa e sigurisë. Fillimisht u propagandua nga qeveria shqiptare se çmontimi i predhave të ushtrisë në këtë vend po kryhej nga një kompani amerikane dhe ishte projekt amerikan. Në këtë mënyrë, qeveria u mundua që t’i jepte pak siguri njerëzve por pas tragjedisë vetë Ambasada Amerikane në Tiranë konfirmoi se nuk ka asnjë projekt apo kompani të SHBA-së që po merret me këtë punë. Më pas, ishin burimet e Ministrisë së Mbrojtjes që shpjeguan se nënkontraktor është një firmë shqiptare, e cila ka si pronar Mihal Delijorgjin.

***

Vetë kryeministri shqiptar Sali Berisha konfirmoi dje se çmontimi i predhave të ushtrisë po bëhej nga një kompani amerikane. Madje ai pohoi edhe emrin e saj, “Southern Ammonition”. Por një kontroll i thjeshtë në faqen e internetit të kësaj kompanie tregon se ajo është e specializuar në çmontimin dhe prodhimin e fishekëve të pistoletave dhe pushkëve të ndryshme, por jo të predhave të kalibrit të madh të ushtrisë shqiptare. Më pas, ishte radha e Ambasadës Amerikane në Tiranë që të mohonte çdo lidhje të firmave të SHBA-së me këtë çështje. “Nuk ka asnjë firmë amerikane që po merret me çmontimin e predhave në Shqipëri. Ky nuk është një projekt i Shteteve të Bashkuara të Amerikës dhe ne nuk kemi asnjë lidhje”,- pohuan burimet zyrtare të Ambasadës. Edhe vetë punonjësit që janë marrë me çmontimin e predhave, por edhe të afërmit e tyre në fshat, nuk kanë qenë të sigurt nëse bëhej fjalë për një firmë amerikane apo jo. Ata kanë shpjeguar se fillimisht aty janë paraqitur disa shtetas amerikanë, në rolin e ekspertëve. Por ata nuk kanë bërë trajnime për punëtorët. E vetmja gjë që kanë bërë ekspertët amerikanë, ka qenë të këshillojnë punëtorët që të mos pinin cigare pranë barutit.

***

Burime nga Ministria e Mbrojtjes pohuan dje për “Shekullin” se firma që po bën çmontimin e predhave është shqiptare dhe pronari i saj është Mihal Delijorgji. Ata u shprehën të bindur se kjo është firma e vetme që po merret me çmontimin e predhave. Vetë Mihal Delijorgji ka shpjeguar dje disa detaje mbi procesin e çmontimit të predhave dhe shpërthimin e ndodhur. “Kanë qenë rreth 3 mijë ton municione të prodhimit kinez të vitit 1960-‘65. Bëhet fjalë për predha të kalibrit 105-150 milimetër. Zjarri ka filluar fillimisht rreth orës 12.00 dhe pas 10 minutash ka ndodhur shpërthimi i madh. Kjo kohë është shfrytëzuar nga punëtorët për t’u larguar nga reparti. Brenda fabrikës kanë qenë rreth 80 punëtorë që po bënin pushimin e drekës. Ata janë strehuar në godina dykatëshe dhe kanë marrë vetëm plagë të lehta e djegie. Shpërthimi ka qenë në lartësi e jo në gjerësi”,- ka pohuar dje Mihal Delijorgji.

[RaPSouL]

Tragjedia, nga një gabim njerëzor

Shpërthimet zinxhir nga ndezja e pirgjeve të barutit


Ka qenë ndezja aksidentale e pirgjeve të barutit të grumbulluara gjatë zbrazjes së gëzhojave ajo që ka shkaktuar eksplozionin fillestar, i cili i ka dhënë jetë më pas një zinxhiri të pambarimtë shpërthimesh. Është ky skenari që përshkruan një ekspert ushtarak shumë pranë skuadrave të specializuara që operojnë prej kohësh në sektorin e shkatërrimit të municioneve.

