A ka filluar me te vertete Decentralizimi ne Kosove

[Beqari002]

UNMIK-u licencon universitetin serb në veri të Mitrovicës


Sipas Gojko Saviqit, deparatmenti i arsimit pranë UNMIK-u i ka dorëzuar sot lejen e punës universitetit serb në Mitrovicë. ”Me këtë leje është përcaktuar se universiteti i përmbush kushtet e punës sa i përket planit dhe programit arsimor, kuadrove dhe standardit studentor", tha Saviq.
Mjetet për punën e këtij universiteti do t'i sigurojë qeveria e Serbisë, ndërkohë që janë duke u zhvilluar bisedat që UNMIK-u të marrë përsipër financimin e rrogave të të punësurve në këtë universitet. Po ashtu thuhet se mbetet në fuqi plani dhe programi i mëparshëm arsimor dhe ai do të ndryshojë në pajtim me reformat umniversitare në Serbi dhe nuk do të varet nga Ministria e Arsimit të Kosovës..
-------------------------
---------------------------
Oj sharkie e lehte si era , a ka ardhur ne Shqiperi pranvera?

[Kresha]

Po shihet nje pjese e cmimit per "bashkimin e Mitrovices".

Ne fakt, po paguajme dicka qe nuk kemi "blere". Ende me ligje serbe po veprohet ne pjesen veriore te Mitrovices.

Entuziazmit te Mitrovicasive, te cilet mbanin shprese se se shpejti do te kthehen ne shtepite e tyre, i erdh fundi!!!

[Beqari002]

Serbët formojnë Këshillin Rajonal për Kosovën Qendrore


Të pakënaqur me politikën e partive të mëdha serbe të cilat veprojnënnë Kosovë, partitë e vogëa dhe iniciativat qytetare në Graçanicë sot krijuan koalicijonin e ri “Këshilli Rajonal për Kosovën Qëndrore”, detyrë prioritare e së cilës do të jetë “mbijetesa e popullit serb në Kosovë si dhe që Kosova të mbetet pjesë e Serbisë”, tha Momçillo Trajkoviq kryetar i cili edhe është kordinator I këtij koalicijoni të ri.”Dëshirojmë që secila komunë e Serbisë të marrë përsipër një nga fshatrat tona këtu në Kosovë, dhe se ata të jenë stabilizator por edhe inicues i zgjedhjevs së problemeve tona- kjo do të ishte shumë me rëndësi sepse kjo do të thotë lidhje e përherëshëme me Serbinë”, tha Trajkoviq.
Në formimin e këtij Këshilli marin pjes Inicijtivat e Qytetarëve të Graçanicës, Shtërpcës, Lipijanit, Obiliqit, iniciativa qyetetare e romëve si dhe sindikata e puntorëve të Kishnicës, në krye me Lëvizjen për Rezistencë.
---------------------------------
------------------------------------
Oj sharki e lehete si era , a ka ardhur ne Shqiperi pranvera?

[snaiperist]

Persa i perket decentralizimit ne Kosove, une verej se ka nje tendence pozitive ne kete drejtim. Mendoj se permiresim te dukshem ka sidomos ne gjykata e komuna. Megjithese jo te konsoliduara bindshem, tani ne Kosove ka organe te cilat qeverisen nga vendas. Pikerisht keto do te sherbejne si baze per rregullimin e jetes ne gjithe Kosoven me vone, kur kompetencat do te jene krejtesisht ne duart e tyre. Me te vertete ngazellehem, kur shikoj se ketu dita dites po i jepen konturet nje shteti i cili do te qeveriset denjesisht nga qytetaret e tij.

