Saimir Pirgu - Pavaroti i ri shqiptar

[dodoni]

Merr pjesë në festivalin operistik të Salzburgut, hap sezonin e shfaqjeve në Vjenë dhe udhëton për në skenën japoneze. Tenori shqiptar 23 -vjeçar, Saimir Pirgu, cilësohet nga media austriake si një “Pavarot i ri”

Pavaroti i ri vjen nga Shqipëria


A.Mile

“Kush nuk e ka dëgjuar më parë, do të ketë mundësi ta njohë. Ka pasur shumë nga ata që e kanë konsideruar 23-vjeçarin “Pavaroti i ri”, të tjerë e kanë quajtur një “Anton Darmota”. Kështu do të shkruhej në faqet e një prej revistave kulturore më të rëndësishme austriake “Buhne” (“Skena”), për tenorin e ri shqiptar. Çmimi i akorduar nga ministri i Kulturës së Austrisë, përfshirja e tij në Teatrin e Operës së Vjenës dhe së fundi, pjesëmarrja në festivalin më të madh operistik në botë, në Salzburg, nuk mund të kalonte pa u vënë re prej mediave. Djaloshi nga Shqipëria, Saimir Pirgu, ka qenë së fundmi një ndër personazhet më të rëndësishëm të faqeve kulturore, jo vetëm në shtypin austriak, por edhe atë francez e italian. “Salzburger nachrichten” (“Lajmëtari i Salzburgut”), “Kurier”, “Opera”, “Le figaro”, “Corriere della sera” kanë veçuar mes zërave të Salzburgut, edhe djalin nga Elbasani, i cili u prezantua në këtë festival me rolin e Ferrnandos, tek opera e Moxartit, “Cosi fan tutte”. “Saimir Pirgu, 23-vjeçari shqiptar, është një prej zërave më të mirë, i cili po shkon drejt majave operistike. Ai do të interpretojë në teatrin “Staatsoper” të Vjenës, rolin e Fentonit në operën e Verdit, “Falstaf”,- shkruan gazetari austriak Derek Weber në revistën “Buhne”, i cili i ka marrë Pirgut edhe një intervistë. Krahas talentit të të riut, “Buhne” nuk ka harruar të përmendë edhe qytetin e tij industrial, prejardhjen nga një familje pa asnjë lidhje me muzikën, si dhe festivalet e fëmijëve në kohën e regjimit komunist. Ndërkohë, “Lajmëtari i Salsburgut” e vlerëson Pirgun si një nga zërat e rinj më premtues.
Pas pjesëmarrjes në Festivalin Ndërkombëtar Operistik, që zhvillohet në vendlindjen e Moxartit, në Salzburg, Pirgu ka interpretuar në operën verdiane “Falstaf”. Kjo vepër ka shënuar dhe hapjen e sezonit operistik të teatrit vjenez, ndërkohë që ai ndodhet në një turne në Japoni, së bashku me trupën e Vjenës, pranë së cilës do të interpretojë gjatë sezonit operistik 2004-2005. Vetëm pak muaj më parë, Sekretari i Shtetit i Kulturës dhe Medias në Vjenë, Franz Morak, i ka dorëzuar tenorit shqiptar, çmimin “Eberhard Wacher”, i cili prej vitit 1997 u jepet për arritje të shkëlqyera, artistëve të rinj më të mirë në fushën e interpretimit të roleve operistike. Këtë vit, kjo medalje që mban emrin e tenorit të njohur austriak, Eberhard Washer, iu dha tenorit Pirgu për rolin e Nemorinos te “Elisir d’amore”, vënë në skenën e operës së Vjenës.
Nga Elbasani në Vjenë
Saimir Pirgu ka lindur në qytetin e Elbasanit në vitin 1982. Mësimet e para të muzikës i ka marrë në qytetin e lindjes, në instrumentin e violinës dhe më pas ka vazhduar studimet për kanto në Liceun Artistik “Jordan Misja”. Kryen studimet e larta në Balzano të Italisë, nën drejtimin e mjeshtrit italian Vito Brunetti. Gjatë vitit 2001 ka fituar disa çmime, si atë të “Këngëtarit të ri më të mirë” në Bolonja, që i hapi rrugën për çmimet prestigjioze në aktivitetet ndërkombëtare “Caruzo” në Milano dhe “Tito Skipa” në Leçe. Gjatë vitit 2003, ka interpretuar disa role pranë Teatrit të Operës së Romës dhe suksesin më të madhe e ka korrur në shkurt të këtij viti, në operën e Moxartit “Cosi fan tutte”. Pasi fiton një bursë studimi nga fondacioni “Karajan” në Vjenë, për herë të parë, në prill të këtij viti luan në skenën vjeneze, në operën “Elisir d’amore”. Për herë të parë në Shqipëri, ai u prezantua sezonin e shkuar, me veprën e Donizettit “Elisir d’amore”.