Ndërkohë, eksplozionet masive që pasuan kanë ndodhur për shkak të përqendrimit të sasive të konsiderueshme të predhave të magazinuara shumë pranë njëra-tjetrës.

Skenar që, sipas burimit, i cili preferon të flasë në kushtet e anonimatit, bëhet i pranueshëm edhe po t‘i referohemi rrjedhës së ngjarjeve të treguara me kalimin e orëve nga dëshmitarët okularë: fillimisht u panë flakë zjarri të pasuara nga disa krisma jo shumë të forta, të cilat, pas rreth 15 minutash, u shoqëruan nga një shpërthimi gjigant, që i hodhi njerëzit që ndodheshin aty pranë deri 7-8 metra larg. "Baruti i zi, me të cilin janë mbushur predhat e artilerisë - vazhdon eksperti - gjatë djegies arrin temperatura deri 3 mijë gradë Celsius, gjë që mund të ketë krijuar edhe kushtet për nisjen e eksplozioneve zinxhir, duke tejnxehur mbushjet e municioneve".

Përkundrejt asaj që mendohet gjerësisht, sidomos duke iu referuar përmasave veçanërisht të mëdha të shpërthimeve, sipas ekspertit municioni i magazinuar në depot e Gërdecit ishte i llojit të konsideruar me rrezikshmëri të ulët. Në pjesën dërrmuese bëhet fjalë për predha artilerie të kalibrave të ndryshëm, që nisin nga kalibrat 37, 57, 85, 100 dhe maksimumi 152 milimetrash. Eksperti përjashton çdo lloj mundësie për ekzistencën në depo të armëve me mbushje të mëdha eksplozive. Sqaron se materialet luftarake me rrezikshmëri të lartë, si bomba aviacioni, mina nënujore dhe silurë janë asgjësuar falë një projekti nën kujdesin e Ministrisë së Mbrojtjes më 15 dhjetor të vitit të shkuar.

Ka qenë sasia shumë e madhe e tyre dhe magazinimi nëpër depo sipërfaqësore dhe jo në tunele të posaçme që i dha të tilla përmasa shpërthimit. Përveç vendndodhjes mbi terren, është shkelur çdo standard i mundshëm i ruajtjes dhe magazinimit të materialeve të tilla, duke lejuar ndërtimin e godinave civile në afërsi të zonës. Një tjetër faktor që e ka bërë më të pranishëm këtë rrezik është edhe lloji i municionit dhe sidomos koha e gjatë e qëndrimit të tij në magazina e depo ushtarake. Në pjesën dërrmuese bëhet fjalë për predha kineze e ruse të prodhuara në harkun kohor 1960-1965.

Çfarë mund ta ketë shkaktuar shkëndijën fillestare? Me shumë gjasa një gabim njerëzor, shpjegon eksperti, i cili mund të vijë edhe si pasojë e një cigareje të vetme të ndezur. Një rrezik tjetër shumë i madh është edhe prania e rrjeteve elektrike në ambientet ku bëhet çmontimi i predhave dhe zbrazja nga baruti. Nga ana tjetër përjashton çdo mundësi që këto materiale të rrezikshme të jenë trajtuar nga duar jo eksperte, siç u raportua nga disa media, sipas të cilave në fabrikën e demontimit punonin gra e fëmijë. "Në të vërtetë, kompani të këtij lloji pjesën më të madhe të të punësuarve e kanë afruar nga radhët e ish- ushtarakëve, të gjithë specialistë të fushës së armatimit, madje disa syresh edhe me grada të larta, si kapitenë e majorë".

Për ekspertin, tragjedia e fshatit Gërdec mund të jetë shkaktuar nga një skenar shumë i përafërt me atë të ngjarjes së 6 majit të vitit 2006 në Dhëmblan të Tepelenës, ku për shkak të shpërthimit të shkaktuar nga një pakujdesi mbetën të vdekur specialistët Ardian Hana e Namik Gjolena dhe u plagosën tre kolegë të tjerë.



