Zgjedhjet per pushtetin vendor ne Kosove mbahen ne 15 nentor 2009

[Guri i Kuq]

Tashme eshte krejtesisht e qarte se 1.450.000 shtetas kosovare me 15 nentor te ketij viti do te kene rastin qe te zgjedhin kryetaret e komunave dhe anetaret e kuvendeve komunale ne 38 komuna,sa mendohet se do te organizohen zgjedhjet.
Keto zgjedhje jane te parat qe organizohen ne Republiken e Kosoves,pas shpalljes se pavaresise se saj me 17.2.2008.Gjithashtu,jane te parat zgjedhje sipas legjislacionit kosovar dhe ne organizim te strukturave vendore,pushtetit kosovar.
Keto zgjedhje jane sprova e pare e madhe e pushtetit te qeverisur nga koalicioni PDK dhe LDK,te cilat qeverisin ne nivel qendror qe nga janari i vitit 2008.Karakteristike e te gjitha zgjedhjeve te deritashme te organizuara pas vitit 1999,eshte se jane organizuar nga OSBE dhe kane gezuar epitetin e zgjedhjeve shume korrekte dhe jane pranuar nga te gjitha partite politike pjesemarrese ne to.
Ne zgjedhjet e para lokale te organizuara ne tetor te vitit 2000,fituese apsolute e tyre ishte LDK e udhehequr nga Dr. Ibrahim Rugova.Ne keto zgjedhje paten marre pjese edhe disa parti te minoritetit serbe te cilat paten fituar pushtetin vendor ne Leposaviq,Shterce e Zvecan dhe paten fituar vende ne shume asamble komunale te qyteteve te Kosoves.
Zgjedhjet e para ne nivel qendror ,per Kuvendin e Kosoves te organizuara sipas Kornizes kushtetuese te majit 2001,u paten mbajte ne tetor te vitit 2001.
Risi e zgjedhjeve te sivjeme eshte edhe mbajtja e tyre ne pilot-komunat e reja te Hanit te Elezit,Junikut dhe Mamushes,fshat i mioritetit turqeli ne rrethinen e Prizrenit.Poashtu,do te duhej te organizohen zgjedhjet edhe ne Gracanice,Mitrovice te Veriut dhe Partesh,komuna keto qe pritet te formohen sipas Pakos se Ahtisarit,te banuara kryesisht me serbe lokal.Nuk dihet se a do te mbahen ne keto komuna te reja serbe,sepse keto vendbanime e kane kushtezuar pjesemarrjen ne to me shume kushte te cilat kerkojne kohe per tu permbushur dhe sipas te gjitha gjasave,ato do te votojne me vone kur te krijohen kushtet.
Sipas Ligjit per Zgjedhjet Lokale,cdo komune eshte nje njesi zgjedhore me shume qendra te votimit dhe qindra vendvotime.Ne nje vendvotim, votojne deri 950 qytetare(Udhezimi i fundit i KQZ-se).Cdo vendvotim ka nje komision, i cili organizon procesin e votimit,i perbere nga perfaqesues te te gjitha subjekteve politike te cilat ne zgjedhjet e fundit kane marre pjese ne zgjedhje.Ne keto vendvotime behet edhe numrimi i votave,nenshkrimi i procesverbaleve dhe i tere puneve tjera qe i perkete menaxhimit te vendvotimit.Ne nivel te Qendres se votimit,ka nje menaxher i qendres i cili eshte pergjegjes per mirevjtjen e procesit zgjedhor per te gjitha vendvotimet e asaj Qendre.Ne nivel komune,vepron nje Komision komunal zgjedhor i perbere nga perfaqesues te te gjitha partive politike qe garojne per vende ne Kuvend dhe per kryetar te komunes.Per anetaret e kuvendeve komunale,sistemi zgjedhor eshte proporcional i paster,ndersa per postin e kryetarit te komunes sistemi zgjedhor eshte mazhoritar i paster.Per kryetar fiton ai qe sigurone mbeshtetjen e 50 per qind plus nje vote te vlefshme,pa marre parasysh perqindjen e daljes se qyetatreve ne zgjedhje.Qe nga keto zgjedhje,mandati i kryetareve te komunave eshte kater vjecare me te drejte rizgjedhjeje edhe nje here.
Fushata parazgjedhore,sipas Ligjit zgjate 30 dite,cka do te thot se ajo zyrtarisht do te filloje me 14 tetor dhe do te perfundoje me 13 nentor ne ora 24 te ketij viti.
Numri i anetareve te kuvendeve te komunave varet nga numri qytareve qe jetojne ne to.Perjashtim bene kryeqyteti Prishtina,kuvendi i te cilit ka 51 anetare.
Nga 41 anetare kane kuvendet komunale te Prizrenit,Pejes,Mitrovices,Gjilanit,Ferizajit,Gjak oves,Podujeves etj.
Sot ne oret e mbremjes perfundon afati i paraqitjes se kandidaturave te mundeshme per kryetar komunash dhe anetare te kuvendeve komunale,kandidatura keto qe i nenshtrohen nje verifikimi nga ana e KQZ dhe strukturave tjera te parapara me ligj dhe cdo kandidature duhet te certifikohet para se te dilet ne zgjedhje.
Te nderuar forumiste,qellimi i hapjes se kesaj teme eshte te diskutojme per kandidaturat,per problemet reale te cdo mjedisi,personalitetet dhe programet e ofruara ,te metat e gjithsejcilit qe konkuron dhe profilin e cdo kandidati potencial per kryetar komunash.
Nuk besoj se duhet nenvizuar fakti se me legjislacionin aktual,kryetaret e komunave jane pushtetar te mirefillte me pergjegjesi te plota ne nje komune dhe jeta e perditeshme,cilesia e saj do te varen shume,shume nga ata qe do te fitojne besimin tone kete radhe.
Diskutim te mbare !

