Shqipëria kthehet në FIFA

[Davius]

Ministrite e Kultures dhe e Finances, urdher kontrolli per veprimtarine e FSHF-se

Ky urdhër rikthen sërish luftën mes shtetit dhe futbollit, ndërkohë që FSHF ka njoftuar sërish FIFA-n dhe UEFA-n, duke kërkuar mbrojtje tek këto institucione.

Lufta mes shtetit dhe Federatës së Futbollit mund të quhet zyrtarisht e rinisur. Pas deklaratave të bëra nga kryeministri Berisha dhe Ministri Pango, dy Ministri, ajo e Financave dhe e Sportit, kanë lëshuar një urdhër të ri auditimi për financat e FSHF-së. Urdhëri është firmosur nga dy titullarët e këtyre institucioneve, ministrat Ridvan Bode e Ylli Pango. Veprimi është konsideruar si një shkelje e autonomisë nga ana e drejtuesve të Federatës, që menjëherë kanë njoftuar dy organizmat kryesorë të futbollit në botë, FIFA-n dhe UEFA-n. Ndërkaq, materialet i janë dërguar edhe studios ligjore të Federatës që do të bëjë interpretimin juridik të urdhërit, ndërkohë që hapi tjetër do të jetë mbledhja urgjente e Komitetit Ekzekutiv ditën e shtunë. Konflikti mes shtetit dhe Federatës së Futbollit ka hyrë në vitin e tij të tretë. Edhe në 2005-ën, Ministria kërkoi auditimin e financave të FSHF-së, gjë që u konsiderua si një ndërhyrje në punët e brendshme jo vetëm nga drejtuesit e futbollit shqiptar, por edhe FIFA e UEFA. Atëherë gjithcka u la pezull, kjo edhe për shkak të largimit nga detyra të ish-ministrit Bujar Leskaj.

Balkanweb

[Davius]

Rinis "beteja", FSHF: Qeveria sulmon futbollin

Ministria e Sportit dhe ajo e Financave urdhërojnë auditimin

Ministria e Sportit dhe Ministria e Financave kanë dorëzuar në zyrat e Federatës Shqiptare të Futbollit një urdhër të përbashkët për "Auditimin e veprimtarisë ekonomiko-financiare të Federatës Shqiptare të Futbollit". Menjëherë sapo ka marrë në dorëzim dokumentin, institucioni që drejton futbollin në Shqipëri ka njoftuar FIFA-n dhe UEFA-n, ndërkohë që nuk ka harruar të bëjë me dije për këtë lëvizje edhe të gjithë opinionin publik në vend. Në këtë mënyrë, "lufta" FSHF-qeveri ka rifilluar. Zyrtarisht! Prej javësh situata ka qenë e tensionuar, mbi të gjitha pas akuzave të Kryeministrit Berisha dhe të kreut të MTKRS-së, Pango, për shitjen e dy ndeshjeve të fundit të Kombëtares, në eliminatoret e "Euro 2008". "Urdhri është firmosur nga ministri Bode dhe ministri i Sporteve, Pango", kanë bërë të ditur burime zyrtare pranë federatës. "Ky audit është vazhdim i sulmit ndaj institucionit që drejton futbollin. Tashmë, përpjekjet e qeverisë për të cenuar pavarësinë e FSHF-së janë të njohura dhe të vazhdueshme, pasi ky është viti i tretë ku shkaktohet një situatë e tillë. Federata bën me dije opinionin se ky urdhër bie ndesh edhe me marrëveshjen që MTKRS ka arritur me UEFA-n, për ngrirjen e të tilla vendimeve deri në gjetjen e një akordi juridik mes palëve".

