Video e keqtrajtimit të emigrantit shqiptar në polici, skandal i madh në Greqi

[Kandili 1]

Mire mo njerez te mire,eshte shume i arsyeshem mellefi qe shumica nga ne shprehim per veprimin qyqare te policeve grek,po mos te harrojme qe ka edhe vende tjera ku policia vepron po ne kete menyre.
Siq e dime ne te gjithe,ne popullin tone ka hajna-madje mjaft te forte bile.Nga disa njerez tane nga Kosova , qe kishin pervoje te dukshme ne kete „zeje“,kam degjuar qe:“ po re ne dore te policise turke a austriake, te bejne lesh dru!“
Po per greket ne e dime si na e duan,prandaj s`ka befasi ketu.

Por, po te qellon ndonje grek e te degjon gjithe mellefin tone ne lidhje me ta, ai zor se s`do te na kish shtrue pyetjen :“ e pse po vini te ne,pasi e dini se s`ju duam?!“
E po skamja te qon ne dere te harapit e te hamamit a te grekut…

Rrezikun e madh populli yne e ka nga „ndihmat“ financiare te fqiut jugor,kjo eshte me pasoja shume,shume me serioze se rrahjet e kohe pas koheshme qe pesojne bashkekombasit tane nga policia e fqiut!.Ky rrezik eshte aq i qarte, kur kihet parasysh qe bankat e tyre i japin shtetit shqiptar kredite me kushte aq te volitshme(lexo: helmuese!), qe per konkurencen e tyre(bankat e shteteve tjera) jane plotesisht te papranueshme.Si rezultat,shteti shqiptar eshte krejt i varur nga fqiu i djallezuar dhe zor se mund te beje politike te pavarur.Ky eshte rreziku qe i kanoset seriozisht shtetit shqiptar, e sidomos pjeses jugore te tij ,dhe po qe se vazhon me kete rrjedhe siq eshte tani,pas disa viteve mund te kete perfundime katastrofike per kombin tone!

Une shpresoje se mos po hyjne me shume investime amerikane ne Shqiperi, dhe mos po do Zoti ( e edhe disa vende me ndikim si Gjermania,Anglia e tj.) e po hyne Shqiperia ne BE e i shpeton disi kthetrave te fqiut jugor te djallezuar,se per ndryshe na piu e zeza.

[the_bigg3st]

ja po e hedh nje video te punuar nga nje shok i imi ..

http://youtube.com/watch?v=_7G0RHtcb...e=user&search=

[Flori]

Heshtja për videon greke acaron emigrantët: Qeveria shqiptare na ka braktisur

Lëvizja "Mjaft" protestë para ministrisë: Luli eja në punë

Pas publikimit të video-skandalit ka reaguar ashpër edhe komuniteti shqiptar në Greqi, ndërsa opozita greke ka këmbëngulur përsëri dje në dorëheqjen e ministrit të Rendit dhe drejtuesve të policisë. Komuniteti i emigrantëve shqiptarë në Greqi ka kërkuar reagim të ashpër nga qeveria shqiptare ndaj dhunës që ushtrohet vazhdimisht ndaj tyre në shtetin helen. Përmes një deklarate shtypi, emigrantët shqiptarë janë shprehur të pakënaqur me reagimin e qeverisë shqiptare, por edhe të institucionit të Avokatit të Popullit, në mbrojtje të të drejtave të emigrantëve. "Neglizhenca që shpreh shteti shqiptar ndikon në mënyrë të drejtpërdrejtë edhe te qeveria greke, e cila nuk i ndëshkon asnjëherë dhunuesit e emigrantëve, por gjithmonë i ngarkon me faj ata", theksojnë emigrantët. Komuniteti i emigrantëve shqiptarë në Greqi ka kërkuar me insistim dënimin e gjithë stafit të policisë së "Omonias" në Athinë, pasi ky nuk ishte rasti i parë i dhunës së ushtruar ndaj emigrantëve. "Shteti grek nuk respekton asnjë të drejtë të emigrantëve", konstatojnë emigrantët shqiptarë në Greqi. Rasti më i fundit i dhunës u shënua disa ditë më parë dhe u vërtetua edhe nëpërmjet një videoje, që ka shokuar gjithë opinionin publik grek.

