Nicolas Gage: Nje person i padeshiruar viziton Tiranen

[Beqari002]

SHQIPËRIA


Nano e Berisha takohen me shefin e lobit grek në SHBA, Gejxh, ish-personin non-grata në Shqipëri


TIRANE, 3 dhjetor - Kryeministri Fatos Nano në një takim të zhvilluar sot me shkrimtarin dhe publicistin amerikan, me origjinë greke, Nikolas Gejxh, vlerësoi se "marrëdhëniet shqiptaro-amerikane janë në rrugën e zhvillimit pozitiv të përhershëm". Drejtoria e Marrëdhënieve me Publikun pranë kryeministrit bëri të ditur se, gjatë takimit u diskutua dhe për marrëdhëniet midis Shqipërisë dhe Greqisë, në veçanti për gjendjen e minoritetit grek në Shqipëri. Në këtë kuadër, kryeministri Nano përmendi përpjekjet e qeverisë shqiptare për të garantuar të drejtat e minoriteteve dhe atij grek, sipas standarteve ndërkombëtare dhe atyre të Këshillit të Evropës.
Edhe lideri i Partisë Demokratike Sali Berisha është takuar dje me Nikolas Geixh, i cili është drejtues i organizatës panepiriote në SHBA. Drejtuesi i lobit grek ndodhet në Shqipëri dhe qëndron në ambientet e ambasadës së SHBA-së. Nikolas Geixh, megjithatë, është takuar edhe më parë me Nanon kokë më kokë në një drekë në Athinë të dielën, ndërsa kryeministri merrte pjesë në mbledhjen e klubit politik të Ballkanit. Dje Nikolas Geixh mbërriti në Tiranë para Nanos dhe në mëngjes nën shoqërinë e ambasadorit të SHBA-së ai është shfaqur në zyrën e zëvendëskryeministrit Ilir Meta. Geixh dhe Meta kanë diskutuar së bashku në prani të ambasadorit amerikan në Tiranë Xhejms Xhefri. Më pas ai, eskorta e diplomatit amerikan dhe e drejtuesit të lobit grek i është drejtuar selisë blu ku është zhvilluar takimi me kryetarin e PD-së, Berisha.
Një ndryshim shumë i madh ka ndodhur për vetë faktin se Nikolas Geixh, njeriu që përdorej si argument akuzash nga ana e PD-së, viziton Tiranën dhe për me tepër selinë e PD-së. Berisha duket se është pajtuar me grekoamerikanin, të cilin në vitin 1994 e shpalli të padëshirueshëm (persona non grata) në Shqipëri dhe urdhëroi që të moslejohej të hynte në Shqipëri ndërsa makina e Geixh ishte në Kakavijë. Më parë emri i Nikolas Geixh përdorej për të akuzuar drejtuesit e maxhorancës. Që nga viti 1994 Nikolas Geixh nuk guxoi të vinte në Shqipëri dhe vizita e tij e djeshme është e para që nga koha kur Berisha e shpalli të padëshiruar në territorin shqiptar. Para se të vinte së fundi në Tiranë, drejtuesi i organizatës panepirote organizoi një takim të rëndësishëm në Korfuz, takim që ndryshoi rrjedhën e politikës në Shqipëri. Ai kishte ftuar në ishullin grek të Korfuzit ish-kryeministrin Meta dhe kryetarin e Partisë Socialiste, Fatos Nano. Takimi u mbajt sekret prej tyre megjithëse në shtyp u botua lajmi. Në këtë takim Nikolas Geixh u shfaq si një ndërmjetës mes Nanos dhe Metës, të cilët kishin muaj që po përjetonin një përplasje shumë të fortë politike mes tyre. Më parë, Nikolas Gejxh, ose ndryshe Nikolla Gatzojanis, është konsideruar nga shumë qarqe brenda dhe jashtë Shqipërisë si një figurë ekstremiste i cili e ka paralelizuar statusin e Kosovës me atë të “Epirit të Veriut”.
--------------------
-------------------------
Oj sharki e lehte si era , a ka ardhur ne Shqiperi pranvera?