[Guri i Kuq]

T`ia fillojme me prezantimin e kandidaturave per kryetare komunash per te gjitha partite konkuruese;
-----
LDD shpall kandidaturat për kryetarë të komunave
Prishtinë, 5 shtator - Këshilli Kombëtar i LDD-së në mbledhjen e kryesuar nga kryetari Nexhat Daci u ka dhënë mbështetje propozimeve për kandidatë të LDD-së për kryetar të komunave, ndërsa ka mirëpritur anëtarin e ri të kryesisë prof. dr. Gazmend Qorrajn. Në këtë takim u vlerësua se LDD-ja me formacioni e përbërë nga profesionist të dëshmuar të fushave të ndryshme, është bindur në plotëni se do të ketë mbështetje dhe rritje absolute te elektorati i saj. “LDD edhe njëherë dëshmoi se po ecën drejt rritës së saj, në saje të bashkëpunimit të shkëlqyeshëm të të gjitha strukturave të partisë në vend dhe në diasporën shqiptare”, u tha në mbledhjen e Këshillit Kombëtarë të LDD-së. Emrat e kandidatëve të LDD-së për kryetar të Komunave: Prizren - Ruzhdi Rexha (akademia ushtarake), Pejë - Elmi Berisha (magjistër i ekonomisë), Viti - Sokol Haliti (inxhinier i bujqësisë), Vushtrri - Halil Kuqi – profesor, Deçan - Ismet Hulaj (ekonomist), Istog - Rifat Osmani - inxh. i elektroteknikës, Klinë - Zenun Zeqa – Jurist, Skenderaj - Fadil Geci - magjistër i shkencave juridike, Suharekë - Muhamet Bajraktari – profesor, Junik - Shpejtim Gacaferri - inxhinier i ndërtimtarisë, Shtime - Enver Ademi - mjek pediatër, Ferizaj - Milazim Haliti – Jurist. Gjilan - Jashar Ramadani - mjek specialist, Kamenicë - Nexhmije Kallaba dhe Shtërpcë - Tefik Islami.

--------
ADK:Rexhep Osmani kandidat për Prishtinën
Ish-ministri i Arsimit, Shkencës dhe Teknologjisë, Rexhep Osmani, ka marrë besimin e Alternativës Demokratike të Kosovës (ADK) për t'u kandiduar për kryetarë të komunës së Prishtinës në zgjedhjet lokale të 15 nëntorit.

Kryetarja e Alternativës Demokratike të Kosovës, Edita Tahiri, të martën gjatë një konference për media tha se ADK-ja duke besuar se kryeqytetit i duhet një lider, i cili din të marrë vendime dhe ato t'i bëjë realitet, ka vendosur që Rexhep Osmani të jetë kandidat për kryetar në zgjedhjet e nëntorit.

Tahiri u shpreh se me Rexhep Osmanin, Prishtina do të jetë moderne, duke e vlerësuar atë si njeri me vizione shtet-formuese dhe ideale të qarta kombëtare.