"Tërmet" në politikën greke

Pamjet e dhunës në rajonin e policisë së "Omonias" në Athinë shkaktojnë ende reagime të ashpra në Greqi. Partitë e opozitës kërkuan dorëheqjen e ministrit të Rendit dhe të drejtuesve të policisë. Kjo kërkesë është hedhur poshtë prej qeverisë, nëpërmjet zëdhënësit të saj, Evangjelos Andonaros. Ai tha se "ministri e kryen shumë mirë detyrën e tij, prandaj gëzon edhe mbështetjen e Kryeministrit Karamanlis". Por opozita helene këmbëngul që dorëheqjet duhet të jenë të menjëhershme, pasi "ky nuk ishte një rast i veçantë". "Dhuna në rajonet policore greke është tashmë diçka e zakonshme", konstaton ajo. Opozita rikujtoi edhe një herë raportin e "Amnisty International", në të cilin bëhet fjalë për 67 denoncime për dhunë fizike në rajonet e policisë vetëm gjatë dy viteve të fundit. Gjithashtu, opozita përmend edhe një tjetër raport, atë të Këshillit të Evropës, sipas të cilit gjendja në rajonet e policisë dhe burgjet greke paraqitet si në vendet e botës së tretë, shumë herë më keq edhe se vendet më të varfra të rajonit.

Qytetarët: Edhe ne jemi rrahur

Edhe dje televizionet dhe gazetat greke i kanë kushtuar ngjarjes vend të veçantë në faqet dhe edicionet informative. Tema kryesore e diskutimeve është shkelja flagrante e të drejtave të njeriut ndaj personave që ndalohen në rajonet e policisë greke. I gjithë opinioni vendas dhe ai mediatik dënojnë ngjarjen-skandal, ku dy emigrantë dhunohen prej policisë dhe më pas detyrohen prej saj të qëllojnë njëri-tjetrin. Reagime të forta ka pasur edhe nga sindikalistët e policisë, të cilët kësaj radhe janë kundër drejtuesve të Ministrisë së Rendit. Ata pajtohen me qëndrimin e përbashkët të mediave dhe opinionit vendas, që kërkojnë dorëheqjen e ministrit të Rendit, Viron Polidhoras, dhe drejtorit të policisë, Dhimoskaqis. Mediat greke po shfaqin jo pak denoncime qytetarësh, të cilët tashmë shprehen se janë goditur, sharë e rrahur në rajonet e policisë, kur janë ndaluar për arsye të ndryshme.


Lëvizja MJAFT: Basha, reago seriozisht


Aktivistë të Lëvizjes MJAFT protestuan dje para Ministrisë së Punëve të Jashtme të Shqipërisë, kundër mungesës së një reagimi dinjitoz të këtij dikasteri, pas publikimit të videos skandaloze të regjistruar në një nga komisariatet policore të Athinës. Dhjetëra aktivistë mbanin në duar parulla kundër ksenofobisë së përsëritur greke ndaj shqiptarëve dhe kundër heshtjes së autoriteteve shqiptare ndaj rasteve shokuese të kësaj ksenofobie edhe në të kaluarën. "Ndërsa këtë video skandaloze, ku oficerë të policisë rrihnin dy shqiptarë e i detyronin ata të rrihnin dhe njëri-tjetrin, e dënoi publikisht Kryeministri i Greqisë, autoritetet shqiptare dhe veçanërisht Ministria e Jashtme, u mjaftuan vetëm me një deklaratë shtypi", tha Joni Baboçi, aktivist i MJAFT. Sipas tij, kjo është e papranueshme, ndaj jemi mbledhur këtu që t‘i bëjmë thirrje ministrit Basha të nisë sa më parë reagime serioze dhe më të ashpra për të vënë në vend dinjitetin tonë".

