Gjykata Kushtetuese rrëzon kërkesën e pronarëve, mbështet ligjin e qeverisë

[Brari]

nga G 55


-------------

A ishte shpërblim për fushatën e Valentina Leskajt shitja e hotelit "Skampa" në Elbasan?

Si u shit hotel "Skampa" në Elbasa

Të dhënat e hotelit "Skampa":

1‑Viti i ndërtimit: 1973

2‑Numri i kateve: 10

3‑Sipërfaqja e truallit: 2550 m2 ("vlerësuar" 1.8 milionë lekë)

4‑Sipërfaqja nënobjekt: 2162 m2

5‑Sipërfaqja e ndërtimit: 7283 m2

6‑Sipërfaqja e lirë: 388 m2

7‑Dhomat me banjo: 54

8‑Dhomat pa banjo: 56

9‑Shtretërit: 200 copë

10‑Restoranti: 160 vende

11‑Bari: 150 vende

12‑Saleta: 36 vende

13‑Taverna: 80 vende

14‑Gjendje e godinës: e mirë

15‑Çmimi i shitjes bashkë me truallin: 83 milionë lekë





Pronarët e Bezistanit

Trojet mbi të cilat dikur ngriheshin dyqane e që më pas u kthyen në truall ndëtimi për Hotelin "Skampa", dhe shesh publik përreth tij, i përkisnin këtyre pronarëve elbasanas:

1‑Mustafa Gjata

2‑Mal Qorri

3‑Ibrahim Miraku

4‑Ibrahim dhe Murat Murati

5‑Qemal dhe Ndriçim Stafa

6‑Sali dhe Sulë Shiku

7‑Demir Peni

8‑Qamil Peni

9‑Haxhi Daka

10‑Jonuz Domi

11‑Riza dhe Izet Vyshka

12‑Met Blloku

13‑Rexhep Muho

14‑Met Shyti

15‑Rifat Bumçi

16‑Demir Molloholli

17‑Xhevdet Kafexhiu

18‑Hysen Kaziu

19‑Abedin Muça

20‑Hysen Kopili

21‑Vakufi

22‑Sulejman Domi

23‑Faik Pleshti

24‑Vëllezërit Harja

25‑Mal Stringa

26‑Hysen Trungu

27‑Shaqir Vërçani

28‑Nrek Deliana

29‑Isuf Brisku

30‑Arif Hyskja

31‑Vëllezërit Palluqi

32‑Shefqet Biza

33‑Shefqet Lleshi

34‑Bajram Gjini

35‑Ali Murati

36‑Ibrahim Velencia

37‑Musa Murati

38‑Vëllezërit Shabanaj

39‑Mustafa Shupheja

40‑Kamber Shupheja

41‑Baftjar Grykshi

42‑Qamil Grykshi

43‑Xhevahir Gani

44‑Mustafa Shiku

45‑Sulejman Murati

46‑Dan Kopliku

47‑Stefan Kolonja

48‑Sif Dodbiba

49‑Qamil Shkodra

50‑Vëllezërit Kulla

51‑Vëllezërit Asekiu

52‑Stas Buda

53‑Qamil Grada

54‑Ibrahim Kopili

55‑Demir Sikja

56‑Rahim Çelirama

57‑Vëllezërit Sotir e Nikolla



Një privatizim i çuditshëm

Një ndër privatizimet më të mëdha kohët e fundit është edhe shitja e hotelit më të madh të Elbasanit, që njihet me emrin e lashtë "Skampa". I gjithë procesi i shitjes kaloi nëpërmjet një kalvari të gjatë më shumë se një vjeçar dhe u desh zhvillimi i zgjedhjeve në zonën nr 52 për të përcaktuar përfundimisht blerësin, në sajë të një kontributi jo të vogëël të tyre në këto zgjedhje. Dhe si fitues të "tenderit" për shitjen e Hotel "Skampës" u "shpall" firma Rruga Ura 2 me drejtues zotërinjtë Hasa dhe Dushku, ku siç edhe thuhet merr pjesë një firmë maqedonase e quajtur "Flamengo" me qendër në Ohër.

Çelësat pronarëve të rinj ia dorëzoi vetë kryeministri Nano dhe ministrja e të papunëve, deputetja e miellit nr 52, Valentina Leskaj.

Dhe aty ku merr pjesë Nano dihet se çfarë ka.



Historia: Nga Bezistani deri tek hotel "Skampa"



Bezistani i famshëm, i njohur shpesh në histori, do t'i nënshtrohej një transformimi të menjëhershëm në vitin 1970 kur u planifikua të ndërtohej hoteli që do të merrte më vonë emrin "Skampa". Për efekt të ndërtimit të këtij hoteli, u shembën edhe dyqanet e tjera rreth tij, dyqane që ishin shtetëzuar qysh në vitet e para të vendosjes së regjimit komunist, duke zhdukur në këtë mënyrë qendrën më të vjetër tregtare të Elbasanit. Objekti i ri që u ndërtua, Hotel "Skampa", ishte për shumë vite ndërtesa më e lartë e qytetit të Elbasanit dhe vendi më i pëlqyer për qytetarët elbasanas. Ndërtimi i tij pati kontribute të disafishta. Në të u angazhuan arkitektët dhe teknikët më të mirë të vendit.

Disa vjet më parë hoteli pati një rikonstruksion që kushtoi dhjetra milionë lekë dhe që kishte të bënte me zëvendësimin e të gjithë dyerve dhe dritareve të tij.

Në vitin e mbrapshtë 1997, ky hotel nuk u la të digjet në sajë të mbrojtjes që i bënë punonjësit e tij, të cilët me sa duket do të jenë të parët që do të vuajnë pasojat e shitjes në fjalë.