[Albo]

Tani qe lobit grek i kane rene puplat, jane te detyruar te ballafaqohen me nje realitet te ri si ne Washington edhe ne Ballkan. USA dhe Italia, njera superfuqi boterore dhe tjetra shteti strategjik ne Europen Juglindore, kane nje partneritet te ngushte dhe shume frutdhenes me Shqiperine dhe Kosoven. Roli pan-helen ne Ballkan eshte dobesuar ndjeshem, dhe grekerve tashme nuk u ngelet gje tjeter vecse te shtrijne doren e bashkepunimit me Shqiperine. Jo vetem aq, por per vete faktin se planet e BE deshtuan per ti dhene prioritet infrastruktures per zhvillim Perndim - Lindje nepermjet Greqise, tani grekerve nuk u ngelet gje tjeter vecse te rregullojne maredheniet me Shqiperine me shprese se do te kene prezence ekonomike ne portet shqiptare.

Vajtja e Gage ne zyren e Berishes i shoqeruar nga ambasadori amerikan, eshte nje armepushim i kerkuar nga greku qe per plot 10 vjet si qellim kryesor te politikes se tij kish eleminimin e presidentit dhe liderit te opozites Berisha. Berisha eshte ende lider i opozites me nje popullaritet e mbeshtetje te kenaqshme si brenda dhe jashte Shqiperise kurse Gage perfaqeson tashme nje lob te venitur grek. Ulja e ndikimit te lobit grek erdhi si pasoje e luftes kunder terrorizmit ku retorika kercenuese e presidenti Bush kundrejt vendeve qe perkrahnin terrorizmin, e detyroi qeverine greke te skuqte me duart e saj peshqit e organizates te "17 Nentorit".

Se shpejti Shqiperia do te ngrihet me te dyja kembet, dhe kur kjo dite te vije, shtetet ballkanike do te ndryshojne ndjeshem tonin e zerit kur tu drejtohen shqiptareve qe do te jene 7 milion ne Ballkan.

[Nickmaster]

Ne rradhe te pare duhet te flasim per arsyen e ardhjes se tij ne Tirane, e dyta kush eshte Nikolas Gage dhe e treta perse erdhi pikerisht tani dhe jo me pare. AI erdhi ne Tirane sepse (Mamadhia) Greqia do te marre udheheqjen e BE e dyta dhe me kryesorja eshte se ne Tirane udheheqesit shqiptare jane greke, dhe kjo qe ndodhi me zgjidhjen e presidentit dhe kryeministrit nuk ka ndodhur ne shekuj ne Shqiperi. E para sepse me kete zgjidhje u mendua qe te jemi sa me larg myslimanizmit nen pretekstin qe Europa mund te na ofroje hyrjen ne shtepine e saj dhe e dyta po ti shikosh historikisht dy udheheqesit tane tani kane bere shume me shume nga sa priste Greqia nga ata. Kete shembull e ka treguar si babai i presidentit (Spirua) gjate luftes Italo-Greke, ashtu dhe kryeministri i tanishem qe qe kur ka hyre demokracia vetem ne Greqi brenda 12 vjeteve ka vajtur mbi 300 here kuptohet per merakun e Shqiperise, bile deputeti i Selanikut i gjeti dhe nusen (Xhoanen) e akuzuara nga gjithe populli shqiptar si agjente greke. Sepse po te qe president e kryeminister Rexhep, Ibrahim, Ilir dhe te tjere si keta nuk do te kerkonte per investime greke ne Shqiperi nderkohe qe investimet nga Greqia jane shume lart nga vendet e tjera, ne nje kohe qe Greqia merr ndihma per veten e saj per zhvillim sepse eshte nga me te varferat ne 15-shen. Dhe ne nga ky vend do te zhvillohemi sipas politikaneve aktuale greke qe kemi. Keto dhe arsyeja e dyte ardhja e Berluskonit ne Tirane per tu kundervene investimeve italiane duke ditur qe Italia eshte ne renditjen boterore e 6-ta. Kuptohet ne duhet te shkeputemi nga ky vend gjigand dhe te lidhemi me qeverine e kruasaneve. Kush eshte Nicolas Gage nje armik i betuar i shqiptareve, gjate gjithe kohes se tij ne Greqi e Amerike vetem te vendosi mina qe si e si Shqiperia kurre te mos te beje perpara, dhe me mire per kete mund te flasi shqiptaro-amerikani Geary Kokalari. Ne nuk jemi kundra marredhenieve reciproke per nje persosje te marredhenieve Shqiperi-Greqi por keto behen kur kemi te bejme me persona te mirefillte shqiptare e greke vetete per nje Ballkan te ri po me njerez qe kane dhene prova dhe brenda atdheut kundra Shqiperise dhe armiqeve te jashtem te Shqiperise nuk mund te flasim per marredhenie te reja dhe erera te reja. Por detyra ngelet per te gjithe ne shqiptaret kudo qe ndodhemi te kontribuojme sado pak per te larguar nga skena politike "shqiptare" te tille dhe te mendojme dhe te punojme qe ne udheheqjen ne Shqiperi te vine shqiptare qe vertet ja duan te miren ketij vendi dhe ne mund te ndihmojme me ate qe mundemi.