Shqip

[alibaba]

Ne ende spo e kuptojm se si erdhi deri te explodimi.. kishte qen mire te presim edhe disa dite qe ta dim sakt kush ishte fajtori..se tani vetem lodhemi kot..

Shumë e lehtë për t'a kuptu, deri te eksplodimi erdhi ashtu që qeveria, e kishte vendosë me çmontue 100.000 tonë municione, aty ku është dendësia më e madhe e popullësisë, fare afër Kryeqytetit, ndërkohë që ka qindra bjeshkë të shkreta ku nuk banon njeri, e ku kanë mujt me e çmontue municionin pa asnji problem.

Me mend punohet, jo me bythë.

[elsaa]

Ne rradhe te pare desha te shpreh ngushellime per familjet e viktimave , sherim sa me te shpejte te lenduarve dhe ngushellime gjithe popullit shqipetar .
Kush mban pergjegjesi ? hmmm ajo dihet por si gjithmone faji eshte jetim .
Megjithate hetimet vazhdojne .

[AnGeL_DeViL]

Te gjithe kane ate te veten.qeveria duhet ti zhdukte,firma amerikane su treguan te kujdesshem.Kaq mund te them une

[sam1r]

Pergjegjsin per kte "aksident" e mban qeveria me pakujdesin e saj, apo me mire thene me paaftesin e saj per te udhehequr si duhet...
Se shpejti do dalin rezultatet e hetimeve dhe do e marin vesh te gjith...

pershendetje!
sam1r

[leci]

Per çfare gabimi po flisni o njerez.
Dje kryeministri thote qe eshte nje firme amerikane.Ambasada amerikane nuk konfirmon dhe sot Ministria e mbrojtjes thote qe firma eshte shqiptare.Biles flitej edhe per ushtare amerikane te vdekur.
Ne ato depo punonin fshataret e Gerdecit dhe ka pasur dhe femije.
Kush eshte pergjegjes per ato jete?
Po normal qe eshte qeveria pergjegjese.Si mund te punojne me predha njerezit e thjeshte.Punojne se kane nevoje te sigurojne buken e gojes.
Na eshte ber kjo qeveri si gogol ku asnjeri nuk guxon te ngreje zerin.Ta provojne ministrat e kryeministri te humbasin te dashurit e tyre e pastaj te shprehen.
Sali Berisha dhe ministrat te dalin perpara popullit dhe te mbajne pergjegjesi per katastrofen.Eshte shume e thjeshte te kalosh gjithçka duke i emeruar si fatkeqesi qe nuk mund te parashikohen.

[DI_ANA]

