Shletuesi Maxthon (ish MyIE)

edspace · 23-09-2003, 02:30

MyIE2 është një shfletues i bazuar mbi Internet Explorer por ju lejon që të ndryshoni pothuajse cdo gjë që kini dëshirë. Nuk do ta rekomandoja për fillestarët por përdoruesit e rregullt të internetit (30+ orë për javë) jam i sigurtë që do ta pëlqejnë.

Kjo është adresa ku mund ta shkarkoni.
http://www.myie2.com/html_en/home.htm

shënim: Mos e fshini Internet Explorer nga kompjuteri pasi MyIE nuk punon më vete.

MtrX · 25-09-2003, 19:27

ky programi qenka tull fare... rrofsh per sugjerimin...
Pershendetje
MtrX

StormAngel · 09-02-2005, 23:54

Rastisa sot ne kete browser te ri dhe thash t`ju pyes juve ne dini dicka me teper per kete browser dhe performanset e tij.
Me poshte do postoj edhe nje foto te ketij browseri:

edspace · 10-02-2005, 03:59

Maxthon nuk është shfletues i ri dhe është përmëndur disa herë në forum. Ka qënë i njohur me emrin MyIE dhe pastaj u kthye në Maxthon.

Unë po bëj më shumë se një vit që e përdor këtë shfletues dhe nuk kam gjetur asnjë më të mirë.

Ofron:
- Hapjen e faqeve në një dritare (njësoj si mirc)
- Komandimi i shfletuesit me lëvizjen e miut, pa përdorur butonat e menutë.
- Zvarrit&lësho (drag&drop) që përdoret për të hapur lidhjet në dritare të reja, për të kërkuar google, për të ruajtur tesktin ose imazhet, etj.
- Pastrimin e faqeve nga reklamat, duke përfshirë ato me animacione në flash. Kjo lejon që faqet të hapen më shpejt dhe nuk ju bezidisin.
- Pastrimin e gjurmëve të interneti, historisë së vizitave, cookies, etj.
- Përkthimin e faqeve në gjuhë të huaja (babelfish)
- Hapjen e faqeve të vjetra nga arkivat e google. (google cache)
- Theksimi i fjalëve që kërkohen në google ose fjalë të tjera që zgjedh përdoruesi
- Përdorimi i stileve/veshjeve të ndryshme për butonat, dritaret, etj.

Këto dhe qindra funksione të tjera, e bëjnë këtë shfletuesin më të mirë për mendimin tim. Mund të duket pak i vështirë për fillestarët, por pasi t'ia merrni dorën dhe ta përshtasni sipas dëshirave, keni për të parë sa do t'u lehtësojë shfletimin e internetit.

Funksioni që më pëlqen më shumë është komandimi i shfletuesit me lëvizjen e miut, pa nevojën për të shtypur butona, apo për të kërkuar menutë. Komandat e miut jepe duke majtur shtypur butonin e djathtë të miut dhe pastaj duke lëvizur miun në një drejtim të caktuar: lart, poshtë, majtas, djathtas, ose kombimi i disa prej tyre: lart-poshtë, lart-majtas, poshte-djathtas, etj. Të gjitha këto mund ti ndryshoni sipas dëshirës në panelin e opsioneve.

Mister Enigma · 10-02-2005, 13:00

Edhe unë e kam përdorur pak Maxthon. Është shumë i ngjashëm me Avant Browser dhe ka po thuaja të gjitha opcionet dhe mundësitë si Avanti.
Unë jam përcaktuar për Avant në radhë të parë për shkak të pamjes më të mirë dhe "tab"-at i ka më të bukur.

the_fool12 · 10-02-2005, 17:25

a mund te me dergoje ndonje njeri linkun ku ta mar

edspace · 10-02-2005, 17:31

Maxthon.com

Mister Enigma · 10-02-2005, 17:39

Ja linku i drejtpërdrejtë.

http://dl.iad.downloadhosting.com/do...ie2/mcombo.exe

StormAngel · 10-02-2005, 17:49

Falemnderit per informatat!

helios · 10-02-2005, 18:07

He-he! Asgjëkundi nuk pashë "më i sigurti, më i mbrojturi, më i paprekshmi nga viruse, scripts, etj etj".
Maxthon isn't really a browser. It's a "shell" or user interface that works with Explorer. As a user, you might not even realize that. Once you download Maxthon, it appears to operate as if it's a standalone browser, but it's actually using some of the code from Explorer. In technical terms, that makes it a shell because it doesn't actually render the web pages itself but uses the Internet Explorer's rendering "engine." The fact that Maxthon uses Explorer's code is both good and bad. The good is that it means that virtually any page that works with Explorer will work with Maxthon. It also means that Maxthon will work with many (though not all) of Explorer's add-ons such as the Google toolbar. But it also means that Maxthon inherits some of Explorer's now infamous security flaws.
Pra Maxthon s'na qenka tjetër, veçse një "mega-plugin" (po e quaj kështu) që punoka mbi Explorer. Sa i sigurtë është IE kjo dihet. Tani nxirrni rezultatet për Maxthon. "Vajtëm për lesh dhe dolëm të qethur" i thonë kësaj.

edspace · 10-02-2005, 21:35

Helios, nga e more atë shkrimin më lart? Më pëlqeu shumë por kishte harruar pa përmëndur dhelprën e famshme, firefox

Kur i gjithë windowsi është ndërtuar mbi explorer, të shtosh një program më shumë nuk të bën as më të sigurtë e as më të prekshëm. Ka me qindra programe të tjerë që e përdorin explorer të windowsit. Opera u bë e famshme me shfletuesin nën 1 MB sepse përdorte funksionet e windowsit.