[Albo]

Interviste/Flet greko-amerikani që ishte shpallur "persona non grata" në Shqipëri

Gejxh: Berisha ka ndryshuar
"Të gjithë në jetë bëjmë dhe gabime"


--------------------------------------------------------------------------------

Ilir Babaramo

Nikolas Gejxh nuk ka dëshirë të flasë për marrëdhëniet e tij të dikurshme me Berishën dhe Shqipërinë. "Diskutuam për të ardhmen e Shqipërisë, si ta përmirësojmë atë, përfshirë të drejtat e minoriteteve në përgjithësi dhe atij grek në veçanti", thotë shefi i dikurshëm i POAKA për takimin që bëri me Berishën në zyrën e këtij të fundit dy ditë më parë.

Kryetari i lobit grek në SHBA pranon se "të gjithë në jetën e tyre bëjnë gabime" në lidhje me marrëdhëniet e tendosura që ka patur me qeverinë shqiptare tetë vjet më parë, kur u shpall dhe "persona non grata" në Shqipëri. Një mbrojtës i flaktë i "çlirimit të Vorio Epirit", Gejxh u shpreh dje në një intervistë të shkurtër për gazetën se "kufijtë e Ballkanit do ndryshojë kur të gjitha vendet e rajonit do integrohen në Evropë". Me konceptin e ndryshimit të kufijve ai thotë se ka parasysh lëvizjen e lirë të njerëzve.

Takimi juaj me Berishën ishte një surprizë. Çfare u tha në atë takim?

Ne diskutuam kryesisisht për të ardhmen e Shqipërisë, si ta përmirësojmë atë, përfshi dhe situatën e minoritetit grek. Ai tha se ishte i vendosur që minoriteti grek dhe minoritetet e tjera të kenë të drejtën për të deklaruar identitetin etnik dhe fetar në një regjistrim të pritshëm. Ne nuk disktuam për të kaluarën, sepse unë mendoj se ishte një keqkuptim prej të cilit të dy kemi nxjerrë mësime.

Ish-presidentin ju e keni sulmuar për një kohë të gjatë. A keni ndryshuar mendim?

Disa nga qëndrimet e tij në të kaluarën unë i kam kritikuar fort. Por të gjithë ne bëjmë gabime në jetë. Tani ka ndryshime qëndrimesh dhe mua më duhet të pranoj qëndrimet e reja që po thonë.

Me çfarë merreni tani në Shtetet e Bashkuara?

Shkruaj libra dhe bëj filma.

A vazhdoni të merreni me organizatat e diasporës greke?

Ajo që unë përpiqem të bëj është përmirësimi i të drejtave të minoriteteve në përgjithësi, duke punuar për disa organizata të cilat nuk kanë të bëjë vetëm me minoritetin grek, si për shëmbull në Afrikën e Jugut ose në Rusi gjatë periudhës së regjimit komunist. Detyra ime si shkrimtar është të flas në emër të atyre që nuk kanë mundësi të flasin në emrin e tyre.

A mendoni se duhet të ndryshojë harta e Ballkanit?

Unë mendoj se e ardhmja e Ballkanit është në Europë. Dhe me hyrjen në Europë gjithçka ndryshon. Ndryshojnë kufijtë. Ndryshon dhe nervoziteti që ka lidhje me kufijtë. Njerëzit do të kenë mundësi të lëvizin lirisht përmes kufijve. Ju jeni i ri, por unë e mbaj mend se para Luftës së Dytë Botërore kufiri mes Shqipërisë dhe Greqisë mund të kalohej pa pasur nevojë për pasaportë, vizë. Banorët e fshtatit tim shkonin në Shqipëri, shqiptarët vinin lirisht në zonën tonë. Nuk kishte asnjë problem. Dhe mendoj se integrimi në Europë do ta bëjë të mundur sërish atë realitet.

Gazeta Shqiptare

[artur]

Meqe Nicolas Gejxh na doli kaq burre i mire per problemet e minoriteteve dhe te drejtave te njeriut kudo ne bote, do kisha deshire te shikonim dhe njehere qendrimin e tij ndaj Kosoves ne periudhen e fundit sidomos para nderhyrjes se NATO-s.
Mbase duke kujtuar, kush e mbeshteti me te vertete popullin shqiptar te Kosoves dhe kush jo, ne luften e fundit do kemi te qarte gjithmone kush jane miqte e kush jane armiqte tane.