KUSH BERI GABIMIN PRAKTIK NE GERDEC?
Ligor Luarasi

Nje firme c'montimi do te normalizonte armatimet ne
fshatin Gerdec,prane Tiranes.Kjo shprehje eshte nje pjese e se vertetes,para se te fillonte kjo pune,te cilen nuk e kemi te qarte sa njeres e dinin, kush e dinte nga qeveritaret,a kishte kjo pune specialiste ne krye te saj o jo, sa dhe si u debatuan teorikisht te gjitha hollesite e ketij c'montimi armesh, u diskutua rasti ne se behej nje gabim cilat do ishin pasojat e tij, a kishte menyra te tjera
c'montimi i depove me armatime ushtarake, keto pyetje dhe shume te tjera qe dalin tani,si i zgjidhen para se te
fillohej kjo lloj pune disi e vecante.Kaq sa po lexojme
dhe mesojme per Gerdecin, eshte maja e aizbergut, a do te dalin te vertetat e pjeses nen uje te ketij aizbergu?
A do te kalohet edhe tragjedia e Gerdecit si te tjerat
hyrja byrja,allashqiptarce? sa tragjedi o katraura ka lene tranzicioni pa i ndricuar deri ne fund? pse keshtu? cili do te jete Gerdeci i se nesermes? keto pyetje dhe te tjerat,
nuk mund te rijne ende pa pergjigje.Deri kur do vazhdojme te fshehim te vertetat? a mundet te ecim me keshtu? debohemi nga FIFA,askush nuk mban pergjegjesi, vidhet floriri i popullit,ajduti qenka i pa kapshem? minoset pronesia, perseri heshtje, mos nemerojme gafat e tjera,se nuk jane pak e ca, por konkluzioni eshte se jo vetem Gerdeci ka renuar popullin tone. Te gjitha keto shkaterime kane nje fokusim te perbashket...TE VERTETAT NE SHQIPERI FSHIHEN, MASKOHEN,DEFORMOHEN. Si mundet shqiperine tone,atdheun tone ta sherojme kur ja fshehim shkaketaret e semundjeve te saj? tani pas 20 vjet
tranzicion, me metoden fshehjes se mekateve del nje
lloj konkluzioni qe: ruga qe kemi ecur,menyrat si fshehim gabimet, mos mbajtja e pergjegjesise atij qe i takon, po na con ne qorsokak.Sa i takon problemit qe
mencuria e popullit, njerzit e afte te popullit, truri popullor, i nxitur per te braktisur atdheun, c'do dite e me shume po deshmon se kete lloj plage ata qe e nxiten o qe u treguan indiferente,sepse pane shume egot e tyre,
le te binden qe me kete poshtersi e kane fundosur atdheun me thelle.Ne c'do lloj pune kur prane te pa aftit
ndodhet edhe i afti,i mencuri,ai me orizont, ka shume mundesi ti mbushe koken te pa diturit qe te ule unden
dhe te behet ajo qe mendon i afti. C'do dite qe po kalon
po deshmon qe ne Shqiperi kane mbetur pak o shume pak te aftet.Kush e beri gabimin praktik ne Gerdec mund te kete disa te verteta, ne eshte se nuk u be me qellim
dhe kjo duhet saktesuar shume me bindje,atehere del qe nje profan i kesaj pune na coi ne nje katraure te re dhe tragjike.Na duhet perseri me dhimbje, nga larg te ngushellojme gjithe viktimat dhe ne vecanti familjet qe humben te dashurit e tyre.

Ligor Luarasi,SHBA.

"Shekulli"

[OO7]

Une votova gabim njerezor
Qeveria smund te mbaj fajin mbi supe sepse mesa degjova ne tv kryeministri tha qe zjarri lindi brenda fabrikes. Ai tha qe edhe detyra e ministrise se mbrojtjes ishte qe te transportonte armatimet nga bazat ushtarake e deri te baza e grumbullimit ne Gerdec.
Por me kte qe tha zoti Berisha nuk mund te justifikoje mos dhenien e dorheqjes ne qofte se jo ai te pakten Ministri mbrojtjes duhet ta japi dorheqjen , e perseris jo per arsye ligjore por per arsye humane.
Neper bote vetem se iken 2 ore energjia elektrike apo akuzohen per ryshfete e gjera te tjera te vogla ministrat japin dorheqje, ndersa ktu ka ndodhur me shume se nje tragjedi, kan humbur jete njerzish , jan plagosur me qindra, jan gjymtuar dhe jan bere deme te pallogaritshme materiale.
E perseris qe per humanizem dhe dinjitet dikush duhet te japi dorheqje, megjithse kot flas dhe une sepse Sali Berisha nuk dha dorheqje ne atehere kur mund te evitonte katasrofen e 1997 e jo me tani ku kan humbur jeten vetem 5-6 veta. :@

[DI_ANA]

Berisha: Ministria e mbrojtjes nuk eshte pergjegjese!

