Jezusi bëri shumë mrekullira

[toni77_toni]

Mrekullitë që bëri Jezusi jane fakte se Ai është në Atin e Ati është në të

Nga libri "Si na është zbuluar Zoti"

4. Jezusi bëri shumë mrekullira!

Gjatë veprimtarisë publike të tij Jezusi bëri shumë mrekullira. Çdo gjë që bëri Jezusi ishte e pasuruar me hir dhe me dije në sherbim të popullit, kështu që njerëzit thoshin te mrekulluar "gjithçka e beri mire" (Mt 7, 37). Mrekullitë janë ngjarje të jashtëzakonshme, të cilat besimtarët i kuptojnë porsi shenjë veprimtarie të përsosur hyjnore. Kur është fjala për mrekulli "qellimi" primar nuk është të tregohet fuqia e Hyjit, por që Hyji deshiron t'i shpetojë të gjithë njerëzit.

Mrekullitë janë shenja të kesaj natyre. Mrekullia nuk është ngjarje per vete, me qellim në vete dhe për vete, por është pjesë e planit shperblyes të Hyjit. Prandaj mrekullitë hyjnë ne planin shperblyes të Hyjit dhe i sherbejnë zbulimit dhe zbatimit të këtij plani. Me mrekulli bëhet e ditur se me Jezusin dhe veprat e tij, arriti Mbreteria e Hyjit, por edhe shihet se çfare natyre ka Mbretëria Hyjnore.

Mrekullite janë te pandara me personin e Jezusit Zot dhe Njeri. Mrekullitë që bëri Jezusi jane fakte se Ai është në Atin e Ati është në të: Shërimi i sëmundjeve, i të paralizuarëve, të lindur me të meta, dëbimi i djajve, por mbi të gjitha falja e mëkateve tregon se Jezusi ka pushtet Hyjnor. Tami kur ecen mbi uje, ushqen popullin, urdhëron natyren, mbi të gjitha ringjallja e të vdkekurve tregohet qartë se Jezusi është Zot dhe Njeri.


vazhdon-->

[toni77_toni]

Mrekullitë që bëri Jezusi jane fakte se Ai është në Atin e Ati është në të

Ne Beselidhjen e Re kemi shume mrekulli që bëri Jezusi, aty takojmë katër lloj mrekullishë që bëri Jezusi:

1) Mrekullitë e shërimeve;
2) Mrekullitë e dëbimeve të djajëve;
2) Mrekullitë mbi natyrën;
3) Mrekullite e kthimit te jetes se te vdekureve!


vazhdon-->

[toni77_toni]

Mrekullitë që bëri Jezusi jane fakte se Ai është në Atin e Ati është në të

Ndërsa mrekullia e kthimit në jetë apo ngjallja e të vdekurve janë të shenuara tri raste dhe ngjallja e vet Jezusit. Po tri këto ngjallje, përpos mrekullisë në vet vepren e ngjalljes, këto kan edhe një simbolikë domethënse në vehte:

1) Ngjallja e parë ndodhi në vajzen e së kryetarit, Jairit, menjëher pasi ajo vdiq;

2) Ngjallja e dytë ndodhi në djalin e vejushkes i cili kishte vdekur me parë por që ishin në rrugë duke e que për ta varrosur;

3) Ngjallja e tretë ndodhi në Lazërin i cili kishte vdekur katër dit më parë dhe ishte i varrosur!


vazhdon-->

[toni77_toni]

Mrekullitë që bëri Jezusi jane fakte se Ai është në Atin e Ati është në të

5. Jezusit shëroi sëmundje shpirtërore dhe fizike!


Jezusi shëron një të paralizuar:

Kur Jezusi hyri në Kafarnaum, iu paraqit një centurion dhe iu lut: " Zotëri, shërbëtori im është i shtrirë në shtëpi i paralizuar dhe po vuan shumë."

Jezusi i tha: "Do të vij dhe do ta shëroj." Por centurioni iu përgjigj: "O Zot, unë nuk jam i denjë të hysh nën pullazin tim, por vetëm jep urdhër e shërbëtori im do të shërohet. Sepse, edhe unë që nuk jam tjetër, veçse një njeri i nënshtruar, kam nën urdhrin tim ushtarë dhe unë i them njërit: ‘Shko!’ dhe ai shkon e një tjetri: ‘Eja!’ dhe ai vjen, e shërbëtorit tim: ‘Bëje këtë!’ dhe ai e bën" Jezusi, kur e dëgjoi, u mrekullua dhe u tha atyre që po i shkonin pas:

"Për të vërtetë po ju them: ende nuk e gjeta te asnjë njeri tjetër në Izrael një fe kaq të madhe! Prandaj po ju them: shumë do të vijnë nga Lindja e nga Perëndimi e do të ulen në tryezë me Abrahamin, Izakun e Jakobin në Mbretërinë e qiellit, ndërsa bijtë e Mbretërisë do të hidhen jashtë në errësirë, ku do të jetë vaj e kërcëllim dhëmbësh."
Atëherë i tha centurionit:
"Shko e le të bëhet ashtu siç besove!" Dhe shërbëtori i tij u shërua po në atë orë. (Mt 8, 5-13)


vazhdon-->

[toni77_toni]

Mrekullitë që bëri Jezusi jane fakte se Ai është në Atin e Ati është në të

Jezusi shëron një të gërbulur:

Kur Jezusi zbriti nga mali, iu vu pas një turmë e madhe populli. Dhe ja, një i gërbulur iu afrua, ra përmbys para tij e i tha: "O Zot, nëse ti do, mund të më shërosh."