Persa i perket Mitrovices, per te po paguhet nje cmim i cili per momentin eshte i shtrenjte. Megjithese UNMIKu po ben pazar per universitet, une nuk besoj se UNMIKu ua ve shume veshin deklaratave te serbeve. Ne fund te fundit, ata ate pune kane: te lehin sepse gje tjeter nuk kane ne dore ne pjesen me te madhe te Kosoves. Mua me duken keto deklarata te udheheqesve serbe si nje lloj justifikimi ndaj opinionit te tyre publik i cili kerkon nje rol me aktiv te Serbise ne Kosove. Sic po e veme re, me lehje ose pa lehje, me diplomaci e pa diplomaci, roli i Serbise ne Kosove po shkon gjithnje e me poshte e Mitrovica eshte shume me e bashkuar sot se para tre vjetesh (mua me duket se dallimi eshte si nata me diten). Megjithe kritikat e shumta qe mund te kem per administraten e UNMIKut, prapeseprape duket qe Shtaineri po u jep gjithmone e me teper shanse shqiptareve te ndertojne nje demokraci. Ndoshta eshte me mire te themi qe po i veshtron nese ata mund te ndertojne nje demokraci dhe nje shtet ku vepron ligji i se drejtes...Kjo sot nuk do te thote shume dhe mund te balancohet ne peshore me aspektet negative te qeverisjes nderkombetare, por disa vjetesh do te duket qarte se cdo moment eshte nje gur i rende ne keshtjellen e lirise dhe me shprese te mireqenies se banoreve te Kosoves.

Une jam shume optimist per te ardhmen e Kosoves.

Tung.

Albsniper

[Arb]

Thaçi:Projekti i Qeverisë për decentralizim përfundimisht e ndan Kosovën


Prishtinë, 7 janar (Kosovapress) Time: 10 : 50

Projekti i Qeverisë së Kosovës për decentralizimin është jotransparent për opozitën dhe qytetarët e Kosovës. Ky projekt legalizon enklavat serbe dhe përfundimisht ndan Kosovën, ka thënë për numrin e sotëm të gazetës “Epoka e re” lideri i partisë më të madhe opozitare, PDK, Hashim Thaçi.

Po tingellon mire kjo pjesa, "lideri i partisë më të madhe opozitare," me ne fund aty ku e keni vendin.

Vec edhe dicka, decentralizimi mund te jete jo-transparent per Opoziten dhe qytetaret qe perfaqeson zeri i Opozites, por jo per qytetaret e Kosoves (sic na paska thene, opozitari Thaci).

[Harudi]

Thaçi:Projekti i Qeverisë për decentralizim përfundimisht e ndan Kosovën


Prishtinë, 7 janar (Kosovapress) Time: 10 : 50

Projekti i Qeverisë së Kosovës për decentralizimin është jotransparent për opozitën dhe qytetarët e Kosovës. Ky projekt legalizon enklavat serbe dhe përfundimisht ndan Kosovën, ka thënë për numrin e sotëm të gazetës “Epoka e re” lideri i partisë më të madhe opozitare, PDK, Hashim Thaçi.

Të kthehemi pakë më herët,përkatësisht më 23 Korrik 2004:
Qeveria e Kosovës ka miratuar dje draft-kornizën për reformimin e administratës lokale,gjegjësisht decentralizimin e pushtetit në Kosovë.Ky projekt-kornizë është rezultat i punës së përbashkët të UNMIK-ut dhe Ministrisë së Shërbimeve publike të Qeverisë së Kosovës dhe parasheh miratimin edhe të disa ligjeve shtesë për rregullimin e pushtetit në nivelin lokal.
Sipas zëdhënëses së kryeministrit të Kosovës të Kosovës,Mimoza Kusari,ky projekt dhe ligjet që do ta plotësojnë atë,do të sigurojnë një administaratë dhe qeverisje më të mirë në nivelin lokal dhe në rend të parë do të jetë në funksion të qytetarëve...
Grupi punues për reformat e vetëqeverisjes lokale është krijuar nga Unmik-u dhe institucionet vendore,e ku kanë marrë pjesë edhe përfaqësues të komuniteteve,ata të Asociacionit të Komunave të Kosovës dhe ekspertë ndërkombëtarë nga Këshilli i Evropës,OSBE-së dhe USAID-it.
marrë nga Zëri

Pra,siç po shihet projekti për decentralizim ka zanafillën që nga koha kur kryeministri dhe ministri për shërbime publike ishin nga rradhët e PDK-së dhe i njëjti projekt vazhdon edhe me qeverininë e sotme të Kosovës,andaj ose Thaçi ose gazeta në fjalë i'a kanë fut kot,ose,ose që at'herë qenka bërë ndarja e enklavave serbe,përkatësisht ndarja e Kosovës!

