Pse e kërkoni të Gjallin ndër të vdekur?

[toni77_toni]

"Ai s’është këtu! U ngjall"

Më pagëzim jam ngjallur prej jetës së mëkatit,
tash, pra, dua të jetoj jetën e fëmijës së Zotit.

“Pse e kërkoni të Gjallin ndër të vdekur?

Ai s’është këtu! U ngjall!

Le t’ju bjerë në mend çka ju pati thënë kur ishte në Galile: ‘

Duhet ‑ thoshte ai ‑ që Biri i njeriut t’u dorëzohet njerëzve mëkatarë; ta kryqëzojnë dhe të tretën ditë të ngjallet!’“
(Lk 24; 5-7)

[toni77_toni]

"Ai s’është këtu! U ngjall"

Më pagëzim jam ngjallur prej jetës së mëkatit,
tash, pra, dua të jetoj jetën e fëmijës së Zotit.

Varri i Krishtit është i lumnueshëm


Vdiq Adami, vdiq Eva, vdiq Abeli, vdiq Kaini, vdiqën të tjerë e të tjerë, aq sa edhe u lindën. Më në fund të gjithë u kthyen në pluhur, në llom prej nga qenë nxjerrë.

Ka varre të madhërishme, varre të kushtueshme ku arti dhe pasuria kanë ngrehur përmendore të shkëlqyeshme, derisa dhëmbi i kohës i pamëshirshëm i detyroi të thërrmohen dita – ditës.

Është vetëm një varr i shkëlqyeshëm, varri i më i shkëlqyeshëm që mund të mendohet, varr, i cili qe varr vetëm tri ditë: varri i Jezu Krishtit Zot – e njeri.

vazhdon-->

[toni77_toni]

"Ai s’është këtu! U ngjall"

Më pagëzim jam ngjallur prej jetës së mëkatit,
tash, pra, dua të jetoj jetën e fëmijës së Zotit.

Ulja në Limb (mbi ferr)


Të Premten e Madhe Jezu Krishti qe kryqëzuar dhe mbas tri orësh mundimesh vdiq në kryq.

Si qe vërtetuar nga ana civile se Jezusi njëmend kishte vdekur, mbasi ushtari i ra në kraharor me heshtë, që ta vërtetonte vdekjen e tij dhe i shpoi zemrën nga del ujë e gjak, Jezusi që ulur prej kryqit, lyer e veshur mbas dokeve të varrezës së judenjve, qe varrosur në varr të ri, ku deri atëherë nuk qe varrosur askush.

Varrit iu vë rrasa e rëndë, e mbasi e kërkuan çifutët prej Pilatit që t’i vihet vulë dhe rojë varrit, qenë dërguar rojtarët ta ruajnë varrin.

Kështu shpirti i Krishtit, u ul në Limb, në vend ku të drejtit e kohës para Krishtit pritnin Shëlbuesin.

vazhdon-->

[toni77_toni]

"Ai s’është këtu! U ngjall"

Më pagëzim jam ngjallur prej jetës së mëkatit,
tash, pra, dua të jetoj jetën e fëmijës së Zotit.

E të tretën ditë u ngjall


Jezusi me fuqinë e vet hyjnore - Hyji i gjall, u ngjes edhe një herë me gjithëpushtetsinë e vet, bashkoi Shpirt e Korp, pa pasur pengesë, si zotërues i jetës dhe i vdekjes, me një “u ngjall” të lumnueshëm, lumnoi veten dhe e bëri varrin e vet varrin më të lumnueshëm.

U plotësua fjala e profetit Isai: “E varri i tij do të jetë i lumnueshëm!”


