Udha e Kryqit, në Kishen Katolike çdo të Premte!

[toni77_toni]

T’ adhurojmë, o Krishtit, e të bekojmë;
Pse me kryqin tënd të shenjtë e shpërbleve botën mbarë!

Eja i dashuri im se do ta tregoj udhën e kryqit tim. Do të shohësh se sa te kam dashur, aq sa kam derdhur gjakun tim deri në pikën e fundit për të shëlbuar ty. Mbas takimit me kryepriftërinj, më rrahën dhe më hodhën në burg, në një humnerë të pa fund, ishte errësirë e madhe dhe lagështim.

Gjithë qenia ime po dridhej nga të rrahurit. Mbas gjitha këto, shpirti im hyri në një vetmi aq të fortë sa që e ndieja vetën të braktisur prej të gjithëve. E ndieja se Nëna ime po lutej dhe e ndieja praninë e saj, pothuajse më përqafoi dhe më tha: “Ja, Biri im, unë jam me ty”. Kjo më ngushëlloi e më dha forcë që ta pranoj vullnesën e Atit tim. Amen.


vazhdon-->

[toni77_toni]

"Mëso nga unë që të kesh mëshirë edhe kur të gjykojnë padrejtësisht"!

Të ndalurit e - I - rë

Jezusin e gjykojnë për vdekje



V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.


Mbasi më rrahën, dhe më kryqëzën me ferra, më nxorën para popullit në pallatin e Pilatit, çdo lëvizje e madhe më shkaktonte dhimbje të madhe. Me dhembshuri e shikova popullin që po kërkonte vdekjen time. Ata që i shërova dhe i lirova nga prangat e djallit po kërkojnë të më kryqëzojnë. Kërkuan të lirohet ujku, kurse Bariun e tyre kërkuan që të vritet. Unë kisha mundësi që ti shfaros me një veprim, dhe ja në mes të turmës pashë Nënën time që po vajtonte. Harrova gjithçka për momentin, mbeta vetëm Unë dhe Ajo. Shikimi i Nënës sime më tha: “Ki mëshirë për ta, është vullnesa e Atit”. Dhe ja u sakrifikova për ata që më urrenin.

Mëso nga unë që të kesh mëshirë edhe kur të gjykojnë padrejtësisht se kështu do të jesh i imi (e imja).


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.


Mëshirë, o Zot, për ne. Mëshirë për ne.


vazhdon-->

[toni77_toni]

"Merre edhe ti kryqin që Ati im ta ka dhuruar"!

Të ndalurit e - II - të

Jezusin e ngarkojnë me Kryq


V. T’ adhurojmë, o Krishti, e të bekojmë
R. Pse me kryqin tënd të shenjtë e shpërbleve botën mbarë.


Mëshirë për ne. Mbasi më dënuan për vdekje më vunë kryqin në krah. Ishte i rëndë dhe i ashpër, aq sa më hapi varrë në krah dhe mi ngulën ferrat e kurorës thellë në kokën time. Krejt qenia ime u dridh nga dhimbjet...Mu kujtua vështrimi i ëmbël i Nënës sime. Kjo më dha forcë dhe u nisa për të kryer vullnetin e Atit tim.

Merre edhe ti kryqin që Ati im ta ka dhuruar dhe eja pas gjurmëve të mia. Së bashku të forcuar nga Nëna ime të vazhdojmë udhën e kryqit.


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.

Mëshirë, o Zot, për ne.


vazhdon-->

[toni77_toni]

"!Kur të biesh mos qëndro aty, kujtoje shembullin tim, ngrihu dhe eja pas meje

Të ndalurit e - III - të

Jezusi bie për të parën herë nën Kryq


V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.


Pasi u nisa nuk shkova larg dhe rashë nën kryq mbi gurë dhe pluhur. Varret u hapen përsëri dhe filluan të rrjedhin gjak. Mbi të gjitha këto ishin edhe kamxhiku i ushtareve të cilët po përdorin pa mëshirë. Mendova se s'mundem të vazhdoj më, dhe ja mu kujtua shikimi i Nënës sime, kjo më dha forcë dhe u ngrita.

Kur të biesh mos qëndro aty, kujtoje shembullin tim, ngrihu dhe eja pas meje!


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.

Mëshirë, o Zot, për ne. Mëshirë për ne.


vazhdon-->

[toni77_toni]

"Mos ki frikë të ecësh gjurmëve të mia"!

Të ndalurit e - IV - të

Jezusi takon Nënën e vet

V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.