[Albo]

"E kam akuzuar kot Gejxhin ne '94"

"Nuk e fsheh dhe dua ta rikonfirmoj qendrimin tim ndaj pakicave. Eshte nje qendrim qe e gjykoj se ka te beje me thelbin e moralit te shumices dhe te anetareve te saj. Kam qene dhe mbetem ne politike dhe si qytetar, i bindur se kam bere te pamunduren qe te respektohen dhe te garantohen plotesisht standartet nderkombetare te pakicave ne Shqiperi"

Kryetari i Partise Demokratike, Sali Berisha ndryshon qendrim ndaj akuzave 10 vjecare qe ai ka leshuar per perfaqesuesin e lobit grek ne Amerike, Nikolas Gage. Ne konferecen e djeshme per shtyp, Berisha nuk perseriti akuzen me te forte qe i drejtoi publicistit Nikolas Gage ne vitin 1994. Ne kete vit, Berisha e kishte shpallur greko-amerikanin person "non-grata", sepse sipas akuzave te atehershme, Gage, kishte financuar nje organizate terroriste greke per vrasjen e kater ushtareve shqiptare ne fshatin Peshkopi te Gjirokastres. Ne vitin 1994 u tha se pas incidentit qe ndodhi ne Peshkopi, fshihej nje grup qe financohej nga Nikolas Gage.

"Per hir te se vertetes, ceshtja eshte pak me ndryshe. Mirepo, kur je i vendosur te shohesh perpara, nuk ia vlen shume qe te rremosh. Ndersa gjykoj se asgje, asnje cope toke e planetit, nuk ka ndryshuar me shume se Ballkani. Dhe per hir te se vertetes, ky ndryshim, me i madh se tek te gjithe te tjeret ne Ballkan, eshte tek shqiptaret", tha dje Berisha ne lidhj me akuzat e hedhura 8 vite me pare. Duke shfrytezuar urimet per festen e Bajramit te Madh, Berisha dje u perpoq te zbardhte edhe nje pjese te bisedes qe ai kishte zhvilluar dy dite me pare me perfaqesuesin e lobit grek ne Amerike, Nikolas Gage. E vetmja siguri, qe Berisha dha rreth objektit te takimit ishte mbeshtetja qe lideri demokrat i ka ofruar greko-amerianit, Gage per minoritetin grek ne Shqiperi. Kryetari i opozites, Sali Berisha theksoi se PD eshte ne mbeshtetje te respektimit te te drejtave te pakicave ne Shqiperi. "Takimi qe une bera me Ambasadorin Jeffrey dhe publicistin, shkrimtarin Nikolas Gage, u perqendrua teresisht pothuajse ne respektivat e integrimeve ballkanike dhe europiane. Nga ana tjeter nuk e fsheh dhe dua ta rikonfirmoj qendrimin tim ndaj pakicave. Eshte nje qendrim qe e gjykoj se ka te beje me thelbin e moralit te shumices dhe te anetareve te saj. Kam qene dhe mbetem ne politike dhe si qytetar, i bindur se kam bere te pamunduren qe te respektohen dhe te garantohen plotesisht standartet nderkombetare te pakicave ne Shqiperi", tha Berisha.

Dy dite me pare ne nje takim teper te rezervuar, kryetari i demokrateve priti ne zyren e tij, publicistin e njohur Nikolas Gage dhe ambasadorin amerikan ne Shqiperi, James Jefrey. Gage eshte takuar me Berishen pas 10 vitesh armiqesie reciproke.

N.Perndoj

[Albo]

Ish-kongresmeni amerikan dhe kryetar i Ligës Qytetare shqiptare amerikane akuzon kryetarin e PD-së

Dioguardi: Berisha na tradhtoi

“Të takosh Geixh është njëlloj sikur t’i kërkosh avantazh politik Milosheviçit”


TIRANË – Berisha duhet të bëjë publike se çfarë ka folur me Nikolas Geixh. Kështu u shpreh dje në një intervistë për gazetën “Shekulli” ish-kongresmeni amerikan Xhozef Dioguardi, i cili është presidenti i “Liga qytetare amerikane-shqiptare”. Dioguardi njihet si një prej mbështetësve kryesorë të Berishës në lobin shqiptar në SHBA, por duket se takimi i para dy ditëve mes Berishës dhe Geixh ka ngjallur revoltën e Dioguardit. “Berisha ka tradhtuar interesat e shqiptarëve të Amerikës dhe ato të Shqipërisë që është takuar me armikun e shqiptarëve Nikolas Geixh”, -u shpreh dje Dioguardi.