-------
A do të mbahen zgjedhjet në 38 komuna? Përfaqësuesit e Komisionit Qendror Zgjedhor, thonë se zgjedhjet lokale do të organizohen në të gjitha komunat, përfshirë edhe ato të rejat. Megjithatë, kjo çështje mbetet e diskutueshme.
Përgatitjet për mbajtjen e zgjedhjeve janë duke u bërë për 38 komuna, duke përfshirë edhe veriun e Kosovës, thotë Fehmi Ajvazi, zëdhënës i KQZ-së.“Komisioni Qendror Zgjedhor, sipas planit të paraparë të fushatës zgjedhore dhe të të gjithë procesit zgjedhor, parasheh që zgjedhjet të organizohen në teërë territorin e Kosovës". "Realisht, kjo do të thotë se përgatitjet bëhen për 38 komuna, përfshirë edhe komunat që janë të parapara me Pakon e Ahtisarit. Se si do të rrjedhë procesi, do të shohim; çështja e themelimit të komunave të reja është një çështje institucionale që ju takon mekanizmave qeverisëse”, thotë Ajvazi.

Përgatitjet po bëhen në të gjitha komunat dhe janë formuar edhe disa komisione komunale zgjedhore, shprehet Ajvazi. “Interesi i Komisionit Qendror të Zgjedhjeve është që ta realizojë programin sipas afateve të parapara. Kontaktet janë, ka të nominuar persona, të cilët do të merreshin me këtë çështje dhe të shohim si po rrjedh procesi”, shpjegon Ajvazi.

Por, zyrtarët e Ministrisë së Pushtetit Lokal, shprehen të jenë skeptikë sa i takon asaj se a do të ketë zgjedhje lokale në veri të Kosovës dhe në komunat e reja, që janë formuar në bazë të procesit të decentralizimit. Zëvendësministri i Pushtetit Lokal, Shpend Tërdeva, pohon se mbajtja e zgjedhjeve lokale në veri të Kosovës mbetet çështje e zhvillimeve politike. “Formula politike është duke u zhvilluar dhe për pak kohë do të dihet gjithçka. Ministria e Pushtetit Lokal i ka bërë të gjitha përgatitjet, si për Mitrovicën, si për jugun, si për të gjithë. Ne e kemi kryer punën tonë, por mbetet çështje e zhvillimeve politike se a do të zhvillohen apo nuk do të zhvillohen”, u shpreh Tërdeva. Zyrtarë të MPL-së, kohë më parë kanë bërë të ditur se deri më tash kanë arritur që t’i formojnë ekipet përgatitore në tri komuna të reja: Kllokot, Graçanicë dhe Ranillugë, por jo edhe në Partesh, Novobërdë dhe në Mitrovicën e Veriut.

Zoti Tërdeva nga MPL, megjithatë thotë se, sa i takon punës së tyre, zgjedhjet mund të mbahen edhe në veri të Mitrovicës, por, siç shprehet ai, çështja mbetet në vullnetin e vetë banorëve atje dhe vlerësimeve të lidershipit të Kosovës.

Sidoqoftë, sipas zyrtarëve të KQZ-së, në zgjedhjet e 15 nëntorit do të marrin pjesë edhe partitë politike serbe dhe të komuniteteve të tjera që veprojnë në Kosovë. “Shtatë subjekte boshnjake, gjashtë subjekte serbe dhe nga një të komuniteteve të tjera. Ky numër në ndërkohë është rritur; si Iniciativa Qytetare, por qoftë edhe si kandidatë të pavarur, numri është rritur. KQZ-ja, në mbledhjen e vet ka certifikuar dy subjekte qytetare të komunitetit serb”, thotë Ajvazi.

Ndërkaq, analistët politikë kanë thënë se për mbajtjen e zgjedhjeve lokale edhe në veri të Mitrovicës, Qeveria, së pari, duhet të shtrijë autoritetin e saj atje, të formojë komunën në atë pjesë të qytetit dhe më pas edhe të ketë mbarëvajtje të procesit zgjedhor.
--------


AKR-ja me program që zgjidh hallet e qytetarëve
Dafina Xhemaj
Programi i AKR-së është program që zgjidh hallet e qytetarëve, ndërkohë që nuk ka hezituar që edhe kësaj radhe Behgjet Pacolli ka ofruar shifra për hapjen e vendeve të punës, duke thënë se gjatë periudhës së ardhshme katër vjeçare AKR do të krijojë minimumi 72 mijë vende të reja pune.Aleanca Kosova e Re ka prezantuar kandidatët për 17 komuna për zgjedhjet lokale të 15 nëntorit, ndërkohë që fokus të veçantë i është kushtuar komunës së Mitrovicës në të cilën garon me Nexhmedin Spahiun, i cili në zgjedhjet e fundit ka qenë i treti për nga votat, por kësaj radhe kreu i AKR-së Behgjet Pacolli është i bindur në fitoren në Mitrovicë dhe zgjidhjen përfundimtare të problemit në këtë pjesë të Kosovës

