LUTJA: Mesues na meso te lutemi...!?

[NoName]

URATA PËR MUSLIMANË E HINDUISTË

O Zot,
Të falënderoj për muslimanët dhe hinduistët!
Dhe për të gjithë miqtë e mi të dashur në mesin e tyre!

Çdo herë kur të takojmë Ty në uratë,
Ti na bën të krishterë më të mirë,
muslimanë më të mirë,
hinduistë më të mirë.

Jepna të gjithë neve
Dhuratën e fesë dhe dashurisë
për të zbuluar Ty!
Amen!

Gonxhe Bojaxhiu - Nëna Tereze

[NoName]

PËR SHQIPËRINË TIME *

E tronditur jam
Se u trondit gjithë vendi im
i mrekullueshëm.

Më dhemb zemra
për jetët e humbura.
Plagë më hapin
plagët e njerëzve.

I kuptoj andrallat
Kur humbin paratë,
por unë ju përgjerohem:
mos i sillni vuajtje edhe më njëri tjetrit!

E di pse s'kemi paqë tani?
Kemi harruar të shohim te tjetri vetvehten.

Që armët dhe bombat
të jenë të panevojshme,
Te fqinji ynë të zbulojmë Zotin!

Nëna Tereze

----------
* pas ngjarjeve tragjike të v. 1997 në Shqipëri.

[NoName]

LUTJE PËR NDALJEN E ARMËVE

O Zot,
Ti e di se armët i kam gërdi.
Unë s'mendoj të bëhem gjë tjetër,
por arma e jote,
që t'i sjell botës paqë,
Zot i dashur, ku ka paqë,
armët s'kanë vend as kuptim.
Ku zotëron paqja,
njerëzit mund ta duan njëri - tjetrin,
siç Ti na do ne.
Na jep paqë, o Zot,
që armët të mos kenë vend dhe kuptim
në botën tonë të bukur.
Amen.

Gonxhe Bojaxhiu - Nëna Tereze

[NoName]

LUTJE PËR KOMBET E BASHKUARA

O Zot,
Bëj që gjitha kombet të preken prej zemrës sate,
Që të punojnë për bashkim dhe dashuri,
E që bashkimi dhe dashuria
Të jenë mjete të përhapjes së paqës në botën tonë.
Jepju të gjithë udhëheqësve zemër të pastër,
Zemra përplot dashuri për njëri - tjetrin.
Bëj ta pranojnë dashurinë,
Që me punën e vet
T'orvaten për njëmendësimin e paqës.
Amen.

Gonxhe Bojaxhiu - Nëna Tereze

[NoName]

URATA JEZU KRISHTIT N’SHEJTIN SAKRAMENT TË ELTERIT

O i lumi Jezu Krisht, Zoti ynë që me t’madhe dashni je tuj nejt me nat e dit n’ket shejt Sakrament tuj prit e tuj thirr, e tuj begenis gjithë ata që vijn me u takue me ty, ne po besojmë me nji fe t’ngulun, se je nimen e vërtetë në n’Sakramen t’Elterit, e po t’adhrojmë me t’madh nerim, e po t’falemi neres për gjith sa t’mira që na ke bamun, sidomos pse na ke falë gjith vetveten n’Shejtin Sakrament, e pse na ke dhanë Nanen t’ane Zojen e Bekume për pajtoren tonë. Ne po e adhurojmë sot të ngushllueshmen Zemren tane për tri arsye: ma së pari per me tu falen neres për ket t’madhe dhanti; masanej per me ti shpreblye gjithë t’fymet e njerzve t’pa yrrnek kah ana e shejtit Sakrament; të ramun me ket nder tonin kemi menen e njetin me të adhurue ner gjith sa vene t’dheut ku gjiinesh ’shejtin Sakrament braktisun prej t’gjithve, epa kurr farë igjiramit e begenijet.