Shitjet e çuditshme të hotelit. Zona nr 52 nuk u pluhuros vetëm nga mielli Leskaj

Fillimisht hoteli doli në shitje me një çmim prej 130 milionësh lekë. Procedura e shitjes së tij ishte tenderi. Në këtë "tender" u tha se u paraqit vetëm një zarf me ofertën e 83 milion lekëve. Procesi i shitjes së hotelit ngeci në janarin e vitit 2002 pasi nuk u firmos nga kryeministri i atëhershëm Meta. Një gjendje e tillë vazhdoi edhe më tej pasi edhe kryeministri pasardhës Pandeli Majko nuk nënshkroi shitjen e tij. Një "fat" i tillë i qëlloi kryetarit të PS‑së, Fatos Nano, pasi ky i fundit u bë kryeministër i vendit.

Për procesin e shitblerjes mund të thuhen shumë gjëra që ia vlejnë të diskutohen gjatë, por disa gjëra nuk duhen lënë jashtë vëmendjes. Këtu e kemi fjalën për përfshirjen e pronarëve të rinj të hotelit në fushatën e fundit zgjedhore të ministres Valentina Leskaj në zonën nr 52 të Elbasanit. Madje shumë vetë në Elbasan mendojnë që hoteli më i madh i qytetit u shit përfundimisht me këtë çmim në sajë të ndihmës që pronarët e saj i dhanë kandidates Leskaj në fushatën e saj miello ‑ zgjedhore të 15 dhe 29 dhjetorit 2002. Këtu mund të kujtojmë punimet e kryera nga firma e pronarëve të rinj të hotelit, në zonën e quajtur NSHU, punime që i shërbyen fushatës së Valentina Leskajt. Mjete të firmës që fitoi "tenderin" e Hotel "Skampës", u vunë në dispozicion të mekanizmit që drejtonte të ashtuquajturën fushatë zgjedhore të shoqes Leskaj.

Po ashtu nuk ishin të pakta rastet e drekave të shtruara për nder të Valentina Leskajt, nga personat që tashmë rezultojnë si pronarë të hotelit për të cilin po shkruajmë, në kuadër të fushatës dhe interesave të ndërsjellta në lidhje me Hotelin "Skampa".

Në funksion të kësaj edhe shpallja përfundimtare e shitjes u bë nga Fatos Nano në prani të Valentina Leskajt, pak ditë më parë në mjediset e hotelit në fjalë, veprim që çertifikoi premtimin e dhënë para zgjedhjeve të 15 dhe 29 dhjetorit 2002.

Është për t'u shënuar se vlefta e caktuar për shitjen e këtij hoteli është shumë e ulët dhe nuk i përgjigjet aspak çmimit real të tij që duhej të ishte rreth 2 milionë dollarë.

Pronarët e truallit përjashtohen nga e drejta e parablerjes

Të bën përshtypje fakti se për truallin ishte llogaritur një çmim qesharak prej 1.8 milionë lekë, që do të thotë se një metër katrore nuk është vlerësuar më shumë se 8 mijë lekë. Dhe pikërisht pas një vlerësimi të tillë, pronarët e rinj të hotelit "falenderuan" komunitetin "për mirëkuptimin e treguar" në rastin në fjalë ku për hir të së vërtetës nuk ka pasur ndonjë gjë të tillë.

Të paktën për formalitet, pronarët e tokës (që dikush i quan padrejtësisht "ish pronarë") kishin të drejtën e parablerjes dhe nuk duheshin shmangur fare nga kjo blerje. Këtu mund të kompesoheshin deri diku edhe pronarët e tjerë të trojeve që janë kthyer sheshe publike përreth hotelit.

Shmangen nga privatizimi edhe punonjësit e hotelit

Një fat jo më të mirë kanë pasur edhe punonjësit e deritanishëm të hotelit. Si poseidues letrash me vlerë, ato mund të ishin aksionerë të mundshëm të këtij hoteli. Shmangia totale e tyre nga ky privatizim tregon se sa pak rëndësi dhe vlerë ka sakrifica në Shqipëri. Në sajë të kësaj sakrifice, hotel "Skampa" nuk u dogj gjatë vitit të mbrapshtë 1997. Sigurisht kur bëhej fjalë për të gjitha ato sa thamë më lart, kuptohej se nuk pyeste kush për pronarët apo punonjësit e këtij hoteli. Gjithsesi shitja e hotelin nuk ka lënë një shije të mirë në qytetin e Elbasanit ku zor se do të gjesh njerëz të binden për atë që thuhet zyrtarisht për hotelin që tashmë u shit edhe si shpërblim elektoral.

------------- g55-------

[Albo]

Vendimi, si do të privatizohet prona shtetërore

TIRANË - Këshilli i Ministrave miratoi dje, vendimin “Për kriteret e vlerësimit të pronës shtetërore që privatizohet, si dhe për procedurat e shitjes”. Në këtë projekt, janë bërë përmirësime për mënyrën e vlerësimit të pronës shtetërore, sidomos për rastet e vlerësimit me ekspertë. Është ripunuar tërësisht kapitulli që flet për procedurën e shitjes. Janë reduktuar dhe thjeshtuar procedurat e privatizimit, duke e bërë sa më transparent procesin e ankandeve për shitjen e pronës publike. Gjithashtu është shtuar paragrafi për shitjen e kapitaleve të rezultuar pa aktivitet. Nëpërmjet këtij vendimi, ish-pronarëve të truallit u është dhënë e drejta e blerjes së objektit që ndodhet mbi truallin e tyre pa ankand, por me Vlerën Aktuale Minimale të objektit që privatizohet. Në këtë vendim është patur parasysh edhe projektligji “Për kthimin dhe kompensimin e pronave ish-pronarëve, ndërkohë janë revokuar vendimi i KM nr 192, datë 20.03.1998 “Për kriteret e vlerësimit të pronës shtetërore që privatizohet dhe procedura e shitjes”, i ndryshuar, si dhe udhëzimet përkatëse në zbatimin e tyre. Pra, ky projekt është konceptuar si një vendim organik për procedurat e vlerësimit dhe të shitjes së pronës shtetërore.

