EKSKLUZIVE/ Gjatë ditës së sotme, ish-lideri i PS-së, Fatos Nano në një takim me PSV-në. Gati themelimi i partisë
Gjatë ditës së sotme, Fatos Nano së bashku me “socialistët e vërtetë” pritet ti japin dorën e fundit lëvizjes së krijuar brenda PS-së, duke nisur si fillim me kërkesën në Gjykatë për marrjen e të drejtës juridike në këtë funksion politik. Për këtë çështje burime të sigurta kanë saktësuar dje se dita e sotme do të konsiderohet dita e themelimit të Partisë Socialiste të Vërtetë, ku do të jenë pjesëmarrës shumë nga veteranët e PS-së, ku përveç Fatos Nanos edhe të tjerë si Makbule Çeço, por sigurisht edhe me mungesa si ajo e Luan Memushin, që prej kohësh ka qenë i përfolur si një nga iniciatorët e kësaj lëvizjeje. Gjatë një prononcimi për gazetën “Telegraf”, Kreu i PSV-së Petro Koçi konfirmoi takimin e sotëm ndërsa e konsideroi një takim të veçantë pune për startimin e politikës të socialistëve të vërtetë. Ndërkaq, Koçi u shpreh i rezervuar për prezencën e Fatos Nanos në takimin e sotëm, ndryshe nga zëra të tjerë që konfirmojnë të kundërtën.
Madje sipas zërave, kreun e lëvizjes do ta mbajë vetë deputeti Koçi, ndërsa Nano pritet të marrë statusin e Presidentit të Nderit. Po kështu, të gjitha detajet e takimit të sotëm i ka konfirmuar për gazetën edhe ish-deputetja e Partisë Socialiste, tani në PSV, Makbule Çeço, sipas së cilës si fillim kjo parti do të mbyllë çështjen juridike të lëvizjes, për të bërë më pas rikonfiguriomin dhe qendrimet përkatëse të partisë për politikëbërjen në vijimësi. Ndërkaq, i pyetur nga “Telegraf”, ndryshe nga çpritej, Luan Memushi ka lënë të kuptohet se nuk do të jetë prezent në takimin e sotëm, ndërsa mohoi lajmet e publikuara në media për largimin e tij nga Partia Socialiste. “Unë jam pjesë e grupit të PS-së, mblidhem në të, dhe diskutoj për problemet e ditës. Nuk jam larguar nga PS-ja” konfirmoi Memushi për gazetën. Ndërkaq, nuk bëhen të ditura emrat që do të jenë pjesë e kësaj lëvizjeje nga dita e sotme, veçse theksohet se gjithçka do të jetë e programuar dhe përgjithësisht në funksion të një politike opozitare ndaj liderit Edi Rama.
Takimi do të zhvillohet paraditen e sotme në Hotel Tirana International, ndërsa pritet të tërheqë vëmendjen politike të ditës. Kjo për shkak se deri më tani, Fatos Nano ka heshtur duke mos qenë aktiv në politikë, megjithëse përflitet se ende nuk ka larguar nga mendja synimin e marrjes së postit të Presidentit të Republikës së Shqipërisë. BOX Petro KoçiGjatë një prononcimi për gazetën “Telegraf”, Kreu i PSV-së Petro Koçi konfirmoi takimin e sotëm ndërsa e konsideroi një takim të veçantë pune për startimin e politikës të ...
http://www.gazetatelegraf.com/index.php?news=259
Përgjigju Duke Cituar
dhe nja 15 vjet te tjera Tosi/Sala
Krijoni Kontakt