GAZETA SHQIP

[Davius]

Spahia: Kontrollojme FSHF-ne, jo presidentin

Pas ngritjes se grupit te punes mes Ministrise se Turizmit, Kultures, Rinise dhe Sporteve dhe Ministrise se Financave per te ushtruar nje kontroll te veprimtarise ekonomiko-financiare te Federates Shqiptare te Futbollit, reagoi vete presidenti i ketyre te fundit. Pas intervistes se tij te dhene dy dite me pare ne media, zv.ministri i MTKRS, Ekrem Spahia, ka reaguar. duke thene: “Dua te theksoj dicka ne lidhje me kete kontroll, i cili nuk ka te beje me asnje lloj beteje dhe as me nje lloj paragjykimi. Ai eshte nje kontroll krejtesisht normal, sikurse kontrollohen te gjitha federatat sportive, qe financohen nga shteti. Auditi do te kontrolloje fondin grant dhe te gjitha financimet e FSHF-se sipas ligjit”, tha zv.ministri, i cili, me sa duket, nuk ka aspak deshire te acaroje situaten me kete institucion.

Sipas tij, nuk behet fjale per individ, qe ne kete rast duket se eshte vete presidenti i FSHF-se, Armando Duka, por per te gjithe federaten, kjo pasi jua lejon dhe ligji. “Ne kete rast nuk behet fjale per individin, por per nje federate, qe do te thote se ky kontroll nuk identifikohet thjesht me presidentin Armand Duka, por ne kontrollojme federaten dhe te gjitha strukturat e saj, pasi kjo ministri, e cila jep fondin grant, ka edhe te drejten e kontrollit”, tha Spahia.

Nder te tjera, zv.ministri i MTKRS-se, zoti Spahia, ka pranuar pavaresine e federates, por nuk eshte dakord qe te mos dihet se si qarkullojne parate qe i jepen ketij institucioni nga ana e ministrise. “E gjithe veprimtaria sportive e federatave rregullohet nepermjet statutit te tyre, qe eshte dhe duhet te jete ne perputhje me statutin e MTKRS-se. Federatat kane nje pavaresi te tyre, por me pjesen qe i lidh me MTKRS dhe gjithe institucionet e tjera, jane te detyruara qe t’i pergjigjen ligjit. Ne deri tani nuk kemi nderhyre ne kompetencat e asnje federate, duke perfshire dhe FSHF-ne, por zbatojme te drejtat qe na jep ligji per te kontrolluar”, perfundoi fjalen e tij zv.ministri Ekrem Spahia.

KOHA JONE

[Davius]

MTKRS sfidon hapur UEFA-n dhe FIFA-n

Zv/ministri Spahia: Kemi mbledhur firmat e klubeve për Asamblenë e jashtëzakonshme

Shteti shqiptar duket se është gati t‘u hapë luftë edhe organizatave ndërkombëtare si FIFA dhe UEFA, pa marrë parasysh pasojat që mund të vijojnë. Në një kohë kur organizatat që drejtojnë futbollin në botë janë shprehur qartësisht kundër ndërhyrjes shtetërore në federata, shteti shqiptar po vepron krejtësisht kundër këtij udhëzimi. Zv/ministri i Turizmit, Kulturës, Rinisë dhe Sporteve, Ekrem Spahia, ka deklaruar dje në një emision televiziv se shteti shqiptar ka siguruar firmat e klubeve për të zhvilluar Asamblenë e jashtëzakonshme të FSHF-së, ku do të synohet largimi i presidentit Armand Duka.

Ndonëse ultimatumi i UEFA-s dhe FIFA-s ka qenë i prerë, shteti shqiptar duket se nuk pranon të ndryshojë drejtim, duke vazhduar luftën me FSHF-në. Dje, zv/ministri Spahia, ka ngulmuar në idenë që auditimi në FSHF do të kryhet, pasi kështu janë ligjet shqiptare, pa marrë parasysh kërkesat e ndërkombëtarëve. "Auditimi në FSHF do të bëhet sipas ligjeve shqiptare, mbi të cilat nuk del askush. Grupi i auditivit do të shkojë në FSHF dhe nëse kjo e fundit nuk bën detyrën e saj, atëherë do të ndëshkohet sipas ligjit", ishte deklarata e zv/ministrit Spahia. Ai ka vazhduar ta cilësojë si keqinformim faksin e dërguar nga UEFA dhe FIFA në adresë të institucionit që ai përfaqëson, duke theksuar se shteti shqiptar vepronte sipas ligjeve të tij.