22/09/2004

Bravo Saimir dhe urime e suksese edhe më të mëdha në të ardhmen.

[shigjeta]

Eshte kenaqesi te lexosh qe nje tjeter shqiptar te marr vleresime te tilla ne fushen e muzikes klasike. Suksese te metejshme Saimir Pirgut ne karrieren e tij operistike.

[Del Monako]

E degjova Saimirin tek ajo faqja ne internet qe ishte vene per krah lajmit.
Degjova qe kendonte Una Furtiva Lagrima nga opera "L'elesir d'amore".
Edhe pse regjistrimi nuk ishte i paster gje qe nuk te le edhe ta vleresosh si duhet, mu duk qe kishte vokal.
Megjithate gjithcka kuptohet kur e degjon nga afer.
Me behet qejfi qe ka arritur te kete nje repertor sado modest ne moshen 23-vjecare. Ne kete moshe tenorat nuk ekzistojne. Dmth zeri kompletohet pas moshes 36-37 vjecare. Prandaj meriton pergezime per ate qe ka arritur.
Edhe nje gje tjeter per sa i perket talenteve ne kete fushe. Shqiperia eshte afer Italise dhe tenorat me te medhenj te botes kane dale nga Italia. Ka lidhje shume me klimen mesdhetare gje te cilen e gezon dhe Shqiperia. Mos u habisni qe talentet do te dalin nga Shqiperia. Madje me shume do te dalin. Vetem kane nevoje per mbeshtetje.

[Albo]

Edhe pse jashtë vendit të tij, tenori Pirgu ka mundur të spikasë në sallat më prestigjioze të botës

Më cilësojnë Pavaroti shqiptar

Eshtë një nga historitë, të cilat ndodhin shumë rrallë dhe kjo mrekulli i është bërë realitet këngëtarit Sajmir Pirgu. Ka lindur në vitin 1981 në qytetin e Elbasanit, ka mbaruar liceun artistik “Jordan Misja”si dhe shkollën e mesme në Conservatorin Claudio Monteverdi Bolzano, ndërsa të lartën në teatrot e shumta të botës, ku ai këndon shpesh. Eshtë krenar për shkollën shqiptare dhe e konsideron atë si “një nivel shumë i lartë.. “Këtë e them me plot gojë, sepse shkollat tona janë nga më të mirat e ndonjë vendi evropian me më shumë kulturë operistike se ajo e vendit tonë” - pohon ai. Në këtë kohë, Sajmiri është duke kënduar në shumë teatro prestigjioze, të cilët janë të lakmuar nga të gjithë kolegët e tij: Bolzano, Reggio Emilia, Ferrara, Bologna, Pesaro e Roma, Londra, Madrid, Valencia, Zyrih, Berlin, Colonia, Hamburg etj. Gjithmonë është evidentuar për intuitën e padiskutueshme, si dhe punën sistematike. Në vitin 2001 është vlerësuar nga kritika si “këngëtari më i mirë i të rinjve”, në konkursin “Enrico Caruso” në Milano, si dhe “Tito Schipa” në Leçe. Pas këtyre çmimeve nis një karrierë brilante me shumë role dhe oferta koncertesh. Eshtë konsideruar si Pavaroti shqiptar, duke u nisur jo vetëm nga ngjyra e tij vokale, por dhe për faktin se Pavaroti e ka nxënësin e tij më të preferuar.