[Albo]

Qeveria, ja si do të privatizohen ndërmarrjet shtetërore

TIRANË – Për vlerësimin e shitjen e truallit të ndërmarrjeve shtëtërore që u nënshtrohen privatizimit apo transformimit në shoqëri tregtare janë përcaktuar dje me një vendim të veçantë të qeverisë, kritere dhe procedura të veçanta. Vendimi: “Për kriteret dhe procedurat e vlerësimit dhe të shitjes së trojeve të ndërmarrjeve shtetërore, që u nënshtrohen privatizimit apo transformimit të tyre në shoqëri tregtare”. Ky vendim përcakton kriteret dhe procedurat për vlerësimin dhe shitjen e truallit të ndërmarrjeve shtetërore që u nënshtrohen procedurave të privatizimit apo transformimit të tyre në shoqëri tregtare, në zbatim të vendimit të Këshillit të Ministrave “Për privatizimin e ndërmarrjeve që nuk mund të transformohen”, si dhe të vendimit “Për kriteret e përcaktimit të kapitalit themelor të shoqërive shtetërore, që do të krijohen nga shndërrimi i ndërmarrjeve në shoqëri tregtare”. Vendimi që u miratua dje, nga Këshilli i Ministrave synon në caktimin e një vlere të drejtë të truallit, e cila t’i afrohet asaj të tregut. Vendimi shtrihet në të gjitha raste e privatizimit, pasi nuk ka kuptim që të përdoren metodika të ndryshme në përcaktimin e vlerës së truallit. Ky vendim nuk e konsiderion ish –pronarin si pronar dhe nuk parashikon marrjen e miratimit të tij për vlerën e truallit të ndërmarrjes që privatizohet apo transformohet. Vendimi përcakton se për ndërmarrjet që nuk mund të transformohen në shoqëri tregtare ish-pronarit i jepet e drejta e parablerjes.

[Albo]

Pronesia e tokes, projekt mashtrues i qeverise

Nga Sabri GODO

Nder letrat qe marr hera-heres mbi problemin e pronesise se tokes, zgjodha ate qe me dergoi sot z. Ferdinand Zhurko nga Dishnica e Korces, per te dhene nje pergjigje publike fale gazetes "Korrieri".

Zoteria ne fjale, me shkruan edhe ne emer te 5 kusherinjve me te njejtin mbiemer, se po te mos zgjidhet ceshtja e tokes qe trashegojne nga gjyshi, do te veprojne me vetegjygjesi. Letra shoqerohet edhe me gjashte dokumente zyrtare, qe provojne se toka e gjyshit u eshte grabitur nga z. Vasil Zhidro, duke luajtur me ligjin e tokes. Loja qenka vulosur edhe nga Kryetari i Gjykates se Apelit ne Korce.

Letrave te ngjashme me kete te z. Ferdinand, u jam pergjigjur thuajse rregullisht, duke u lutur te ngrejne padi gjygjesore e te bejne durim, se eshte shkruar ne Kushtetute, e zeza mbi te bardhe, qe prona do te shkoje tek i zoti, sado qe te dredhojne qeverite. Kurse tani, ne pragun e shqetesimit ne Kuvend, te projektligjit mbi pronen, duhet te nderroje gjuhen e t'u them haptas te interesuarve: Sic duken punet, Kuvendi do te beje vetem tym artificial, per t'i thene Bashkimit Evropian se po zgjidhet problemi i pronesise mbi token dhe, kur te shperndahet tymi, cdo gje do te mbetet ne anarki te plote, sic eshte. Sa per Kushtetuten, ajo do te ngrihet poshte e do te ulet larte, sa here t'u nevojitet prestigjatoreve socialiste qe drejtojne qeverine.

Letra e z. Zhurko terheq vemendjen per faktin se ankimi ka te beje me manovrimet brenda ligjit nr. 7501, per te cilin thuhet se, po te preket, shumica e shqiptareve do te marrin armen. Disa thone me ze te ulet se ligjit edhe mund t'i behet ndonje hamendim. Deputetet qe kerkojne abrogimin, numerohen ne maje te gishtave. Kjo vjen ngase shumica e partive asnjehere s'kane kthyer koken prapa te shohin pershtjellimin qe mban ne vetvete ligjin nr. 7501.

Zbatimi i ligjit nr. 7501 shtriu vjedhjen dhe abuzimin ne te tere Shqiperine, me perjashtim te disa rretheve te veriut, ku fshataret u kthyen ne pronat e tyre me vetegjygjesim, ne ditet e para te permbysjes se shtetit komunist. Ligji nr. 7501 i ka marre token njerit e ia ka dhene tjetrit, sic ka dashur kryetari i Komunes. Ligji nr.7501 ka bere me toke padrejtesisht nje te trete, i cili kthehet e shet me te shtrenjte "token qe i fali shteti", duke ia shitur nganjehere edhe vete shtetit. Ligji nr. 7501 ka bllokuar bujqesine, duke i lene fshatarit te coroditur e te varferuar ne kulm, vetem rrugen e mergimit. Po me tokat e ish-fermave cdo te behet?

120 mije hektare, palca e tokes bujqesore, u dha sipas prirjeve te partiakeve ne pushtet, qe moren per veten e tyre, farefisin dhe simpatizantet politike, aq sa deshi te merrte muzhiku Pahome, ne novelen e famshme te Tolstoit.

E keqja e projektit mbi token, qe ka pergatitur qeveria, nuk mbaron kurresesi me ligjin nr. 7501, por fillon me te. Kompensimi i pronareve eshte nje perralle per femijet enderronjes ne netet e dimrit. Askush nuk di saktesisht ku do te behen keto kompensime dhe kur, dhe as sa eshte vlefta, per faktin e thjeshte se askush s'ka bere ndonje studim mbi realitetin e sotem te pronesise mbi token. Z. Nano ve doren mbi sy, si detaret qe moti dhe thote te ecim andej e ketej. Te shohim cdo te beje z. Berisha.

Nese opozita mban qendrim te bashkuar, projekti mashtrues i qeverise nuk do te kaloje dhe z. Nano nuk do te dale ne asnje breg. Por nese miratohet ligji, do te vuloset anarkia e sotme, s'kemi per te patur ndonjehere shtet ligjor dhe vendi do te kridhet edhe me tej ne batak, ne drejtim te rendit e zhvillimit te ekonomise. Dhe kjo per nje afat te gjate. Mbi kete duhet te jete i vetedijshem edhe Ambasadori Liponen i perfaqesise se OSBE-se ne Tirane.