Zoti Dioguardi, Nikolas Geixh deri para pak ditësh nuk ka qenë i mirëpritur në Shqipëri për shkak të shpalljes së tij “non grata” nga qeveria e zotit Berisha më 1994, por ai ka zhvilluar një takim edhe me zotin Berisha, ku nuk dihet se për çfarë është folur, por në një deklaratë të Berishës lihet të kuptohet se Geixhi ka ndryshuar. Cili është komenti juaj për këtë takim?

Jam shumë i shokuar dhe i hidhëruar që zoti Berisha ka takuar zotin Geixh, i cili përfaqëson pjesën më radikale të lobit grek në Amerikë. Dhe dua t’u kujtoj një artikull që ka shkruar Geixh në gazetën “Nju Jork Times” në tetor të vitit 1994 ku ai akuzon Sali Berishën që është përpjekur për të fituar Shqipërinë e Madhe dhe ai sulmon qeverinë demokratike drejtuar në atë kohë nga Sali Berisha, ku shkruan se doktor Berisha fliste shumë keq për minoritetin grek. Ai pretendonte se minoriteti grek përbëhej nga 450 mijë njerëz, kur dihet se janë vetëm 58 mijë banorë sipas statistikave të asaj kohe të OSBE-së. Dua t’ju bëj të ditur që zoti Geixh ka akuzuar qeverinë shqiptare për diskriminim të të drejtave të minoritetit grek, ai ka mbështetur përfaqësuesit e “Omonia”-s në ’94 kur ushtarët shqiptarë u vranë dhe u sulmuan dhe për këtë arsye doktor Berisha kërkoi që Geixh të largohej menjëherë nga Shqipëria duke e quajtur atë një armik të popullit shqiptar dhe i kërkoi që të mos shkelte më këtu derisa të mbarojë mandati i qeverisjes demokratike. Çfarë ka ndodhur për të ndryshuar situatën, Geixh është akoma problem shumë i madh për Shqipërinë dhe popullin shqiptar, përveç Serbisë. Në fakt është lobi grek në kërkim të lobit serb dhe maqedonas në Uashington.
Ne dimë se kush e mbron SHBA-në, janë shqiptarët dhe jo grekët, ne dimë kush i mbron shqiptarët, ata janë amerikanët dhe jo grekët, tani zoti Berisha nuk mund të ndryshojë mendje. Por ai e bëri, nuk arrij ta kuptoj këtë veprim të Berishës. Shqiptarët në Amerikë mendojnë se ai i ka tradhtuar, por Sali Berisha ka tradhtuar Gjykatën Kombëtare të Shqipërisë dhe atij i duhet të shfajësohet përpara popullit, pasi njihet në historinë shqiptare si njeriu që kritikoi ashpër diktaturën komuniste dhe regjimin grek. Nuk e kuptojmë si e ka bërë këtë ndryshim të madh, prandaj jam shumë i zhgënjyer si president i lobit shqiptar, si ish-kongresmen i SHBA-së, si shqiptaro-amerikan dhe si president i lobit shqiptar “Liga qytetare amerikane-shqiptare”. Dhe është e vërtetë që ky takim u nxit nga ambasadori amerikan dhe për këtë do të ankohem në Departamentin e Shtetit në Uashington duke kontaktuar kongresmenët e rinj. Kjo nuk duhej të ndodhte dhe duhet të di motivin e këtij takimi. Zoti Geixh ka shkruar letërsinë më negative, më radikale, kundër popullit shqiptar. Do t’iu faktoj artikullin që ai shkroi 1994 dhe përgjigja që iu bë këtij artikulli. Shqipëria ka nevojë për zgjedhje të reja që populli shqiptar të zgjedhë një qeveri që t’i japë siguri, punësim, respekt, një qeveri që të integrojë Shqipërinë në NATO përpara Rumanisë dhe Bullgarisë. Dhe këtë e kishte në dorë edhe zoti Berisha, por nuk ishte i zoti ta bënte.

Mendoni ju se negociatori i këtij takimi ishte ambasadori amerikan në Shqipëri zoti Xhejms Xhefri?