Kisha një dëshirë të madhe ta takoja Nënën time, dhe ja, si një trimëresh e madhe mu afrua. S'kisha fuqi për të folur, por shikimet tona takuan dhe u kuptuam në heshtje sepse ishim një mëndje e një zëmër për të kryer vullnetin e Atit. Mbas rrëzimit, për mua ishte një ngushëllim i madh ishte takimi me Nënën time, për të vazhduar udhën drejt Kalvarit...

Mos ki frikë të ecësh gjurmëve të mia se do ta dërgoj Shpirtin e Shenjt për të të ngushëlluar dhe për të të dhënë forcë ta vazhdosh në përvujtëri udhën e kryqit tënd.


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.

Mëshirë, o Zot, për ne. Mëshirë për ne.


vazhdon-->

[toni77_toni]

"O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd"!

Të ndalurit e - V - të
Jezusi ndihmuar prej Cireneut


V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.


Takimi i Nënës solli edhe një ngushëllim tjetër, dhe ja e prunë Simonin që të më ndihmojë për të mbajtur kryqin, sepse kishin frikë se s'kam për të arritur në Kalvar. E pranova ndihmën e tij duke e treguar dobësinë time se s'mundem për të dhënë ty shembull që edhe ti ta pranosh ndihmën e të tjerëve veçanërisht kur ata e bëjnë sepse janë të detyruar e jo pse të duan. Të pranosh këtë është një përvujtëri dhe kështu do t‘ më gëzosh mua.


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.


Mëshirë, o Zot, për ne. Mëshirë për ne.

vazhdon-->

[toni77_toni]

"Merre shembullin e kësaj trimëreshe tregohu guximtar"!

Të ndalurit VI
Veronika ia fshin fytyrën Jezusit


V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.


Duke vazhduar rrugën pasi me la Simoni, të nxehtit po më mundonte shumë, isha djersitur dhe fytyra ime ishte e mbuluar me gjak dhe djersë, sytë më ishin mbuluar dhe kisha vështirësi të shoh rrugën. O sa dëshirova me e fshi fytyrën time por me çka? Dhe ja, Veronika si trimëreshë mu afrua dhe me velin e saj ma fshiu fytyrën time me aq dashuri... dashuria e saj ishte aq e zjarrtë sa që e rrezikoj vetën për mua. Dhe si shpërblim ia lash imazhin e fytyrës time në velin e saj.

Merre shembullin e kësaj trimëreshe tregohu guximtar / e dhe ma fshij fytyrën time në Vëllezër dhe Motrat e tua pa e marrë parasysh çka thonë të tjerët, se Unë do të shpërblej, do ta lë imazhin tim. Jo si ia lash Veronikës në velin e saj, do ta lë në shpirtin tënd në fytyrën tënde dhe të gjithë do ta shohin se je i imi (e imja).


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.


Mëshirë, o Zot, për ne. Mëshirë për ne.

vazhdon-->

[toni77_toni]

"Që të jap shembull ty e lejova vetën me ra përsëri"!

Të ndalurit VII
Jezusi bie të dytën herë nën kryq

V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.


Ja mbas tri ngushëllimeve rashë përsëri nënë kryq. Isha aq i lodhur ku krejt qenia ime po më dhembte. Ushtarët u tërbuan, filluan të bërtisnin, të bien me kamxhik, mbi gjithë këtë urrejtje, atëherë mu kujtua fytyra e Nënës time të pikëlluar që më dashuri të ëmbël më thoshte çohu Biri im edhe pak se arrite. Kjo më dha fuqi të qohesha dhe të vazhdoja rrugën.


Që të jap shembull ty e lejova vetën me ra përsëri, që mbas ngushëllimeve do të lejoj që të biesh që mos të krenohesh por të rritësh në përvujtëri sepse në përvujtëri do të jesh i/e sigurt se do t‘ më pëlqesh Mua.



O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.

Mëshirë, o Zot, për ne.Mëshirë për ne.

[toni77_toni]

"Mëso që të harrosh vetveten dhe vuajtjet tua"!

Të ndalurit e - VIII - të
Jezusi ngushëllon gratë


V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.


Duke vazhduar ecjen time plot dhimbje mbas rënies nën kryq, takova disa gra me fëmijët e tyre duke qajtur e vajtuar për mua. Pata dhembshuri për to se ishin të pafajshme dhe më donin, doja të kaloja por mu dhimbsën dhe ju thashë: "mos me vajtoni mua o bijat e Jerusalemit edhe pse pamja ime është për vajtim, por vajtoni bijtë tuaj të cilët po e kryqëzojnë shëlbuesin e tyre. Për mua është vullnesa e Atit dhe e pranoj sepse ju dua".