[Drini]

Thaçi:Projekti i Qeverisë për decentralizim përfundimisht e ndan Kosovën

Prishtinë, 7 janar (Kosovapress) Time: 10 : 50

Projekti i Qeverisë së Kosovës për decentralizimin është jotransparent për opozitën dhe qytetarët e Kosovës. Ky projekt legalizon enklavat serbe dhe përfundimisht ndan Kosovën, ka thënë për numrin e sotëm të gazetës “Epoka e re” lideri i partisë më të madhe opozitare, PDK, Hashim Thaçi.

Të kthehemi pakë më herët,përkatësisht më 23 Korrik 2004:
Qeveria e Kosovës ka miratuar dje draft-kornizën për reformimin e administratës lokale,gjegjësisht decentralizimin e pushtetit në Kosovë.Ky projekt-kornizë është rezultat i punës së përbashkët të UNMIK-ut dhe Ministrisë së Shërbimeve publike të Qeverisë së Kosovës dhe parasheh miratimin edhe të disa ligjeve shtesë për rregullimin e pushtetit në nivelin lokal.
Sipas zëdhënëses së kryeministrit të Kosovës të Kosovës,Mimoza Kusari,ky projekt dhe ligjet që do ta plotësojnë atë,do të sigurojnë një administaratë dhe qeverisje më të mirë në nivelin lokal dhe në rend të parë do të jetë në funksion të qytetarëve...
Grupi punues për reformat e vetëqeverisjes lokale është krijuar nga Unmik-u dhe institucionet vendore,e ku kanë marrë pjesë edhe përfaqësues të komuniteteve,ata të Asociacionit të Komunave të Kosovës dhe ekspertë ndërkombëtarë nga Këshilli i Evropës,OSBE-së dhe USAID-it.
marrë nga Zëri

Pra,siç po shihet projekti për decentralizim ka zanafillën që nga koha kur kryeministri dhe ministri për shërbime publike ishin nga rradhët e PDK-së dhe i njëjti projekt vazhdon edhe me qeverininë e sotme të Kosovës,andaj ose Thaçi ose gazeta në fjalë i'a kanë fut kot,ose,ose që at'herë qenka bërë ndarja e enklavave serbe,përkatësisht ndarja e Kosovës!

Kur prehen (thern) pasterrmat andej nga katuni, edhe qeneve iu bie hise nga nje cope mishi, mbeturina qe nuk i ha njeriu, kuptohet. I kenaqur nga shija e mire e mishit e me barkun plot, qeni betohet se asnjehere me nu ka per te ngrene m.. Por kur mbaron mishi, qeni perseri me besnikeri i kthehet dietes se vet.

Hashimin dhe PDKn tashti i ka lene taxhia e UNMIKut. Edhe profitet e majme nga tenderet dhe reketimet tashti jane me te vogla, spse me nuk jane faktor, prandaj ata detyrimisht duhet te hane m.. per te mbijetuar. Bile bile, akome me zi se soji i qeneve, ata tashti jane kthyer e po e hane edhe m..... qe e kane bere vet.

Kur PDKejcat ishte ne pushtet, ata lehnin e benin ashtu siq u thoshte patroni, tashti nga opozita jane kthyer e po i lehin bishtit te vet, sikurse ben qeni i stresuar kur harrohet nga i zoti.

[laguna blu]

"Qeni i keq t'a bjen ujkun në torishtë..."

[Llapi]

Nën maskën e decentralizimit përgatitet ndarja e Kosovës-Shkruan Sejdi Veseli





Kësaj radhe do të merrem me njërin nga veprimet antishqiptare, të inicuar nga hegjemonistët serbomëdhenj, të mbështetur fuqimisht nga unmikistanezët, nga disa qarqe brenda Këshillit të Evropës në union me "Ariun" e Sibirit dhe që nuk është duke hasur në kundërshtim të vendosur nga ata, të cilët u mandatuan nga vota e popullit. Ky veprim ia heq " petën lakrorit", dhe ma thotë mendja, është dëshnia më e mirë se është duke na u përsëritur historia. Fjalën e kam për të ashtuquajturin decentralizim të pushtetit, përkatësisht reformimin e "pushtetit"vendor në Kosovë.

