PER GRABITJE:Merret peng taksisti,ekzekutohet ne rruge

[{A_N_G_E_L_69}]

VRITET DHE ROJA I KARBURANTIT/ Dy persona kanë vrarë dje në mesnatë me armë një taksist, pasi i kërkuan t'i transportojë nga Tirana në drejtim të Lushnjës. Urim Bego, 48 vjeç, është gjendur i vdekur në mes të rrugës në Rrogozhinë. Policia: "I kanë marrë makinën, paratë dhe sendet personale". Më pas, ekzekutorët e taksistit shkojnë të furnizojnë me karburant makinën e vjedhur dhe vrasin rojën Petraq Mihali në Lushnjë. Shpallen në kërkim autorët e dy vrasjeve

Ngjarja ndodhi rreth orës 01:00, pas mesnatës së mërkurë, në vendin e njohur si "Kryqëzimi i Dautajve", në rrugën që lidh Kavajën me Rrogozhinën. Sipas burimeve nga policia, autorët e vrasjes, pasi kanë qëlluar për vdekje taksistin duke e goditur nga pjesa e pasme e sediljes, e kanë hedhur kufomën në rrugë. Më pas, vrasësit e taksistit Urim Begu kanë vazhduar rrugën në drejtim të Lushnjës, ku kanë vrarë edhe rojën e një karburanti. Burime nga grupi hetimor thanë se taksisti Urim Begu dyshohet të jetë vrarë me qëllimin për t'i grabitur paratë dhe makinën. Disa kilometra më larg vendit ku u ekzekutua taksisti 48-vjeçar Urim Begu, një tjetër person u gjet mëngjesin e djeshëm, i vrarë me plumb në gjoks. Viktima është Petraq Mihali, 55 vjeç, dhe punonte roje në një pikë karburanti, në vendin e quajtur Plug, tek rrethrrotullimi në rrugën Rrogozhinë - Lushnjë.

Vrasja e taksistit

Ekspertët e policisë së Kavajës, që po merren me verifikimin e provave të gjetura në vendin e ngjarjes,thanë se nuk kanë gjetur asnjë gjurmë të autorëve. Hetuesit thanë se nuk kanë gjetur asnjë gëzhojë të armës që është përdorur për krimin. Burimet sqaruan se taksisti 48-vjeçar është qëlluar dy herë në pjesën e pasme në trup. Dyshohet se plumbat kanë depërtuar sediljen e shoferit, pasi arma është shkrehur nga "pasagjerët e taksisë". Sipas këqyrjes në vendngjarje, viktima është qëlluar një herë në ije dhe një herë në pjesën e shpatullës. Taksistit nuk i janë gjetur para në xhepa dhe as dokumente identifikimi. Vjedhja e parave, makinës dhe sendeve personale, sipas policisë, konfirmon vrasjen për grabitje. Nga pyetja e të afërmve të Urim Begut dhe kolegëve të tjerë taksistë, ka rezultuar që ai nuk kishte konflikte me njeri dhe njihej si person mjaft i qetë. Sipas taksistëve, 48-vjeçari Begu kishte pasur incidente të vogla më parë, kur klientët kanë refuzuar t'i japin paratë pas shërbimit, por i kishte kaluar situatat e tilla pa tension dhe konflikte. Urim Begu punonte me taksinë e tij vetëm gjatë natës dhe qëndronte në zonën e ish-Bllokut në Tiranë.
hetimi
Policia e Tiranës është lajmëruar mëngjesin e djeshëm për zhdukjen e taksistit Urim Begu nga djali i tij. Ky i fundit provonte vazhdimisht të fliste me të në telefon me babanë e tij, por e kishte të pamundur. Djali i viktimës ka treguar dje në polici se dikush e ka marrë në telefon 48-vjeçarin që të shkonte deri tek shkolla "11 Janari", në Tiranë të re. Telefonuesit i kanë thënë viktimës se donin të shkonin deri në Lushnjë. Disa taksistë, që qëndrojnë në të njëjtin vend me Begun, kanë treguar në polici se në makinën e tij kanë hipur dy persona, rreth orës 22:30. Viktima u ka thënë kolegëve se kishte një rrugë të gjatë për të bërë, por pa u treguar se ku po shkonte. Dy kolegët e Urim Begut nuk kanë mundur të përshkruajnë personat që kanë hipur në taksinë e viktimës, një makinë tip "Benz C Klas", ngjyrë e verdhë, me targë TR 217 C. Sipas tyre në këtë kohë ka qenë errësirë dhe rrebesh shiu. Dëshmitarët kanë konfirmuar vetëm fatin se nga fizionomia dhe mënyra se si ishin veshur, dy klientët që kanë marrë taksinë që drejtonte Begu ishin djem në moshë të re, rreth 25-30 vjeç. Policia e Kavajës ka gjetur kufomën e tij në rrugë, por pa mundur ta identifikojë, pasi nuk kishte asnjë lloj dokumenti. Ai është dërguar në Morgun e Tiranës, ku i është nënshtruar edhe autopsisë nga mjekët ligjorë. Taksisti është identifikuar nga familjarët e tij, të cilët janë thirrur në morg dhe kanë pohuar se ai ishte i afërmi i tyre, Urim Begu. Burime nga policia sqaruan se makina e grabitur nuk është gjetur, ndërkohë që ende nuk janë identifikuar autorët që kryen vrasjen e 48-vjeçarit e më pas edhe të rojës së karburantit, Petraq Mihali. Vrasja e këtij të fundit ka ndodhur, pasi autorët kanë ekzekutuar taksistin dhe më pas kanë shkuar të furnizojnë makinën me karburant. Policia sqaroi se për asnjërën nga vrasjet nuk janë gjetur gëzhoja të armës së përdorur.

