Albert Popaj

[Bl3ri]

STILISTI QË U BË KËNGËTAR

Edhe ai si shumë artistë të tjerë shqiptarë i shtohet listës së personazheve
të suksesshëm që famën ia faturojnë një shteti të huaj dhe jo atij
të origjinës, që për hir të së vërtetës nuk mund t’u sigurojë përveçse një rrogë mujore qesharake. Kjo ishte dhe një ndër arsyet kryesore që e shtynë Albert Popajn së bashku me familjen që të emigronin jashtë shtetit. I njohur përmes videoklipeve të tij muzikore, ai ka bërë për vete shumë vajza, sepse një djalosh simpatik që tashmë përveç muzikës ka ndërtuar edhe urat lidhëse me botën e modës, nuk mund të kalojë aq lehtë pa u vënë re. Albert Popaj e ndjen veten të ndarë mes pasionit dhe profesionit, duke pranuar me bindje se nuk mund të quhesh i realizuar profesionalisht kur punon në disa fusha njëherësh, sepse tek njëra mund të japësh maksimumin, ndërsa tek të tjerat është e vështirë.
“Muzikën e kam zhvilluar gjithnje për pasion, sepse kam pasur talent që i vogël. Kam studiuar edhe disa vjet në shkollë fillore për piano dhe këto ishin faktorët bazë që më shtynë të eksperimentoja edhe me muzikën. Kam realizuar disa këngë, kam qenë pjesëmarrës në koncerte jo vetëm në Amerikë, por edhe në
A u s t r a l i , disa shtete të Evropës P e r ë n d i - more, madje deri në Zelandën e Re. Ndjehem i realizuar në këtë aspekt, por dashuria ime më e madhe vazhdon të mbetet moda”, thotë ai. Hiti i ri për të cilin po punon aktualisht do të jetë një miks rrymash muzikore, çka e bën edhe më të veçantë zhanrin me të cilin Alberti vjen në sytë e publikut. Pasi deri më tani ai ka kënduar më shpesh në ritmet e baladave apo muzikës së lehtë, ashtu si dhe kënga më e fundit aq shumë e preferuar nga të rinjtë, “Shkruaj në e-mailin tim”, ku ai këndon dashurisë dhe mallit për një vajzë që ka lënë në Kosovë. Alberti ka menduar që të sjellë diçka të re, me një subjekt ndryshe. Kur vjen puna për realizimin e videove muzikore, ai gjen gjithmonë mundësinë për të shkuar në vendlindje, pasi produksionet e deritanishme ia ka besuar vetëm një studioje në Prishtinë, “Zico Company”. “Kam mbetur i kënaqur deri tani nga puna dhe kualiteti i prodhimeve të tyre dhe kjo më bën që, sa herë kam ndonjë projekt të ri, të drejtohem tek ata. Këtu
në Amerikë janë gjërat shumë të s h t r e n - jta dhe një faturë me disa zero nuk është diçka e leverdishme”.
Në jetën e Albertit muzika zë një vend të rëndësishëm, por fashioni i superon të gjitha. Pasi 29-vjeçari nuk thjesht i apasionuar, sepse prej vitesh ai mban një post drejtues në një kompani prestigjioze amerikane, që gjeneron fjalën e fundit të modës.
Fati e ka dashur që ai të studiojë për katër vjet “Fashion-dizagn” dhe kjo e ka ndihmuar që të fitojë eksperiencë më të vlefshme, që e ka integruar edhe në bizneset amerikane. “Të jesh i punësuar në Amerikë
nuk është pak. Përveçse ka kushte pune të jashtëzakonshme, ka vlerësime sipas kategorive. Me pak fjalë, këtu çdo gjë të stimulon për të ecur para.
Kjo më ka bërë edhe mua që të arrij pak nga pak majat, duke u pozicionuar në një post të mirë pune. Të gjitha këto janë një motiv më
shumë për mua, që të mos e mendoj kthimin në Shqipëri”. Albert Popaj përveç muzikës dhe pasionit, ka bërë jo pak bujë me lidhjet e tij të dashurisë.
Njëra prej tyre ka qenë edhe lidhja me këngëtaren e njohur Nora Istrefi, një lidhje që është mbajtur e fshehtë për një kohë të gjatë nga të dy, por në fund u
zbulua gjithçka. “Tani ndjehem i plotësuar në aspektin sentimental, kam
një lidhje të kënaqshme që po zgjat prej disa kohësh, ndërsa për gjëra më serioze ende nuk kam menduar, sepse them se kam ende kohë”. E kjo ka bërë që djaloshi t’ia përkushtojë pasionin më të madh modës dhe muzikës, duke i ushtuar
të dyja paralelisht, ndonëse të parën si profesion e të dytën si pasion…
Tani ndjehem i plotësuar në aspektin sentimental, kam një lidhje të kënaqshme që po zgjat prej disa kohësh, ndërsa për gjëra më serioze ende nuk kam menduar, sepse them se kam ende kohë.

www.albertpopaj.com



Korrieri