Varroset me nderime Ibrahim Halilaj (17) nga Tërdefci i Drenasit.

[prishtinase]

Varroset me nderime Ibrahim Halilaj (17) nga Tërdefci i Drenasit. Në këtë ceremoni mortore, përveç të afërmeve, morën pjesë edhe ambasadori i Gjermanisë në Kosovë dhe ministri i Arsimit, Enver Hoxhaj. Ibrahimi është vrarë së bashku me 13 persona të tjerë nga bashkëmoshatari i tij, Tim Kretschmer.


Nga Selvije Bajrami më 15.03.2009 në ora 21:06

Arbenita, 15 vjeçe, të dielën në mesditë, printe kortezhin prej qindra njerëzve që në këtë ditë ajo dhe të afërmit e saj i dhanë lamtumirën e fundit, Ibrahim Halilajt.
17-vjeçari Halilaj nga Tërdefci i Drenasit është vrarë nga bashkëmoshatari i tij, Tim Kretschmer në qytetin Winnenden të Gjermanisë. Halilaj ka gjetur vdekjen bashkë me tetë shoqet e klasës, tri mësueset dhe tre qytetarë të tjerë gjermanë.

Veç fotografisë së të vëllait që mbante Arbenita në duar teksa i printe turmës së njerëzve, një tjetër ishte vendosur në hyrje të oborrit të shkollës së fshatit Tërdefc. Ky fshat është vendi i lindjes së Ibrahimit, i cili në moshën 6 vjeçe kishte shkuar me nënën, dy motrat e vëllanë tjetër, për t’iu bashkuar babait të tij në Gjermani.

Prapa fotos te shkolla ishin vendosur tre flamuj, ai i Kosovës, flamuri kombëtar si dhe flamuri i shtetit gjerman.

Burrat e fshatit prisnin njerëzit në këtë shkollë, derisa arkivoli me kufomë arriti rreth orës 13 e 30 në familjen Halilaj në Tërdefc.

Arturi, vëllai i vogël i Ibrahimit, nuk ndalte lotët teksa shikonte fotografinë e bashkë me të qanin edhe të tjerët. Babai i Ibrahimit, Shemsiu, mundohej të mbahej, ndërsa priste mysafirët te dera e oborrit të shkollës. Në njërën nga klasat e kësaj shkolle, për disa çaste, Shemsiu është gjendur i ulur në mes të ambasadorit të Gjermanisë në Kosovë, Hans-Dieter Steinbach dhe ministrit të Arsimit Shkencës dhe Teknologjisë, Enver Hoxhaj. Nga këta të fundit, babai i të ndjerit ka marrë ngushëllime për humbjen tragjike të djalit, i cili në ditën tragjike, më 11 mars, kishte shkuar në shkollë me paterica dhe atë për herë të parë pas dy javëve, pas një intervenimi kirurgjik që kishte pasur në këmbë.
Ambasadori Steinbach ndërkaq ka marrë ngushëllimet në emër të familjes Halilaj, edhe për 14 viktimat e tjera gjermane.

Veç përfaqësuesit gjerman në Kosovë dhe përfaqësuesit nga Qeveria e Kosovës, familja Ibrahimaj ka marrë ngushëllime edhe nga kryetari i Komunës së Drenasit, Nexhat Demaku si dhe përfaqësuesi i familjes Jasharaj, Murat Jashari.

Kufoma është nisur për te varrezat e fshatit, ndërsa turmë e madhe e njerëzve po e shoqëronin atë.

“I lehtë i qoftë dheu e i fuqishëm qoftë kujtimi për të...”, tha mes të tjerash para të pranishmëve, ministri Enver Hoxhaj.
Edhe ambasadori gjerman ka shfaqur pikëllimin e tij në lidhje me tragjedinë në fjalë.

“Më vjen vështirë të gjej fjalë në këtë ditë të vështirë për Gjermaninë dhe Kosovën”, tha ai.

Teksa ka ngushëlluar të pranishmit në emër të qytetarëve të Drenasit, kryetari i kësaj komune, Nexhat Demaku ka njoftuar se shkolla e fshatit nuk do të mbaj mësim në pesë ditët vijuese, duke u solidarizuar kështu me shkollën në Gjermani, e cila ka humbur nxënësit e saj.

Pas këtyre fjalimeve, ku është shquar figura e të riut, si një djalosh që e donte shkollën, vendlindjen e sportin, u krye edhe ceremonia e varrimit.