MJAFT argumentoi se është e pafalshme që shteti dhe autoritetet shqiptare të mos reagojnë ashpër dhe ashtu siç duhet sa herë që dinjiteti i shqiptarëve nëpërkëmbet në vendin fqinj. "Ushtarët grekë thonë se do bëjnë lidhëse këpucësh me zorrët tona, flamuri shqiptar digjet publikisht në Greqi, madje të rinj shqiptarë rrihen dhe vriten si rasti i Vullnet Bytyçit, e ajo që bën shteti shqiptar është veçse ndonjë reagim i ftohtë përmes deklaratave për shtyp, ku ndonjëherë, si në deklaratën e djeshme, lavdërohet edhe puna e policisë apo drejtësisë greke", tha një tjetër aktivist i kësaj lëvizjeje. MJAFT kërkoi nga autoritetet greke të marrin menjëherë masa mbi autorët, duke dhënë shenja të qarta e bindëse se respektojnë ligjin, të drejtat dhe dinjitetin njerëzor, ashtu siç kërkoi nga autoritetet shqiptare që jo vetëm ta dënojnë publikisht këtë skandal, por të bëjnë sa më parë reagimet e duhura që skandali të mos kalojë në heshtje, siç kanë kaluar deri tani skandale të tjera të ngjashme me të edhe në të kaluarën.

Protesta e MJAFT u organizua para zyrës boshe të ministrit të Jashtëm. Basha ndodhet prej dy ditësh në Komisionin Zonal Zgjedhor në zonën 86 në Pogradec. Ndonëse prej të shtunës në mediat greke dhe më pas në ato shqiptare ka shpërthyer skandali i dhunës së policëve të Komisariatit të "Omonias" në Athinë ndaj dy të miturve shqiptarë, ministri Basha është më i interesuar për punët e partisë, duke parë më të arsyeshme të ndjekë nga afër zgjedhjet në Pogradec, se sa të mbrojë interesat e shqiptarëve jashtë vendit, në këtë rast në Greqi, detyrë që e mbulon në qeveri dhe për të cilën paguhet nga taksat e shqiptarëve. Zoti Basha, jo pak herë, është parë të ndërhyjë në punën e KZZ-së, çka ka bllokuar funksionimin normal të tij. I pyetur të dielën për praninë e tij në Starovë, ndërsa aty po zhvillohen zgjedhjet, zoti Basha u shpreh se po inspektonte projektet e rrugëve që ai kishte firmosur kur ishte ministër i Transporteve.


© Gazeta Shqip - 2006-2007

[niktironci]

Ekam thene edhe me perpara me kete video, te keqtrajtimit te Shqipetareve ne rajonin e policise, eshte prekur dinjiteti dhe krenaria e popullit Shqipetar.
Falenderoj z . me nick ``The bigg3st``.
Kush mundet te na dergoje , ne internet, fotografi nga provikacionet e gushtit,
ku i kemi vene perpara si lopet, dhe eshte nje varg i gjate nuk e di se sa Greke te zene rob. Po e paraqiti dikush, e falenderoj personalisht.
Edhe nje here per z Albo, gjithe keto lajme jane fjale rruge,si edhe gjithe keto reagime.

[I Q i pafajshem]

He pra shqiptare, punoni ne vendin tuaj e mos e lini ashtu te shkrete ne duar e nje bande keqberesish NANA E BERISHA. Nese doni te jeni si kush, duhet shvilluar vendi jone, e jo te punoni gjithmone ne dhe te huaj. Hajt te shpresojme, se ne greqi do ikim vetem per turizem

[FLORIRI]

E verteta i skandalizon te gjithe njerezit qe paragjykimet i shesin per fakte te kryera!