Mëso që të harrosh vetveten dhe vuajtjet tua për të treguar të tjerët dhe kështu do t‘ më pëlqesh mua.


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.


Mëshirë, o Zot, për ne. Mëshirë për ne


vazhdon-->

[toni77_toni]

" Kur të krenohesh se ia arrite qëllimit do të lejoj që të biesh"!

Të ndalurit e - IX -të
Jezusi bie për të tretën herë nën kryq


V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.



Tani s'kisha shumë që të arrij, dhe ja mu kujtua vuajtja që do të pësoja kur të arrij. Më ra të fikët dhe rashë, kisha derdhur shumë gjak, kisha një etje të madhe, djalli i fortë mi mori mëndet dhe rashë. Të gjithë menduan se mbarova, por më ngriti dashuria e Nënës sime. Të gjithë u habitën kur u çova, mora kryqin që ma kishin hequr dhe vazhdova.

Përsëri e lejova vetën të bie për të dhen ty shembull në përvujtëri. Kur të krenohesh se ia arrite qëllimit do të lejoj që të biesh. Sikur për mua, të gjithë do të befasohen: «ti që ishe aq afër qëllimit rave kaq keq. Në sytë të botës është një tragjedi e madhe, por më sytë të mi është fitorja ma e madhe. Por merre shembullin tim e çohu përsëri dhe vazhdo në përvujtëri e dashuri se kështu do t‘ më pëlqesh mua.



O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.

Mëshirë, o Zot, për ne. Mëshirë për ne

[toni77_toni]

"Dëshiroj që të zhvishesh prej gjithçkaje që nuk është e imja në ty"!

Të ndalurit e - X - të
Jezusin e zhveshin


V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.




Ja më në fund arrita, ma hoqën kryqin dhe me një herë filloi tortura e tmerrshme: me një ashpërsi filluan të më heqin tunikën të cilën Nëna ime e kishte qepur me aq dashuri. Ishte ngjitur në varret e përgjakura që kisha në trup. Ndërsa po ma hiqnin, mishi po hiqej më të dhe varret u hapën përsëri, filluan të rrjedhin gjak... për ta duruar këtë ashpërsi me të cilën po më zhveshin, mu kujtua butësia dhe dashuria e Nënës sime kur më vishtë e më zhvishte.

Durova gjithçka për dashurinë tënde dhe për të dhen shembull. Dëshiroj që të zhvishesh prej gjithçkaje që nuk është e imja në ty. Kjo kërkon përvujtëri, dashuri, durim në mënyrë heroike.


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.


Mëshirë, o Zot, për ne. Mëshirë për ne

[toni77_toni]

"I shtriva duart e mia për tu gozhduar që ti mbroj të tuat nga mëkati"!

Të ndalurit e - XI - të
Jezusin e kryqëzojnë



V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.


Pasi më zhveshën më shtrin mbi kryq, mi shtrinë duart dhe këmbët për t‘ mi gozhduar. Mu kujtua grazhdi në të cilin më vendosi Nëna kur linda, por këtu jam mbi kryq dhe në vend të dashurisë të Nënës sime, ishte urrejtja dhe ashpërsia e ushtareve. Në vend të Nënës që më puthte me plot dashuri duart dhe këmbët e mia tani janë gozhdët e ashpra që më shporonin duart dhe këmbët.

Të gjitha këto vuajtje i durova për dashurinë tënde. I shtriva duart e mia për tu gozhduar që ti mbroj të tuat nga mëkati, i shtriva këmbët e mia për tu gozhduar që ti mbroj të tuat nga mëkati dhe të ecësh gjithmonë gjurmëve të mia. Kështu do t‘ më pëlqesh mua.


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.

Mëshirë, o Zot, për ne. Mëshirë për ne

[Matrix]

Lavdi Ty o Zot i zemerdhembshur, lavdi Ty!

[Matrix]

O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.

Ja sa i mire eshte Zoti yne!
Ai Vete u ofrua per ne qe ne ta ofrojme Ate si demshperblim per mekatet tona. Cfare demshperblimi ne mund t'i ofronim tjeter drejtesise se Tij? A do mundeshim ne ndonjehere qe te demshperblenim mekatet tona? Kurren e Kurres! Megjithate, vete Ati e solli Birin e Tij qe ne ta ofrojme kete Bir per te demshperblyer mekatet tona.
I madh je o Zot dhe te mrekullueshme jane veprat e Tua, dhe asnje fjale nuk mjafton per te lavderuar gjithe cudite e Tua!