Kandidatë të AKR-së për kryetarë komunash janë: Vegim Gashi për Prishtinë, Mimoza Kusari - Lila për Gjakovë, Naim Ferati për Ferizaj, Omer Daku për Gjilan, Nexhmedin Spahiu për Mitrovicë, Banush Bytyqi për Lipjan, Afrim Loku për Kaçanik, Alban Kastrati për Malishevë, Ramadan Mehmeti për Novobërdë, Feim Tefiku për Dragash, Ramadan Basha për Dardanë, Rexhep Oruqi për Rahovec, Mehmet Mazreku për Mamushë, Ali Kasumi për Junik, Hasan Maxhuni për Fushë Kosovë, Hamdi Tovërlani për Obiliq dhe Ejup Visoka për Besianë, si kandidat i përbashkët i AKR-së me Iniciativën Qytetare.

...............

[drenicaku]

Qyre ne zgjidhje
Po nuk pshurr kush ma ne zgjidhje,o shoki jem,nuk kan kan me zgjedh keshte e kan gjet rrugen me te mire mos me dal hiq.

[Llapi]

Kandidatët e propozuar nga degët e LDK-së:
1. Prishtinë, Isa Mustafa
2. Gjilan, Fatmir Rexhepi
3. Ferizaj, Faik Grainca
4. Prizren, Hanefi Muharremi
5. Gjakovë, Fehmi Vula
6. Pejë, Agim Bërdynaj
7. Istog, Fadil Ferati
8. Mitrovicë, Mursel Ibrahimi
9. Podujevë, Agim Veliu
10. Vushtrri, Ibush Jonuzi
11. Klinë, Fadil Gashi
12. Deçan, Mehmet Bojkaj
13. Junik, Tahir Isufi
14. Dragash, Halim Shemsedini
15. Suharekë, Sali Asllanaj
16. Malishevë, Jonuz Kastrati
17. Viti, Musa Misini
18. Kamenicë, Shaip Surdulli
19. Rahovec, Ibrahim Kryeziu
20. Fushë-Kosovë, Burim Berisha
21. Obiliq, Mehmet Krasniqi
22. Kaçanik, Lulzim Demaj
23. Hani i Elezit, Muzafer Demjani
24. Lipjan, Imri Hamiti
25. Shtime, Ismajl Hasani
26. Novo Bërdë, Bajrush Ymeri.

[Llapi]

LDD: Lista e kandidatëve për kryetarë të komunave


Kandidatët e LDD-së për kryetar komunash janë:

Ruzhdi Rexha - Prizren,
Elmi Berisha - Pejë,
Sokol Haliti - Viti,
Halil Kuqi - Vushtrri,
Ismet Hulaj - Deçan,
Rifat Osmani - Burim,
Zenun Zeqa - Klinë,
Fadil Geci - Skenderaj,
Muhamet Bajraktari - Therandë,
Shpejtim Gacaferi - Junik,
Enver Ademi - Shtime,
Milazim Haliti - Ferizaj,
Jashar Ramadani - Gjilan,
Nexhmije Kallaba - Kamenicë dhe
Tefik Islami - Shtërpcë.

Në disa prej këtyre komunave LDD do ta ketë edhe përkrahjen e AKR-së me të cilën kanë lidhur koalicion. /rtv21/

Postuar: 17:07 / 15 Shtator 2009 | RSS

[Llapi]

AKR prezanton kandidatët


1. Prishtinë AKR - Vegim Gashi
2. Gjakovë AKR - Mimoza Kusari-Lila
3. Ferizaj AKR - Naim Ferati
4. Gjilan AKR - Omer Daku
5. Mitrovicë AKR - Nexhmedin Spahiu
6. Lipjan AKR - Banush Bytyqi
7. Kaçanik AKR - Afrim Loku
8. Malishevë AKR - Alban Kastrati
9. Novobërdë AKR - Ramadan Mehmeti
10. Dragash AKR - Feim Tefiku
11. Kamenicë AKR - Ramadan Basha
12. Rahovec AKR - Rexhep Oruqi
13. Mamushë AKR - Mehmet Mazrek
14. Junik AKR - Ali Kasumi
15. Fushë Kosovë AKR - Hasan Maxhuni
16. Obiliq AKR - Hamdi Toverlani
17. Podujevë AKR - Ejup Visoka (kandidat i përbashkët me Iniciativën qytetare)