Siç dihet, njëra prej temave ndër më të nxehta, e cila flitet dhe përflitet kohëve të fundit, është kërkesa e zëshme e disa qarqeve ndërkombëtare për decentralizimin e pushtetit. Kjo temë ka zënë vend në kreun e axhendave të bisedimeve të "pushtetarëve" vendorë me ndërkombëtarët. Fillimisht kjo temë u përfol në të gjitha mjetet e komunikimit masiv, për të vazhduar koluareve, në vendet e punës dhe në të gjitha familjet shqiptare. Duhet pranuar se decentralizimi, përkatësisht reformimi i pushtetit, paraqet stadin më të zhvilluar të demokracisë së një vendi, natyrisht nëse është eliminuar çdo formë e tij mbi baza etnike.

Në realitet ky farë decentralizimi i "pushtetit," i cili po mëtohet të implementohet në Kosovë, është edhe një veprim eksperimentues, në vazhdën e eksperimentimeve që bën UNMIK-u, edhe ky me prapavi serbe që prejse u instalua në Kosovë. Ky farë decentralizimi nuk është gjë tjetër, pos legjitimim i enklavave serbe. Pra, një ndarje etnike fillimisht në kuadër të Kosovës e pas një kohe jo të largët shkëputja e tyre nga Kosova. Thënë shkurt e shqip, po nuk u kundërshtua me vendosmëri nga të mandatuarit me votën e popullit implementimi i kësaj forme e të ashtuquajturit decentralizim, nuk mund të konsiderohet ndryshe, pos kolaboracion i tyre edhe me Beogradin zyrtar, për realizimin e planeve hegjemoniste serbomëdha për copëzimin e trojeve etnike shqiptare.

Prapavija e këtij i ashtuquajturi decentralizim të "pushtetit"(lexo kantonizim) të Kosovës, për ata të cilët nuk u është errësuar aftësia e gjykimit nga ambiciet e sëmuara karrieriste (kolaboracioniste), duket sheshazi. Pra, kur flitet për decentralizimin e "pushtetit" në Kosovë, dua ta përsëris, nuk mund t'i iket konstatimit se fjala është edhe për një eksperiment të disa qarqeve ndërkombëtare, të disponuara armiqësisht ndaj shqiptarëve.

Të flitet për decentralizimin e një pushteti, i cili de facto dhe de jure, nuk është në duart e të zgjedhurve të popullit me votën e tij të lirë, nuk mund të kuptohet ndryshe, pos si edhe një lojë e ndyrë e projektuar nga disa qarqe ndërkombëtare, të cilat në raport me popullatën shqiptare të Kosovës, vazhdojnë të sillen si kolonizatorë klasikë. Këto plane të disa qarqeve ndërkombëtare nën maskën e decentralizimit të pushtetit, kundërmojnë edhe në diçka tjetër, shumë të pakëndshme për popullin shumicë, si dhe për minoritetet josllave të Kosovës. Deri te një përfundim i tillë nuk lypset ndonjë analizë e thellë, sepse në këtë rast nuk lypset ndonjë dije e lartë shkencore. Mjafton të merren për bazë disa nga veprimet e derisotme të disa segmenteve ndërkombëtare me peshë, të instaluara në Kosovën e pasluftës. Me një analizë edhe sipërfaqësore, do të arrihet në përfundimin se shumica e veprimeve të ndërkombëtarëve ishin të disfavorshme(për të mos thënë diskriminuese) për shqiptarët si popull shumicë dhe për minoritetet josllave, ndërsa shumë të favorshme (për të mos thënë privilegjuese) për minoritetin serb.

Mjerisht, edhe ato kundërshtime sa për sy e faqe të atyre që populli ua dha besimin me votën e tij të lirë që të ndërtojnë institucionet pushtetore dhe t'i prijnë drejt ditëve më të mira, amortizohen në "party-it" e organizuara nga Monarku i atestuar nga "demokracia" ndërkombëtare. Mjerisht, për votën e lirë të popullit, deri në ditët e sotme nëpër këto "party" u arritën shumë kompromise për shumë tema të nxehta, pa i pyetur fare institucionet e formuara nga të zgjedhurit e popullit. Mjerisht, në këto "party" u arritën edhe kompromiset (komplotet) për arrestimin e luftëtarëve të lirisë, natyrisht të atyre që ua turbullojnë ujin. Qeveria Haradinaj këtë temë të nxehtë e mori në trashëgim nga qeveria Rexhepi. Andaj deshi apo nuk deshi, këtë punë të rëndë dhe me "rëndësi" për të ardhmen e popullit të Kosovës duhet ta finalizojë.