Por "bomba" e ditës së djeshme ka qenë deklarata e mëpasshme e zv/ministrit, i cili ka bërë të ditur se MTKRS ka gati firmat e klubeve për të organizuar Asamblenë e jashtëzakonshme të FSHF-së. Një tentativë e tillë u bë edhe dy vite më parë nga drejtuesit e institucionit shtetëror, por në atë rast, klubet nuk iu përgjigjën ftesës së shtetit shqiptar, duke respektuar FSHF-në dhe drejtuesit e saj. Ndonëse ish-titullarët e MTKRS-së deklaruan se kishin letrën me firma të përfaqësuesve të klubeve, ajo nuk u bë asnjëherë publike dhe u harrua "iniciativa kolektive" e klubeve shqiptare për të kërkuar dorëheqjen e presidentit Duka. Por këtë radhë, deklarata e institucioneve shtetërore që ngulmojnë në zhvillimin e Asamblesë së jashtëzakonshme të FSHF-së, do të shihet në një kontekst tjetër nga UEFA dhe FIFA. Këta të fundit, në faksin që kanë dërguar dy ditë më parë në MTKRS, kanë kërkuar shprehimisht ndalimin e sulmeve ndaj FSHF-së. Nxitja e përfaqësuesve të klubeve për një asamble të jashtëzakonshme është pikërisht një nga rastet më tipike që UEFA dhe FIFA e cilësojnë si shkelje të autonomisë së federatave të futbollit. Duke pasur parasysh ultimatumin për masa ndaj Shqipërisë, "iniciativa" e radhës e shtetit shqiptar mund të rezultojë fatale për futbollin tonë dhe përjashtimi nga aktivitetet kombëtare është më se i realizueshëm. Vetë FSHF nuk ka komentuar deklaratat e fundit nga titullarët e MTKRS-së, duke preferuar që një gjë të tillë ta bëjnë së shpejti UEFA dhe FIFA, të informuara për çdo zhvillim të ri në luftën e rihapur mes shtetit shqiptar dhe institucionit që drejton futbollin në vendin tonë.

GAZETA SHQIP

[_picirruki_]

Ne kete teme do bisedojme per nje problem te madh te kombetares shqipetare.
Nuk ka shume dite qe UEFA dhe FIFA i derguan nje leter Ministrise, Kultures, Rinise dhe Sporteve per zgjidhjen e problemeve te qeverise me F.SH.F-ne.
Kjo leter i ben ultimatum qeverise se nese ky problem nuk zgjidhet kombetarja shqiptare e futbollit do te perjashtohet nga çdo aktivitet futbollistik kombetar.
A eshte kjo e drejte ng ana e Ministrise se Kultures Rinise dhe Sporteve .
Ju mund te jepni mendimin tuaj rreth kesaj .

[BEHARI]

po te kishim rezultate pozitive ne futboll asnjeri nuk do kishte te drejte te paragjykonte f.sh.f
mir por per sa kohe qe rezultatet ne futbollin shqiptar dhe kryesisht tek kombetarja kan qene ne nivelin me te ulet i bie qe kjo federate te kontrollohet mbase dhe te nderrohen drejtuesit e saje!!
keshtu qe pamvarsisht masave qe do te marre UEFA apo Fifa qeveria ka plotesisht te drejte te kontrolloje se ku dhe si menagohen parat e hellura per futbollin ne ket federate!!

[Qyfyre]

UEFA te perjashtoje perkohesisht SHqiperine per shkak te nderhyrjeve te shtetit ne FSHF qe kane vazhduar pavaresisht paralajmerimeve te UEFAs dhe FIFAs.

[EkOnOmIsTi]

UEFA te perjashtoje perkohesisht SHqiperine per shkak te nderhyrjeve te shtetit ne FSHF qe kane vazhduar pavaresisht paralajmerimeve te UEFAs dhe FIFAs.

Spo te kuptoj??

E kan denuar apo jo?

[kris3006]

mire qe na kane lene pa drita edhe uje po edhe futbollin do na i marin

[RaPSouL]

Spo te kuptoj??