[Llapi]

Rexhep Osmani, kandidat i ADK-së në Prishtinë


Nga Express më 15.09.2009 në ora 15:35

Alternativa Demokratike e Kosovës (ADK), sot shpalli zyrtarisht kandidatin e saj për kryetar të Komunës së Prishtinës, Rexhep Osmanin, i cili nuk arriti të marrë mbështetjen e LDK-së për të garuar për këtë post.

[Llapi]

Besnik Tahiri kandidat i AAK’së për Prishtinën

[Llapi]

Zgjedhjet e nëntorit - fitore e PDK-së

Enjte, 03 Shtator 2009 19:33

Koalicioni me LDK-në, si imponim i kohës, është i vetmi faktor që e ka zbehë autoritetin e PDK-së. Me ketë nuk dua të them se PDK është ideale dhe pa gabime, por në krahasim me partitë tjera, është me shumë përparësi.

Përparësitë e saj që do t'i sjellin fitore janë shumë, por unë do t'i përmendi disa.

Kohezioni i brendshëm i kësaj partie është i padiskutueshëm. Deri më sot është partia më e mobilizuar përbrenda. Lideri i saj, kryeministri aktual i Kosovës, në zgjedhjet e kaluara ishte i vetmi udhëheqës që kishte mbi 100 mijë vota. Kjo parti nuk i ka fituar zgjedhjet e kaluara duke i sharë e fyer liderët e partive tjera, as programet e tyre. Nga vendi i opozitës ishte aq konstruktive, sa që lente përshtypjen e një parie të pjekur, dhe kjo padyshim kishte çmimin e saj që u barazua me fitore



Hamdi Thaçi



"Infopress" po bëhet një tribunë e mendimit të lirë ose thënë në fjalorin bashkëkohor po bëhet një tribunë e mendimit ndryshe. Tema me debatet që po vazhdon për një kohë të gjatë, e që po dëshmon rolin e një gazete e cila është jashtë kornizave partiake, për të cilën gjë është "akuzuar" një kohë të gjatë. Kjo gazetë po dëshmohet si një tribunë e hapur, ku mund të prezantohen edhe idetë e më të vegjëlve dhe shpeshherë edhe të atyre me profile të ngushta partiake, në një kohë që po trajtohet çështja e fitoreve në zgjedhjet e ardhshme lokale. Mundësia që iu ka dhënë edhe atyre me dimensione të ngushta partiake, për lëvdata e përurime vetanake, tribunën e ka pasuruar, duke profilizuar si një tribunë për të gjithë.

Sado që debati i tashëm ka të bëjë me zgjedhjet lokale që do mbahen në Kosovë, janë dy çështje të pandashme që vetvetiu lidhën me këtë temë: profilizimi i partive që do të garojnë në zgjedhjet e ardhshme dhe roli historik i këtyre partive në këto dhjetë vitet e fundit. Roli i mëhershëm i partive të formuara në Kosovë ishte më tepër propagandistik se sa i një rëndësie politike.

Kur është fjala të profilizimi i djathtë - i majtë, sot të gjitha partitë që nuk kanë ndonjë rol në skenën politike të Kosovës, përpiqen që ngjyrimin politik ta identifikojnë si të djathtë, me shpresë së do të marrin më shumë vota. Duke nënshkruar marrëveshje e deklarata me partitë vërtetë të djathta, shpresojnë të fitojnë elektorat që do t'u jepte votën. Ky është një gabim i partive të cilat kanë lider dhe lidership miopë politik. Autoriteti i një partie nuk ngritët as me fyerje të tjerëve, as me lëvdata mbi veten. Autoriteti i një partie qëndron në faktin se çfarë programi ka dhe sa e zbaton atë. Të ekzaltuar me fitoren e PD-së të Shqipërisë, shumë parti të Kosovës vrapuan të "ngjyrosën" si të djathta. Mirëpo, të krahasohen këto më partinë e Sali Berishës, është sikur të matesh më hijen e mëngjesit. Djathtizmi i Berishës i ka rrënjët thellë dhe, nuk do mend, se duhet të shërbej për gjithë spektrin politik shqiptar. Por ky vrap për zgjedhjet lokale në Kosovë nuk do t'u sjellë shumë bereqet atyre që fotografohen me Berishën, kurse në esencë janë të paprofilizuar politikisht, nuk janë koheziv në organizim të brendshëm dhe kur e kanë pasur pushtetin nuk janë treguar të sinqertë me popullin.