Sabri Godo

[Albo]

Caktohen shtatë ekspertë që do të bashkëpunojnë me Kuvendin për ligjin e pronave. 5 shqiptarë dhe 2 të huaj

Pronat, OSBE merr përsipër zgjidhjen

Lipponen: OSBE-ja do të lehtësojë kthimin e pronave, por procesi parashikohet të jetë problematik


TIRANË – Grupi i ekspertëve teknikë për çështjet e pronave ka nisur qysh dje punën për hartimin e një ligji përfundimtar për kthimin e kompensimin e pronave. Ekspertët, nga të cilët 5 shqiptarë dhe 2 të huaj janë prezantuar dje, nga kryetari i Përfaqësisë së OSBE-së në Tiranë, ambasadori Osmo Lipponen.
Lipponen tha se “OSBE-ja nuk ka ndërmend të diktojë asgjë dhe është vetëm për të lehtësuar procesin e kthimit të pronave, duke ofruar ekspertizën e nivelit më të lartë teknik". Gjithashtu, Lipponen konfirmoi se OSBE-ja do të vazhdojë të japë ndihmën e saj, jo vetëm për miratimin e këtij ligji nga Parlamenti, por edhe për zbatimin e tij, që sipas tij "parashikohet të jetë problematik". Ambasadori i OSBE-së ka thënë se tashmë pritet të merret materiali bazë nga Parlamenti, pa u shprehur nëse ky grup ekspertësh do të punojë mbi projektligjin e propozuar nga qeveria apo mbi bazën e projektligjit të propozuar nga dy deputetët Fatmir Mediu e Alfred Cako. Grupi i ekspertëve teknikë do të bashkëpunojë gjatë kësaj kohe me tre komisionet parlamentare, atë të Bujqësisë, të Ligjeve dhe Ekonomisë. “OSBE-së i është kërkuar që të mbështesë të gjitha çështjet e kthimit dhe të kompensimit të pronave dhe gjithçka do të ndodhë në bashkëpunim të mirë me Parlamentin. Në fakt ne jemi pak me vonesë, për arsye të ndryshme emërimi i ekspertëve teknikë është bërë me vonesë”, -sqaroi Lipponen, duke shprehur edhe besimin se gjithçka do të shkojë mirë.
Kuvendi
Ndërsa kryetari i komisionit të Ekonomisë Ylli Bufi vlerësoi nismën e bashkëpunimit me OSBE-së, për t’i dhënë zgjidhje përfundimtare një prej çështjeve më të mprehta siç është kthimi dhe kompensimi i pronave. “Natyrisht këtu ka probleme të karakterit politik, ka probleme të karakterit ligjor dhe të karakterit ekonomik, financiar e në tërësi teknike, por unë kam bindjen që me vullnetin e forcave politike dhe me kontributin e të gjithë ekspertëve ne do të arrijmë në zgjidhjen e këtij problemi të rëndësishëm”, -tha Bufi. Sipas tij, “problemi ka hyrë në zgjidhjen përfundimtare të tij. Ai ka hyrë në programin e punës së komisioneve parlamentare, të cilat të mbështetura nga grupi i ekspertëve do të kenë për detyrë që shumë shpejt projektin ta paraqesin në seancë plenare dhe kështu të gjejë zgjidhje një nga problemet më të debatuara në Shqipëri në planin politik, ekonomik, social e në mënyrë të veçantë që përbën bazën e mjaft problemeve që lidhen me zhvillimin ekonomik dhe social të vendit”. Në përbërje të grupit të ekspertëve janë dy ekspertët e OSBE-së, Kaarina Buure-Hagglund, kryetare e Departamentit të Shtetit të së Drejtës dhe të Drejtave të Njeriut e Prezencës së OSBE-së, në Shqipëri dhe Kathrine Kelm, specialiste e Pronës në Prezencën e OSBE-së. Po kështu janë edhe ekspertët shqiptarë si: Haxhi Aliko, specialist i Pronës në Prezencën e OSBE-së, Zamira Çaka, specialiste e Pronës, e caktuar nga Partia Socialiste, Konstandin Kazanxhi, specialist i Pronës nga Partia Demokratike, Agim Tartari, specialist nga Partia Republikan dhe Viktor Gumi, drejtor i Departamentit Ligjor të Kuvendit të Shqipërisë.
Darina Tanushi


7 ekspertët që do të përfundojnë ligjin për pronat

Kaarina Buure-Hagglund, Kryetare e Departamentit të Shtetit të së Drejtës dhe të Drejtave të Njeriut e Prezencës së OSBE-së
Kathrine Kelm, Specialiste e Pronës në Prezencën e OSBE-së
Haxhi Aliko, Specialist i Pronës në Prezencën e OSBE-së
Zamira Çaka, Specialiste e Pronës, e caktuar nga Partia Socialiste
Konstandin Kazanxhi, Specialist i Pronës nga Partia Demokratike
Agim Tartari, Specialist nga Partia Republikane
Viktor Gumi, Drejtor i Departamentit Ligjor të Kuvendit të Shqipërisë.