E kan denuar apo jo?

E kan denuar, ja edhe zyrtarizimi i denimit.

FIFA: Shqipëria jashtë aktiviteteve ndërkombëtare, 3 arsyet e vendimit. Reagon presidenti i FSHF-së Duka

Vendimi është marrë pak kohë më parë në mbledhjen e Komitetit Ekzekutiv të FIFA-s. Pas konfliktit të Federatës Shqiptare të Futbollit me Ministrinë e Turizmit Kulturës Rinisë dhe Sporteve ka ardhur edhe një vendim i tillë për futbollin shqiptar. Pas vendimit reagon presidenti i FSHF Armand Duka në një intervistë ekskluzive për "News24" Version multimedial i ketij lajmi

Shqipëria për një kohë të papërcaktuar do të mbetet jashtë të gjitha aktiviteteve futbollistike ndërkombëtare. Vendimi është marrë pak minuta më parë në mbledhjen e Komitetit Ekzekutiv të FIFA-s. Pas konfliktit të Federatës Shqiptare të Futbollit me Ministrinë e Turizmit Kulturës Rinisë dhe Sporteve ka ardhur edhe një vendim i tillë për futbollin shqiptar. Gjithashtu mësohet se një ndër arsyet e këtij vendimi ka qenë ndërhyrja e shtetit në futboll. Një vendim i cili kishte kohë që ishte lajmëruar është dhënë vetëm sot duke vënë përpara përgjegjësisë shtetin dhe konkretisht ministrinë e Sporteve për ndërhyrje të rënda në Federatën Shqiptare të Futbollit.

Duka: Vendimi pritej, ministria të marrë përgjegjësitë

Pas vendimit të FIFA-s në një lidhje telefonike me presidentin e federatës Shqiptare të Futbollit Armand Duka ka dhënë reagimin e tij. Sipas tij një vendim i tillë nuk është aspak pozitiv madje shumë i rëndë për futbollin shqiptar. Njëkohësisht Duka ka deklaruar se FIFA ka dhënë një vendim të drejtë pasi ka shumë kohë që paralajmëron për problemet që ka shetësuar futbollin shqiptar. Në këtë moment Duka ka deklaruar për “News24” se ministria duhet të marrë përgjegjësitë e saj në lidhje me arsyet e këtij vendimi.
Në përfundim Armand Duka ka deklaruar se ministria e Turizmit Rinisë dhe Sporteve duhet të realizojë përgjegjësitë dhe detyrat e saj dhe ti lërë letrat dhe justifikimet. “Futbolli shqiptar duhet ti kthehet sa më shpejt arenës ndërkombëtare”, ka përfunduar Duka.

Fjala e plotë e presidentit të FSHF Armand Duka në një intervistë ekskluzivisht për “News24”


“Vendimi I pezullimit te Federates shqiptare te futbollit nga Komiteti Ekzekutiv I FIFA-s nuk është se lë detyra për Federatën Shqiptare të Futbollit, kjo nuk ka ardhur si rrjedhojë e mosplotësmit të kërkesave nga Federata Shqiptare e Futbollit, por nga Ministria e Sporteve për një ultimatum që ishte për tu plotësuar për datën 20 shkurt për të fiksuar disa gjëra në lidhje me futbollin shqiptar të cilën ministria nuk I plotesoi ansnjëherë dhe erdhëm në këtë vendim.
Ai vendim kërkon firmosjen e statusit të Federatës Shqiptare të Futbollit dhe regjistrimin e tij në gjykatë, gjë e cila nuk ka ndodhur edhe sot e kësaj dite për asrye sepse ai status është firmosuur nga ministri por me vërejte, dhe e dyta ne jemi në një konflikt gjyqësor me Ministrinë e Turizmit Kulturës dhe Sporteve. Kjo ministri ka kërkuar çrregjistrimin e statusit tonë dhe nuk është tërhequr nga ky vendim.
Ministri Pango duhet të jepte argumenta në drejtim të akuzave që ka dhënë për institucionet e futbollit për trukim rerzultatesh. Unë uroj që ne të rikthehemi sa më shpejtë në familjen botërore të futbollit dhe ministria të kuptoj që kjo nuk është një lojë fjalësh por detyra për tu realizuar. Të kuptojë që duhet të respektojë një pavarësi reale të FSHF-së dhe jo një letër me justifikime.
Ministria duhet të jetë e bindur që duhet të funksionojë kështu. Nëse ajo është e bindur se duhet të funksionojë ndryshe atëherë le të gjendet një zgjidhje ndryshe por të bëjë të mundur rikthimin tonë në familjen e futbollit botëror sepse unë mendoj se është utopi të luash futbol vetëm në shtëpi” tha Duka.