Siç dihet, eksperimenti i quajtur decentralizim ishte njëra prej detyrave të shtëpisë, ndër më kryesoret me të cilën duhet të mirret edhe qeveria Haradinaj. Kjo qeveri e mandatuar me votën e popullit, e vendosur që të realizojë të gjitha detyrat që e presin, veçanërisht ato të cilat dalin nga vendimet arbitrare të neokolonizatorëve unmikistanezë, menjëherë ka filluar të punojë me zell për realizimin e këtij eksperimenti unmikistanez, natyrisht si edhe herave tjera të porositur nga Beogradi zyrtar.

Arsyetimet e përfaqësuesve të zgjedhur nga mandati i kaluar, me votën e lirë të popullit të mashtruar, për moskundërshtimin ndaj veprimeve të tilla rrënuese, të cilat vazhdojnë të bëhen ndaj fruteve të luftës çlirimtare të UÇK-së, siç është edhe paralajmërimi për kantonizimin e Kosovës në baza etnike, të kamufluar me gjoja decentralizimin-reformimin e pushtetit, tani për tani kukull e unmikistanit, se gjoja do t'i revoltonin "aleatët", nuk mund të quhen ndryshe pos sybutësi e qyqarëve. Kjo sybutësi të përkujton atë thënien e popullit: "syri i butë ...!"

Si pasojë e sybutësisë së "pushtetarëve" tanë dhe të liderëve të partive të ish-koalicionit qeveritar, Beogradit dhe UNMIK-ut iu krijuan mundësitë që me lehtësi të vazhdojë me zbatimin edhe të këtij eksperimenti antishqiptar.

Duhet ta kuptojmë drejt se tendenca e "mësuesve të mëdhenj" të demokracisë evropiane për decentralizimin e pushtetit, në esencë mëton t'i përforcojë enklavat serbe të krijuara nën kumbarin e tyre, duke ua dhënë edhe formën juridike të domosdoshme për realizimin e kërkesave të tyre hegjemoniste për të përvetësuar dhe ricopëzuar trojet etnike shqiptare. Prandaj është koha e fundit që ata, të cilët fituan besimin e popullit me verdiktin e votës së tij të lirë, të arsyetojnë këtë besim duke u thënë stop, në mënyrë institucionale, me vendosmëri dhe me qartësinë më të madhe, të gjithë autorëve të këtij skenari shumë të rrezikshëm për interesat tona të drejta kombëtare, kushdoqofshin ata.

Kundërshtimi edhe i kësaj tendence të "aleatëve" tanë, qysh tani në nismë, në rend të parë është obligim i atyre që morën besimin e popullit për ta përfaqësuar atë zyrtarisht. Përndryshe, moskundërshtimi dhe mosveprimi i vendosur i tyre, në të ardhmën jo të largët, nuk mund të cilësohet ndryshe, pos tradhti ndaj popullit dhe atdheut. Kundërshtimi i përfaqësuesve shqiptarë dhe i minoriteteve josllave, duhej të jetë i vendosur dhe i argumentuar mirë. Në lidhje me këtë temë ka mjaft argumente të qëndrueshme, si p.sh.: Shefi i parë i misionit të Këshillit Evropian për hartimin dhe implementimin e decentralizimit të pushtetit në Kosovë, ishte "diplomati" italian, Carlo Civiletti.