Nuk e di dhe më duhet ta zbuloj. Por mendoj se ai duhet t’i bëjë publike motivet e këtij takimi, sepse zoti Geixh nuk është qeveria greke, ai thjesht përfaqëson lobin grek në Amerikë dhe lobi grek në Amerikë është përpjekur që të ndërpresë Aleancën që çoi drejt luftës në Kosovë. Gjatë luftës në Kosovë nuk i mbështeti sulmet e NATO-s. Geixh nuk do ta pranojë që minoriteti grek nuk është 450 mijë, por kaq janë shqiptarët ortodoksë. Vetëm 58 mijë janë ortodoksë grekë dhe askush nuk ka të drejtë t’i ngatërrojë se çfarë kërkojnë ortodoksët shqiptarë dhe çfarë kërkojnë ortodoksët grekë. Dhe nuk mund të themi që ortodoksët shqiptarë janë minoritet grek, kjo është propaganda e Nikolas Geixh dhe e lobit të tij. U përpoqa t’i përgjigjesha këtu në Amerikë dhe më duhet të investigoj. Berisha nuk duhet të takohej me të përderisa të kuptojmë besueshmërinë e këtij hetimi. Dhe tani duhet të bëjë publike çdo gjë që tha në atë takim për shqiptarët në Shqipëri dhe ata në Amerikë, që ne të kuptojmë pse ai ndryshoi mendjen. Duhet pyetur se ky takim që ai realizoi ishte për avantazh politik. Por megjithatë, çfarë avatazhi politik mund t’i japë atij Nikolas Geixh, sepse nuk ka avantazh politik që mund të të japë Milosheviçi. Zoti Hollbruk u përpoq të tradhtonte shqiptarët kur u përpoq ta bënte Milosheviçin palë këtu në Amerikë për paqen në Ballkan, përderisa ai kishte vrarë mijëra boshnjakë në Bosnje. Lobi shqiptar së bashku me lobin e herbrejve e ndryshoi këtë ide dhe NATO vendosi të hedhë bombat mbi serbinë e Milosheviçit, rrëzoi regjimi i tij dhe më pas u nxor para drrejtësisë. Zoti Geixh nuk mbështeti luftën në Kosovë. Zoti Berisha tha se ai është për pavarësinë e Kosovës. Pse ka ndryshuar tani zoti Berisha?

Intervistoi Gilmana Bushati

[Albo]

Geri Kokalari letër për Geixhin Departamentit të Shtetit

Kokalari: A e ka korrigjuar ambasada amerikane Geixhin në termin Epiri i Veriut


Xhon Benton

Departamenti i Shtetit
Uashington, D.C

I dashur Xhon

Përsa i përket vizitës së Nik Geixhit në Tiranë, do të jetë e çmueshme nëse ju mund t’i përgjigjeni, në respekt të pozicionit tuaj në Departamentin e Shtetit sa vijon:

1.Si qytetar amerikan, Geixh sigurisht është përcaktuar të vizitojë Shqipërinë, por, pse po harxon ambasada amerikane taksat tona për këtë qytetar privat i cili nuk ka biznes legjitim në Shqipëri?

2.Në fillim të vitit, Geixh u takua fshehtësisht në Korfuz me Nanon, siç u bë e njohur nga ambasada amerikane në atë kohë. Një nga arsyet se pse ata u takuan ishte diskutimi për privatizimin e Bankës së Kursimeve me investitorë grekë, të cilët do të mund t’i jepnin Greqisë kontrollin e sektorit bankar në Shqipëri. A e mbështet këtë koncept Departamenti i Shtetit? A e diskutoi këtë çështje Geixh me ambasadën amerikane apo me Nanon gjatë vizitës së tij të fundit?

3.Sipas mendimit tim, asnjë udhëheqës politik i Shqipërisë nuk duhet të harxhojë kohën e tij me Nik Geixhin; megjithatë, jam informuar nga një koleg i Berishës që ambasadori amerikan i kërkoi Berishës të takojë Geixhin? A është e vërtetë kjo? A është zhvilluar ky takim për të siguruar ndonjë mbulim për takimin e Geixhit me Nanon?

4. Me respekt të çështjes që unë kam vënë në qendër të vëmendjes së shtetit në disa raste, a e ka korrigjuar Departamenti i Shtetit apo ambasadori amerikan, Geixhin në përdorimin e termit “Epiri i Veriut” dhe ta informojnë që SHBA-ja nuk njeh ndonjë rajon të tillë në Shqipëri? A mund t’i kërkojë Departamenti i Shtetit Geixhit që të mos e përdorë më këtë shprehje nxitëse, veçanërisht nëse ai po abuzon shërbimet e USG? A nuk i detyrohet Geixhi popullit të Shqipërisë një shfajësim për vazhdimësinë e përdorimit të këtyre termave që fyejnë popullin e Shqipërisë nga përpjekjet për ta risjellë edhe njëherë në diskutim çështjen e statusit të kufijve kombëtarë të Shqipërisë?