O Jezu Krisht, ne të dona me gjithë zemer. Po penohemi se sa e sa herë t’kemi fye ty qi je i miri për mi t’gjitha t’mira. Po të premtojmë me nim tane mos me t’fye ma kurrë mas sotit; e tash po ta kushtojmë ty gjithë vetveten; ty po ta falim gjithë jeten dhe vullnesen tonë, për me u bashkue krejt me ty. U baft mbi ne gjith si asht vullnesa e jote. Ki m’shirë për shpirtra të burgatorit, sidomos ata që kanë qenë ma t’divoqmit e shejtit Sakrament, e t’Zojs bekueme: ki mshirë për gjithë mkatnorët tuj ju shnritë menen e tuj i prue në rrugë të marë. Veq dona me të dashtë ty e mu majt n’hir tan deri në fill të mordes, e kshtu dona me ardh nji dit me t’levdue e me up’gezue n’Parriz per gjithmonë e jetes. Ashtu kjoft.

* Lutja eshte shkruajtur ne dialektin gege.

[NoName]

ARTI I HAPAVE TË VEGJËL

Nuk po të lus o, Zot, për mrekullina dhe vegime, por për fuqi në jetën e përditëshme. Ma mëso artin e hapave të vegjël.
Më baj të sigurtë në ndarjen e kohës. Më mbush me ndjeshëninë me përcaktu se çka ashtë shumë e randësishme, e çka është më pak e randësishme.

Të lutem për urti që të përcaktoj përmbajtje dhe masë, që gjatë jetës të mos rrëshqas, por që me urti ta përcaktoj orarin ditor, ta vërej dritën dhe lartësinat, që ndëkohë të gjej kohë për bukurinë, artin dhe kulturën.

Më lejo që ta kuptoj se ëndërrat për të kaluarën dhe ardhmëninë nuk qojnë larg. Më ndihmo që drejtpërdrejt të veproj mirë, që momentin e tanishëm ta njoh si më të randësishmin.

Më ruaj prej qëndrimit naiv se në jetë duhet të rrjedh qdo gja mirë. Më mbush me njohuninë e zgjume se vështirësinat, dështimet dhe grushtimet janë ndjekësit e përhershëm të jetës, me të cilët rritemi dhe formohemi.

Më përkujto se zemra shpeshherë e turbullon arsyen. Në momentin e duhun mi dërgo shokët të cilët me durim do të ma thonë të vërtetën.

Ty dhe njerëzve do t’u lejoj që të më flasin. Të vërtetën nuk mund t’ia themi vetvetes, ajo na tregohet. Ti e din se sa na duhet shoqnia. Më ban të të jem i rritun për këtë, më të bukurën, më të kërkueshmen dhe më të ndjeshmen dhuratë.

Më jep imagjinatë të mjaftueshme që në momentin e duhun, në adresën e saktë ta dërgoj pakon e mirësisë me letrën përcjellëse ose pa të.

Krijo prej meje njeriun i cili do të lëvroj thellë sikurse ania, që t’i prek edhe ata të cilët janë “nën”.

Më liro prej frikës që ta lëshoj jetën. Mos më jep atë çka unë dua, por atë çka më duhet.

Ma mëso artin e hapave të vegjël.

Antoine de Saint-Exupery

[NoName]

KUNORË NË LAVD E NDER
TË ZEMRËS JEZU KRISHTIT


1. O i dashtuni Jezu Krisht, kur menoj per mi Zemren tane kaq t’mir e kur e shof kaq t’dhimshme e kaq t’but kas ana e mkatnorve, for po ngushllohemi e po kam uzdajë t’madhe me ken falun e begenisun prej tejet. Ah sa e sa mkate kam bae! Por tash sikur sh’Pjetri e sikur sh’Maria Magdalen po i kjaj e po i mni me gjithë zemer pse t’kam fye ty qi je e mira e pamarume. Mi fal pra fajet e mkatet e mija, e oh kish t’des, po t’lutemi per hater t’zemres sate, kish t’des ma par se me t’fye, e por t’jemi gjallë veq per me t’dasht ty.

Ati ynë, 5 kjoft lumni Atit.

Zemra Krishtit Zotit tonë
Ban që ty na t’dum gjithmonë.