FIFA: Arsyet e vendimit fatal për futbollin shqiptar

Vendimi për përjashtimin e Shqipërisë nga të gjitha aktivitetet ndërkombëtare të futbollit ka ardhur për tre arsye. Sipas burimeve akuzat kundrejt presidenti të FSHF Armand Duka për shitje të ndeshjeve kanë qënë një nga shkaqet për sjelljen e vendimit fatal të futbollit shqiptar. Arsyet janë bërë të ditura në letrën që dy sekretarët e përgjithshëm të FIFA-s dhe I UEFA-s I kanë bërë Federatës Shqiptare të Futbollit. Gjithashtu Komiteti Ekzekutiv i FIFA-s deklaron se ndërhyrjet e vazhdueshme të shtetit në FSHF, e cila ka të bëjë me bërjen e auditimit në veprimtarinë financiare të federatës, kanë vështirësuar situatën. Njëkohësisht arësyeja e tretë e cila ka çuar në këtë vendim të rëndë për futbollin shqiptar ka qenë edhe çështja e statutit të Federatës Shqiptare të Futbollit e cila është firmosur para dy javësh nga ministri Pango, por që FIFA ka kërkuar të mos bëheshin disa ndryshime të cilat kishin të bënin me këtë.

[xhori]

UEFA te perjashtoje perkohesisht SHqiperine per shkak te nderhyrjeve te shtetit ne FSHF qe kane vazhduar pavaresisht paralajmerimeve te UEFAs dhe FIFAs.

u perjashtua nga FIFA, nga UEFA akoma por nuk do vonohet
ne kerkojme te futemi ne NATO edhe dalim nga FIFA ec edhe merre vesh se cfar shteti kemi ne
dhe ne 95 ndodhi e njejta gje, kush ishte ne qeveri? SAAALA
edhe ka goje te thote qe kombetarja shiti flamurin
te shikojme njehere cka do te thote BRARI per kete gje

[imodhjom]

Ska faj Sala,po ne qe vazhdojme ta mbajme aty.Te gjitha institucionet i vuri ne kontroll me me hir e me pahir,ndersa federaten qe nuk e mori,e beri te perjashtohet nga fifa.Ai njeri vazhdon te na mbaje peng.

[Bledari]

Mir te na behet
bravo Ylli Pango maje me dore plere Minister

[MaDaBeR]

Me mire qe u perjashtuam se sa te vazhdonin ato legenat te shisnin ndeshje e te na degjeneronin duke ngrene nga 6 gola. Ishalla nuk na falin derisa ata qe shesin flamurin kombetar te qerohen nga Kombetarja jone.

Gjithashtu, edhe shteti ka te drejten e tij te kontrolloje per fondet qe ai jep. Shteti deklaroi qe do te auditoje e kontrolloje vetem fondet qe ka dhene vete dhe nuk do nderhyje fare ne ne ato qe ka dhene fifa. Por, jane mesuar keta zyrtaret tane qe nuk rrine dot pa bere korrupsion dhe Duka perfitoi direkt e shkoi u qa te FIFA se nuk po na lene te bejme korrupsion.

Edhe FIFA sipas mendimit tim eshte fajtore. Sot me shume se kurre po flitet per afera korruptive ne futboll, po flitet per shit-blerje ndeshjesh jo vetem neper kampionate por dhe ne ndeshjet nderkombetare. Dhe me thoni, çfare ka bere FIFA per keto probleme qe po lindin ne çdo vend ku luhet futboll? Asgje nuk ka bere. Dhe kjo me ben te mendoj qe FIFA po i perkrah te tilla gjera.