Kjo ceremoni është bërë në Kosovë, me kërkesë të familjes Halilaj, ndonëse autoritetet gjermane kishin kërkuar që një gjë e tillë të ndodhte në Gjermani, ku do të varrosen edhe 14 viktimat e tjera, të tragjedisë në të cilën i riu gjerman kishte shkrepur 112 plumba dhe në fund ishte vetëvrarë.

Gazeta expres

[riza2008]

Ngushellime familjes Halili.Fatkeqsi e madhe.Zoti u dhente kurajo per ta perballuar kete tragjedi.

[Çaushi]

Ngushllimet me te sinqerta Prinderve , Familjes ,farefisit ,Fshatit Tërdec ,Drenasit , Drenices , dhe gjithe Kosoves per kete vdekje te rende dhe shume piklluese!Ne mesin e mijra qytetarve anebane Kosoves, isha njeri nga ata qe mora pjes ne kete varrim ... dhimbja dhe piklllimi ishte aq i madhe sa veshtire te gjenden fjale ...Ne syte e njerzve shifje lot....mos u perserit ma kurr nje tragjedi e tille.
Pushofsh i qete ne token tende Ibrahim Halilaj!
I pa harruar qofte kujtimi per Ty!
Ngushllime....!

[altruisti_ek84]

Me vjen keq shum Allahu inshalla e ka shperbly me xhennet ndersa familjes i dhasht durim per ta perballu sa me leht ket fatkeqsi.

[Roi]

Me shume keqardhje ndegjova kete lajm disa dite me pare, nuk deshta ta besoj por ishte e vertet.
Une shprehi Ngushllimet me te sinqerta per Familjen Halili.Posaqerisht Prindve dhe Vllaut e Motres se tije..
I Qoft i leht dheu i Kosoves..

[Llapi]

Allahu inshalla e ka shperbly me xhennet

po qka je kah fol more talibani_pedofil po ku ka gjykim per femij

Ngushllime Prinderve e Familjes se gjer

[prishtinase]

ju lutem sesht tem per gjykime e ofendime pls

[altruisti_ek84]

po qka je kah fol more talibani_pedofil po ku ka gjykim per femij

Ngushllime Prinderve e Familjes se gjer

Kur je injorant ne fe pse mundohesh te gjykon dhe te shesesh mend me paditurin tende.
Une jam lutur Allahut, qe kete djaloshin, te shperblej me Xhennet, kjo eshte ajo qe kam mundesi ta bej, te lutem qe Allahu te ket meshir per shpirtinn e tij. Une nuk jam enverist, as titist, ti them te qoft i leht dheu, une i lutem vetem Allhut sepse vetem Allahu mund ta meshiron shpirtin e tij dhe askush tjeter.
Sa i perket asaj qe nuk ka gjykim per femij, ketu ke tre drejt qe per femijt nuk ka gjykim, por inkoranca jote e dyt eshte, se ti nuk e din kush eshte femij, ai ka pasur 17 vjet dhe nuk ka qen femij o i nderuar.

[Llapi]

ju lutem sesht tem per gjykime e ofendime pls

prishtinase te kerkoi falje

ti nuk e din kush eshte femij, ai ka pasur 17 vjet dhe nuk ka qen femij o i nderuar.

edhe nese i ka pas 17 pranvera,dhe si e humbi jeten tragjikisht
po u gjykoika sipas teje a? po qfar gjykimi more terrakop.

Ibrahim Halilaj

[salihaj]

Sa për tua lehtësuar një çikë dhimbjen do e themë këtë fjali: Si çdo libër fetare ashtu edhe libri i fundit që lexova nga dijetari i madh i Indisë SRI SRIMAD A.C. BHAKZIVENDATA që thotë: "jo vetëm njeriu, por edhe qdo qenie e gjallë kur paraqitet në këtë botë paraqitet me afatin e tij të skadencës". Librat tjera e arsyetonin: "kur skadon afati, njeriu ndërronë jetë në jastëk, në ujë, nën rrotë të makinës, bjeshkë, plumb etj". Sidomos është trajtuar mirë vdekja nga plumbi, aty ka qenë momenti i skadencës. Për këtë lami ka libra e libra, andaj I shprehi ngushllime të sinqerta prindërve të tij, edh të gjithë neve që kemi ndi dhimbje ndaj tij duke përcjellë emisionin televeziv duke transmetuar këtë varrosje.

Koha e bënë të vetën...!