TIRANË- Kryeministri Sali Berisha është shprehur dje se aktiviteti që zhvillohej në depot e armatimeve afër fshatit Gërdec të Vorës, është një aktivitet tërësisht privat i kompanisë përkatëse. Ndërsa vizitoi të lënduarit që ndodheshin në Spitalin Ushtarak dhe ata në Qendrën Spitalore “Nënë Tereza”, Kryeministri nuk i ka shpëtuar dot interesimit të medias lidhur me ngjarjen e rëndë të ndodhur dje. Berisha ka pohuar se, problemi i municioneve është një nga problemet më të rënda për vendin dhe përbën një rrezik shumë serioz, por ndërsa është pyetur nga media nëse ka pasur oficerë në depot me municion që shpërthyen, ai theksoi se “mund të ketë oficerë të kontraktuar nga kompania, pasi ky proces ka qenë tërësisht aktivitet privat i kësaj kompanie”. Lidhur me çështjen e municioneve, kreu i qeverisë tha se, autoritetet shqiptare janë duke diskutuar me ekspertë të huaj për të gjetur një zgjidhje përfundimtare, duke qenë se depot janë të shpërndara në të gjithë vendin dhe përbëjnë një rrezik serioz. “Problemi i municioneve në Shqipëri është një nga problemet më të rënda që kemi. Ka një sasi kolosale municionesh, që nga viti 1945 e më pas. Një nga mënyrat për asgjësimin e tyre është çmontimi, por në çmontim, siç e dini dhe ju, ky është aksidenti i dytë, shumë i rëndë, që ka ndodhur. Në çmontim unë nuk mohoj gabimet njerëzore, por vetë vjetrimi i të gjithë mekanizmit të tyre i bën këto municionet të shpërthyeshme. Ky është një problem shumë serioz dhe për fatin e keq, depot janë të shpërndara në mbarë vendin. Ne po diskutojmë edhe me ekspertë të huaj në mënyrë që të mund t’i japim një zgjidhje përfundimtare kësaj sasie kolosale të municionit, e cila përbën një rrezik serioz”,- u shpreh Berisha. Ndërkaq, gjatë vizitave në spital, Kryeministri e cilësoi ngjarjen mjaft të rëndë dhe është shprehur se qeveria është e angazhuar maksimalisht, për të dhënë të gjithë ndihmën e nevojshme për lehtësimin e situatës dhe për t’u ardhur në ndihmë të gjithë qytetarëve të prekur nga kjo ngjarje. “Ne po e kontrollojmë situatën dhe jemi në kontakt me të dërguarit e qeverisë në vendngjarje. U kërkova mjekëve të bëjnë një bilanc dhe ne jemi të gatshëm, në çdo lloj rasti, të japim të gjithë ndihmën që do të nevojitet”,- u shpreh Kryeministri duke përsëritur dhe një herë se qeveria është e gatshme të japë çdo lloj ndihme.

"Shekulli"

[DI_ANA]

Shperthimi i injorances se qeverris shqiptare oshetin dhe degjohet ne gjith galaksin.
Orges