PS: Po Spanja u perjashtua?

[tani27]

SHUME MIRE te paketn kur te na pranojne prap e dime qe fotbollists do lujne per flamur dhe jo per xhepat e tyre duke shitur nderin tone me baste te pista

[shkodrani1982]

ma mire pa futboll se me kete futboll per mendimin tem.ta pastrojm mire at vend mandej mund te hyjm edhe nje her ne fifa

[Davius]

Një dënim i tillë edhe pritej, kur shihej qarte konflikti FEDERATË - QEVERI. Unë isha i sigurt se do të ketë sanksione ndaj kombëtares sonë, andaj pata hapur një temë të veçantë për këtë, që tani e bashkova me këtë temë aktuale.

Shpresoj se rasti i Shqipërisë, do të ketë epilogun e atij grek, ku kombëtarja greke u përjashtua, por më pas u mëshiruar dhe gjithçka pati një fund të mirë. Shpresoj të bëhet kështu edhe me Shqipërinë.

[MaDaBeR]

Davius, nga njera ane mire na e bene qe na perjashtuan. Jo vetem per faj te qeverise por dhe per faj te vete federates. Ne te gjithe boten federatat bashkepunojne me qeverite perkatese dhe punet e tyre shkojne shume mire. Ndersa federata jone shkon e qahet sa ktej -andej se po na sulmon qeveria. Ne asnje menyre nuk mund ta quaj sulm te qeverise une kontrollin ndaj fondeve qe jep kjo qeveri, pasi ne fund te fundit ato jane para qe fedarata i mer nga taksat e Shqiptareve dhe si te tilla duhen kontrolluar se si shpenzohen dhe nese ka apo jo abuzime ne ato fonde qe jep qeveria. Ministria e Turizmit, Kultures, Rinise dhe Sporteve e bashke me te edhe Kryeministri Sali Berisha kane deklaruar hapur se nuk do te kete Audit ne fondet qe jep FIFA e UEFA, por vetem per ato qe jep qeveria Shqiptare, gje per te cilen kane shume te drejte.

Gjithashtu sot lexova ne shtyp qe ndaj Spanjes nuk eshte mare i njejti vendim si ndaj Shqiperise, por i eshte lene ende kohe per te reflektuar. Ketu bie ne sy arroganca e FIFA-s. Federata Spanjolle kishte dhe vazhdon te kete probleme shume me te medha me qeverine se sa kishte federata jone. Por, gjithmone i madhi vendos diktatin dhe i vogli e peson. Pra, dhe FIFA nuk eshte "Engjell" ashtu sikurse hiqet.

Se treti, perse FIFA nuk merr asnje vendim ose nuk harton asnje lloj strategjie per ndeshjet e perfolura si me rezultate te paracaktuara? U bene kaq kohe qe lexoj shtypin sportiv dhe mund te them qe kam nje arkiv gati 6 vjeçar te gazetave kryesore Sportive Shqiptare dhe nuk lexova njehere qe FIFA ka hartuar kete strategji per trukimin e ndeshjeve. Ose nuk lexova njehere qe FIFA te kete derguar ndonje shkrese zyrtare per vendet ku perflitet shume per shitblerje ndeshjesh. Kjo me ben te mendoj se dhe vete FIFA perkrah shit-blerjet e ndeshjeve per perfitim dhe fuqizim ekonomik.

Dhe se fundi, statusi i FIFA-s shprehet qarte: "Çdo federate futbolli duhet tu nenshtrohet ne rradhe te pare Kushtetues e ligjeve te vendit te saj"
Ne kete kontekst, faji i bie te jete i federates sone e cila nuk ka zbatuar ligjin mbi auditin, ligj i cili eshte miratuar ne Parlamentin Shqiptar. Dhe qe ketu mund te dalim ne perfundimin qe nuk eshte qeveria shkaktare e ketij denimi por eshte vete federata.

