"]Ministrat Bode dhe Alibeaj do të përgatisin kuadrin ligjor për ata që s‘paguajnë sigurimet[/COLOR][/I][/I][/B][/B]
Puna e zezë do të ndëshkojë të gjithë punëdhënësit. Kryeministri Berisha ka paralajmëruar një tjetër lëvizje ligjore, që synon të nxjerrë vendin nga informaliteti. Duke pasur si qëllim eliminimin e punës së zezë, Berisha në fjalën e tij kundër këtij fenomeni sqaroi se do të merren masa të rënda ndaj atyre që favorizojnë punën e zezë. Mesazhi i Berishës ishte i qartë, i cili është shprehur se çështja të mos trajtohet si problem civil, por si një problem penal dhe i rëndë. "Ai që do të pasurohet në punë të zezë, ai duhet të përballet me ligjin", u shpreh Berisha. Në mbledhjen e qeverisë, Kryeministri theksoi se "duhet të marrë fund shfrytëzimi skllavërues i punonjësve, të cilëve nuk u paguhen siguracionet për punën që bëjnë". Berisha kërkoi nga ministri i Financave dhe ai i Drejtësisë përcaktimin e prerogativave të nevojshme ligjore, të cilat do të mbrojnë punonjësit nga puna e pasiguruar dhe do të marrin masat më të rrepta kundrejt atyre që favorizojnë punën në të zezë.
Duke garantuar se dialogu mes qeverisë dhe biznesit do të vazhdojë të zhvillohet konstant, nën frymën e mirëkuptimit dhe tolerancës, Kryeministri theksoi se nuk do të lejohet asnjë punëdhënës të përfitojë nga puna e njerëzve në nevojë.
"Kërkoj nga ministri i Financave dhe ministri i Drejtësisë të përcaktojnë prerogativat ligjore më të rrepta dhe këto prerogativa do të quhen prerogativat antiskllavëri ekonomike. Ka raste të shumta të punëdhënësve, të cilët punësojnë një numër të madh punëtorësh dhe paguajnë sigurimet vetëm për disa prej tyre", tha Berisha. Kryeministri kërkoi nga institucionet përkatëse që çështja në fjalë të mos trajtohet thjesht si një problem civil, por të përfshihet në veprat penale, për t‘i dhënë në këtë mënyrë përgjigjen e merituar shfrytëzimit skllavërues të qytetarit. "Nëse do të përfshihet kjo çështje në kuadrin e korrupsionit apo në kuadrin e shfrytëzimit skllavërues të qytetarit, kjo do të diskutohet. E rëndësishme është se kjo do të shpallet vepër penale", tha ai. Kryeministri u shpreh se do të merren masa që të paguhen sigurimet, jo vetëm për punëtorët e punësuar me afat të gjatë, por edhe për punëtorët sezonale, të cilët janë të shumtë në numër, sidomos gjatë sezonit turistik. Kryeministri theksoi se ulja e sigurimeve shoqërore që duhet të paguajë punëdhënësi nga 1 janari i vitit 2009, të cilat nga 32 % zbresin në 15 %, duhet të ndihmojë së tepërmi që fenomeni i punës në të zezë të shkojë drejt eliminimit të plotë. "Në rast se në vitin 2005, për një punëtor paguaje 30%, duke nisur nga 1 janari i vitit 2009 për dy punëtorë do të paguhen gjithsej 30%", theksoi Berisha.
Përgjigju Duke Cituar
Postuar më parë nga beni67
Krijoni Kontakt