Albo

Per cfare te vertetash ke goje te flasesh ti kur vete je skllav? Si mund te ndaj te verteten prej genjeshtres, realitetin prej paragjykimeve kur behet fjale per kombin tone, nje njeri si ti qe para se te jete shqiptar eshte orthodoks? Ti nuk mund te jesh objektiv ne tema te tilla dhe kjo duket qarte kur shkruan se na duhet te shikojme dhunen ne policite tona para se te shikojme ata te Greqise dhe c'eshte me qesharake po na kujton qe nuk jemi suedez apo hollandez qe te habitemi. Domethen qe meqe gjera te tilla ndodhin dhe nga ne nuk duhet te vejme ujin ne zjarr edhe kur na ndodhin jashte. Kjo pra shpjegon qarte se ty besimi te imponon nje pozicion emocional asnjanes qe eshte i pavend dhe eshte e padrejte te ua imponosh tjereve duke perdorur kositjen e postimeve. Ti je si puna e atij gomarit qe po e hante ujku dhe ai thoshte "<< oh Zot, beje enderr>>" kur identitetin tend si shqiptar e lidh me te qenit orthodoks. Dhe keto "perla" po ua shet disa fatkeqeve qe njohurite historike dhe religjoze te Ballkanit po detyrohen ti mesojne te shtremberuara prej propagandes se kamufluar kameleonike te orthodokseve online. Qe ti desheron te jesh por nuk mundesh, ne te njejten kohe, edhe shqiptare edhe orthodoks, na nxjerr tek mjerimi i gomarit qe thote o Zot beje enderr. Kjo eshte e verteta qe besimtaret orthodokse nuk duan ta pranojne--> Kisha orthodokse ne ballkan ka mbi shpatulla pergjegjesine kryesore per nxitjen e urrejtjeve nder etnike dhe religjoze. Kur injoron tjeret duke i konsideruar si paragjykues dhe jo objektive, pse nuk i sheh keto te meta ne veten tende? Perse behesh hipokrit si ai qe sheh qimen ne syun e tjetrit dhe harron traun qe ka ne sy te tij? Ata dy femije nuk jane as te paret dhe as te fundit qe behen pre e barbarise greke e cila e inspiruar prej institucionit shpirtnor orthodoks ka perfshire tera shtresat e shoqerise ne greqi.

[Stefan07]

Barbaria e shtetit grek dhe qyqarllëku i shtetit shqiptar

XHEVAT BISLIMI,
DEPUTET I KUVENDIT TE KOSOVES :

Bota shqiptare dhe përgjithësish bota e qytetëruar u tmerrua nga pamjet filmike që dëshmonin barbarinë e shtetit grek ndaj shqiptarëve të arrestuar.
Greqia, anëtare e Bashkimit Evropian, torturon, dhunon, trajton dhe poshtëron të arrestuarit shqiptarë si në epokën e barbarisë. Kur shikon këtë “dokumentar”, të prodhuar nga policia greke, të krijohet përshtypja se shteti grek sapo është shkëputur nga periudha e egërsisë dhe ka hyrë në periudhën e barbarisë. Greqia, në themelet e së cilës është qytetërimi, gjaku, lufta, mendja dhe toka shqiptare, nuk po heq dorë nga urrejtja, dhuna dhe tortura ndaj shqiptarëve, përgjithësisht, dhe, sidomos, ndaj atyre që jetojnë e punojnë në Greqi. Sikur “dokumentari” që pamë të ishte “një rast i izoluar”, siç gënjeu publikisht Kryeministri grek, me siguri që nuk do të kishte arsye të alarmohej populli shqiptar. Por, e vërteta është se ndjekja, shtypja, shantazhimi, kërcënimi, përbuzja, shfrytëzimi, dhuna, tortura dhe poshtërimi i popullsisë autoktone shqiptare dhe i mërgimtarëve shqiptarë është legalizuar në Greqi. Kjo urrejtje dhe barbari ndaj shqiptarëve frymëzohet dhe ekzekutohet nga shteti grek, ajo është ngritur në sistem.
Para këtyre politikave raciste shteti dhe kombi shqiptar nuk duhet të qëndrojnë indifferent…Dora e shtrirë e miqësisë dhe vëllazërisë nga shteti shqiptar kam përshtypjen se po jep efekte të kundërta nga ato të dëshiruarat…