[{A_N_G_E_L_69}]

Viktima u nda nga gruaja disa javë më parë



TIRANE - Pasditen e djeshme, trupi i pajetë i taksistit 48-vjeçar Urim Begu dhe kortezhi mortor janë nisur nga Tirana në drejtim të Dibrës, ku mësohet se do të zhvillohet ceremonia mortore dhe varrimi i tij. Këtë fakt e kanë bërë të ditur dje fqinjët e familjes Begu, të cilët kanë pasur mundësi të ngushëllojnë familjarët e të vrarit vetëm në rrugë, pasi më vonë ata u nisën në drejtim të Dibrës. Pavarësisht se prej disa muajsh, 48-vjeçari nuk jetonte më me familjen e tij, për shkak se ishte divorcuar nga gruaja, të gjithë banorët e pallatit 8-katësh në rrugën "Jordan Misja", e njohin taksistin Urim Begu si një baba të përkushtuar dhe njeri të qetë. Edhe pse ishte ndarë nga bashkëshortja, me të cilën kishte një djalë dhe dy vajza të rritura, Begu vazhdonte t'i vizitonte fëmijët dhe shkonte herë pas here në apartamentin ku ata qëndronin me qira. Sipas fqinjëve, gruaja e tij jetonte me vjehrrën, nënën e Urim Begut, dhe dy fëmijët, pasi njërën vajzë sapo e kishin martuar. "Para një jave martuan vajzën e madhe në Durrës. Dje ajo duhet të ketë ikur në Itali. Për të gjitha shpenzimet e dasmës së saj u kujdes vetë Urimi. Edhe pse ishte ndarë nga e shoqja, ai vazhdonte t'i ndihmonte financiarisht fëmijët e tij", u shprehën dje fqinjët e familjes së taksistit Urim Begu. Ata treguan dje se lajmin e kishin marrë vesh nga media dhe vetëm më vonë kishin parë gruan, vajzën dhe nënën e tij që dilnin nga apartamenti të veshura me të zeza dhe që po nxitonin të hipnin në një makinë. "Nuk mundëm t'i pyesnim me shumë hollësi, sepse ishin mjaft të mërzitur dhe duke qarë. Por vetëm na thanë që ka vdekur Urimi, por varrimin do e bënin në Dibër, në vendlindjen e tij", treguan komshinjtë.

[Mr Zeid]

Njeri kot nuk nuk te vret, dhe as per pare xhepi .

Keta taksistat malok jane ca femenista, Urimi po i ndar nga gruaja per ndonje dashnore ma mer menia. nuk perjashtohet mundesia te kete ren deshmore per ndonje femer.

Gjithesesi ky eshte vetem nje paragjykim i Mr Zeid dhe paragjykim eshte shume larg te vertetes.