"Burra të Izraelit, dëgjojini këto fjalë: Jezusin Nazarenas ‑ njeri që Hyji e përforcoi para jush me vepra të madhërueshme, me mrekulli dhe me shenja, që siç e dini ‑ me anë të tij i bëri ndër ju; këtë, të tradhtuar sipas vullnetit të caktuar dhe parapamjes së Hyjit ‑ ju e kryqëzuat dhe e vratë me duar të të pafeve. Por Hyji e ngjalli duke e shpëtuar nga tmerri i vdekjes, sepse s’ishte e mundur që vdekja ta mbante nën sundimin e vet. E njëmend, për të Davidi thotë:

‘Zotërinë e kam gjithmonë para sysh, sepse Ai më rri në anë të djathtë që të mos rrëzohem.

Prandaj galdon zemra ime dhe brohorit gjuha ime, po dhe trupi im do të pushojë me shpresë, sepse Ti nuk do ta lësh shpirtin tim në Nëntokë as s’do të lejosh që Shenjti yt të kalbet.

Ti ma tregove udhën që shpie në jetë: në praninë tënde do të më mbushësh me gëzime.’

Vëllezër, më lejoni t’jua them haptas: Davidi patriark vdiq, u varros dhe varri i tij është edhe sot e kësaj dite ndër ne. Por ai, pasi ishte profet dhe pasi e dinte se Hyji, iu përbetua me betimin se një nga pasardhësit e tij do të hipte në fronin e tij, që më parë e parapa dhe paralajmëroi ngjalljen e Krishtit, kur tha:

‘Nuk qe lënë në Nëntokë as trupi i tij nuk e provoi kalbëzimin.’

Po këtë Jezus Hyji e ngjalli! Të gjithë ne e dëshmojmë këtë gjë! E djathta e Hyjit, pra, e lartësoi, prej Atit e mori Premtimin ‑ Shpirtin Shenjt dhe e ndikoi ashtu siç po shihni e po dëgjoni [edhe] ju vetë. E pra, Davidi nuk qe ngritur në qiell, e megjithatë thotë:

‘I tha Zoti Zotit tim: rri në të djathtën time derisa t’i vë armiqtë e tu shtrojë të këmbëve të tua!’

Le ta dijë, pra, pa farë dyshimi mbarë populli i Izraelit se mu këtë Jezus, që ju e kryqëzuat, Hyji e bëri Zotëri e Mesi.”



vazhdon-->

[toni77_toni]

"Ai s’është këtu! U ngjall"

Më pagëzim jam ngjallur prej jetës së mëkatit,
tash, pra, dua të jetoj jetën e fëmijës së Zotit.

Po të mos ishte ngjallur?!


Thotë shën Pali: “Po të mos ishte ngajllur Jezusi, feja jonë do të ishte e kotë.”

Për çfarë arsye? Për arsye se të ngjallurit e Jezu Krishtit është themeli i palëkundshëm i besimit tonë. Duke u ngjallur me fuqinë e vet, e dëshmoi hyjninë e vet më fort se me çdo mrekulli tjetër. Prandaj në qoftë se është ngjallur me fuqinë e vet, gjithë çka ka vepruar, ka thënë e ka vepruar si Zot.

Për themeluesit e besimeve të tjera, historia na kallëzon varrin e tyre apo na dëshmon se kanë vdekur e nuk janë ngjallur.

Besimi i jonë ka për themel një varr të zbrazët: varrin e zbrazët të vetmit të ngjallur në mes të vdekurve, të Jezu Krishtit, Zot e Njeri.


vazhdon-->

[toni77_toni]

"Ai s’është këtu! U ngjall"

Më pagëzim jam ngjallur prej jetës së mëkatit,
tash, pra, dua të jetoj jetën e fëmijës së Zotit.

Jezusi u dëftua i gjallë


Duke ndenjur për tri ditë i vdekur u vërtetua se njëmend kishte vdekur, por edhe kur u ngjall, nuk u largua menjëherë, por ndenji për dyzet ditë e u dëftua e foli dhe hëngri me apostuj. I përforcoi ata në fe, u dha mësimet dhe këshillat e mbrame për themelimin e Kishës së tij.