Sa i përket rolit historik të partive politike në Kosovë, element ky që me një theks të veçantë mbështeten shumë nga partitë tona, po thuajse asnjë nga ato, përveç PDK-së, nuk kanë ndonjë histori për t'u lavdëruar para popullit të Kosovës, jo vetëm se historia e tyre është e shkurtër, por shikuar nga veprimtaria e tyre qoftë kur kanë pasur pak pushtet, qoftë si opozitë, nuk i kanë krijuar vetit emër që të dalin në zgjedhjet lokale me mburrje se atë që premtojnë do ta realizojnë. Edhe pse kjo duket pak e dhimbshme për shumicën e partive politike, duke përfshirë këtu edhe LDK-në, ky është një realitet i cili nuk kanë mundur t'i ikin partitë politike në vendet ku pluralizmi ka lindur vonë, prandaj nuk kanë mundur t'i ikin as partitë politike në Kosovë.

E vetmja parti politike në Kosovë, e cila është rritur dhe ka përparuar në mënyrë evolutive dhe revolucionare, me një trajektore që është rritur vazhdimisht është Partia Demokratike e Kosovës. Kur është fjala të PDK, lexuesi që nxiton në gjykim pa e lexuar deri në fund këtë shkrim, do të gabojë duke menduar së kur flas për historinë e kësaj partie e kam parasysh faktin së kjo është parti e dalë nga lufta siç quajnë disa. Jo, unë historinë e kësaj partie e shoh në mënyrë reale, do të thotë historia e saj është nga themelimi i saj, dhe për një të kaluar paraprake as nuk mund të lavdërohet kush, as nuk mund përqeshet. E kaluara e disave nga udhëheqësit politikë të kësaj partie, nuk do mend, së tabanin mbi të cilin janë ngritur e kanë organizimin dhe udhëheqjen e Luftës Çlirimtare në Kosovë, por në këtë rast fjala është vetëm për veprimtarinë e kësaj partie nga themelimi e këndej. Shpeshherë, disa "analistë" nuk hezitojnë që udhëheqësit e Luftës Çlirimtare, për një arsye a tjetër, pa ndonjë bazë mbështetëse, duke shpresuar në uljen e autoriteti të tyre, i emërtojnë "si të majtë", shpesh pa e pasur as vet të qartë se kur është një parti e majtë ose e djathtë. Por fakti se PDK nga themelimi e këndej, është e vetmja parti që ka përjetuar një rritje të vazhdueshme, është një dëshmi se edhe kësaj radhe do të dalë fituese në zgjedhjet e nëntorit.



Pse do t'i fitojë zgjedhjet PDK?



Janë një varg faktorësh që dëshmojnë se kjo parti në zgjedhjet lokale të këtij viti do të dalë fituese. Me LD të Kosovës u dëshmua se autoriteti i një partie , nëse nuk është krijuar nga programi i saj por nga individi, ose individët, shumë shpejt bien. Na jemi dëshmitarë se LDK për disa vjet rresht , duke u thirrur në karizmin liderist, mashtronte elektoratin dhe fitonte zgjedhjet. Por karizmatizmi individual iu kthye bumerang kësaj partie, e cila në zgjedhjet e përgjithshme para dy vjetësh, jo vetëm se humbi, por u përça aq banalisht, sa që më kurrë në të ardhmen e saj nuk do ta arrijë as shkallën e fitores që kishte. Udhëheqësit e kësaj partie, në luftë për karrige në mesin e të vetëve, nuk kanë çka i ofrojnë elektoratit pos të lavdërojnë "kohën e artë" të Ibrahim Rugovës. Por, "me tirq të huaj nuk shkohet gjithmonë në dasmë", thotë populli. Prandaj, rivali themelor i PDK-së, është aq i përçarë, sa më nuk e rrezikon për fitore në zgjedhjet e ardhshme. Shih kandidatët për Komunën e Prishtinës.

Koalicioni me LDK-në, si imponim i kohës, është i vetmi faktor që e ka zbehë autoritetin e PDK-së. Me ketë nuk dua të them se PDK është ideale dhe pa gabime, por në krahasim me partitë tjera, është me shumë përparësi.

Përparësitë e saj që do t'i sjellin fitore janë shumë, por unë do t'i përmendi disa.