Me legjislacionin e Bashkimit Evropian, ku është anëtare Greqia, është e ndaluar edhe rrahja e kafshëve me dru dhe keqtrajtimi i tyre e lëre më rrahja dhe keqtrajtimi i njeriut. Por, me sa po duket, është ditur edhe më parë, për Greqinë, kur është fjala për shqiptarët, nuk vlejnë ligjet e Bashkimit Evropian dhe as ato që ka miratuar vetë. Për shqiptarët vazhdojnë të vlejnë ligjet e periudhës së barabarisë. Greqia nuk po ngopet me barabritë, shkatërrimet dhe tragjetitë që i ka shkaktuar popullit shqiptar.
Mbase kjo është arsyeja që ky shtet edhe sot mbanë në fuqi “gjendjen e luftës” me shtetin shqiptar dhe me mbarë kombin tonë. Greqia duhet të ndërgjegjësohet se politikat e këtilla vërtetë po i bëjnë shumë dëm shqiptarëve dhe çështjes së tyre, por dëmin më të madh do ta heq vetë… Këto sjellje dhe qëndrime raciste ndaj shqiptarëve do t’i kthehen bumerang, do t’i hakmerren. Pas bërjes publike të kësaj urrejtje dhe dhune të shfrenuar të shtetit grek ndaj shqiptarëve duhet të reagojë edhe Bashkimi Evropian.
Këto praktika duhet të dënohen vendosmërisht nga BE-ja dhe të merren masa të menjëherëshme ndaj këtij shteti, anëtar i BE-së.

Si shqiptar u trondita dhe revoltova pa masë kur pash atë “dokumentar”, që cenonte rëndë dinjitetin kombëtar dhe njerëzor të shqiptarit. Nuk u befasova, sepse isha i informuar për qëndrimet raciste dhe barbare të këtij shteti fqinj, që historikish ishte në garë me Serbinë për shtypjen, dëbimin dhe gjenocidin ndaj shqiptarëve. Ajo që më lëndoi në shpirt ishte TVSH-ja (televizioni kombëtar, televizioni i parë në botë që foli shqip). Informimi për këtë “dokumentar” mund t’i shkonte një televizioni të “pavarur” grek, por nuk i shkonte fare Televizionit Shqiptar. Ky Televizion në një shkallë të madhe shfajsoi policinë (shtetin) greke, duke “konstatuar” se është fjala për dy të rinj që i kishin vjedhur çantën një plake, nga njëra anë, kurse në anën tjetër “zbuti” zemrimin dhe indinjatën e shqiptarëve, që me të drejtë gjykojnë vjedhjen e një plake. Nuk ishte punë e TVSH-së as të “konstatonte”
dhe as të “(para)gjykonte (mos)veprimin e dy të rinjve shqiptarë në Greqi.
Ky Televizion, mbarë media, shteti dhe i gjithë kombi shqiptar duhet ta denonconin, gjykonin dhe dënonin barbarinë e policisë greke (shtetit grek) ndaj të arrestuarëve (të burgosurëve) dhe shqiptarëve në Greqi përgjithësisht. Dipolmacia shqiptare do të duhej ta bënte (nëse nuk e kishte bërë deri më sot) ÇËSHTJE pranë organizmave ndërkombëtarë dhe pranë qeverive demokratike të Bashkimit Evropian punën e keqtrajtimit (persekutimit
permanent) të shqiptarëve në Greqi. Edhe mërgata shqiptare në Greqi, në bshkëpunim edhe me popullsinë shqiptare vëndëse, duhet të organizohet më mirë dhe t’i mbrojë të drejtat e saj kombëtare, politike e qytetare përballë barbarisë greke. Reagimi i mjerë i Qeverisë shqiptare ishte në nivel “zëdhënësi”, i cili mezi e lexoi një copë letër pa ia ndarë sytë nga frika se mos po bënë ndonjë gabim “politikë” e pastaj vaj halli për te! Ky reagim në thelb nuk dallonte nga ai i Kryeministrit grek. Andej nga ne themi “sa poshtë ka rënë katundi”, por kësaj here po themi “sa poshtë ka rënë paria”!
Aq poshtë sa s’ka ku vete më ka rënë kjo “elita” jonë politike e kombëtare.
Prandaj them se tash e tutje do të fillojmë të ngjitemi…

Xhevat Bislimi/18 Jun 2007/F.F.

[Imperator]

Kur bankat kryesore te Greqise i japin kredi ne masen 230 milion euro qeverise shqiptare me interes te favorshem, jane 230 milion euro te dala nga kursimet e popullsise greke qe po investohen ne infrastrukturen shqiptare ne projektin me te madh qe ka njohur shteti shqiptar ne historine e tij, rruga Durres-Kukes.