Firefox i windowsit është rreth 5 MB ndërsa firefox i Linux është 9 MB. Mos vallë përdor kod të windowsit? Një tjetër çudi me firefox ishte kur arriti të imitonte Internet Explorer pasi e pa që faqet nuk hapeshin siç duhej dhe filluan po ankoheshin përdoruesit. Në versionin "preview" faqet hapeshin sipas "standarteve", ndërsa në versionin 1.0 final hapeshin pothuaj njësoj si IE. Mos vallë përdor kod të windowsit?

Nejse, këto më lart nuk i shkruaj për të sharë firefox apo opera, por të të tregoj se të gjitha programet përdorin kod të windowsit, kush më pak e kush më shumë. Internet Explorer nuk është aq i pasigurtë sa e bën ti. Shumicën e kohës fajin e kanë përdoruesit dhe jo programi vetë.

Firefox mund të jetë më i sigurtë, por në të njëjtën kohë është shumë herë më i thjeshtë se Internet Explorer, ndërsa me Maxthon as nuk krahasohet fare. Do thuash që firefox ka plug-in por unë i kam provuar edhe ata dhe prapë nuk kam arritur t'i përshtas sipas funksioneve që më pëlqejnë në Maxthon. Është më mirë të marrësh një program që i ka të gjitha plug-inet brënda, të shkruara nga një njeri, apo t'i marrësh ato një e nga një, të shkruara nga njerëz të ndryshëm, pa asnjë farë sigurie se do dalë version i ri, apo se janë pa gabime?

helios · 11-02-2005, 08:07

http://kurveleshi.blogspot.com/2005/...e-dhelprs.html i është përgjigjur shumë qartë disa pjesëve të postimit të mësipërm. (meqë autori nuk ka llogari në këtë forum mu desh të shkruaja lidhjen).

Për këdo që ka dyshime mbi faktin "po, Firefox përdor kod të Windows-it, por jo të Internet Explorer" mund të kontrollojë kodin e hapur të shfletuesit në fjalë këtu.

Shkrimin e mësipërm po citoj dhe këtu për më kollaj.

...
Ka një postim të pasaktë apo spekullues në Forumi Shqiptar - Shletuesi Maxthon (ish MyIE). Sipas postimit ndryshimi në madhësinë e shkarkimit të Firefox-it për Windows (5MB) dhe Linux (9MB) tregon që Firefox-i përdor kod nga Windows-i. Kjo thuhet si zbulim apo çfarë? Sigurisht që do të përdorë kod nga Windows-i sepse Windows-i në fund të fundit është sistemi operativ që shërben si platformë për tërë zbatimet, që kanë nevojë për një platformë, ndryshe nuk xhirojnë. Nën Windows kjo platformë është Windows-i, nën Linux është Linux-i. këtu nuk ka asnjë mister apo sekret që ka të bëjë me Firefox-in. Firefox-i, si çdo zbatim tjetër ka nevojë të përdorë kod nga sistemi operativ. Kjo ama nuk do të thotë që përdoret kod nga IE-ja. Nëse ka dyshime për këtë, kodi i Firefox-it është i hapur, kushdo mund ta shohë e të bindet se cilat janë të vërtetat dhe cilat jo.
Diferenca në shkarkim ka të bëjë me ndryshimin midis dy platformave, dyorët për Linux janë më të mëdhenj se sa përkatësit për Windows, përpiluesit në dy sistemet janë të ndryshëm, 7zip i përdorur për ngjeshjen e paketës për Windows prodhon ngjeshje më të madhe, pra paketë më të vogël...
Sa për vizatimin e faqeve ndryshe në versionin preview dhe ndryshe në 1.0 këtu përpiqemi ti faturojmë Firefox-it mëkatet e Microsoft-it. Çudia në këtë rast nuk është ndonjë imitim apo arritje në imitimin e IE-së siç shprehen në postim. Çudia është përpjekja për të mbuluar uzurpimin dhe devijimin e standarteve nga Microsoft-i për qëllimet e veta monopoliste. Ndërsa që faqet në versionin 1.0 final hapeshin pothuaj njësoj si IE është një shprehje pakuptim: një faqe duhet të hapet jo pothuaj, por saktësisht njësoj në të të gjithë shfletuesit. Nëse dikush krijon një faqe që të hapet vetëm nga disa shfletues, ky nuk është faji i shfletuesve të tjerë. E as do të jetë më problem i tyre, kur përdoruesit të fillojnë të kuptojnë rrengun që u bëhet me këtë.

