Gjykata i merr vajzën, vret veten !!

[Shpirt Njeriu]

Një 27-vjeçar nga qyteti i Beratit i ka dhënë fund jetës duke u vetëvrarë. Lorenc Danushi është gjetur i pajetë në shtëpinë e tij. Problemet familjare kanë qenë shkaqet që e kanë çuar atë në vetëflijim.

LAJMI

BERAT

Edhe baballarët bëjnë kështu. Kur 27-vjeçarit nga Berati iu hoq e drejta që të takonte vajzën e tij tre vjeçe Dorinën, ai nuk ka duruar më, por i ka dhënë fund jetës së tij. Lorenc Danushi ka marrë kallashnikovin, është shtrirë në divanin e njërës prej dhomave dhe më pas nuk ka ngurruar të tërheqë këmbëzën dhe të lëshojë mbi vete një breshëri. Ndërsa nëna e tij, Zarja, i fliste nga jashtë derës që mos ta kryente veprimin fatal, por ishte tepër vonë. Ajo arriti të dëgjonte vetëm zhurmën e armës dhe të mos bënte dot asgjë për ta shpëtuar. Fati i kishte rezervuar një jetë të vështirë, të riut nga Berati. Në një moshë fare të re, ai e pa veten të divorcuar, me një fëmijë motake dhe me një grua që sapo u ndanë ishte nisur për në Itali. I dëshpëruar ai i ishte futur edhe rrugës së drogës. Por, megjithatë, Lorenci i kishte dhënë kurajo vetes, duke shpresuar se të paktën do takonte vajzën e tij të vogël. Por jo, pasi nga një takim me të e kishin privuar prindërit e ish-bashkëshortes.

Historia
Vetëm pesë muaj më parë historia e dashurisë mes Lorenc Danushit dhe gruas së tij, Mimozës kishte marrë fund. Për ndarjen përfundimtare kishte vendosur gjykata, e cila i kishte besuar vajzën e vogël s'ëmës. Lorenci kishte shkuar si emigrant për disa vite në Greqi dhe Itali. Pas kthimit nga emigracioni ai kishte nisur të merrte edhe drogë. Ndërsa përpara gjykatës gruaja e tij, Mimoza e akuzonte se ai ishte xheloz dhe dyshonte për të se e tradhtonte, ndërsa ai e akuzonte të shoqen për tradhti bashkëshortore.

Depresioni
Viktima jetonte vetëm me të ëmën Zaren, pasi ishte i ndarë nga bashkshortja. Prej shumë kohësh Lorenci nuk dilte nga shtëpia. Kishte filluar të mbyllej në vetvete dhe nuk qëndronte si më parë me familjen, me të afërmit dhe me shokët e vet. Vetëm dy ditë më parë ai kishte dalë nga shtëpia dhe ishte takuar me disa shokë me të cilët ka qëndruar nëpër lokale deri vonë në darkë. Viktima kishte siguruar një kallashnikov dhe një kapuç të zi. Sipas policisë, viktima kishte kohë që shfaqte probleme me të, sepse ishte përdorues droge dhe para një muaji ka qenë i ndaluar për këtë qëllim, por është lëshuar nga prokurori për arsye se sasia e gjetur e lëndës narkotike ishte e një përdoruesi.


Vret njerkën, "më kërkonte llogari"

FIER - "Nuk e duronte dot t'i kërkonte hesap dhe ia zbrazur pistoletën njërkës së tij". Një 24-vjeçar nga Fieri e ka gjetur në këtë mënyrë zgjidhjen e grindjeve të herëpashershme në familje për të cilën akuzonte pikërisht njërkën e tij, duke regjistruar në këtë mënyrë krimin e fundit në familjet Shqiptare. Agim Mërdini 24 vjec nga lagja "Kastriot" e Fierit, ka reaguar përgjakshëm ndaj qortimeve e gruas që i kishte zënë vendin e të ëmës. Pas një grindje me të dhe në prani të të atit Mërdini ka nxjerrë një pistoletë që e mbante pa leje dhe ka qwlluar pwr vdekje gruan. Ngjarja ka ndodhur rreth orës 22.00 të mbrëmjes së djeshme në banesën e tyre, e cila ndodhet fare pranë komisariatit të policisë. Të shtënat janë dëgjuar deri afwr komisariatit dhe forcat e shumta të policisë që janë vënë menjëherë në lëvizje kanë mundur të vënë në pranga autorin. Sipas policisë 24-vjeçari Mërdini njihej si njeri problematik dhe kontigjent në lagje. Ndërkohë, kjo është tragjedia e dytë për këtë familje. Tre muaj më parë është vetëvrarë gjatë shërbimit ushtarak në fshatin Bar Zezë të Fierit, vëllai i autorit, Arben Mërdini. Për këtë fatkeqësi mësohet se Agimi akuzonte shpesh njërkën e tij se ishte ajo sebepi i këtij veprimi të vëllait. Ai medonte se sherret e shumta në familjen e tyre, të cilat sipas tij nisnin prej njërkës kishin ndikuar që Arbeni të vriste veten. au.da


Flet kushëriri i Danushit: "U munduam që ta ndalonim"

"Nuk jam në gjendje të rikujtoj gjithçka, sepse akoma jam i shokuar. Qe një llahtar i vërtetë për ne, por ai e kishte ndarë mendjen se do vriste veten". Kështu është shprehur kushëriri i vikitmës, Besnik Danushi, i cili tregon sesi ishte mbyllur në shtëpi për t'i dhënë fund jetës. Madje, ai vazhdon duke thënë se "ai kishte marrë armën, e kishte mbushur dhe e kishte vendosur gati. Po i lutej i vëllai që të mos bënte ashtu siç kishte vendosur që të vriste veten. Ne kërkonim që t'i mbushnim mendjen". Më pas kushëriri i viktimës thotë se ata janë munduar që t'ia marrin edhe armën, por ai ka insistuar me të tijën.


Policia: U vetëvra duke tërhequr këmbëzën e kallashnikovit

Të parët që kanë shkuar kanë qenë komshijtë, të cilët kanë shqyer derën e dhomës ku ishte vetëvrarë Lorenci. Menjëherë ata kanë dashur që t'i japin ndihmën, duke e transportuar në spital, por gjithçka ka qenë e kotë, sepse viktima nuk ka mundur që të rezistojë. Sipas ekspertëve të policisë dhe dëshmitarëve në vendngjarje, viktima kishte hyrë në dhomë së bashku me armën dhe kishte mbyllur derën nga brenda. Pastaj ishte shtrirë në divan, kishte mbështetur kokën dhe pasi kishte mbushur armën automatike e kishte vendosur krahun e saj në sensin me breshëri. Pasi kishte mbështetur tytën e armës nën gushë, kishte tërhequr këmbëzën, duke e përshkuar disa plumba nga gusha në kokë.

[Living in Vain]

e tmerrshme


e pamenduar


i nxituar