Ky "diplomat" i një shteti fqinj, përveç tjerash, me siguri ishte i interesuar për të implementuar një eksperiment, të cilin nuk arriti të bëjë për dhjetë vjetët e fundit në vendin e tij. Është e vërtetë se këta "ekspertë" të Këshillit të Evropës nuk posedojnë ndonjë përvojë aq të madhe për projektimin dhe zbatimin e kësaj forme të decentralizimit, të cilën mëtojnë t'ia dhurojnë kosovarëve, edhe pse një eksperiment të ngjashëm e kanë implementuar në Bosnjë dhe Hercegovinë. Pra dihet, se po kolegët e këtyre "ekspertëve", duke e kantonizuar Bosnjë dhe Hercegovinën, arritën ta shndërrojnë këtë vend të dërrmuar nga lufta në një bombë të kurdisur, e cila në çdo moment mund të pëlcasë. Pasojat dihen. Por për këtë "mësuesit" e demokracisë evropiane nuk mërziten fare, se me fajin e tyre mund të rimbytet në gjak dhe zjarr populli i saj i shumëvuajtur. Kryesorja, ata e kryen punën e tyre "humanitare", i thurën vetes lëvdata dhe pasi futën honorare të majme në xhepat e tyre, u kthyen nga kishin ardhur.

Sa nuk është bërë tepër vonë, të gjithë atyre, të cilët po na e imponojnë edhe zbatimin këtij eksperimenti në formë të do farë pilot projekteve në Graçanicë, Zubin Potok dhe Kaçanik, si njërin prej standardeve famoze para statusit të Kosovës, nga ata të cilët janë të mandatuar me votën e popullit, duhet t'u thuhet në formë të prerë, se nuk e kanë pëlqimin e institucioneve që drejtojnë që një eksperiment të tillë ta bëni edhe në Kosovë.

Nuk do të lejojmë që me popullin dhe atëmëmëdheun tonë të bëni eksperimente të tilla, të cilët paraqesin rreziqe me pasoja të paparashikueshme, jo vetëm për Kosovën dhe Ballkanin e mbarsur me shumë probleme, por edhe më gjerë.

Duhet t'u bëhet e qartë edhe këtyre "ekspertëve" për decentralizimin, se nuk mund të flitet për një gjë të tillë, e cila do ta stërngarkonte buxhetin edhe ashtu të brishtë të Kosovës.

Duhet t'u bëhet e qartë edhe këtyre "ekspertëve" për decentralizimin, se nuk mund të flitet për një gjë të tillë, në kohën kur vendorët nuk i kanë kompetencat e plota për të qeverisur me vendin e tyre. Duhet t'u bëhet e qartë edhe këtyre "ekspertëve" për decentralizimin, se kur vendorët do t'i marrin kompetencat dhe përgjegjësitë e plota, për organizimin dhe drejtimin e pushtetit në të gjitha nivelet, me siguri do ta shqyrtojnë edhe mundësinë për decentralizimin e pushtetit. Po erdhën në përfundim se një gjë duhet të bëhet, me siguri këtë punë kaq të ndieshme do ta rregullojnë, së pari juridikisht, duke aplikuar në mënyrë inventive standardet më të larta të demokracisë, gjithnjë në përputhje me kushtet dhe rrethanat e vendit, por kurrën e kurrës mbi baza etnike.

Më: 17 dhjetor 2004 Sejdi Veseli Prishtinë

[laguna blu]

Nën maskën e decentralizimit përgatitet ndarja e Kosovës-Shkruan Sejdi Veseli

Qeveria Haradinaj këtë temë të nxehtë e mori në trashëgim nga qeveria Rexhepi. Andaj deshi apo nuk deshi, këtë punë të rëndë dhe me "rëndësi" për të ardhmen e popullit të Kosovës duhet ta finalizojë.

Si pasojë e sybutësisë së "pushtetarëve" tanë dhe të liderëve të partive të ish-koalicionit qeveritar, Beogradit dhe UNMIK-ut iu krijuan mundësitë që me lehtësi të vazhdojë me zbatimin edhe të këtij eksperimenti antishqiptar.

Më: 17 dhjetor 2004 Sejdi Veseli Prishtinë

Ja kështu ndodhë kur nëshkruhen gjërat për të cilat nuk merrni vesht...Drejtojuni "shokut" Tuaj, Jakup Krasniqi, nëse i kujtohet të ketë nënshkruar gjë me interes për fatet e ( gjysmës së) Atdheut... Apo ishte duke shijuar verën e mirë franceze...?
U shqyet nga fyti duke u lëvdëruar se kini përzënë serbët nga pushteti e nga Kosova e tash po na del se qenkan duke bërë eksperimente me ne...