[zeus]

-------------------------------------------------------------------------------------

Neni 1/Ky ligji ka për objekt
rregullimin e drejtë, sipas kritereve të nenit 41 të Kushtetutës, të çështjeve të së drejtës së pronësisë që kanë lindur nga shpronësimet, shtetëzimet apo konfiskimet
njohjen, kthimin dhe aty ku sipas këtij ligji kthimi është i pamundur, kompensimin e saj
procedurat për realizimin e kthimit dhe kompensimit të pronave si dhe organet administrative të ngarkuara për realizimin e tyre
Neni 2/ E drejta e pronësisë
Çdo subjekt i shpronësuar ka të drejtë të kërkojë në përputhje me këtë ligj, njohjen e të drejtës së pronësisë në rast se i është hequr sipas akteve nënligjore, vendimeve penale të gjykatave ose të marrë në çdo mënyrë tjetër të padrejtë nga shteti nga data 29.111944 si dhe kthimin ose kompensimin e pronës së kërkuar.
Neni 3/ përkufizime
a) “Kompensim”, nënkupton shpërblimin e drejtë, sipas vlerës së tregut në momentin e njohjes së shpërblimit të kryer sipas nenit 11 të këtij ligji
b) “Pronë”, nënkupton një send të paluajtshëm sipas përcaktimit në Kodin Civil
c)“ Subjekt i shpronësuar”, nënkupton personat juridikë ose fizikë apo trashëgimtarët e tyre, prona e të cilëve, është shtetëzuar, shpronësuar apo konfiskuar, sipas akteve ligjore e nënligjore në fuqi apo sipas vendimeve gjyqësore penale
d) Tjetërsim, nënkupton kalimin e pronësisë nga një person fizik ose juridik tek një tjetër sipas Kodit Civil
e) Truall, nënkupton tokën që ndodhet brenda vijave kufizuese të qendrave të banuara në çastin e hyrjes në fuqi të këtij ligji
Neni4/Përjashtimet nga ky ligj
Nuk kthehen pronat e paluajtshme që shërbejnë për interesa publikë dhe që
a)shërbejnë për realizimin e detyrimeve të shtetit shqiptar që rrjedhin nga traktatet dhe konventat në të cilat shteti ynë është palë
b)kanë investime ose përdoren për realizimin e projekteve me shtrirje territoriale ose vendore në fushën e transporteve të çdo lloji, të energjitikës, e telekomunikacioneve si dhe investime të tjera të përcaktuara sipas ligjit “Për shpronësime publike”
c)shërbejnë për ruajtjen e mjedisit, kulturës, arsimit publik ose edukimit parashkollor
d) shërbejnë në fushën e mbrojtjes kombëtare
e) janë pasuri e veçantë kulturore ose historike e përcaktuar në ligjet në fuqi
f)janë të zëna sipas akteve ligjore paraqitur në shtojcën 1 të këtij ligji, përveç rasteve kur sipas këtyre ligjeve shteti është pronar dhe prona e paluajtshme nuk i shërben një interesi publik
Neni 8/ trualli
1.Në rastin kur trualli u është tjetërsuar personave të tretë dhe mbi të nuk janë ngritur ndërtesa të përhershme dhe të ligjshme, ai u kthehet subjekteve të shpronësuara, ndërsa shteti u kthen të tretëve vlerën sipas çmimit të blerjes të shumëzuar me indeksin e rritjes së çmimeve.
2.Kur mbi truallin e subjektit të shpronësuar, shteti a persona të tretë, kanë kryer ndërtime ose investime “të rëndësishme”, në përputhje me legjislacionin në fuqi, ato llogariten sipas vlerës së tregut në çastin kur i njihet e drejta e pronësisë subjektit të shpronësuar dhe veprohet :
a) Kur vlera e investimeve përbën deri në 100% -150% të vlerës së truallit, prona i kthehet subjekteve të shpronësuara, pasi ato të kenë paguar kundërvlerën e investimeve të kryera
b)kur vlera e investimeve përbën më shumë se 100 % -150 % të vlerës së truallit, shteti ose personat e tretë ruajnë pronësinë dhe subjekte kompensohen sipas këtij ligji.
3)Në rastet e ndërtimeve mbi truall të bëra para datës 10.8.1991, për të cilat nuk është regjistruar pronësia e truallit, personi që ka në pronësi ndërtesën detyrohet të paguajë vlerën e truallit sipas vlerës së tregut
-vlerën fillestare të truallit sipas nenit 10 të ligjit 7652 “Për privatizimin e banesave shtetërore”, të shumëzuar me indeksin e rritjes së çmimeve (komisioni i Ligjeve ka kërkuar heqjen e kësaj pike)
4) Në rastet e ndërtimeve të ligjshme të bëra në truallin e dhënë nga shteti me qira ose koncesion, pronari i ndërtesës paguan vlerën e truallit mbi të cilin është bërë ndërtesa sipas çmimeve të tregut
4) E riformuluar sipas komisionit të Ligjeve: Në raset e ndërtimeve të ligjshme të bëra në truallin e dhënë nga shteti me qira ose koncesion, subjektit të shpronësuar i rinjihet pronësia dhe i kalojnë të gjitha të drejtat pronësore që deri me hyrjen në fuqi të këtij ligji i gëzon shteti, me kusht që ai të respektojë kontratën e nënshkruar. Në përputhje me Kodin Civil, pas përfundimit të kontratës, subjekti i shpronësuar vendos vetë për marrëdhëniet e mëtejshme me të tretët. Subjektet e shpronësuara kanë të drejtë të heqin dorë nga prona e tyre kundrejt kompensimit, sipas nenit 11 të këtij ligji.
Neni 8, pronat në zonat turistike
1) Subjekteve të shpronësuara në zonat e stimuluara për zhvillimin e turizmit, u rinjihet, kthehet dhe kompensohet prona sipas dispozitave të këtij ligji
2) Për tokat në zonat e stimuluara për zhvillimin e turizmit që janë në pronësi të shtetit, organet kompetente të administratës publike, ndalohet të lidhin kontrata posedimi a pronësie me të tretë deri në përfundimin e procesit të kthimit dhe kompensimit të pronave.
Neni 9/banesat
1.Në rast se banesa, pronë e subjekteve të shpronësuara, ka qiramarrës, ata vazhdojnë të banojnë në atë banesë derisa shteti t’ju gjejë banim sipas pikës 2-3 të këtij neni
2. Brenda dy vjetësh nga hyrja në fuqi e këtij ligji, shteti duhet t’u sigurojë qiramarrësve që banojnë në banesat pronë e subjekteve të shpronësuara një banesë me sipërfaqe të njëjtë me atë që jetojnë ose t’u sigurojë kredi me interesa të ulëta. Për këtë periudhë 2-vjeçare vlera e qirasë përcaktohet me vendimit të KM-së. Me kalimin e periudhës 2-vjeçare shteti paguan vlerën e qirasë në emër të qiramarrësve tek subjektet e shpronësuara spas çmimit të tregut
3.Në qoftë se gjatë kësaj kohe pronari i siguron qiramarrësit banesë tjetër brenda të njëjtës qendër të banuar, me sipërfaqe banimi aq sa i takon sipas normave të strehimit në momentin e hyrjes në fuqi të këtij ligji, por jo më tepër se sa ka, atëherë qiramarrësi është i detryruar të lirojë banesën. Me mbarimin e afatit të përcaktuar në pikën 2 të këtij neni, shteti paguan vlerën e qirasë për qiramarrësin në rast se nuk ka siguruar banesë.
