Universiteti i Korces nderon Janullatosin “Mik i Shqipërisë dhe i qytetit të Korçës”
Korçë, universiteti nderon kryepeshkopin Janullatos
Kryepeshkopi i Kishës Ortodokse Shqiptare, Anastas Janullatos, është vlerësuar nga Universiteti i Korçës me titullin “Doktor Honoris Causa”. Me motivacionin për kontributin e tij të shquar akademik në fushën e teologjisë, si dhe për veprimtarinë shoqërore me vlera të mëdha në forcimin e dialogut dhe tolerancës fetare midis qytetërimeve, Kryepeshkopit Janullatos i është dorëzuar titulli në një ceremoni të mbajtur në ambientet e universitetit “Fan Noli”. Ka qenë një propozim i senatit të këtij universiteti që i ka akorduar këtë titull kreut të kishës ortodokse. Në ceremoninë e rastit është vlerësuar veprimtaria shkencore në fushën e teologjisë e kryepeshkopit, në praninë e pedagogëve, studentëve, përfaqësuesve të klerit dhe të pushtetit lokal. Janullatos ka mbajtur me këtë rast një leksion mbi bashkëjetesën fetare. Kryepeshkopi ka referuar studimin e tij me titull “Vlerat mbarënjerëzore të feve”, që është përshëndetur nga ana e drejtuesve të këtij universiteti. Nga ana e tij, rektori Gjergji Mero ka vlerësuar kontributin e Kryepeshkopit Janullatos si personalitet i shquar në fushën e teologjisë, por edhe si mik i Shqipërisë dhe i qytetit të Korçës.
http://www.gazeta-shqip.com/artikull.php?id=57058
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~~~~~~~~~~~~~~
Mendime të lira:
Duke lexuar artikullin është befasi se si imazhi i Janullatos, i quajtur “Kali i Trojes” shndërroj tek një karakter i dënjë dhe dashamirës ndaj shqiptarëve e sidomos qytetarëve Korçarë. Pas analizimit të artikullit, shohim që shkolla dhe më sakte senati i universitetit “Fan Noli” flasin jo vetem per vëten e tyre, por flasin për të gjithë qytetarët e Korcës, edhe pse ata perfaqësojnë një pakicë të saj.
Duhet të jemi të informuar për figurën e Anastas Janullatos para se ta gjykojmë këtë veniment si të drejte apo të nxituar. Megjithëse mund të jetë intelektual, dhe me horizont të gjërë, ky person, shpesh është vërtetuar që ka pasur qellime anti-shqiptare dhe jo “mik i Shqipërisë” sic është quajtur. Nuk ka arsye pse një person i zotit të merret me politikën, dhe aq më shumë me mardhëniet greko-shqiptare, në nje kohe kaq delikate për çeshjten e Epirit.
Duke patur një njohuri të gjërë për Korçën, mund të theksoj që eshte qytet i kulturës, dhe njihet për harmoninë fetare, si në çdo qytet tjetër të Shqipërisë. Por kohët e fundit kanë dalë udhëheqës dhe shqipfolës fanatikë ndaj fesë që shtyjnë përçarjen ndanj njëri-tjetrit edhe pse flasin për harmoninë e feve.
Universitetet duhet të jenë neutral kur ka të bëjë me fenë apo me politikën, dhe jo të përkrahin dhe të nderojnë persona të caktuara, e sidomos kur në shumë qytete janë bërë protesta për ta larguar menjëherë këtë person për çeshtje anti-shqiptare.
Kur ka qënë hera e fundit që në qytetin e Korçës i është dhënë një nderim kaq i lartë një qytetarit të saj? Vërtet Shqiptarët janë mikpritës dhe njihen për respektin dhe besën që ju japin mysafirëve të tyre por, a e meriton Anastas Janullatos të quhet figurë pozitive për Shqiperinë dhe sidomos qytetin e Korçës kur ushqen qe duhet te predikohet në gjuhën greke në nje qytet që greket e quajnë të tyren, kur në të njëjtin moment popullsia e Korçës është shqiptare?
Si mendoni a është i drejtë gjith ky nderim për këtë person të dyshimshëm, apo ka dicka qe ende nuk jemi informuar ndërmjet mardhënjeve të Gjergji Mero me senatin, dhe Anastas Janullatos?
nga http://rilindja.wordpress.com/2009/0...tit-te-korces/
p.s Po keni mundesine lini komente dhe ne blog
Përgjigju Duke Cituar
Postuar më parë nga Korcar-L1
Krijoni Kontakt