Me se po merreni këto ditë?
Jam duke punuar me prof Brunettin për një rol të ri dhe po mundohem të pushoj pak sepse kam vetëm një javë kohë.

Cila është oferta e fundit që keni nënshkruar?
Santa Fe America 2009, një nga festivalet më të rëndësishëm në USA, ku do të interpretoj Alfredo (Traviata), rol, të cilin e kam debutuar për herë të parë në Tiranë.
E mbani mend numrin e koncerteve dhe ftesave të fundit?

No koment, janë shumë

Jeni i ri dhe shumë i suksesshëm, nuk keni frikë se vokali juaj mund të devijojë nga sforcimi i tepërt?
Po, rreziku ekziston, por këtu qëndron sekreti i një artisti që studion gjithmonë. Koha do ta tregojë se si do të vijojë vokali im. Unë kam për detyrë të kujdesem për të. Me punë e studim, asgjë nuk prishet. Vokali i një artisti lirik është tepër i ngjashëm me stërvitjen e një atleti, apo futbollisti.

Sa orë në ditë kaloni me vokalica dhe mbi partitura?
Nuk është punë ore, varet nga opera, vështirësia e saj ose nga gjendja ime momentale. Ka ditë që studioj 2-3 orë dhe gjithmonë në orë të vona deri më 3-4 të mëngjesit, (të kuptohemi nuk është se këndoj në 3 të mëngjesit (qesh)) dua të them se lexoj partiturën e momentit. Fakti që kam studiuar violinë më ka ndihmuar shumë për këtë aspekt. Por ka ditë që dëgjoj vetëm muzikë.

Sa orë u takojnë zbavitjeve?
Siç e thashë dhe më lart, fle vonë, mundohem të zbavitem (normalisht si të gjithë të rinjtë e tjerë). Nuk jam ai tenori klasik me shall të kuq, që ka frikë se ndokush teshtin, apo flet (qesh). E konsideroj veten mjaft normal, kjo gjë më ka ndihmuar të zbavitem më shumë e më lirshëm.

Cila është ora më e ngarkuar në punë?
Orari varet nga teatri ku jam në atë moment. Por gjithmonë për mua orët më të zëna ku akumulohen dhe problemet e jetës sime janë nga 15–22, pra gjithë pasditja dhe darka.

Cila është ora kur ju jeni i lirë?
Mëngjesi, sepse zgjohem vonë.

Cili është ndryshimi i shkollës sonë me atë perëndimore?
Ah, kjo është një pyetje, të cilës nuk i jap dot përgjigje të saktë. Jam munduar të marr sa më shumë aty ku jam gjendur. Gjithmonë duke dalluar me intuitë e pa diskutuar. Por do ju përgjigjem kështu: Kam lindur tenor në Elbasan në liceun Onufri, kopshtin dhe filloren e kam bërë në liceun Jordan Misja, të mesmen në Konservatorin Claudio Monteverdi Bolzano, e të lartën në Teatrot e botës ku tashmë këndoj. Nuk mundem t’i përgjigjem pyetjes suaj. Dua të shtoj se puna që pedagogët shqiptarë bëjnë në vendin tonë është e një niveli të lartë e mund të them me plot gojën se janë nga më të mirët e ndonjë vendi evropian më me shumë kulturë operistike se vendi ynë

Kur ju takojnë kolegë të huaj, çfarë thonë për vendin tuaj?
No koment.