4.Në rastet e ndërtimit të banesave në kundërshtim me legjislacionin në fuqi, banorët e tyre kanë të drejtën e blerjes së truallit pas procesit të legalizimit të përcaktuar në një ligj të veçantë. Vlerësimi i truallit bëhet sipas vlerës së tregut në momentin e kryerjes së legalizimit të banesave. Në kuptim të kësaj pike me “banesë” kuptohet sipërfaqja që përdoret për strehim dhe 100% e saj si oborr funksional
Varianti II: Ndërtimet e banesave në kundërshtim me legjislacionin në fuqi rregullohen me ligj të veçantë
Neni 10/ Prona që nuk është përdorur për interesa publike
Prona që nuk është përdorur për interesa publike dhe prona e paluajtshme nuk përdoret më për këtë qëllim, ajo i kthehet subjektit të shpronësuar, kurse subjekti i shpronësuar, “kur është shpërblyer” i kthen shtetit shpërblimin e marrë
Neni 11/ Format e kompensimit të pronës
1. Pronat e përcaktuar në këtë ligj për të cilat është i pamundur kthimi fizik, shteti kompenson subjektet e shpronësuar me një ose më shumë nga format e mëposhtme:
a) me tjetër pronë të paluajtshme të të njëjtit lloj me vlerë të barabartë, në pronësi të shtetit
b) me pronë tjetër të paluajtshme të çdo lloji me vlerë të barabartë në pronësi të shtetit
c) me aksione në një shoqëri me kapital shtetëror ose ku shteti është bashkëpronar që kanë vlerë të barabartë me pronën e paluajtshme
d) me vlerën e objekteve të cilat janë objekt i privatizimit
e)me njohje të detyrimeve financiare ndaj shtetit
f) me të holla
2. Subjekti i shpronësuar i paraqet me shkrim Komisionit Vendor për Kthimin dhe Kompensimin e Pronave, formën në të cilën kërkon të realizohet kompensimi. Komisioni brenda 30 ditësh nga marrja e kërkesës me vendim të arsyetuar vendos për pranimin e kërkesës ose refuzimin e saj, kur objektivisht plotësimi i saj është i pamundur. Në këtë rast ai i ofron subjektit të shpronësuar një formë tjetër kompensimi sipas përcaktimeve të bëra në pikën 1 të këtij neni. “Kundër vendimit të komisionit për përcaktimin e formës së kompensimit, subjekti i shpronësuar ka të drejtë të bëjë ankesën në KSHKKP, brenda 30 ditëve nga njoftimi i vendimit dhe në rast se aty nuk gjen zgjidhje, atëherë i drejtohet gjykatës brenda 30 ditëve nga marrja e përgjigjes nga Komiteti Shtetëror.
3. Shpërblimi për efekt kompensimi nuk i nënshtrohet asnjë takse, tatimi ose ndalese
Neni 12/ vendndodhja e kompensimit fizik
Kompensimi fizik sipas nenit 11 të këtij ligji, bëhet brenda të njëjtës njësi administrative-territoriale dhe kur kjo nuk është e mundur, me vendim të KSHKKP-së në njësinë më të afërt territoriale. Për kryerjen e kompensimit fizik përdoren edhe pronat në pronësi të shtetit në zonat turistike.
Sipërfaqet e caktuara për kompensim shpallen publikisht në fletoren zyrtare, duke bërë të ditur si kategoritë ashtu edhe vlerën e tyre.
Neni 13/vlerësimi i pronës
Për vlerësimin e pronës që kompensohet Komisioni Vendor ngre grupin e ekspertëve. Komisioni mund të caktojë në rolin e ekspertit persona me përvojë dhe kualifikim të posaçëm në fushën juridike, ekonomike dhe inxhinierike që ka lidhje me procesin e kthimit dhe kompensimit të pronave
2. Vlera e pronës që kompensohet sipas ligjit përcaktohet në bazë të vlerës së tregut në përputhje me metodologjinë e përcaktuar me VKM.
3.Në kryerjen e veprimtarisë së tij, asnjë nga anëtarët e organeve shtetërore për kthimin dhe kompensimin e pronave ose të grupit të ekspertëve nuk duhet të jetë në kushtet e pengesës ligjore të përcaktuar në Kodin e Procedurës Administrative.
Neni 14/ e drejta e parablerjes
Për pronat e paluajtshme të zëna me objekte shtetërore subjektet e shpronësuara kanë të drejtën e parablerjes mbi këto objekte kur ato të privatizohen. Në këtë rast nga vlera e objektit sipas tregut zbritet fitimi i munguar i pronarit për periudhën kur ai është penguar të gëzojë frytin e vet. Kur vlera e objektit është e barabartë ose më e vogël se ky fitim i munguar, ai i kalon subjektit të shpronësuar pa shpërblim dhe shteti nuk ka më asnjë detyrim ndaj tij, qeveria përcakton kriteret e përllogaritjes së këtij fitimi të munguar.
2.Subjektet e shpronësuara kanë të drejtë të heqin dorë nga e drejta e parablerjes përkundrejt kompensimit në nenin 11
në objektet me pronësi të përbashkët pronar-shtet, subjektit të shpronësuar i kthehet prona që ka pasur dhe i jepet e drejta e parablerjes për objektet shtesë të ngritura nga shteti kur ato privatizohen
Neni 15/ Komiteti Shtetëror i Kthimit dhe Kompensimit të Pronave
për zbatimin e këtij ligji ngarkohet KSHKKR. Komiteti shtetëror përbëhet nga 5 anëtarë të cilët emërohen dhe shkarkohen nga Kuvendi. Një anëtar propozohet nga qeveria, 2 nga pozita, 2 nga opozita. Anëtari i propozuar nga qeveria është kryetari i kësaj strukture.
2. anëtari i Komitetit Shtetëror mund të emërohet shtetasi që :
a) ka mbaruar arsimin e lartë për jurist, ekonomist, agronom apo në fushën inxhinerike që ka lidhje me procesin e kthimit dhe kompensimit të pronave
b) ka jo më pak se 7 vjet përvojë pune në profesion
c)gëzon reputacion të mirë dhe aftësi profesionale të spikatura në fushën e tij
nuk është anëtar i organeve drejtuese të ndonjë partie politike
nuk është dënuar me vendim gjyqësor të formës së prerë për kryerjen e një krimi
nuk është marrë masë disiplinore
Neni 16 Kompetencat e Komitetit Shtetëror
a)shqyrton dhe merr vendim për ankesat ndaj vendimeve të komisioneve vendore në lidhje me anën proceduriale të zbatimit të ligjit ose në dhënien e vendimit me përjashtim të rastit të parashikuar në nenin 19 të këtij ligji
b)merr vendime për njehsimin e praktikave në procesin e kthimit dhe kompensimit të pronave dhe për zbatimin e ligjit
c) emëron dhe shkarkon nga detyra kryetarin dhe anëtarët e komisioneve vendore të kthimit dhe kompensimit të pronave
d) drejton dhe kontrollon zbatimin e ligjit nga komisionet vendore
e) propozon për miratim në qeveri strukturën organizative, organikën dhe tabelën e pagave për administratën e Komitetit Shtetëror dhe të komisioneve vendore
f)mbledh dhe përpunon të dhëna për procesin e kthimit dhe kompensimit të pronave si dhe raporton në Këshillin e Ministrave e në Kuvend të paktën një herë në vit.