Atëherë Jezusi e shtriu dorën, e preku dhe i tha:

"Dua, shërohu!"

Dhe përnjëherë u shërua gërbula e tij.

Jezusi i tha:

"Ruaju se i tregon kujt! Por shko, paraqitu te prifti e kushtoje flinë që ka urdhëruar Moisiu, t’u vlejë atyre për dëshmi." (Mt 8, 1-4)


vazhdon-->

[toni77_toni]

Mrekullitë që bëri Jezusi jane fakte se Ai është në Atin e Ati është në të

Jezusi shëron dy të verbër:

Kur po dilnin nga Jerihoni, iu vunë pas shumë njerëz. Dhe ja, dy të verbër, që rrinin në skaj të rrugës, si morën vesh se po kalonte Jezusi, ia filluan të bërtasin:

"Zotëri, Biri i Davidit, ki mëshirë për ne!"

Populli u bërtiti të heshtnin, por ata klithën edhe më tepër: "Zotëri, Biri i Davidit, ki mëshirë për ne!"

Jezusi u ndal, i thirri dhe u tha: "Çka kërkoni të bëj për ju?"

Ata iu përgjigjën: "Zotëri, që të na çelen sytë!"

Jezusi pati dhembshuri për ta e ua preku sytë. Ata menjëherë panë dhe u nisën pas tij. (Mt 20, 29-34)

vazhdon-->

[toni77_toni]

Mrekullitë që bëri Jezusi jane fakte se Ai është në Atin e Ati është në të

Jezusi shëron një të paralizuar:

Jezusi hipi në barkë, kaloi në anën tjetër dhe shkoi në qytetin e vet. Dhe ja, ia sollën para një të paralizuar, të shtrirë në vig.

Jezusi, kur e pa fenë e tyre, i tha të paralizuarit: "Guxim, biro! Të janë falur mëkatet!"

Dhe ja, disa prej skribëve menduan me vete: "Ky po blasfemon!"

Jezusi, duke i ditur mendimet e tyre, tha:
"Pse mendoni keq në zemrat tuaja? Çka është më lehtë të thuhet: ‘Të janë falur mëkatet’ apo të thuhet: ‘Ngrihu e ec!?’ ‘Por që ta dini se Biri i njeriut ka pushtet të falë mëkatet mbi tokë i tha atëherë të paralizuarit Çohu në këmbë, merre vigun tënd dhe shko në shtëpinë tënde!"

I paralizuari u ngrit e shkoi në shtëpi të vet. Kur pa turma, e kapi frika e i dha lavd Hyjit që u dha njerëzve pushtet kaq të madh. (Mt 9, 1-7)


vazhdon-->

[toni77_toni]

Mrekullitë që bëri Jezusi jane fakte se Ai është në Atin e Ati është në të

Jezusi shëron një shurdhaman:

Pastaj doli prapë nga krahina e Tirit, e nëpër Sidon, erdhi drejt detit të Galilesë në krahinat e Dekapolit. I sollën një shurdhaman që mezi fliste dhe iu lutën ta vërë dorën mbi të. Ai e ndau prej popullit veçmas, ia futi gishtërinjtë e vet në veshë, me pështymë të vet ia preku gjuhën, i drejtoi sytë kah qielli, psherëtiu dhe i tha:

"Effatha që do të thotë: "Çelu!"
E menjëherë iu çelën veshët e iu zgjidh pengesa e gjuhës dhe foli rrjedhshëm.

Jezusi u urdhëroi të mos i tregojnë askujt. Por, sa më tepër që ai ua ndalonte, ata aq më tepër e shpallnin. Të mrekulluar mbi çdo masë thoshin: "Gjithçka bëri mirë!" "Ky po bën të dëgjojnë të shurdhërit e të flasin memecët!". (Mk 7, 31-37)


vazhdon-->

[toni77_toni]

Mrekullitë që bëri Jezusi jane fakte se Ai është në Atin e Ati është në të

Jezusi shëron njeriun me dorë të thatë:

Pastaj, mbasi u largua që andej, hyri në sinagogën e tyre; dhe ja, aty ishte një burrë të cilit i qe tharë dora. Ata e pyetën Jezusin, me qëllim që ta padisin më pas: "A është e lejueshme që dikush të shërojë ditën e shtunë?".

Dhe ai (Jezusi) u tha atyre:
"A ka ndonjë prej jush që ka një dele, dhe ajo bie në një gropë ditën e shtunë, dhe e ai nuk shkon ta nxjerrë jashtë? E, pra, sa më i vlefshëm është njeriu se delja!
A është, pra, e lejueshme të bësh të mirën të shtunën?``.

Atëherë ai i tha atij burri: "Shtrije dorën tënde!". Dhe ai e shtriu dhe ajo iu shëndosh si tjetra.

Por farisenjtë, mbasi dolën jashtë, bënin këshill kundër tij si ta vrasin. (Mt 12; 9/14)


vazhdon-->

[toni77_toni]

Mrekullitë që bëri Jezusi jane fakte se Ai është në Atin e Ati është në të

Jezusi shëron një njeri me hidropizi:

Një të shtunë Jezusi shkoi në shtëpinë e një kryetari farisenjsh për të ngrënë bukë e të pranishmit po e vërenin dijekeqas. Kur, ja, para tij një njeri i sëmurë me hidropizi. Atëherë Jezusi mori fjalën e u tha mësuesve të Ligjit e farisenjve: "A është e lejueshme të shërosh të shtunën apo jo?" Ata heshtën. Atëherë Jezusi e mori për dore të sëmurin, e shëroi dhe e nisi të shkojë. (Lk 14, 1-4)


vazhdon-->