Jeni për tezën “më shumë punë sesa talent”, apo e kundërta?
70 % talent, 20 % punë, e 10 % fat.

Ku ju sulmojnë më shumë armiqtë?
Eshtë shpesh e diskutuar dhe e vënë në dyshim mosha ime e re. Më vjen keq për ta, është shumë e lehtë për ta vërtetuar moshën time

Do ju pëlqente një duet me......
Në mungesë të Frenk Sinatrës, Mikael Buble.

Me cilin i keni realizuar fotografitë në faqen tuaj të internetit?
Kanjo Take

Keni në plan të këndoni me një këngëtare të muzikës së lehtë?
Pse jo..., por varet se kush ama.

Në sa teatro keni kënduar?
Në shumë, por është akoma shpejt për t’i numëruar

Ka pasur ditë të këqija në skenë?
Po, ka ndodhur. Eshtë e vështirë ta pranosh, por i ka jeta edhe këto. Pa të këqija nuk arin të vlerësosh të mirën.

Të stonosh në një shfaqe, do të konsideronit si një ngjarje normale?
Stonosh, apo të stekosh... Jo, një profesionisti nuk i falet kollaj, por ndodh. Edhe më të mëdhenjve si Pavaroti, Domingo etj., u ka ndodhur.

Ju streson fakti se mund të flisni në një gazetë për jetën tuaj private?
Jo, aspak.. Mendoj se një gazetar i klasit të tretë mundohet gjithmonë të gjejë polemikë në një shkrim, apo intervistë. Gazetari i vërtetë di vetëm si të shkruajë e të pyesë pa të vënë në siklet.

A keni një lidhje?
Po, kam një lidhje që prej 6 muajsh

Martesën e konsideroni të mirëseardhur, apo nuk e mendoni fare?
Për momentin jam akoma i ri, por një gjë është e qartë: jam rritur në një familje ku prindërit më kanë dhënë gjithçka që kishin. Do të doja të bëja të njëjtën gjë me fëmijët e mij.

A ka martesa të lumtura sipas jush?
Mendoj se po.

Pse tradhtohet?
Sepse mungon kuraja të thuhet e vërteta në sy....

Cila do të jetë surpriza e radhës?
Të shohim

[Poison_Ivy]

As seen on "Kenga Magjike 2006", ky djale eshte absolutisht pasardhesi i Pavarotit qe vajton ne shtrat nga nje pankreas i tmerrshem. Pirgu merr rregullish mesime nga mjeshtri dhe eshte nje mik i mire i tij. Vete mjeshtri e ka cilesuar si tenori i se ardhmes. Pirgu eshte shume i famshem dhe ka dhene koncerte ne te gjithe boten.
Per me teper:
http://www.saimirpirgu.com/
Nuk e di, por mua me emocionon fakti qe pasardhesi i Pavarottit eshte nje shqiptar.

[Poison_Ivy]

Saimir Pirgu

[Dita]

Kete foton permbyllese e ka te perfshire dhe ne albumin e tij te pare qe ka dale keto muaj ne qarkullim ne Austri. Ne CD perfshihej si zakonisht dhe nje broshure e vogel orientuese per Saimirin vete. Nje pjese te tekstit brenda saj e kish pergatitur Ismail Kadare. Saimiri vete shprehej bukur per albumin: ne te do dokumentohej zeri i tij ne moshen 23 vjec, nje ze qe ai me nuk do ta kish.

Faqe tjeter e tij: http://www.pirgu.com.

Pyetja e madhe (korcarce) eshte: Po nga mbiemri ky Saimiri ngjan si pe Korce, pse thote qe eshte nga Elbasani?
Pergjigja qetesuese: He, se do jete nga korcaret qe jane zhvendosur ne Elbasan.