Atëherë Jezusi u tha:“Mos kini frikë! Shkoni e lajmëroni vëllezërit e mi të shkojnë në Galile. Atje do të më shohin.” (Mt 28; 10)

Ndërkaq të njëmbëdhjetë nxënësit shkuan në Galile, në atë mal, ku u kishte urdhëruar Jezusi. Kur e panë, e adhuruan, por disa dyshuan.

Jezusi u afrua e u tha:
“Më është dhënë çdo pushtet në qiell e në tokë. Prandaj, shkoni e bëjini nxënës të mi të gjithë popujt! Pagëzoni në Emër të Atit e të Birit e të Shpirtit Shenjt! Mësojini të zbatojnë gjithçka ju kam urdhëruar! Dhe, ja, unë jam me ju gjithmonë deri në të sosur të botës!” (Mt 28; 16-19)

Si u ngjall, pra, Jezusi, herët në mëngjes, të parën ditë të javës, më së pari iu dëftua Marisë Magdalenë…” (Mk 16; 9)

Në fund iu dëftua të Njëmbëdhjetëve ndërkohë që po ndodheshin në tryezë… Dhe u tha: “Dilni në mbarë botën e predikojani Ungjillin të gjithë njerëzve….. Kush do të besojë e do të pagëzohet, do të shëlbohet, ndërsa kush s’do të besojë, do të dënohet.” (Mk 17; 14-16)

vetë Jezusi u afrua
Dhe ndodhi që, ndërsa ata po flisnin e po bisedonin kështu, vetë Jezusi u afrua dhe po ecte me ta. (Lk 24; 15)

Jezusi zuri vend në mes të tyre
Ndërsa këta ende po bisedonin për këto ngjarje, vetë Jezusi zuri vend në mes të tyre dhe tha:
“Paqja me ju!” (Lk 24; 36)

“Pse po trembeni? Pse po dyshoni në zemrat tuaja? Shikojini duart e mia e këmbët e mia: unë jam! Vetë! Më prekni e vërtetojeni! Shpirti s’ka mish e eshtra, si po shihni se unë kam!” (Lk 24; 38-39)

“…dhe u tha:
“Kështu është në Shkrimin e shenjtë: ‘Mesisë i duhet të pësojë e të ngjallet së vdekuri të tretën ditë. Në Emër të tij do të predikohet ndër të gjithë popujt, duke filluar prej Jerusalemit, kthimi dhe falja e mëkateve. Ju jeni dëshmitarët e kësaj gjëje……. Dhe, ja, unë do ta dërgoj mbi ju Premtimin e Atit tim. Qëndroni, prandaj, në qytet derisa të visheni me Fuqinë prej së Larti.” (LK 24; 46-49)

erdhi Jezusi, zuri vend mes tyre
"Në mbrëmjen e po asaj dite të parën ditë të javës ndërsa dyert e shtëpisë, ku banonin nxënësit, ishin të mbyllura prej frikës së judenjve, erdhi Jezusi, zuri vend mes tyre dhe u tha: “Paqja me ju!......” ( Gjn 20; 19)

Jezusi, zuri vend mes tyre
"Pas tetë ditësh nxënësit e tij ishin prapë brenda në shtëpi e me ta ishte edhe Toma. Megjithëse dyert ishin të mbyllura, erdhi Jezusi, zuri vend mes tyre dhe u tha: “Paqja me ju! Pastaj i tha Tomës (atij qe nuk besonte ne ngjalljen e Jezusit):
“Shtjere gishtin tënd këtu dhe ja, shihi duart e mia! Ma jep dorën tënde e shtjere në kraharorin tim dhe mos ji njeri që s’beson, por besimtar!” (Gjn 20; 27)

Pastaj Jezusi prapë iu dëftua nxënësve në breg të detit të Tiberiadit…. (Gjn 21; 1)

vazhdon-->