Kohezioni i brendshëm i kësaj partie është i pa diskutueshëm. Deri me sot është partia më e mobilizuar për brenda. Lideri i saj , kryeministri aktual i Kosovës, në zgjedhjet e kaluara ishte i vetmi udhëheqës që kishte mbi 100 mijë vota. Kjo parti nuk i ka fituar zgjedhjet e kaluara duke i sharë e fyer liderët e partive tjera, as programet e tyre. Nga vendi i opozitës ishte aq konstruktive, sa që lente përshtypjen e një parie të pjekur, dhe kjo padyshim kishte çmimin e saj që u barazua me fitore. Por edhe tash kur është në pozitë ndjek një kurs të dëshmuar politik, duke u përmbajtur nga fyerjet e të tjerëve, të disa partive që dikur ishin në pozitë, dhe tash vajtimin e vet e bëjnë duke sharë e fyer pozitën. Kjo nuk është pjekuri politike dhe po i degradon disa nga ato parti, si AAK-në, LDD-në etj., të cilat në këto zgjedhjet e ardhshme nuk është e sigurt se do të fitojnë votat përtej një mëhalle.

PDK , dhe si opozitë, edhe tash si pozitë, është treguar edhe adezive, duke i afruar gjithë forcat politike të Kosovës në ndërtimin e veprave madhore, si shpallja e Pavarësisë së Kosovës, nxjerrja e Kushtetutës etj. Një parti nuk është e mirë, e fortë dhe me autoritet nëse vetën e emërton me ndonjë emër të madh (p.sh. LD e Dardanisë) e ngjashëm, por nëse lidershipi i asaj partie, programi dhe veprimtaria e saj janë në dobi të popullit dhe shtetit.

Liderët e PDK-së, së paku deri tash, nuk janë të komprometuar para popullit të Kosovës sikur liderët e pothuaj të gjitha partive tjera politike, hiç AKR-në, të cilët duke u përpjekur me çdo kusht të jenë "faktor i vendosjes" brenda partisë së vet, kanë frikësuar elektoratin se të tillë do të jenë edhe për Kosovën, nëse vinë në pushtet. Disa prej tyre veç janë provuar nga populli i Kosovës dhe gjellën e zier nga këta "liderë" ky elektorat më nuk e han. Liderët e PDK-së duhet të mësojnë nga gabimet e këtyre humbësve, që nesër mos të jenë në pozitën e tyre. Sot, LDK ka aq shumë probleme me kreun e saj, presidentin Kosovës, i cili me ligj a pa ligj, me rregullore a pa të, i mban dy pozita. Një qëndrim i tillë e irriton elektoratin e devotshëm të kësaj partie, dua të them të kësaj që ka mbetur. Konflikti i hapur që ka dalë sheshit në kreun AAK-së, nuk e forcon partinë, kurse përpjekja e disa udhëheqësve për ta zbutur kryeneçësinë e liderit të LDD-së, sepse "shtëpia nuk mbahet me inat" kish pas thënë malësorja, këtë parti e ka individualizuar, duke e identifikuar me gazrat inert. Kjo dobësi e këtyre partive ua heq mundësinë që ta rrezikojnë fitoren e PDK.

PDK e ka tejkaluar "dergjën" e partisë lokale. Ajo në realitet asnjëherë nuk ka qenë e tillë si e akuzonte " nëna e të gjitha partive", LDK. PDK prej kur është themeluar ka pasur një vizion të qartë dhe ka dëshmuar së është e të gjithëve. Përkundrazi, partitë që e akuzonin për lokalizëm, tash vet kanë rënë në ato pozita përqeshëse. Ky është një faktor tjetër që me bindë se PDK do t'i fitojë këto zgjedhje. Vet liderët e partive tjera, hiç AKR-në, dëshmojnë përditë se autoriteti i tyre është vetëm në mëhallën e tyre. Kështu AAK ruan primatin në dy komuna të dukagjinit, LDK Podujevë dhe Prishtinë, nëse e ruan (?), kurse LDD është e kënaqur më gjysmën e Velanisë.

Janë edhe shumë faktorë që mund të përmendën si dëshmi se fitorja do t'i takojë PDK-së në zgjedhjet e nëntorit, por dua ta përmend edhe një të dhënë, të cilën pothuaj e dinë të gjithë. Ende pa i mbushur dy vjet që PDK ka ardhur në pushtet, edhe pse në koalicion, ajo ka punuar më shumë së për tete vjet që ka punuar LDK dhe aleatët e saj. Më shumë është zhvilluar Kosova për këto dy vjet, se për ato tetë vjetët e kaluara. Deri sa udhëheqësit e mëparshëm shtronin rrugë për mëhallët e tyre, Ministria e PDK-së shtrirjen e asfaltit e ka bërë realitet në çdo cep të Kosovës. Rrugët për zhvillimin e një vendi janë sikur arteriet e trupit të njeriut.