[Shijaksi-London]

Saimir Pirgu, sukses në Operën Mbretërore Londer

Tenori shqiptar interpreton Rinuçion në operën "Gianni Schiçhi" të Puçinit në Londër

Nga Royal Opera House ne Londer
Muhamed Veliu

Tenori shqiptar, Saimir Pirgu, përmes një interpretimi mjeshtëror në operën "Gianni Schiçki" të Giacomo Puçinit ka fituar admirimin e mijëra britanikëve, të cilët e kanë duartrokitur gjatë. Ishte po e njëjta skenë si pesë vjet më parë ku po në këtë skenë Inva Mula me zërin dhe sharmin e saj në "La Traviatën" e Verdit në fund të shfaqjes do të rikthej disa herë duke u përkulur përpara publikut. Me një zë perfekt, interpretim skenik të zjarrtë, 25-vjeçari Pirgu është kthyer protagonisti kryesor i mbrëmjes në sallën qendrore të "Royal Opara House" në Covent Garden Londër duke i habitur të gjithë. Ai për 90 minuta ka luajtur në rolin e Rinuçios. Publiku britanik ka vlerësuar zërin e Pirgut dhe është habitur për moshën e tij të re duke marrë përsipër interpretimin e një opere të vështirë. Ishte hera e parë që britanikët patën mundësi të ndjekin nga afër talentin shqiptar të Pirgut i cilësuar nga kritika austriake si "Pavaroti i Ri".
Në Londër, Saimir Pirgu është vlerësuar si një zbulim i vërtetë në rolin e Rinnuncio-s, duke dhënë një interpretim absolutisht të bukur të aries " Firenze è come un albero fiorito" dhe me një tonalitet të shkëlqyer gjatë gjithë veprës. Dominic McHugh, kritik opere është shprehur se "Saimir Pirgu premton të bëhet një nga tenorët lirikë më të mirë në të ardhmen, pas Rinuçios së habitshëm". Media britanike ka anashkaluar përmendjen e faktit se ky talent që po ngjit me shpejtësi shkallët e suksesit nga njëra skenë në tjetrën në të gjithë botën është me origjinë nga Shqipëria. Fatmirësisht, origjina e tij është shkruar në një revistë të "Royal Opera House" rreth kësaj opere. "Për mua mbase do të jetë shfaqja më interesante, pasi kam interpretuar përkrah kolegëve me nivel si Antonio Papano apo Richard Jones, të cilët janë kolona të artit operistik botëror" u shpreh Pirgu. Sipas tij, vepra e Puçinit ka qenë relativisht e vështirë për t‘u interpretuar, pasi siç ai sqaron më tej, në të shkuarën është mësuar të interpretojë opera të gjata. Ndërsa në këtë operë janë vetëm tre personazhe që interpretojnë arie, ai në rolin e Rinuçios, Laureta dhe personazhi kryesor, Gianni Schiçki, gjë e cila, sipas Pirgut, bën që të jesh shumë konciz, pasi ke vetëm 90 minuta kohë ndryshe nga "Traviata" apo "Rigoleto" ku ke dy orë e gjysëm. Suksesi i Pirgut ka bërë që ai të sigurojë interpretime të tjera në skenën londineze në Covent Garden.
"Do të rikthehem në Londër në 2009 dhe në 2011 me produsksione të këtij niveli. Pas Londrës, Pirgu do të udhëtojë drejt Nju-Jorkut me një koncert recital e më pas për në Portugali me rolin e Rigoletos. Megjithëse axhenda e tij është e mbushur edhe për disa vite në vazhdim ai nuk e fsheh dëshirën që së bashku me Inva Mulën dhe Josif Gjepalin të organizojnë një koncert të përbashkët në Tiranë.

[shigjeta]

Nje interpretim i shkelqyer i "Nessun dorma" te Puccini-t, qe tregon edhe nje here talentin e tij. Eshte kenaqesi ta degjosh...

[100% BRUNE-BABY]

Si shpirt eshte ky!
Ka kenduar nje kenge te "kenga magjike" me Ardit Gjebrean!
Po sa i mire dreqi!
Ca zeri qe ka!