[toni77_toni]

Kisha u formua, Eukaristinë e dhurova, Nënën time jua dhashë.

Të ndalurit XII
Jezusi vdes në kryq



V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.



Pasi më mbërthyen mirë në kryq, më ngritën lartë. Çdo lëvizje më shkaktoi dhimbje të tmerrshme sa që dyshova në dashurinë e Atit dhe e shpreha duke thënë: «Ati im, përse hoqe dorë prej meje...!» Dhe ja, pash Nënën time me apostullin tim të dashur. Harrova vetën përsëri për të siguruar Nënën time, të njëjtën kohë për t'ju dhënë Nënën apostujve të cilët kishin mbetur jetimë, thash: «Grua, qe biri yt! Qe Nëna jote». Me kaq ia dorëzova shpirtin tim Atit duke thënë: «E kreva vullnesën tënde për të cilën më dërgove».

Shiko mu deshtë të vdes për të dhen fryt. Dhe ja pas vdekjes time ma shporuan zëmrën time, dhe me një herë shpërtheu jeta e re... Kisha u formua, Eukaristinë e dhurova, Nënën time jua dhashë.


Që pra vetëm kur të vdesësh nga gjithçka, madje edhe nga vetvetja atëherë do të kesh një jetë të re dhe do të japësh fryte.



O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.

Mëshirë, o Zot, për ne. Mëshirë për ne

[toni77_toni]

Kurrë mos lejo që trupi të jetë pengesë për shpirtin tënd!

Të ndalurit XIII
Jezusin e ulin nga kryqi


V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.


Ja me një herë ika për t’i liruar të drejtët që ishin në errësirë, t'ju tregoja se dera e parrisit u hap përsëri. Ndërsa Nëna ime e dashur më të tjerët u kujdesën për trupin tim.

Dëgjo! Kurrë mos lejo që trupi të jetë pengesë për shpirtin tënd. Shpirti duhet të jetë i lirë për të kryer vullnetin e Atit tim dhe kështu do t‘më pëlqesh mua.


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.


Mëshirë, o Zot, për ne. Mëshirë për ne

[toni77_toni]

"Të besosh edhe atëherë kur të duket se gjithçka ka mbaruar"

Të ndalurit XIV
Jezusin e varrosin


V. T’ adhurojmë, o Krishtit, e të bekojmë
R. Pse me kryqin tënd të shenjtë e shpërbleve botën mbarë.


Ndërsa unë po u predikoja atyre në errësirë për Ringjalljen dhe jetën e pasosur, Nëna ime bashkë me të tjerët po më përgatisnin për varrim sikurse do qëndroja për jetë aty brenda. Vetëm Nëna ime besonte dhe shpresonte në Ringjalljen time, sepse Ajo nuk erdhi pas tri ditësh për të më lyer trupin tim me erëra të mira sikurse Maria Magdalenë me shoqet e saja.

Feja e Nënës sime është një shembull për ty që edhe ti të besosh edhe atëherë kur të duket se gjithçka ka mbaruar, e s'ka shpresë për ty. Beso dhe do ta shohësh se çka do të bëj për ty dhe në ty


O Atë i amshueshëm, po ta kushtojmë Korpin dhe gjakun, Shpirtin dhe Hyjninë e Birit Tënd tejet të dashur Zotit tonë Jezu Krishtit, si dëmshpërblim për mëkatet tona dhe të mbarë botës.


Mëshirë, o Zot, për ne. Mëshirë për ne

[toni77_toni]

"Duhet që edhe unë ta marrë kryqin tim e të eci gjurmëve të tua me dashuri"

Të falënderoj o Jezusi im për gjithçka që ke bërë për mua, për të gjitha vuajtjet që ke pësuar për dashurinë time. Po, o Jezusi im, për me qenë nxënësi yt (nxënësja jote), më duhet që edhe unë ta marrë kryqin tim e të eci gjurmëve të tua me dashuri, se vetëm atëherë do të jam shërbëtorë i vërtet. Amen


Ati ynë, që je në qiell,
u shenjtëroftë emri yt,
ardhtë Mbretëria jote,
u bëftë vullnesa jote:
si në qiell, ashtu në tokë!
– Bukën tonë të përditshme
na e jep sot.
Na i fal fajet tona,
si i falim ne fajtorët tanë.
E mos na lër të biem në tundim,
por na liro nga i Keqi.
Amen.