Të gjithë e dimë, ish-ministrat e Arsimit të LDK-së, ndërtonin shkolla në Sllatinë dhe Podujevë, kurse Ministria e Arsimit e PDK-së ndërton shkolla anë e mbanë Kosovës. Shkolla është drita e lirisë së një populli. Këto janë gjera që elektorati i sheh. Vetëm qeverisë së Kosovës të udhëhequr nga PDK, i ra ndërmend dhe e bëri realitet, ndarjen e librave falas për nxënësit tanë deri në klasën e nëntë. Për pozitën e rëndë materiale të popullit të Kosovës, ku ende papunësia është e madhe, ku zhvillimi ekonomik për shkaqet e njohura është i ulët, fillimi i vitit shkollor sivjet nuk është i hareshëm vetëm për fëmijët, por edhe për prindërit, të cilët nuk do të djersitën para kërkesave të fëmijëve të tyre për librat shkollorë.

Dikush që ngutet të gjykojë për shkrimin tim para së ta lexoj deri në fund, do të gabojë nëse mendon se unë nuk shoh asnjë të metë në PDK. Jo, unë i përmenda disa nga faktorët që premtojnë se kjo parti do të dalë triumfuese në zgjedhjet e nëntorit, por kjo nuk do të thotë se kjo parti, që është e para në pushtetin e Kosovës që guxon të flasë haptas kundër korrupsionit, është krejtësisht pa të meta. Natyrisht se ka edhe gabime të cilat duhet evituar dhe evitimi i tyre do t'i ndihmojë në fitore të zgjedhjeve.

Gabimi më i madh, por ndoshta ka qenë gabim i detyrueshëm, është koalicioni me LDK-në. Në të ardhmen PDK duhet të bëhet më e fortë që mos të ketë nevojë për koalicion me një parti të dështuar e të dezintegruar, sepse kështu e ulë prestigjin e vet. Pa pasur qëllim të një "seleksionimi politik", shiko sot komunat e udhëhequra nga LDK-ja, ose ministritë që i udhëheq kjo parti e koalicionit, si dukën ato. Ministria Drejtësisë, Ministria e Shëndetësisë, e Punëve të Jashtme, etj. ku janë? Ato janë sikur mos të ishin të kësaj qeverie. PDK në këto zgjedhje duhet të dal e fortë që në zgjedhjet e ardhshme të përgjithshme, mos të ketë nevojë për aleat që e pengojnë brenda koalicionit. Për këtë arsye duhet të ketë kujdes që të shkëputët nga gabimet për zgjedhjen e kuadrove udhëheqës, duke filluar nga porët më të vogla të pushtetit e deri të ministrat. Menaxhimi i institucioneve nuk mund të bëhet vetëm me dëshirë. Shkëlqimi i tyre është rezultat i diturisë.

Populli edhe kur hesht, ai sheh.





(Autori është prof. në Gjimnazin "Sami Frashëri", Prishtinë)

[Llapi]

Muhamet Latifi në garë për të parin e Podujevës http://www.kosova-sot.info/wp-conten...009/09/268.jpg

13 Shtator, 2009
Podujevë, 12 shtator
Partia Demokratike e Kosovës, (PDK),dega në Podujevë për kryetar komune ka kandiduar Muhamet Latifin, kryetar i degës së PDK-së. Këtë vendim pritet ta marrë edhe Këshilli Drejtues i kësaj partie këto ditë. Muhamet Latifi është veprimtar i shquar politik, i cili gjatë luftës ishte edhe njëri ndër komandantët e ZOLL-it, duke qenë anëtar i SHP të UÇK-së. Për shkak të veprimtarisë së tij të pandërprerë kombëtare para luftës së fundit, Latifi ishte njëri ndër veprimtarët politik, i cili më së shumti është persekutuar nga organet e sigurimit serb duke u keqtrajtuar rëndë shumë herë fizikisht, maltretuar dhe i dënuar me burg shumë herë. Me profesion është jurist i diplomuar, i cili gjatë është marrë me veprimtari politike, duke qenë bartës i shumë funksioneve dhe aktiviteteve politike.
M.K.