"Nano Ik", protesta sërrisht në Bruksel

[martin_iden2001]

me falni o vellezer e motra se jam i ri ne kete forum, dhe shpresoj te mos ju bezdis po te them nja dy fjale:

1. Botimi listes se "qeverise hije" tregon qe opozita ka kompleksin te tregoje se eshte e zgjuar, dhe di te kete qeveri, por pikerisht ngutja per te treguar qeveri eshte tregues i ndjenjes se inferioritetit. Qeverite "hije" kur ekzistojne nuk dalin ne gazete, se atehere kundershtari fillon e merr masa, e provokon situata e i diskretiton perpara kohe njerezit , ndoshta edhe pa te drejte, por i konsumon politikisht.

Pastaj, partite nuk kane qeveri te percaktuara qarte ne "hije". Ato kane grupe njerezish qe perpunojne platforma. Pra PD-ja duhet te tregonte platforma te hollesishme, programe, mileti te merrte me mend se PD-ja e ka hazer qeverine.


2. Ne kuadrin e hapjes se PD-se ndaj intelektualeve kjo tregon te kunderten: kjo i thote intelektualeve qe sado te perpiqeni ju, mos kujtoni se une, Salih Rame Berisha, e kam seriozisht ate punen e hapjes se intelektualeve. Se une e kam vendosur se kush jane intelektuale qe nje vit perpara zgjedhjeve, dhe sa do te afroheni ju, nuk keni ndonje vend ne qeverisje, por jeni vetem per miting. Me qe ra fjala, a takohen intelektualet me miting, sic i takoi Berisha ne Elbasan e Vlore? Jo, intelektualet takohen neper tavolina, me programe, me ide, me research per fushat te caktuara per zhvillimin e vendit

3. E cfare paska kjo qeveri "hije"?
Minister rendi nje veteriner,
minister i jashtem nje shkrimtar qe nuk arriti te fitonte zgjedhjet ne kryeqytet dhe nuk dha llogari per kete fare. Nje ish ambasador qe gjithe leket e ambasades shqiptare ne France i perdori vetem per te botuar librat e vet, ne vend qe te merret me kontaktimin e emigranteve shqiptare atje, e me hallet e tyre midis te tjerash.
Nje inxhinier i deshtuar nafte- minister i transportit dhe telekomunikicionit. Se helbete, kjo ministri ka dhe Rinasin mbrenda, dhe me trafikun e njerezve dhe te droges, ky minister i ardhshem ka kohe qe merret, e qe cuditerisht ne kete qeverine e re i paska harruar ish-pronaret
Minister i rregullimit te territorit- ish profesori i matematikes, dhe humbesi i zgjedhjeve per deputet pikerisht ne vendlindjen e tij.

E mbi te gjitha,
kryeminister, vihet ish-presidenti, ai i cili akoma nuk ka kerkuar falje per deshtimin ne tragjedine e "97-es.

5. Ne fund te listes thohet: "Partite e vogla do te shperblehen me ...". Po pse mor i dashur, prandaj u beka gjithe kjo zhurme, per tu shperblyer?

6.Zemra ma do qe kjo qeveri" hije" te mos jete e vertet, por te jete nje provokim gazetaresk i Mero Bazes per te shkaktuar diversion mbrenda koalicionit opozitar


Faleminderit te gjitheve,

Martini

[martin_iden2001]

EDITORIALI
Intelektualë për të trembur aleatët!

Nga Mero Baze

Në përpjekje për të ngulitur disa teza politike para mitingut të datës 21 shkurt, opozita ka organizuar dy takime me qytetarë në Elbasan dhe Vlorë. Kjo është e vetmja fjali që mund të thuhet duke shtrydhur gjithë rëndësinë e një aksioni të tillë politik. E kompleksuar me sa duket nga kritikat e kundërshtarëve dhe ndërkombëtarëve për incidentet e 7 shkurtit, opozita po përpiqet të jetë e bashkuar formalisht në "edukimin" e protestuesve për datën 21 shkurt. Këto përpjekje kanë risjellë sërish në tribuna pesçen e vjetër të koalicionit opozitar dhe mbi të gjitha ritualin e retorikës anti-Nano, që lëviz nga akuzat për korrupsion të Berishës, tek akuzat nacionaliste të Alimadhit dhe Spahiut. Ky unitet i papritur i koalicionit opozitar duket se i ka rrënjët te protesta e 7 shkurtit, e cila verifikoi fuqinë reale të shoqërisë antiqeveritare në Shqipëri. Ajo që mbetet të diskutohet është fakti se ç'rëndësi pati përçarja e koalicionit para 7 shkurtit dhe teza e Berishës për hapjen e PD-së. Mendoj siç thashë më lart se kryesore ka qenë gatishmëria e shoqërisë për të protestuar kundër qeverisë. Por sado i vogël për elektoratin hezitues pro PD-së, ka qenë vendimtare teza e Berishës për hapjen e PD-së dhe sidomos afrimin e figurave të reja në lidershipin e saj. Askush nuk vë në dyshim faktin se ajo lëvizje ndikoi mes të tjerash në mbushjen e sheshit. Përqendrimi i ri i takimeve të opozitës te demonstrimi i "liderve të koalicionit", në mos qoftë një hap mbrapa, është një vendnumëro e madhe e opozitës. Ky tur duhet të përdorej mes të tjerash, ose si lëvizje organizative e PD-së për mitingun e 21 shkurtit, (që nuk prishte punë) ose si lëvizje promovuese e saj për vizionin e ri që kërkon të demonstrojë. Kështu nuk kemi as shenja të një vizioni të ri, as shenja të një rutine organizative, që do të ishte më pak e dëmshme. Kështu kemi vetëm kthim te tradicionalizmi i opozitës që duam të ndryshojmë. Për më tepër ky tradicionalizëm ngjan provokativ dhe nulëzon lëvizjen e Berishës për hapjen e PD-së, pasi ngjan sikur hapja e PD-së po përdoret si gogol për të trembur lidershipin e vjetër të opozitës dhe koalicionit. Nga "uniteti i ri" që po ngjizet me shpejtësi para 21 shkurtit, nga "masiviteti" i tryezave që po shpejtojnë t'u ngjajnë mitingjeve dhe mbi të gjitha nga dëgjueshmëria që shumë opozitarë kanë tani për planin e veprimit, duket sikur intelektualët e supozuar që po i afrohen PD-së, po përdoren si çomage për të futur në vathë aleatët dhe lidershipin opozitar, që të kthehen sërish të bashkuar në tribuna... pa llogaritur se sheshin e mbush shpresa.
_________

Koment:

Nuk dua t'ju bezdis duke postuar ato gjera qe ju i keni lexuar me siguri, por ky shkrimi i ketij Mero Bazes mu duk i forte, se mu duk sikur godet Berishen, per te thene se ai nuk ndryshon, po ashtu godet edhe ekipin qe ai merr me vete ne protesta, per te thene se ato e braktisen Berishen perpara 7 Janarit, dhe u afruan tani vetem kur pane forcen e tij, dhe potencialin per te fituar zgjedhjet.
Une shtroj pyetjen: Pse njerez si mero Baze, qe ne fund te fundit rrezikojne me shume se sa cdo njeri tjeter per Berishen, ky i fundit nuk i perfshin ne qeveri dhe asgjekundi?


Mirepres pergjigjet tuaja.
Faleminderit,
martini

[Albo]

martin_iden2001,

1. Qeveria hije, nuk e diskretiton strategjine e opozites por tregon shkallen e saj te pergjegjesise dhe transparences ne syte e elektoratit shqiptar dhe mbare botes. Berisha e ndermer nje hap te tille qe ti mbylli gojen edhe Brarit ne forum qe e akuzon se "protestat behen pa plan te qarte". Shume pseudoanaliste qe para disa javesh i thurrnin lavde kryeministrit Nano, sot qe nuk kane me sy e faqe qe ta mbrojne hapur shokun Nano, ngrejne problemin inekzistent: "Opozita nuk ka plan pas rrezimit te Nanos." Persa u perket shqiptareve, ata do te ishin gati te pranonin cdo qeveri tjeter vetem e vetem qe te hiqnin qafe ate klike qe eshte tani ne pushtet.

Nese do te dish nese une mendoj se "qeveria hije" eshte reale dhe jo e trilluar, une te them qe ajo eshte 1/2 e vertete dhe gjysem trillim. 1/2 e se vertetes eshte qe Berisha do te jete kryeminister duke marre keshtu vete mbi supe pergjegjesite e qeverisjes se vendit. Trillimi ne kete lajm eshte se ai nuk ka per qellim te "hapi sherre ne kampin opozitar", por ti joshi te gjithe individo-partite e opozites. Pushteti dhe posti qeveritar eshte mjalti qe i afron opozitaret, bile edhe vete opoziten e opozites.

2. Proncimi ne media i Berishes per hapjen e opozites eshte keqinterpretuar nga shume mendje te ngushta shqiptare. Nje force politike nuk hapet duke riclikluar vetveten pasi ai proces nuk eshte proces hapje, eshte proces i brendshem partiak. Ajo qe Berisha ka parasysh me hapje te PD eshte hapja e dritareve te dialogut me mbare shtresen intelektuale shqiptare qe ndihet me e poshteruar se kurre ndonjehere, pas rrezimit te komunizmit.

Hapja e opozites do te thote qe nga Berisha e deri tek ai kryetari i deges se PD ne nje zone te thelle veriore apo jugore, do tu duhet qe jo vetem te flasin e mbajne fjalime, por edhe te degjojne intelektualet shqiptare. Nga ky debat Berisha kerkon te:
a) afroje sa me shume intelektuale rreth partise se tij b) ti integroje kete shtrese intelektuale ne administraten e re shtererore ne vend c) ne kete menyre rikthen besimin tek shqiptaret dhe rregullon imazhin e partise se tij. E verteta eshte qe PD asnjehe nuk ka vuajtur per intelektuale, bile po ta krahasosh me partite e tjera, ngjan si akademi shkencash dhe jo si formacion politik fale docenteve dhe prof. dr. qe jane integruar ne te. Persa u perket takimeve ne Vlore dhe Elbasan, ato nuk ishin "mitingje" por takime ne salla te mbyllura me intelektualet e ketyre qyteteve (informohu me mire).

3. Eshte afer mendjen qe PD dhe lideri i saj do te vere ne postet kyce te administrates se re njerezit e saj me te perkushtuar dhe me te sprovuar, qe i kane mbrojtur vlerat e tyre demokratike si ne pushtet kur ishin dje, edhe ne opozite sot. Arsyeja perse Berisha zgjedh veten kryeminister eshte pikerisht fakti se ai nuk deshiron me te "eksperimentoje" me njerez si Meksi, Ruli, Pashko e kompani qe kane demtuar jo vetem pozitat e Berishes por edhe vete imazhin e partise qe ai kryeson. Ndryshe nga politikanet e tjere shqiptare, Berisha nxjerr mesime nga gabimet e tij, gabime qe ka patur kurajo ti pranoje edhe publikisht perpara gjithe shqiptareve.

Mero Baze i publikon keto lajme duke nxjerre keshtu "sekretet" e opozites, per ti thene Berishes dhe PD: "hej, po Mero Bazen e harruat?!". Eshte nje mentalitet shqiptar qe une nuk e kam kuptuar ndonjehere dhe as nuk e marr dot mundimin ta kuptoj. Une di te them qe ata njerez qe ecin ne princip, nuk kane nevoje per poste ministrore per te dhene kontributin e tyre per demokracine dhe progresin e shoqerise shqiptare.

Albo

[My_Soul]

E dini si eshte puna e kesaj qeverie "hije": Peshku ne Mars e tigani ne zjarr. Hajde maskarade hajde. Keta demokratet dhe nuk e fshehin nje cik veten. Sa i paska marre uria per pushtet. O my God, nuk mbarojne qyfyret ne ate vend. Nejse, kryeministrine e pushtuan, tani po bejne gati qeverine. Keta sikur thone boll vodhet ju socialistet, erdhi rradha jone per te vjedhur se kur ishim ne pushtet nuk vodhem dhe aq shume. Ndrimi i pushteteve ne Shqiperi eshte si ajo thenia "Hiq Lenen e ver Prenen". Hajde qyfyre hajde.

[krokodili_73]

Qeveria hije eshte nje praktike e njeohur e veprimtarise opozitare ne boten perendimore. Qellimi i saj normalisht eshte per te shpalosur programin e opozites ne fushat e ndryshme te qeverisjes. Ku qendron zotesia e saj, ne ate qe ministrat hije te argumentojne se kur te behen ata ministra do e zgjidhin kete gje ne kete e ate menyre, me mire se pozita. Psh ministri i shendetesise hije do i duhet te argumrntoje se si do e perdorte ai buxhetin per te rritur cilesine e sherbimit shendetsor, ca reforme do merrte per te pakesuar apo zhdukur korrupsionin atje. Kryeministri, si kishte arritur te kuptonte gabimet qe cuan ne 97, 14 shtator, 7 shkurt, ca masash ka marre qe te mos perseriten me, si do i ruaj organet kushtetuese pa i shkrire e formuar sipas intereses se dites, si do arreije te ktheje pronen ke pronari i vertete pa shkaktuar plage sociale me ata qe i nxiti te leviznin pa rregull, cfare masash ka marre per te mos i kthyer organet e ruajties se ligjit ne organe te partise qe drejton e plote te tjera.

So i uroj suksese opozites me qeverin hije dhe ishalla vune per polikat rrugore e pa fidura te diskretituara si sala.
Kroksi

[Dita]

nga Albo

Mero Baze i publikon keto lajme duke nxjerre keshtu "sekretet" e opozites, per ti thene Berishes dhe PD: "hej, po Mero Bazen e harruat?!". Eshte nje mentalitet shqiptar qe une nuk e kam kuptuar ndonjehere dhe as nuk e marr dot mundimin ta kuptoj. Une di te them qe ata njerez qe ecin ne princip, nuk kane nevoje per poste ministrore per te dhene kontributin e tyre per demokracine dhe progresin e shoqerise shqiptare.

Mero Baze eshte gazetar analist dhe ne kuadrin e qenies pjesmarres i nje organi mediatik ai e ka per detyre te nxjerre "sekretet", te pozites, apo te opozites qofshin ato. Ky eshte profesioni qe ai ushtron, sic mund te jete per nje tjeter matematika, informatika, fizika, ekonomia, mjekesia, etj. dhe kete profesion ai e kryen mrekullisht, duke qene nje njeri i rendesishem ne median shqiptare. Sikur te kish pasur e te kishte dhe nja pese-gjashte Mero te tjere, jeta publike shqiptare do te kishte nje ze shume te fuqishem mbi politiken dhe punet do te shkonin ndryshe.

Nese njeriu ecen me principe ai thote mendimin e vet ne forme verejtje apo lavderimi qofte dhe nuk mban pishtare ne verberi per persona te vecante. Duke vepruar keshtu patjeter qe do te shkaktosh pakenaqesi tek ata qe "goditen" nga kritikat dhe ata qe i mbajne anen atyre verberisht, pa kuptuar se gabimet meritojne te vihen ne dukje ne menyre qe te korrigjohen.

[karaburuni]

Shumë diskutohet në këtë forum dhe shumë mendime të vyera po dëgjojmë. Por më duket sikur po harrojmë se Nanon është gjithmonë aty për të shfrytëzuar çdo gabim, luhatje apo përçarje të lëvizjes "Nano ik". Prandaj lereni se ç'do të bëhet pas Nanos kur t'i vijë koha: sot për sot duhet përzënë Nano!!!!!!

[Brari]

ne RD lexojme .

--------------

Psikoza e murit


Nga Halit Shamata


Reagimi i parë i qeverisë pas protestës qytetare të 7 shkurtit ishte gati i paparashikueshëm: rrethimi me mure i godinës kryeministrore. Një psikozë nga arsenali i afërm i komunizmit bunkeromorf. Një përpjekje për të akomoduar fjalën "psikozë" në kuptimësinë e saj, na thotë se psikoza është një çrregullim mental që tenton shkëputjen apo izolimin nga realiteti dhe si term i përket lamisë së mjekësisë. Por kur është fjala për murin që ka nisur të rrethojë Kryeministrinë pas 7 shkurtit, duket se termi nuk përjashton "larminë e institucioneve". Ngritjen e një muri shtetëror, përballë qytetarëve që protestojnë në të drejtën e tyre, e drejtë e cila përbën edhe institucionin më bazik të një shoqërie të hapët, do ta quaja psikozë institucionale.

Unë nuk besoj se në planet rregulluese të kryeqytetit mund të jetë parashikuar ndërtimi i një muri, sado periferik qoftë, sikurse nuk besoj se mund të jepet leje ligjore për ndërtimin e një muri, sikurse nuk përjashtoj muret e ndërtuara pa leje. Dhe aq më pak më bëhet të besoj se qeveria po ndërton një mur pa leje! Por qytetarët e varfër me shumicë, që qeverisen prej atyre që japin urdhëra për të ndërtuar mure proqeveritare (me të njëjtën mënyrë që urdhërojnë organizatat-fiction joqeveritare), nuk kanë kohë për të humbur me përsiatje të tilla urbane. Vetëm një gjë e dinë mirë, se muri është ndërtuar jo për të treguar forcën e qeverisë, por në rastin më të mirë, frikën e saj prej qytetarëve të varfër të vendit që ata qeverisin prej shtatë vjetësh, që për ironi të pamerituar janë edhe qytetarët më të varfër të Europës. Atyre jo se nuk u shkon mendja tek Muri i Berlinit, rrëzimi i të cilit bëri të mundur të plazmohej eurofjalori i ri politik ku "integrimi" përfaqëson slloganin e madh të Europës.

Qytetari europian shqiptar mendon se çfarë shansi mund t'i hapë integrimit jo thjesht ndërtimi i këtij minimuri, por psikoza qeveritare e murit, e cila edhe pa këtë mur është shumë larg asaj për të cilën ai si qytetar ka aspiruar me të drejtën e tij natyrore. Çfarë mund të ofrojë ky mur qoftë edhe simbolikisht përveç "shansit" të murosjes së shpresave?! Qytetarëve të këtij vendi të varfër që më 7 shtatë shkurt protestuan kundër varfërisë së tyre skajshmërisht të pamerituar, nuk ka si të mos u bëjë përshtypje deklarata e qeverisë që motivonte ndërtimin e murit, thelbi i së cilës ishte se ky mur nuk ka lidhje me protestat qytetare, se ai duhet të ishte ndërtuar më parë, por…

Me fjalë të tjera, qeveria kërkon të thotë se është e vonuar në ndërtimin e këtij muri kryeministror. Dhe atëherë, qytetarët shqiptarë që janë të vetëdijshëm se qenë të fundit dhe mjaft të vonuar në rrëzimin e murit të diktaturës, ndjehen idhët në shijen e tyre civile, konfondojnë kohët e mureve dhe të postmureve, kur dëgjojnë deklarata të tilla bunkerofobe. Ata nuk kanë si të mos trishtohen nga fakti se muri i përfolur po ndërtohet fshehurazi prej tyre, gjë që ata nuk e lidhin as me arketipin e legjendës së murosjes dhe as me ndonjë neotip të murosjes urbane, por të një ndërtimi pa leje, në kushtet e frikës. Dhe ata që më 7 shkurt i dhanë dimensionin qytetar popullit të opozitës pa mure, e dinë se e para gjë pa leje në këtë vend është qeveria.

Verifikimi i parë që mazhoranca në fuqi i bëri vetes, pas protestës qytetare të 7 shkurtit, ishte ngritja e një muri a minimuri apo të themi zëvendësmuri (të Berlinit), që të kujton në rastin më të mirë qeverinë e paradokohshme me zëvendësministra, e cila për nga lloji i saj ndërtimor ishte një mur antikushtetues (i ndërtuar pa leje).

Një mur, në të gjitha rastet, duke nisur nga makromuri kinez, nuk ka asnjë shans të tregojë forcën, përveç frikës. Qytetarët shqiptarë që nuk e meritojnë një qeveri nga më të korruptuarat në botë, janë të vetëdijshëm se çdo mur i ngritur kundër tyre është murana e atyre që e ngrenë, se ky mur që po ngrihet tinëzisht dhe domosdoshmërisht para datës 21 shkurt, është lehtësisht i kapërcyeshëm në krahasim me muret e larta të mjerimit, korrupsionit dhe krimit të organizuar, që qeverisja e majtë ka ndërtuar së bashku me psikozën vetëmurosëse të murit.

E nëse minimuri që po ngrihet është një gjest spektakolar frike, hipermuret e krimit, korrupsionit, mjerimit, që tentojnë, të murosin shpresën dhe të ardhmen, larg çdo spektakli, janë një shestim serioz i një diktature të mbetur prej kohësh në tentativë.

----------------------

[Brari]

Koment mbi shkrimin e zotit Halit Shamata..


....


Kandari i se vertetes..duhet mbajtur drejt..

Qe Nano ngre nje mur tani rreth Kryeministrise eshte nje e drejte e Kryeministrise dhe perderisa ai ligjerisht eshte kryeminister kjo eshte ne kopetence te qeverise se tije..

Zoti Shamata kerkon te nxjerr qiqrra ne helle per politike..por harron se Nano preteksin per ngritje muri e mori tek gomarlleku i Pd-se me 14 Shtator dhe 7 shkurt..

Zoti Shamata duhet te jet objektiv se jo cdo veprim qe bejne disa ne emer te PD-se e te demokracise eshte i kulluar..

Cdo veprim duhet analizuar me kandarin e se drejtes..

Ndodhi vrasja e Azem Hajdarit..

Ne sheshin Skenderbeg u be mitingu i Lamtumires..

Me vone arkivoli me Azemin e vrare u nis drejt bulevardit.
Para kryeministrise ndodhi dicka qe la gjurme.

U krijua nje incident para dyerve te Kryeministrise dhe ne Tv u pane pamje te dyerve te djegura e te disa shkaterrimeve..

A ishte i nevojshem ky incident?

PD nuk di se ka bere ose jo analize 14 Shtatorit por te tjeret ja kan bere kte analize..

Cfar i shtyu turmat qe te shkojn me arkivol tek kryeministria?

Valle ngjallej Azemi ashtu?
Joooooooo..

Valle gjendeshin vrasesit ashtu?

joooooooooo..

Valle ashtu merrej pushteti?

joooooooooo..

Pse nuk e permbajti vehten PD por penalizoi vehten dhe qindra te tjere duke i shkaktuar nje dem politik vet partise dhe vet kujtimit te Azemit..te cilin e lan ne shkallet e Kryeministrise te braktisur..

Cfar u fitua me "revolucionin" e 14 shtatorit?

Asgje konkrete pervecse Pd barazoi vehten me Ps-ne e cila e kishte kryer para saj nje revolucion te dhunshem..

Pra me 14 shtatorin Pd beri nje nxirje te biografise se saje..

erdhem ne 7 shtator..

perseri gati skena te ngjashme ..pra gure..e krisma..

Tash me te drejte duke marre preteks nga gomarlleqet e PD-se cohet Fatos Nano mafiozi dhe nderton nje Mure..

Halit shamata si shkrimtar dhe njeri i shkolluar duhet te bente analize objektive..pra para se te shikoj nje Mur ndares popull-qeveri e mur berlini etj etj.. le te shikoje se eshte PD qe i jep falas autogola PS-se dhe ku Ps pastaj nderton cte doje..

PD kurre ska pasur nevoj per dhune..
Ajo kishte arme te veten..te verteten dhe 50 vjetshin e zi te PPSH-se..

Si kavajas qe eshte zoti Shamata duhej te kishte reflektuar me thelle e jo te pajtohet me epilogun e protestes se 7 shkurtit i cili mbeti nje njolle e murme kur duhej te ishte vec nje date e bardhe qe te sfidonte qeverisjen e zeze te Ps-se..

A i harroi Shamata vandalizmat qe tregonin kavajsit ne xhadene nacionale qe kalon neper Kavaje qe lidh Mesin, Veriun dhe Jugun e Shqiperise kur gomere kavajas ndalonin pa asnji te drejte udhetaret e gjore dhe u kerkonin me dhune te ngrinin dy gishta perpjete..
Kjo gjoja per ti bere demokrate dhe jugoret..
Ky vandalizem la shije te hidhur ne popull dhe Shamata si Mendimtar i respektuar duhej ta kishte denoncuar kte gomarllek me kohe qe me 191-92-shin..

Pikerisht se kurre skan ditur te reflektojne ata u gabuan dhe me 1997 kur kujtuan se ata vandalet e rruges nacionale po tu jepej nje kallash nga shteti do te ndalnin bandat e Vlores qe kerkonin te sulmojne Tiranen..

Por nga vandalet e gangsteret mos prit akte heroizmi..

gangot e Kavajes qe shiteshin si demokrate e pren ne bes PD-ne..

Ata me kallashet qe u dha PD-ja nuk mbrojten sic kujtonte PD Tiranen e Durresin por me ti marre kallashet brenda dites dolen po ne rrug nacionale dhe i shiten me para kallashet e shtetit..

Dhe Vlora nen Komanden e Gjinush Caushve e beri te veten dhe ja futi flaken dhe Tiranes dhe Saliu kapitulloi para PS-se se Namik Dokle Ruco finove..
Sot te gjithe gangot qe dikur i kujtonte Saliu si aleate jane b-ith e breke me PS-ne sepse ata skan ideale por vec interesa casti..

Pra Zoti shamata para se te gjeje psikozat e Nanos ne kte rast le te analizoje PANevojshmerine e protestuesve te PD-se per te parakaluar para Kryeministrise e cila perfundoj ne gur-hedhje.. e nga e cila PD mori nje goditje politike ne sy te Tiranes dhe Nderkombetareve..

pra ne se do te kemi nje mur tek kryeministria fajtor jan jo vetem Nano por dhe Berisha , Arbnori etj.. pik..

po vjen 21 shkurti..

Berisha megjithse kaluan 10 dite akoma nuk ka permbushur nje deklarate qe beri me 7 shkurt se.. Ai..pra Pd i njef me emer e mbiemer provokatoret qe hodhen gure dhe se ata sipas Berishes jane njerez te Shikut te Nanos etj..dhe se Berisha u thot atyre te vijne me lule e jo me gure..

10 dite iken dhe Berisha nuk e mbajti fjalen..
Cfare eshte kjo...

Kjo eshte tallje e munges serioziteti e cakardisje mendore e politike..



Pse Berisha dhe mbas 10 ditesh akoma nuk kujtohet te na sqaroje e tja zbardh faqen PD-se?

Po vjen 21 Shkurti dhe do te kemi perseri protesta..

Deri tani Berisha ka bere thirrje qe te vijne njerez nga shum qytete por akoma ai nuk ka percaktuar se si do jene kto Protesta... ku do te mblidhen njerzit.. kush do u flasi..a do kete marshim tek kryeministria apo jo..a eshte marre leje policise apo jo..
Pra Tirana eshte ne ankth..

Njerzit jane ne pritje..a do kete perleshje apo do jet nje dit e qete..

Pd duhet te marri te gjitha pergjegjsite qe 21 Shkurti te mos behet 14 shtator.. qe policia te kete mundesi edhe te ruaj rendin ne qender dhe te ruaje jeten e qytetareve qe cdo minute rrezikohen nga bandat qe jan gjalleruar..

Kto gjera duhej ta shqetsonin ish ministrin e Rendit zotin Shamata..

[Albo]

Dita, ja tek e ke pergjigjen qe kerkoje per Mero Bazen.

Berisha: “Nuk do të ketë qeveri hije”

Nevila Përndoj

TIRANE - Lideri i opozitës Sali Berisha sqaroi dje se nuk e përkrah idenë për krijimin e një qeverie hije. Berisha mohoi të jetë diskutuar një gjë e tillë duke shtuar se kjo mbetet një dëshirë e disa përfaqësuesve të opozitës. “Dua të theksoj që ajo që ka botuar shtypi sot, është absolutisht fantazi tërësore e atij që e ka botuar. Ka zëra nga partitë opozitare që të shpallet qeveria hije, mirëpo ashtu siç jeni edhe ju dëshmitarë, gjatë 14 viteve kareiere politike, kam qenë gjithnjë kundër kabinetit hije, sepse çdo forcë politike duhet të përgatitet për t’i dhënë vendit qeverisjen më serioze”, - tha Berisha.
Në përbërjen e qeverisë hije dalloheshin edhe emrat e krerëve të partive të opozitës, PR, PLL dhe PBL. Ndërsa kryetari i reformatorëve Genc Pollo deklaroi se qeveria e ardhshme do të përcaktohet vetëm nga legjislatura e ardhshme. “Qeveria do të përcaktohet nga legjislatura e ardhshme. Qeveria nuk mund të përcaktohet nga parti të ndryshme sipas dëshirës së njërës apo tjetrës palë. Qeveria e re duhet të jetë e tillë në kuptimin e plotë të fjalës. Alternativa nuk mund të bëhet vetëm me fjalë të përgjithshme ndaj qeverisë, por me programe konkrete për çdo sektor me qëllim që të marrim besimin e qytetarëve”, tha Pollo.