16/05/2004
-------------------------------------------------------------------------------------

[karaburuni]

PS: Për tradhëtarët s'ka prona, abrogim të "Tatimit të Jashtëzakonshëm" të vitit 1945
Lajmi i ores 10:15 AM
TIRANE (19 Maj) - Pozita dhe opozita pritet të "ndeshen" përsëri në parlament, kësaj rradhe për ligjin e pronave. Dhe pse një pjesë e mirë e amendamenteve të propozuara nga opozita janë marrë parasysh në projektligjin e ri, dy kampet kundërshtare do të debatojnë gjatë në kunvend. Pozita dhe opozita do të ndahen në zbatimin e ligjit të ri për kategorinë e personave të shpronësuar në zbatim të ligjit për tatimin e jashtëzakonshëm në vitin 1945. Socialistët shprehen të vendosur se kjo kategori si dhe ata që kanë bashkëpunuar me pushtuesin e huaj, nuk duhet të përfitojnë nga ligji për kthimin dhe kompensimin e pronave. Nga zbatimi i këtij ligji nuk do të preken gjithashtu dhe ish punonjësit e fermave bujqësore shtetërore, të cilët përfituan pas viteve '90. Ndërsa demokratët në mbledhjen e djeshme të grupit parlamentar, sipas kryetarit të grupit parlamentar, Bamir Topi nuk do të japin konsensusin e tyre për këtë ligj pa abrogimin e nenit mbi tatimin e jashtëzakonshëm. Sipas tij, me abrogimin e nenit, mbi tatimin e jashtëzakonshëm, ky ligj bëhet edhe më i zbatueshëm në praktikë. Ndërsa nuk janë të një mendje socialistët të cilët shprehen të vendosur për mospërfshirjen e këtyre kategorive. Socialistët kanë përcaktuar ligjin 7501 të paprekshëm dhe ligjet pasuese të tij si përmbushës të një pjese të detyrimeve ndaj pronarëve të tokave. Sipas deputetëve socialistë, projektligji i bërë gati për në kuvend, është konsultuar dhe me ekspertët e OSBE-së, por dhe me Komisionin e Venecias. Ata kanë kërkuar referimin e përvojës më të mirë të vendeve ish komuniste, të cilët sapo aderuan në BE, ku pronarëve të mëdhenj nuk iu kthye më shumë se 70 ha tokë, ndërsa pjesa tjetër u kompensua. Një nga pikat e debatueshme në grupin socialist ishte dhe caktimi i vlerës së kompensimit. Janë Komisionet e Ligjeve, Ekonomisë dhe Bujqësisë që do të vendosin sot nëse pronarët do të kompensohen me vlerën e tregut apo me vlerën në momentin e shpronësimit duke i shtuar dhe indeksin e çmimeve. ro/ro (BalkanWeb)

[Albo]

"PS-PD, kompromis i brishte per pronen"

Kryetari i Partise Demokrate te Re, Genc Pollo, tha dje se per projektligjin per pronat deri me tani jane miratuar kater nga nente amendamentet e paraqitura nga PDR. Sipas tij, nder amendamentet e miratuara vlen te vecohen ato te cilet vendosin perfundimisht: kthimin e tokave te lira ne zonen turistike kodrinore-malore, si dhe tokave ne bregdet pronarit te ligjshem; njohja pa kufizim e prones se paluajtshme, si dhe caktimin e qerase se banesave te pronareve ne kushtet e tregut; trojet e godinat me interes publik, ne rast tjetersimi, u kthehen pronareve dhe kur leshohen me qera u jepen vetem pronareve. "Ky eshte nje avancim i pjesshem i platformes se PDR. Nderkaq amendamentet e tjera jane gjithashtu shume te rendesishme sepse kane te bejne me thelbin e Ligjit per Pronat: kthimin e tyre tek pronari i ligjshem. Ne rast se keto amendamente nuk do te miratohen, PDR do te konsideroje qendrimin e saj final ne votimin e projektligjit", ka nenvizuar Pollo. Kreu i PDR e cilesoi kompromisin e mundshem PD- PS mbi "tatimin e jashtezakonshem", si "kompromisin e fijes se barit". Sipas tij, nese arrin te miratohet projektligji i pronave vetem ne kompromisin mbi tatimin e jashtezakonshem, atehere ligji do te jete shume i manget. Nje kompromis i tille, vijoi Pollo, synon te justifikoje qendrimin mbi pronen te PS dhe PD. "Tatimi i jashtezakonshem eshte nje ceshtje e rendesishme historiko-ideologjike, por ka fare pak ndikim real ne ceshtjen e prones", ka nenvizuar Pollo.