[INDENT] 2. O i dashtuni Jezu Krisht, un po levdoj e bekoj zemren tane fort t’pervujtshme e po t’falemi neres pse tuj ma dhanë mue per yrnek, jo veq me kaq shum nasihate m’zen me e marr mrapa, por edhe me t’pervujtuna t’tua ma difton rrugën e m’a ban t’kollajshme fort. Sa i pamen e i zi kam ken une e mjeri! Sa herë kam gabue e t’kam fy! M’fal, o Krisht i lum! Ma kurrë madhshti e kreni, por bile me nji zemer t’pervujtun tuj e majt posht vetvehten due mas sodit me t’marr mrapa ty per me pas pag e shelbim. Ti m’qo forc o Krisht i lum, e kam me urue e bekue pergjithmonë Zemren t’ane.

Nji Atynë. e 5 kjoft lumni Atit.

Zemra Krishtit Zotit tonë
Ban qi ty na t’dum gjithmonë.

3. O i dashtuni Jezu Krisht, unë po gazmohem kas e shof Zemren t’ane kaq me sabër, e po t’falemi neres per sa e sa pruva durimit e sabriit qi na ke dhanun. Po m’vjen keq qi kot m’qorton mue qi sjam i zoti me zaptue vetveten e me bart kurrfarë kryqi...

[NoName]

Ditët e njeriut janë si bari;
ai lulëzon si lulja e fushës;
në qoftë se era i kalon sipër,
ai nuk është më dhe vendi i tij nuk njihet më.
Por mirësia e Zotit vazhdon nga përjetësia në përjetësi
për ata që kanë frikë prej tij,
dhe drejtësia e tij për bijtë e bijve,
për ata që respektojnë besëlidhjen e tij
dhe mbajnë në mendje urdhërimet e tij
për t`i zbatuar në praktikë.

Psalmi 103

[NoName]

Shën Kjara e Asizit

- Një himn lavdi -

Kjarë, Nënë e Motër e jona,
ndihmona të pasqyrojmë,
të projektojmë drejt botës
atë që sodisim,
të dëftojmë atë ikonë të gjallë
të ndërtuar në brendësinë tonë
nga duart e Hyjit.
Ndihmona ta shpëtojmë dhe ta çlirojmë
shëmbëlltyrën e Hyjit të pranishme në ne
që të mund t’jua ofrojmë të tjerëve,
të çliruar nga të gjitha merakosjet
dhe travajet që na bëjnë
të harrojmë praninë e Tij.
Ti na fton të shkojmë me guxim dhe pa frikë.
Na thua: “E kam parë Zotin!” (Gjn. 20, 18),
na e dëfton me jetën tënde të përflakur për të,
na e dëfton me hovin tënd ungjillor
të rrënjosur në besimin në Të.
Jeta jonë ka nevojë sot
të rigjejë guximin,
bujarinë që lindin
nga gëzimi se kemi gjetur thesarin
që i trondit pozitivisht
perspektivat e ekzistencës sonë.
Je ti vetë që na uron:

“Zoti që na ka dhuruar
t’ia fillojmë për së mbari,
na dhashtë edhe që të rritemi
dhe të ngulmojmë
deri në fund. Amen!”.

[NoName]

Lutja e përditshme
e Misionarve të Dashurisë

Me bëj të denjë, Hyji im,
t'u shërbej të gjithë të varfërve në mbarë botën,
të cilët jetojnë dhe vdesin në uri dhe varfëri.
Jepu atyre nëpër duart tona bukën e përditshme.
nëpër dashurinë tone paqen dhe gëzimin.
Hyji im, me bëj lajmëtar të paqes sate
që atje ku është urrejtja të bie dashurinë;
ku zoton dhuna, shpirtin e pajtimit,
ku është ndarja, bashkimin;
ku zoton lajthitja, të vërtetën;
ku është dyshimi, shpresën;
ku jane hijet, dritën;
ku është trishtimi, gëzimin.

Hyji im,
bëj që para të kërkoj t'i ngushëlloj të tjerët,
se sa të jem e ngushëlluar;
para t'i kuptoj, se sa të jem e kuptuar;
para t'i dua, se sa të më duan;
sepse nëpër vetëharresë njeriu gjen;
nëpër ndjesë e fiton ndjesën;
nëpër vdekje zgjohet në jetën e pasosur.
Amen.

Nëna Terezë