[{A_N_G_E_L_69}]

Njeri kot nuk nuk vret, dhe as per pare xhepi .

Keta taksistat malok jane ca femenista, Urimi po i ndar nga gruaja per ndonje dashnore ma mer menia. nuk perjashtohet mundesia te kete ren deshmore per ndonje femer.

Gjithesesi ky eshte vetem nje paragjykim i Mr Zeid dhe paragjykim eshte shume larg te vertetes.

Nqs esht e verteta kshu sic mendon ti,vrasesi ta gjej problemin te gruaja e vet dhe jo te vrasi dashnorin e gruas.

[{A_N_G_E_L_69}]

Gjendet ora e taksistit të vrarë
E HENË, 18 TETOR 2010 08:04

Burime nga grupi hetimor thanë se automjeti me të cilin punonte 48-vjeçari është parë të lëvizë në fshatrat e Lushnjës, kryesisht në Gradisht. Autori i vrasjes së taksistit dyshohet se i ka ndryshuar targat dhe i ka hequr tabelën e shiritat e taksisë automjetit që i është grabitur gjatë vrasjes, Urim Begut. Këtë fakt e kanë konfirmuar banorët e zonave përreth Lushnjës, të cilët kanë deklaruar në polici se një djalë rreth të 20-ve, i panjohur si banor i zonës, është parë të lëvizë me një makinë me targa të huaja, me ngjyrë të verdhë të hapur, që duket më shumë si ngjyrë qumështi dhe tipi i saj është “Mercedez C Klas”. Të dhënat e automjetit përshtaten me ato të taksisë së Urim Begut. Faktin që makina është parë në lëvizje e kanë konfirmuar rreth 20 dëshmitarë. Personi i fundit që ka dëshmuar në polici, është një gomist në fshatin Gradisht të Lushnjës, i cili ka pohuar se dy ditë më parë, një djalë 20-vjeçar, i cili nga dialekti duket se nuk është banor i zonës, ka shkuar për t’i ndërruar gomat makinës. Këto fakte janë zbuluar pas gjetjes së dokumenteve të makinës, pranë një kanali në Myzeqe. Ndërsa rreth 7 kilometra nga vendi ku u gjetën dokumentet e taksisë, pranë shinave të trenit në fshatin Gradisht, oficerët e kërkimit të Policisë së Kavajës kanë gjetur kartën e identitetit dhe orën e dorës, të cilat i përkasin taksistit Urim Begu. Bashkë me to është gjetur edhe një gëzhojë pistolete, tip “TT”, që dyshohet se i përket armës së përdorur në vrasjen e taksistit. Për këto arsye, dje policia ka vazhduar kërkimet nga toka dhe nga ajri me helikopterë për të gjetur taksinë, që aktualisht dyshohet se po përdoret nga autori i vrasjes, i cili lëviz në fshatrat e Lushnjës.
HETIMET
Në lidhje me motivin e vrasjes së taksistit, grupi hetimor i policisë ka zgjeruar pistat e mundshme, duke lidhur ngjarjen me disa telefonata që taksisti Begu ka marrë natën e krimit. Policia është duke hetuar edhe dinamikën sesi ka lëvizur makina e viktimës natën e krimit. Nga shqyrtimi i këtyre të dhënave, policia ka hedhur dyshime se autorët mund të kenë pasur njohje të mëparshme me taksistin që ra viktimë. Ndërkohë që nuk është gjetur asnjëri prej telefonave që Urim Begu përdorte para se të ekzekutohej. Nga tabulatet është zbuluar se viktima është telefonuar fillimisht nga një numër që i përket një femre, e cila ka kërkuar taksinë për të lëvizur brenda Tiranës. Më pas 48-vjeçari është telefonuar nga dy klientë të tjerë, me të cilët nuk përjashtohet mundësia që viktima të ketë pasur njohje të mëparshme. Nga hetimet e deritanishme ka rezultuar se taksisti Begu ka pranuar ta bëje rrugën Tiranë–Lushnjë vetëm për 20 mijë lekë të vjetër, gjë që sipas policisë hedh dyshime për njohje me autorët. Sipas kolegëve të tij, Urim Begu për njerëz të panjohur nuk do ta bënte asnjëherë një rrugë aq të gjatë vetëm për 20 mijë lekë të vjetër.