A duhet të jetë Firefox-i i thjeshtë apo i përbërë, apo i ndërlikuar apo shumë i ndërlikuar? Përgjigjja nuk ndihmon në krahasimin e tij me shfletuesit e tjerë, sepse kështu përpiqemi të krahasojmë një mundësi (si do ishte Firefox-i në rast se...) me një realitet (Maxthon apo IE sot). Cilido ka të drejtë të kërkojë apo të pëlqejë një apo ca funksione nga X shfletues. Sado të çuditshëm të jenë parapëlqimet në këtë rast. Por kjo nuk mund të shërbejë si bazë për krahasim mes tyre. Sepse është tejet subjektive si bazë.
Së fundi dihet që siguria asnjëherë në këtë botë nuk ka qenë e lidhur së brendshmi me 1 (Njëshin), sekreti po.

edspace · 11-02-2005, 13:37

Helios,

Mqns nuk më dhe burimin e citimit më lart, e kërkova vetë në google, dhe gjeta artikullin origjinal: Maxthon: Another Excellent Browser.

Shikoje pak ndryshimin e citimit që ke bëre ti dhe mesazhin (mjafton titulli) që kërkon të përcjellë autori. Ti po hedh poshtë Maxthon duke cituar nga një artikull që e konsideron Maxthon të shkëlqyer. Interesante!

Duke mos patur artikullin e plotë, unë lexova vetëm citimin, ku theksohej që Maxthon përdor kod të explorer. Thelbi i përgjigjes time ishte që të gjithë programet përdorin kod të explorer/windows. Internet Explorer, Maxthon, Firefox, Opera, e të gjitha programet e tjerë janë të varur nga explorer, prandaj domosdo që do trashëgojnë të njëjtat gabime, kush më pak e kush më shumë.

Explorer dhe Internet Explorer janë shkruar nga e njëjta kokë. Më duket absurde të besosh sigurimin e Explorer/Windows por të mos besosh sigurimin e Internet Explorer, sidomos kur të dy kanë themele të përbashkëta. Ke provuar të heqësh Internet Explorer nga Explorer? U bë një gjyq i tërë për këtë çështje.

Pika tjetër që përmënda më parë është se kodi që përdor Maxthon përdoret edhe nga Outlook, Frontpage, Programet e MS Office, editorët WYSIWYG, Windows Update, e dhjetra të tjerë. Pra, sado i sigurtë të jetë Firefox, personi që ka Windows në kompjuter, do s'do, do ta përdorë kodin e Internet Explorer.

Në lidhje me përgjigjen e Bato BUjkut, po e them edhe njëherë që ndryshimet në madhësi ishin për të treguar se Firefox përdor një pjesë të mirë të kodit të explorer (sipas citimit të helios për maxthon), jo të Internet Explorer. Pra, edhe Firefox trashëgon gabimet e Explorer. Ndryshimet e sistemeve operative dhe ngjeshjes mund të shtojnë 1MB por jo të dyfishojnë madhësinë. Sa programe të tjerë kanë kaq shumë ndryshime në madhësi?

Me sa kuptova nga argumenti për vizatimin e faqeve, Firefox pranoi të përsëriste "mëkatet" e Microsoft, dhe të devijonte nga standardet. A nuk është kjo një mbështetje e monopolit Microsoft? A nuk tregon kjo se "standarded" e përdoruesve dhe faqeve janë më të rëndësishme se standardet e shkruara?
Shfletuesi ndërtohet për të shfletuar, jo për të ndjekur standardet e shkruara. Dhelprat e zgjuara i kuptojnë këto gjëra.

Nuk thashë që thjeshtësia e Firefox ishte e mirë apo e keqe. Thashë vetëm që nuk mund të krahasosh një shfletues të thjeshtë si Firefox, me një shfletues "lluksoz" si Maxthon. Të dy janë shfletues por Maxthon nuk e zëvëndëson Firefox, dhe Firefox nuk e zëvëndëson Maxthon. Ky ishte kuptimi.

Bato Bujku, të hëngërt ujku me gjithë ditarin tënd.
Hape një llogari në forum se kemi plot dhelpra e kunadhe, si të të pëlqejnë ty.
Të paktën na lajmëro kur të bier ujku, që të dalim si trimat e Kurveleshit, me çifte në dorë.

StormAngel · 11-02-2005, 13:43

Une e perdori si browser te dyte,dhe ndoshta nga shkaku qe hyj ne internet nga internet kafe nuk kam mundesine ti shof mangesite e ketij programi.
Sidoqofte,per perdorim me duket mbase kenaqes dhe nuk kam hasur ne probleme deri tani.Mbase ne te ardhme paraqiten,ngelet te shof.
Secili me gustot e veta.

helios · 11-02-2005, 14:53

Citim: