Varr masiv me eshtra kosovarësh

[Lati.]

Serbi, gjendet varr masiv me eshtra kosovarësh

Serbi, gjendet varr masiv me eshtra kosovarëshBEOGRAD- Një varr masiv me eshtrat e rreth 250 shqiptarëve nga Kosova të vrarë gjatë luftës në 1998-1999 është zbuluar në Serbinë jugore. Lajmi është bërë i ditur për agjencinë italiane të lajmeve ANSA nga zv prokurori serb për krimet e luftës Vladimir Vukcevic. “Besojmë se në këtë varr gjenden eshtrat e rreth 250 kosovarëve të vrarë gjatë luftës 1998-1999. “Kemi dhënë urdhër të nisin gërmimet” – ka thënë zv prokurori, i cili ka shtuar se varri masiv është gjetur në Rudnicë,afër Raskës në Serbinë jugperëndimore jo larg kufirit me Kosovën.

[Lati.]

Martohuni edhe më tutje me Serb .
Ja ky është shbërblimi i tyre ndaj Shqiptarëve .

[fattlumi]

Beograd, 10 maj – Një varrezë e re masive, në të cilën mendohet se janë varrosur 250 shqiptarë nga Kosova, është zbuluar në Serbi, deklaroi për BBC prokurori serb për krime të luftës.

Ai tha se informacionet kanë ardhur nga misioni policor i BE-së në Kosovë, EULEX, dhe Serbia ka dërguar hetuesit.

Viktimat besohet se janë vrarë gjatë luftës 1998-99, kur forcat serbe luftuan kundër shqiptarëve në Kosovë, raporton BBC.

Varreza masive është zbuluar në qytetin Rashka, afër kufirit me Kosovën.

Kjo nuk është hera e parë që varrezat masive zbulohen në Serbi. Trupat e mbi 800 shqiptarëve nga Kosova janë zbuluar në disa lokacione në Serbi, në vitin 2001.

Deklarata e pavarësisë së Kosovës në vitin 2008 është sfiduar nga Beogradi, por është pranuar nga SHBA-ja dhe shumica e shteteve të BE-së.
koha.net