Dhe investime te tilla te bankave greke deshmojne se qeveria greke mbeshtet stabilitetin politik te Shqiperise dhe zhvillimin ekonomik te saj, pasi po te mos besonte ne keto te dyja, ajo kredija disa qindra milioneshe do te ishin para te hedhura ne kosh.

Albo

Albo, sa per ato parate e rruges Durres-Kukes investitori me i madh eshte Banka Boterore, pas saj vijne parate e mbledhura nga "Taksa e Rruges Durres-Kukes", ndersa banka Greke eshte e fundit ne liste per parate e dhena, pastaj jane me perqindje interesi me te madhe se parate qe jane mare hua nga Banka Boterore.

Tani Albo te jemi koshiente, le te mos bejme nje sy qorr e nje vesh shurdh. Si une edhe ti e dime qe ne Greqi Shqiptaret keqtrajtohen ne menyre barbare. Dhe ti e di shume mire qe ata na dogjen flamurin ne nje ndeshje nderkombetare, pra ata na fyen kombin. Siç e di shume mire dhe ti Albo, ke me qindra Shqiptare te vrare nga policia dhe ushtria Greke ne kufi. Ti e di shume mire Albo, qe shteti jone e ka hequr ligjin e luftes me Greqine, ndersa Greqia nuk e ka hequr dhe na quan "miq" me ligje lufte.

Le te krahasojme pak jetesen e Shqiptareve ne vendet e tjera ku ata emigrojne. P.sh. dhe Italianet jane rraciste ndaj ne Shqiptareve, por ama kur vjen puna policet Italiane sillen ne menyre njerezore me Shqiptaret neper burgje e neper rajone policore. Kete e kam me fakte nga njerez qe kam takuar personalisht. Shqiptaret ne Itali nuk perbuzen ne ate shkalle qe perbuzen ne Greqi dhe gjate gjithe ketyre viteve nuk ke nje te vrare Shqiptar nga policia Italiane.
Te njejtat gjera mund te themi dhe per Shqitaret ne Angli, Gjeramani, etj etj.

Pra Albo, ne kete rast po ben opoziten kot persa i perket kesaj çeshtje. Dhe ai epiteti hajdute ordinere nuk e justifikon opoziten tende, pasi ne radhe te pare jane njerez e duhet te trajtohen si te tille, pastaj vijne te tjerat pastaj. Dhe tjetra, jo vetem Shqiptaret jane hajdute ne Greqi, por vetem Shqiptaret jane gjithmone ato qe denigrohen dhe keqtrajtohen ne vendin fqinj. Ndoshta nuk ke jetuar kurre me pare aty dhe prandaj flet dhe ne kete menyre.

Imperator

[ildushja]

Nuk mendoj qe Greket duhen gjykuar si komb per budallalliqet qe bejne disa prej tyre, fundja fundit dhe Shqiptarit ti vinin lloj lloj grekesh ne Shqiperi e te krijonin probleme dhe ne ashtu do ti trajtonim.

Gjithsesi, turp t'ju vije!

[alb_3_ert]

Urrejtja e grekeve ndaj shqiptareve fillon qe nga koka e politikaneve te te gjitha ngjyrave.Jane ata qe akoma e kesaj dite mbajne te gozhduar ne mur "ligjin e luftes".E çfare kerkojme ne ndaj dy policeve.E gjithe kjo behet ne sy te nje Europe gjoja te demokratizuar.Greket po te jene aq "trima" le ta krruajne me turkun.Punoja nje here ne Greqi ,ne vjeljen e domateve.Kur greku na pranoi ne pune ,filloi e na pyeti per emrat.Ishim 5 veta,4 thane emra ortodoksesh,ndersa njeri me duket se nga Lushja i tha emer myslimani,Jashar,Ne te kater na u keput mezi duke vjelur kurse "Jashari" numeronte arkat tona.Kur e shoqja e pyeti se pse ai numeronte arkat e nuk punon ne fushe ai u pergjigj:-Rri grua, se ai eshte turk!!!!!Keshtu puna e grekeve,nuk kane me ke te gricen e gricen me ne.9 here kam shkuar ne Greqi e 9 here jam rrahur.Nuk mund ta harroj ate fytyre polici qe me rrahu heren e fundit dhe per çfare se isha shqiptar.