[Albo]

PS: Tatimi i Jashtezakonshem, mbetet

Deputetet socialiste do te mbeshtesin ne Parlament projektligjin per kthimin dhe kompensimin e pronave, te propozuar nga qeveria. Ne mbledhjen e djeshme te grupit parlamentar te PS, eshte vendosur qe te mos preket neni qe ka te beje me "tatimin e jashtezakonshem". Me ane te ketij vendimi politik, ligji i vitit 1945 nuk preket, por formulimi i tij mund te mos jete ne ligjin e pronave. Nje rruge per te shmangur debatin me PD. Kryetari i Komisionit te Ekonomise dhe Financave, socialisti Ylli Bufi, ka deklaruar pas mbledhjes se grupit se, "nuk ka rendesi nese eshte ne ligj apo jo, perseri ajo do te respektohet". "Nuk eshte ceshtje parimore, por ceshtje qe ka te beje me shume me menyren sesi ndertohet nga ana legjislative ligji. Besoj se edhe zgjidhja, duke mos qene ligji eshte e pranueshme. Por do te jete seanca plenare qe do te vendose nese do te jete apo jo ne ligj ky nen", tha Bufi. Sipas socialisteve, projektligji i pronave nuk synon te abrogoje ligje te meparshme. Deputeti i PS, Elmaz Sherifi, pohon se kjo "do te thote qe te tere ata, te cilet jo per arsye politike, por se nuk kane zbatuar ligjet e shtetit shqiptar e u jane konfiskuar pasurite, do te thote qe nuk i fitojne me ato". "Kjo do te thote qe ky ligj nuk abrogohet dhe nuk mund te bejme nje veprim i cili bie ne kundershtim me pikerisht me frymen e ketij ligji", u shpreh Sherifi. Duke marre parasysh kete vendim, pritet qe socialistet dhe demokratet te debatojne ashper, kur te diskutohet projektligji per pronat, ne piken qe ka te beje me "tatimin e jashtezoknshem". Nderkohe demokratet kerkojne qe ky nen i ligjit te abrogohet.

[Albo]

Pronat rrezikojne koalicionin PD-PR

Republikanet mbledhin sot Komitetin Drejtues. Debat per projektligjin e pronave dhe per marredheniet politike midis PR dhe PD

Republikanet dhe demokratet gjenden ne udhekryq, persa i perket marrdhenieve politike midis tyre. Kriza qe po shfaqet, duket se eshte me e renda gjate ketyre viteve te fundit, pas nje "krushqie" te gjate te mbushur me buzeqeshje, por edhe me kulisa. Shkak per kete krize eshte bere, sipas drejtuesve me te larte te PR, mungesa e vullnetit politik te PD, per te votuar pro projektligjit per pronat te paraqitur nga kreu i republikaneve Fatmir Mediu dhe deputeti i "Ballit..", Alfred Cako. Nje dite perpara diskutimit ne Kuvend te projektit alternativ per pronat, te paraqitur nga disa deputete te PS dhe te mbeshtetur edhe nga OSBE, republikanet kane vendosur te mbledhin Komitetin Drejtues, ku do te merret vendimi politik ndaj ketij projektligji, si dhe do te behet analiza e marredhenieve politike midis PR dhe PD. Drejtuesit e larte te PR deklarojne se, nese nuk do te merren ne vleresim amendamentet e tyre gjate miratimit te ketij projekti, atehere votat e deputeteve te PR do te jene kunder. Sipas tyre, ky pritet te jete edhe vendimi i Komitetit Drejtues te PR. Nderkaq ideologu i republikaneve, Sabri Godo, ka deklaruar se, nese PD voton pro ketij projekti te paraqitur nga socialistet, ajo do ta veconte veten nga partite aleate te djadhta dhe per rrjedhim PR duhet te shqyrtoje me kujdes kete ceshtje ne forumet e saj, sepse, sipas tij, "kemi te bejme me parime qe s'mund te preken per hir te interesave te castit". "Bashkimi i opozites, ne veshtrim te zhvillimeve politike te ardhme eshte nje domosdoshmeri, por duket se opozita do te pesoje nje carje ne debatin mbi pronen, kryesisht per shkak te qendrimit te PD", paralajmeron Godo. I ashper ne qendrimet e tij eshte edhe Sekretari i Pergjithshem i PR, Aleksander Garuli. Sipas tij, PD ka pergjegjesi te madhe, per kolapsin qe eshte krijuar tani per pronat. "Keto jane ceshtje programore me rendesi te vecante. PR nuk mund te tradhtoje programin e saj", ka nenvizuar Garuli. Ndersa kreu republikan Mediu, perpiqet te hedhe pak "uje ne zjarrin e ndezur", midis PR e PD. Ai e vlereson si negativ qendrimin e PD ndaj prones. Sipas tij, PD duhet te kuptoje se ka detyrim ndaj pronareve. "Pavaresisht nga kjo qe ndodhi, shpresoj dhe gjykoj qe PD do te marre nje qendrim me te qarte politikisht, ne seancen e rradhes, kur do te diskutohet projektligji qe do te paraqitet nga pala tjeter. I kerkojme PD-se qe ajo te votoje kunder ketij projekti", ka nenvizuar Mediu. Persa i perket raporteve midis PR dhe PD, kreu i republikaneve gjykon se, ato nuk duhen pare ne rrafshin individual, por mbi baza programesh dhe qellimesh te perbashketa.