Lindja

[AsgjëSikurDielli]

Grupi Lindja u formua në vitin 1983, nga Luan R.Osmani (kitarë dhe vokal), Fatos Berisha (tupana), dhe Afrim Maloku (bas). Ma vonë grupit i bashkangjitet ritëm-kitaristi Bujar Hundozi dhe qendron me grupin rreth 1 vjet.

Me 1987 në vend të A.Maloku, grupit i bashkangjitet basisti Bekim Mahmuti dhe prej atij momenti deri sot, grupi mbetet në përbamjen L.Osmani, F.Berisha dhe B.Mahmuti.

[AsgjëSikurDielli]

Nga javorja ZERI

ALBUMI I GRUPIT “LINDJA”

SUVENIR PËR NOSTALGJIKËT E VITEVE ‘80

shkruan: AGRON SHALA

Albumi i “Lindja”-s është album që adhuruesit kosovarë të rock-ut duhet ta kenë. Ky album është një dokument dhe përmbledhje e krijmtarisë 15-20 vjeçare, të një grupi të mirë, që ka ditur të bëjë muzikë të mirë... Albumi i “Lindja”-s është në shitje. Për të gjithë ata që kanë Nostalgji për muzikën, sidomos rock-un, e viteve ’80, mesiguri se do ta mirëpresin këtë CD. Do ta mirëpresin atë, sepse vitet ’80 janë vitet kur rock-u shqiptar, për herë të parë dhe të fundit, ishte në ekspanzion, në kulminacion. Mbi të gjitha, Kosova në atë kohë, për dallim nga sot, kishte rock- skenë aktive, konkurruese. Atë kohë të gjitha rock-bendet kishin vullnet për të bërë diçka të mirë, me dy-tri akorde, me instrumente të huazuara, më të këqijat që kanë ekzistuar atë kohë. Prandaj, albumi i “Lindja”-s është i mirëseardhur, sepse na kujton muzikën e një kohe të shkuar, e bashkë me të edhe ngjarjet dhe idetë e asaj kohe.

“LINDJA” DHE VITET ’80!


“Lindja” ishte një nga rock-grupet më origjinale (natyrisht, origjinaliteti i konceptuar në kontekstin kosovar) të asaj kohe. “Lindja”, ndonëse relativisht më të rinj se grupet “Gjurmët”, “403”, “Telex”, “Seleksioni “039”, është një nga grupet e para të viteve ’80 që në Kosovë solli një frymë të re. “Lindja”, nga dikush vlerësohet si vazhdimtare e “Gjurmëve” (këtë mendim në mënyrë inderekte e kanë imponuar edhe ata vetë), por megjithatë ajo dallon shumë nga ta.

Nëse e analizojmë dallimin në suazat e rock-ut të ish-Jugosllavisë, “Gjurmët” më shumë interaktoheshin me bendin “Idolli”, përderisa “Lindja” më shumë me “EKV”-në. Pra, “Lindja” i takonte një fryme më të re, e ndoshta edhe më të ngarkuar muzikore. Pastaj, “Lindja” ishte e ndikuar më shumë nga bendet e periudhës, ta quajmë post-new-wave, përderisa “Gjurmët” ndikoheshin (në periudhat e para, para eksperimenteve me folklor) nga punk-u dhe new-wave. Muzika e “Lindja”-s ishte më alternative (natyrisht, nëse me alternativ nënkuptojmë atë që ngjanë me muzikën e cila në fillimet e viteve ’90 pushton botën), por edhe më eksperimentale. Në disa faza, ajo është e ndikuar edhe nga psikodelia angleze.

Prandaj, këngët e grupit “Lindja”, përveç kontekstit kohor të incizimit të tyre, dallojnë edhe sipas ndikimit të trendeve të reja, por edhe të vjetra të rock-ut botëror: I – “Nata”, “Fati” dhe “Një bashqe me lule”; II – “Zvarraniku”, “Por, atë e bëjmë” dhe “Kënga ime”; III – “Ata nuk bëjnë zë”, “Automeni” dhe “E kur të vdesim”; IV – “Tatita”, “Balada e bubrrecit”, “Shtoji”, “Kulla”... Grupin “Lindja” e bën edhe diçka tjetër të dallohet nga grupet tjera të asaj kohe: Luani dhe Fatosi. Ndonëse që të dy, nuk ishin e as sot nuk janë instrumentalista profesionist, ata dinin të tingëllojnë shumë mirë.

Solot e Luanit janë vërtetë të thjeshta dhe nëse dikush i dëgjon menjëherë mund të thotë: Eh, kjo lehtë bëhet! Dhe, kjo është e vërtetë, por Luani ka ditur se si t’i realizoj idetë e tij, thjeshtë dhe mirë. E njëjta vlen edhe për muzikën dhe aranzhmanet! Andaj, muzika e “Lindja”-s nuk mund të konceptohet pa interpretimin e tij. Pastaj është Fatosi, i cili kurrë nuk iu ka frikuar eksperimentimeve, ndryshimit dhe zhvillimit të ritmit. Fatosi, jo kot, ishte daullisti më i angazhuar nga këngëtarët dhe bendet e njohura të viteve ’80 (dhe kjo nuk është rezultat i kulturës dhe sensit të tij të humorit që e bën të respektuar te secili). Luani dhe Fatosi paraqesin një tërësi, pa të cilën muzika e “Lindja”-s nuk mund të mendohet!