Dua te shpreh fillimisht ngushellimet e mija familjeve te njerezve qe humben jeten ne tragjedin e 15 marsit.
Punimet pa pergjejsine e duhur,pa profesionizem,pa mare masat e duhura te sigurimit,tregoine edhe nje her shtetin amator te krijuar nga S.Berisha.Dhe deshmoine rrezikun qe gjendet shqiperia dhe populli shqiptare.Kur udheheqsi i nje shteti di qe jane mbledhur tonelata lend eksplozive ne nje pike ,atehere duhet te mari dhe masat e mbrojtjes ne rrezen te cilen ato ne rastin me te keq munden te demtoine.Gjithashtu sigurimi i municioneve qe mos te mundet dokushdo te ket mundesine te hyje ne ate vend duhej gjithashtu parashikuar dhe te mereshin masa sigurimi qe te kishin mundesine te hynin vetem njerez te sigurte mbas shum kontrollesh.Gjithashtu nuk mundesh te vesh dokedo njeri te pa pergjegjshem qe te cmontoi monicionet,por duheshin mare vetem njerez teper te eksperiencuar ne ate dege.Dhe pyetja e dyshimte qendron perse duhej te mbidheshin aq shum lende eksplozive aq prane Tiranes?A nuk ka plot male shqiperia me larg zonave te banuara ku edhe po te ndothte dicka nuk do te rrezikoheshin jet njerezish?Por jane pikerisht keto punime misterjoze qe ben nga mbas kurrizit te popullit qeverritari me injorant i tegjitha koherave ne bote.Dhe si per cudi shprehet se firma qe e kishte mare persiper cmontimin e monicioneve nuk ka pergjejsi! Atehere kush e ka pergjejsine?Ne mos firma e punimeve ,vet Saliu e ka.

Reagim i nje lexuesi te gazetes "Shekulli"

[Xhuxhumaku]

Kokalari: Tragjedia është shkaktuar nga kontrabanda e armëve të Berishës e Mehdiut


Sunday, 16 March 2008

Ekselencë, siç u raportua sot nga Reuters, shpërthimi masiv në një depo municionesh në Shqipëri, është një tragjedi e madhe dhe e kuptoj se shumë njerëz të pafajshëm u plagosën dhe u vranë. Lutjet e mia shkojnë për familjet e tyre dhe qeveritë amerikane dhe shqiptare, duhet të bëjnë çdo gjë të mundur, të ndihmojnë viktimat dhe familjet e tyre, në këtë kohë emergjence. Zyra juaj, duhet të veprojë të përcaktojë imediatisht shkakun e eksplozionit. A ishte një aksident i tmerrshëm? A mund ishte mënjanuar? Me sa di, diçka nga kjo lidhet me marrëveshjet ilegale të municioneve,për të cilat ju kam shkruar më 12 mars, e që janë lidhur, në një mënyrë edhe me ato depo ku ndodhi sot shpërthimi, gjate procesit te modifikimit ose ripaketimit te municionit. Për më shumë, ka shumë zëra se zyrtarë të lartë, përfshi kryeministrin dhe një nga të afërmit e tij, janë në një farë mënyre të lidhur me këtë biznes. Disa nga këta, kanë qenë të implikuar në biseda të regjistruara telefonike me një president të një kompanie amerikane( që prokurojnë municione nga Qeveria e Shqipërisë, si pjesë e një kontrate 300 milionë dollarë ne emër të qeverisë Amerikane) dhe një kontraktori lokal shqiptar që po u jep shërbim një kompanie Shqiptare. Siç e informova Ina Ramën dhe Ju, unë kam një kopje të kësaj. Më 9 tetor, i shkrova Ina Ramës, rreth asaj se unë besoja se një marrëveshje ilegale për municionet ngatërronte një kontraktor amerikan, Ministrinë e Mbrojtjes shqiptare dhe një kompani me bazë në Qipro. Unë ju shkrova ju me 12 mars, duke iu kërkuar t'i bënit presion Zonjës Rama që të vepronte. Në korrespodencën time, unë informova ju dhe zonjën Rama, se unë kam informacion të zgjeruar, përfshi dhe një bisedë të regjistruar; megjithatë, që nga ajo ditë, unë nuk kam marrë asnjë përgjigje , si nga ju dhe nga zonja Rama. Në dritën e tragjedisë së sotme, iu kërkoj juve, përsëri: kur do behët kjo çështje investigimi, kësisoj që kushdo i angazhuar në aktivitet ilegal të dalë para drejtësisë? Gjithashtu, a ka ky aktivitet ilegal, direkt ose indirekt, ndikim me shpërthimin sotëm dhe vdekjet dhe plagosjet?

sot.