Por le ti leme keto, dhe te gjithe te tregohen transparente e te matur. Gjithsecili le te permbushe detyrat qe i ngarkon ligji dhe askush te mos dale mbi ligjin. Gjithashtu dhe Armand Duka te bashkepunoje me Qeverine e vendit pasi vetem ne kete menyre do te arrihet te ecet perpara dhe jo me fryme konfliktuale. Mos te shkoje duke u qare si qurravec sa ktej andej por te permbushe detyrat e ti nenshtrohet ligjit njesoj si te gjithe te tjeret.

[RaPSouL]

Pezullimi, 3,2 milione euro dem

Kur meson nje lajm te hidhur, natyrisht fillojne e behen hesapet e para te asaj cka humb. Keshtu edhe Federata Shqiptare e Futbollit e ka fare te qarte se humbjet kapin shifra alarmante. E para qe te shkon ndermend eshte e drejta televizive, furnizuesja kryesore e arkave te FSHF-se. Ne rast se konflikti nuk zgjidhet shpejt, humbjet jane te medha. Behen fjale per 3,2 milione euro te djegura, shifer kjo e arritur nepermjet kontrates se firmosur me network-un "RTL Group". Gjigantet gjermane kane fiksuar shifren e majme per ndeshjet e kuqezinjve, sidomos pas shortit brenda grupit, ku Shqiperia do ta niste aventuren e saj kunder perfaqesueses suedeze. Oferta e pare e gjermaneve ishte rrotull 2 milione eurove, por, pasi ata u njohen edhe me shortin, e rriten pazarin ne 3,2. Por fatkeqesisht per federaten, duket se kjo shifer nuk do te arketohet. Zyrtare te FSHF-se kane shprehur shqetesimin e tyre se, nese kesaj situate nuk i jepet drejtim menjehere, humbjet mund te sjellin nje kaos te vertete, prej te cilit futbolli shqiptar do te vuaje gjate. Sidoqofte, ne kete mes nuk eshte vetem e drejta televizive qe minon arkat e federates. Nje burim shume i madh fitimi eshte edhe perqindja e biletave te shitura per ndeshjet e perfaqesueses kuqezi. Shqiperia do te luante 5 ndeshje zyrtare ne Tirane (pa llogaritur miqesoret) dhe shifrat e para mund te llogarisin humbje deri ne 1 milion euro, kuptohet me nje stadium te mbushur ne nivelin mesatar te tij. Por, shifrat nuk mbarojne ketu. Nuk duhet te harrojme te drejten e imazhit, te ardhurat nga sponsoret e shumte e donacione te tjera, qe nuk do te shkojne kurre ne arkat e federates. Ndaj, shqetesimi i qeverise se futbollit tone eshte shume i madh

RTL Group fitoi tenderin

Marreveshja mes FSHF-se dhe grupit gjerman u arrit pasi u hapen zarfet me ofertat perkatese nga cdo rrjet televiziv. Ne gare ishte edhe "SportFIVE", kompania qe fitoi te drejten televizive per edicionin e kaluar 2006-2008. RTL Group eshte kompania me e madhe televizive, radiofonike dhe e prodhimit te filmave ne Evrope me 42 televizione dhe 32 radiostacione ne 10 vende.

[Dita]

A di njeri se si zgjidhet presidenti i Federates se Futbollit te Shqiperise e pse pikerisht eshte zgjedhur z.Armand Duka?

Madaber, shume e mire analiza jote. Duke qene se je i pasionuar pas futbollit sa t kesh 6 vjet arkive gazetash sportive shqiptare, une po ta jap si ide qe sa ke shkruar me lart te zgjeruar e pasuruar edhe me tej me informacione e mendime ta cosh per publikim ne ndonje gazete shqiptare. Po lexoja artikullin

"FIFA: Shqipëria jashtë aktiviteteve ndërkombëtare, 3 arsyet e vendimit. Reagon presidenti i FSHF-së Duka"

qe kishte sjelle Rapsoul me lart. Dhe eshte per te ardhur keq per nivelin e tij.