20 VJET NË NJË ALBUM!

Ajo që e bënte grupin “Lindja” të veçant për atë kohë në Kosovë, janë Edhe tekstet. Tekstet, shumica të cilat janë të shkruara nga Luani, të bëjnë të pyesësh: Çfarë ka deshur të thotë autori me këto fjalë?! Dhe, domethënia mund të jetë ambivalente, ashtu siç e definon Luani, dhe ashtu siç e koncepton dëgjuesi. Pra, tekstet janë konfuze, por kjo megjithatë nuk ka shumë rëndësi. Në rock esenca është të jesh i veçantë dhe tekstet e grupit “Lindja” ishin më të veçantat e asaj kohe sepse, në mos për asgjë tjetër, “Lindja”, është rock-grupi i vetëm shqiptar që u është shmangur tërësisht temave dhe klisheve të dashurisë!

Albumi i grupit “Lindja” përmban 14 këngë, 6 të vjetra ( “Nata”, “Një bashqe me lule”, “Zvarraniku”, “Por, atë e bëjmë”, “Ata nuk bëjnë zë” dhe “E kur të vdesim”), 5 të reja (“Balada e Bubrrecit”, instrumentalet: “Tatita”, “Shtoji”, “Fati”, “Kulla”), dhe 3 përpunime (“Qengji i vogël”, “O, moj ti, me sytë e zi” dhe “Prishtina, gol duam gol”).

Lindja në vitet ’90 , në Live intepretime ka parodizuar rock-folk Krijimet e viteve ’70-’80 (të shekullit të kaluar) në Kosovë dhe trendet e mëvonshme komerciale muzikore. Por, a mund të jetë parodi diçka që e “ndez” publikun. “Lindja” parodizon këngën “Moj biondinë”, ndërsa publiku, përkundër sensit të hollë të humorit që ky bend ka, nis të këndojë dhe të vallëzojë.

Megjithatë, është parodi. Ata që e kuptojnë këtë buzëqeshin, të Tjerët mendojnë se ne e kemi seriozisht. Por, ky është problemi i tyre, jo i yni...”, thotë Fatosi. Në këtë kontekst duhet analizuar edhe përpunimet e këngëve: “Qengji i vogël” dhe “O, moj ti, me sy të zi”. Pra, në këtë album parodizohen dy këngë të popullarizuara, të vjetra dhe të mira, njëra për fëmijë e tjetra për të rritur, pa arsye. “Te ‘Qengji i vogël’ dhe te ‘O, moj ti, me sytë e zi’, ne kemi tentuar që të eksperimentojmë, t’i riaranzhojmë dy këngë të njohura në stilin punk... Misioni i punk-ut, ashtu si e kuptoj unë, ishte që të banalizohet rock’n’roll-i. Dhe ne tash u themi njerëzve, industrisë muzikore të Kosovës: ‘Mos e merrni seriozisht muzikën, mos i rreni njerëzit’...”, thotë Fatosi.

Albumi i grupit “Lindja” e ka edhe një të metë tjetër: mungesa e konceptit! Mungesa e konceptit megjithatë nuk paraqet ndonjë problem të madh dhe, në fakt, kjo “e metë” ishte e pashmangshme, sepse “Lindja” është dashur disi të përmbledhë krijimtarinë e saj 20-vjeçare. Por, Luani dhe Fatosi është dashur që t’i kushtojnë më shumë rëndësi radhitjes së këngëve. Albumi fillon me një instrumentale të re, pastaj me dy përpunime, vazhdon me këngë të vjetra, për të përfunduar prapë me një përpunim. Ky lëshim ka mundur të evitohet. Fatmirësisht, “Lindja” nuk i ka përpunuar këngët e vjetra, pra nuk i Ka riincizuar (“Fati” është përpunuar, por në instrumentale). Mirëpo, fatkeqësisht, albumit i mungojnë dy këngë të vjetra: “Kënga ime” dhe “Automeni” (“Automeni”, në versionin live, gjendet në një numër të limituar të CD-ve).

Në përgjithësi, për fund mund të themi se albumi i “Lindja”-s është album që adhuruesit kosovarë të rock-ut duhet ta kenë. Ky album është një dokument dhe përmbledhje e krijmtarisë 15-20 vjeçare, të një grupi të mirë, që ka ditur të bëjë muzikë të mirë...

[AsgjëSikurDielli]

Zvarraniku

Njeriu zvarrites
Ai eshte i bukur
Njeriu i ulet
Ai eshte i skuqur

Njeriu zvarrites
Gjithnje i kujdesshem
Njeriu i vogel
Me te gjithe i sjellshem


Me meson
Si t’veproj
Me meson
Si t’jetoj


Si t’veproj,
Si t’jetoj
Si t’besoj
Si t’mendoj

Njeriu zvarrites
Ai eshte i vetmi
Njeriu me brenga
Eshte kur mendon per ty

Me meson…

© Lindja

[AsgjëSikurDielli]

Ata nuk bejne ze

Nuk njohin askend
Nuk dijn per askend
Ata nuk bejne ze

Larg qerdhes fluturojn
Larg odes pushojn
Ata nuk bejne ze

Duart i kan t’ngrohta
Zemrat i kan t’ftohta
Plehu eshte buka e tyre
Djersa eshte uji i tyre

Ata nuk bejne ze


© Lindja

[*Ema*]

Diku kam nje CD ose kasete te tyre. Me kujtohet qe dikush ma ka bere peshqesh. Me duket se nuk e kam degjuar ndonjehere. mbase do ti hedh nje sy tani...

[ingranazh]

nuk jam i sigurt, por mendoja qe kitar& solist i Grupit(AVI, ansambli vokalo-instrumetal) Lindja ishte Ehat Musa!?

gjithsesi mbeten grupi qe solli dicka te re ne pop&rock-un e asaj kohe.


ne zemran time e kam nje shpat,
te gjith e din se jam pa fat!
...


bravo