Gjirokastër, Barka: Kisha po mbyll shkollat publike

[eldonel]

http://balkanweb.com/sitev4/index.php?id=26821


(Dërguar më: 19/09/08) Nga Eri Baco, Ismail Xhaferri
Ish-deputeti i OMONIA-s, Panajot Barka akuzoi dje Kishën Ortodokse në Gjirokastër se po u vë drynin shkollave publike në gjuhën greke në Komunën e Dropullit të Poshtëm.


GJIROKASTER Kisha Ortodokse në Gjirokastër, në bashkëpunim me OMONIA-n dhe PBDNJ-në po u vënë drynin shkollave publike në gjuhën greke në Komunën e Dropullit të Poshtëm. Nën diktatin e mitropolisë së shenjtë, nxënësit e zonës së minoritetit po dërgohen në shkolla private të palicencuara". Kështu ka deklaruar dje në një konferencë të dhënë për shtyp, ish-deputeti i OMONIA-s dhe aktualisht kryetar i Shoqatës "Afirmuesit e Identitetit tonë", Panajot Barka. Përmes akuzave të ashpra publike, Barka i ka kërkuar Mitropolisë së Gjirokastrës që të kryejë misionin apostolik fetar dhe të mos marrë përsipër role që nuk i takojnë dhe të mos ndërhyjë për mbylljen e shkollave 9-vjeçare që janë hapur nga shteti shqiptar. Ndërkohë, kryetari i degës së OMONIA-s në Gjirokastër, Spiro Ksera nuk ka preferuar të japë shpjegime në lidhje me akuzat e bëra nga Panajot Barka. "I takon Drejtorisë Rajonale të Arsimit në Gjirokastër që të vërtetojë nëse akuzat e bëra nga Barka për mbylljen e shkollave publike dhe hapjen e shkollave të palicencuara, janë të vërteta", - është shprehur prefekti Ksera.
AKUZAT E BARKËS
Dje kryetari i Shoqatës "Afirmuesit e Identitetit tonë", ka shënjuar me akuza të rënda degën e OMONIA-s dhe degën e Partisë së Bashkimit të të Drejtave të Njeriut në Gjirokastër. Jo vetëm kaq, por Panajot Barka ka akuzuar drejtpërdrejtë dhe Kishën Ortodokse në këtë rreth. Sipas ish-deputetit Barka, kisha, me për-krahjen aktive të OMONIA-s e PBDNJ-së dhe atë pasive të shtetit, po mbyllin shkollat e ciklit 9-vjeçar në fshatrat e Komunës së Dropullit të Poshtëm.
"Më 15 shtator, shkolla publike në gjuhën amtare greke në Dropullin e Poshtëm pësoi goditje fatale. Shkak u bë hapja e palicencuar nga shteti e një klase të parë në një shkolle private nga Mitropolia e Gjirokastrës", - është shprehur Panajot Barka. Ai ka sqaruar se pothuajse shumica e nxënësve në këtë klasë të sapohapur janë sjellë nga shkollat publike të Dropullit të Poshtëm. "Mitropolia e shenjtë, për hapjen e kësaj klase përdori taktikën e njohur të faktit të kryer. Ajo përdori si mburojë politike përfaqësuesit e PBDNJ-së dhe OMONIA-s, të cilët ishin të pranishëm në inaugurim", - ka vijuar kreu i Shoqatës "Afirmuesit e Identitetit tonë". Ndërkaq, Panajot Barka (pedagog pranë Departamentit të Gjuhës Greke në Universitetin "Eqerem Çabej" të Gjirokastrës), e ka konsideruar mbylljen e shkollave publike si një goditje të rëndë të arsimimit në gjuhën greke.
KSERA
Menjëherë pas konferencës për shtyp të dhënë nga Panajot Barka, përfaqësues të medias i kanë kërkuar një prononcim kreut të degës së OMONIA-s në Gjirokastër, Spiro Ksera. Por ky i fundit nuk ka pranuar t'i kundërpërgjigjet Barkës, duke argumentuar se janë institucionet përkatëse, të cilat duhet të provojnë nëse akuzat e ish-deputetit të OMONIA-s janë të vërteta apo jo.
(s.g/GazetaShqiptare/BalkanWeb)

[Qyfyre]

Shume rremuje ky artikulli.

Problemi eshte se shkollat qe jane mbyllur ishin ne gjuhen greke dhe kjo privatja eshte ne shqip?

Si mund te hape shkolle shteti dhe te jete e palicensuar?

Si mund tu ver dryn kisha shkollave? Nuk kane ndonje leve per ta thyer drynin keta te shkolles?