5.Edhe pse nuk ka asnjë problem me minoritetin grek në Shqipëri pasi ata kanë të drejta të barabarta me shqiptarët, ende Geixh ankohet për këtë çështje si një protokoll i prishur . Megjithatë, siç e dinë mirë edhe Shtetet, kushtet e shqiptarëve etnikë në Greqi dhe ajo e çamëve mbetet një histori tjetër. A e ka diskutuar këtë çështje ambasada amerikane me Geixhin?

6. A e ka diskutuar ambasadori Xhefri, lobin e Geixhit kundër ndërhyrjes ushtarake amerikane në Kosovë?

7. Nëse Nano e ka ftuar Geixhin në Shqipëri, ai ka njollosur emrin e tij tek populli i Shqipërisë, ashtu si dhe diasporës duke luajtur mikun e këtij armiku të shqiptarëve. Çfarë roli, nëse ka, kanë luajtur Shtetet në përpunimin e kësaj vizite? A ka atje ndonjë në Kongres në veçanti që vepron si avokat mbrojtës i provokacioneve të Geixhit në Shqipëri?

Me respekt CSFB, kam besim se tashmë është bërë një përcaktim, nga USG rreth ekzistencës së llogarive të Nanos, dhe për më tepër a ekzistojnë ato apo jo. Gjithashtu kam besim që një numër i shqiptaro-amerikanëve dhe partitë e tjera të interesuara do të kërkonin një përgjigje për këtë çështje? Nëse llogaritë ekzistojnë, çfarë do të bëjë USG rreth tyre? Fola sot me Elisabet Shelton në ambasadën tonë në Tiranë, dhe ajo më tha se do të kërkonte informacion për këtë gjë. Gjithashtu telefonova ambasadoren Elisabet Xhones, dhe ende po pres përgjigjen e saj. Nëse përgjigjja do të jetë që nuk ka llogari, atëherë besoj se do të ishte në interesin më të mirë të secilit nëse kjo zbulohet më mirë shpejt se sa më vonë. Por nëse në fund të javës nuk ka përgënjeshtrim nga Nano dhe asnjë zbulim nga USG dhe, ose CSFB që të konfirmojnë që llogaria nuk ekziston, atëherë mendoj ne do të jemi të aftë të pranojmë që është një e dhënë e fortë, që në të vërtetë llogaritë ekzistojnë. Në bazë të këtyre rrethanave, diçka duhet bërë për të ngritur nivelin e diskutimit të kësaj çështjeje me zyrtarët e përshtatshëm të shtetit dhe të degëve të tjera të USC.

Siç kam thënë dhe më parë, nuk jam duke ju kritikuar juve personalisht, por pres që Departamenti i Shtetit të bëjë diçka për të mirën e dy vendeve, për SHBA-në dhe Shqipërinë, dhe mbështetur në këtë çështje unë kam ngritur jam jashtëzakonisht i shqetësuar rreth politikës së Shteteve.

Faleminderit për vëmendjen tuaj për këtë çështje.

Sinqerisht
Sincerely,
Gary Kokalari



Dear John:

Regarding Nick Gage's visit to Tirana, it will be appreciated if you can please respond with respect to the State Department's position on the following:

1. As a U.S. citizen, Gage is certainly entitled to visit Albania, but why is the U.S. Embassy wasting our tax dollars on this private citizen who has no legitimate business in Albania?

2. Earlier this year, Gage met secretly on Corfu with Nano, as had been acknowledged by the U.S. Embassy at the time. One of the reasons they met was to discuss the privatization of the Savings Bank with Greek investors which would effectively give Greece complete control of Albania's banking sector. Does the State Dept. support this concept? Did Gage discuss this matter with the U.S. Embassy or Nano during his current visit?

3. In my opinion, no Albanian political leader should waste his time with Nick Gage; however, I was informed by one of Sali Berisha's associates that Ambassador Jeffrey requested that Berisha meet with Gage? Is this true? Was it to provide cover for Gage's meetings with Nano?

