Timotheu dhe Mavra, martirë - 3 maj

[Albo]

Timotheu dhe Mavra, martirë

Ishin bashkëshortë në Tebë të Egjiptit dhe u martiriziuan në vitin 286.

Timotheun, që ishte anagnost (lexues) në kishë dhe predikues i besimit, pa mbushur 20 ditë nga martesa e tyre, e kapën dhe e urdhëruan të dorëzonte librat e shenjtë. Kur ai refuzoi, sovrani i nguli hekura të skuqur në veshë sa i dolën sytë nga vendi. Pastaj e torturuan me “rrotën” dhe sa herë ajo rrokullisej, thikat poshtë saj shponin trupin e tij. U shërua nga Krishti, por arkondi u inatos: i bukosën gojën me copa lecke si fre, i lidhën në qafë një gur të rëndë dhe e sillnin vërdallë për ta poshtëruar, e varën kokëposhtë. Pastaj e burgosën.

Atëherë tirani solli Mavrën. I bëri lajka, i kujtoi rininë e saj të njomë, martesën e parapakkohshme dhe e këshilloi të zbukurohej e të shkonte ta konvertonte burrin e saj për ta shpëtuar.

E reja shkoi, por u kthye ajo nga ai! Kështu i rruan kokën për ta poshtëruar, i prenë gishtërinjtë, e hodhën në ujë të përvëluar. Meqenëse mbetej e paprekur, arkondi, për të verifikuar nëse uji ishte i nxehtë ose jo, i kërkoi ta sparkatte. Vërtet, uji që e spërkati i dogji lëkurën! I zemëruar urdhëroi ta djegin me llambadha.

Më në fund i kryqëzoi që të dy përballë njëri-tjetrit. Duke inkurajuar njëri-tjetrin dhanë shpirt pas dhjetë ditësh. Djalli i paraqiti me fantazi të kryqëzuarës që digjej nga etja, një gotë me mjaltë dhe qumësht dhe pastaj një lumë të tërë me të njëjtin lëng duke e nxitur të pinte.

Por trimëresha e zmbrapsi. Atëherë një engjëll e ngjiti shpirtërisht në Qiell. I tregoi atje një fron të shndritshëm dhe një kurorë të përgatitur enkas për të, dhe të njëjtat gjëra, por më të shndritshme, për burrin e saj, shkaktarin e shpëtimit të saj…

Në një fshat të Zakinthit, ishull në detin Jon, ndodhet një ikonë e saj. Për të flitet për shërime të demonizuarish dhe shmangie katastrofe të kishës si edhe të besimtarëve brenda saj, kur në ditën e festës së shenjtorëve në vitin 1801 brenda në kishë shpërtheu një baulle me barut.