Po provoj dhe unë të prezantohem !
Jam lindur e rritur në qytetin bregdetar të Durrësit, ku kam kaluar fëmijërine dhe një pjesë të rinisë.
Jetoj këtu në Gjenevë me princin tim të mrekulleshëm 3 vjeçar .
Sa për gjëndjen shoqërore , bëj pjesë në atë grup njerëzish të cilët i ka pushtuar moda e fundit e këtyre viteve që po vjen rrëmbimthi dhe tek shqiptarët , pra e divorcuar.
Shkollimi im ka qenë në degën pedagogjike , gjë që më ka ndihmuar ta ushtroj si profesion , ndoshta jo vërtet mësuese por aty afër, edhe ketu ku jam. Më pëlqen shumë dega e psikologjisë dhe jam duke u interesuar nëse ekziston mundësia e ndjekjes së universitetit psikologjik këtu në Gjenevë nëpërmjet internetit, sepse kështu s’do kisha nevojë të shkëputesha nga puna, ndryshe nuk besoj se e përballoj jetesën pa punë ?!
Punoj edukatore fëmijësh në një kopësht .
Hobi tek unë është radhitja e ndonjëhertë e vargjeve , që janë më të bukura në momente emocionesh dhe që janë më të zbehta në momente bosh.
Dëshira ime është ( nuk e di sa e realizoj dot) të përfundoj studimet në psikologji dhe në një të ardhme të kthehem në Shqipëri me një kabinet timin në këte fushë.
Ëndërra ime është të fitoj llotarinë e të bëj Le Tour du Monde d.m.th turnenë botërore duke udhëtuar.
Në këtë forum më pëlqen pothujse gjithçka që e përbën atë.
Dhe më në fund do doja të përshëndetja të gjithë shqiptarët kudo janë , pa dallim feje apo krahine.
(uuuuuuufffffffffffffff, më në fund iu përgjigja të gjitha pikave se si të mund të prezantohemi në forum. )
Përgjigju Duke Cituar
Krijoni Kontakt