4. With respect to a matter I have brought to State's attention on several occasions, has the State Dept. or Ambassador Jeffrey corrected Gage in his use of the term "Northern Epirus" and informed him that the U.S. knows of no such region of Albania? Shouldn't the State Dept. demand that Gage stop using this inflammatory expression, particularly if he is going to abuse the
services of the USG? Doesn't Gage owe the people of Albania an apology for continual usage of this term that insults the people of Albania by attempting to bring into question Albania's sovereign status as a nation?

5. There is no problem with the Greek minority in Albania as they have equal rights with the Albanians, yet Gage continues to whine about this matter like a broken record. However, as State knows quite well, the conditions of the ethnic Albanians in Greece and that of the Chams remains another story. Did the U.S. Embassy discuss this matter with Gage?

6. Did Ambassador Jeffrey discuss Gage's lobbying against U.S. military intervention in Kosova?

7. If Nano invited Gage to Albania, he has thumbed his nose at the people of Albania as well as the diaspora by playing host to this enemy of Albanians. What role, if any, did State play in orchestrating this visit? Is there anyone in particular in Congress who is acting as an advocate for Gage's provocations in Albania?

With respect to CSFB, I am confident that by now a determination has been made by the USG about the existence of the Nano accounts, and either they do or they don't exist. I am also confident that a number of Albanian Americans and other interested parties would like an answer on this matter? If the
accounts do exist, what will USG do about this? I spoke with Elizabeth Shelton at our Embassy in Tirana today, and she informed me that she would be looking into this. I also called Amb. Elizabeth Jones, and I am still waiting for her response. If the answer is that there are no accounts, then I believe it will be in everyone's best interest if this is disclosed sooner rather than later. But if by the end of the week there is no formal denial
by Nano and no disclosure from USG and/or CSFB confirming that the account does not exist, then I think we should all be able to agree that this is a strong indication that the accounts indeed do exist. Under these circumstances, something will have to been done to elevate the level of discussion on this matter with appropriate officials at state and other branches of the USG.

As I have said in the past, I am not criticizing you personally, but I do expect the State Dept. to do what is in the best interest of both the U.S. and Albania, and based on the issues I have raised herein I am extremely concerned about State policy.

Thank you for your attention to this matter.

Sincerely,
Gary Kokalari

[Zani]

Te dashur bashkatdhetare forumiste.Ketu me siper keni paraqitur disa pasazhe gazetash dhe keni trajtuar me teper problemin qe parashtron vizita e Geixh ne Shqiperi ne menyre te njeaneshme.Ajo cka me mungonte ne komentet tuaja ishte se cfare mendoni per qendrimin e politikaneve tane kundrejt vizites ne pergjithesi dhe disa ceshtjeve te lidhura me te ne vecanti.Psh si mendoni:A duhet me doemos qe Geixh kushdoqofte,te beje deklarime te tilla si "30% e popullsise ne shqiperi i perkasin minoritetit grek",mu ne zemren e atdheut tone,ne Tirane?Kur secili nga ne eshte koshient dhe deshmitar qe kjo eshte nje shpifje e ulet nacionaliste!A eshte e domosdoshme te durohet nga politikanet tane nje politike e tille imponuese dhe me tone gati urdheruese kundrejt kryeministrit dhe ministrit te arsimit te shtetit tone ne lidhje me perparesine e firmave greke ne privatizimin e bankave te shqiperise dhe ne lidhje me hapjen e shkollave publike greke?
Si e kuptoni shprehjen e Berishes:Per hir te se ardhmes nuk duhet te rremojme shume ne te kaluaren?
Me te tilla qarqe shoviniste na ndajne lumenj gjaku te qindra e mijera atdhetareve,rilindasve e njerezve te thjeshte.
Prandaj mos simpatizoni verberisht asnje njeri qe nuk ben politiken e shtetit dhe aq me teper te kombit.

[zhgenjimi]

Kryeministri shqiptar dhe kryetari i opozites
shqiptare presin nje nga armiqte me te medhenj te
Shqiperise i cili per vite me radhe perpiqet t'i
mbush mendjen botes se Shqiperia e jugut eshte
ne fakt pjese e Greqise.
Kjo nuk ka asnje shpjegim tjeter vecse keta tre
persona jane dakord me kete pretendim. Sepse te
jesh kryeminister apo kryetar opozite dhe te
presesh perzemersisht armikun e vendit tend, nuk
do te thote asgje tjeter vecse qe i nenshtrohesh
atij dhe e ndihmon ate duke i dhene rendesi.
Kjo eshte e pafalshme!!!!!!!
Po mjere Shqiperia per keta politikuaj troje!